Dawˬmehˬ 3:5 - Akha

⁵ Meuˬ kʼoeˇ deuˬ dawˬ tawˆ luꞈ-ahˇ goˇ dui dui-eu meuˬ lahˇ gawˬ taˬ-awˇ, meuˬ lahˇ lahˇ kʼehˬ deuˬ ziꞈ dah ni jahˇ taˬ-euˬ meh. Kʼoeˇ uˬ taꞈ, meuˬ lahˇ maˬ baw-eu pu pu ma gʼawˬ mya ni jaˆ-eu meh.

Dawˬmehˬ 3:5 Referans Kwoze

HeˬByehˇ 11:30

Iˇsaˬleˬlaˆ tsawˇ haˬ deuˬ Yeˬliˇkoˇ meuˬ-ahˇ shiꞈ nah cah jawˬ nehˬ ngeh meuˬ lahˇ byaˆ-iˇ-euˬ kʼoeˇ-aˬ, jah-eu jeˬ baˬ da neh meh.

Dawˬmehˬ 1:28

Aˬ jeˬ miˇ neh kʼoeˇ gaˇ le-eu ehˇ te. Nga maꞈ guˆ dui dui nya. Kʼoeˇ gaˇ jawˇ-eu tsawˇ haˬ deuˬ-aˬ, aˬ dui maꞈ naˆ maˬ tseˇ goˇ dzehˬ-awˇ, gʼaˬ kʼaˆ dzehˬ-eu uˬ taꞈ, mˬ-ahˇ tuˆ ni meuˬ meuˬ lahˇ gawˬ taˬ-euˬ meuˬ deuˬ laꞈ kʼoeˇ jawˇ-eu meh lehˇ, aˬ dui maꞈ neh bi kʼoeˬ sho haw leˇ-euˬ tsawˇ haˬ deuˬ tsaꞈ gaˬ le-euˬ maˬ ngeuˇ-a loˇ. Huiˬ dui goˇ dui dui-eu tsawˇ haˬ deuˬ-ahˇ aˬ yawꞈ maꞈ mawˇ yaꞈ-euˬ ma lehˇ ehˇ-eu maˬ ngeuˇ-a loˇ’ lehˇ naw maꞈ ehˇ-eu meh.

Bawˇtsahˬ 13:28

Ehˇ kʼawꞈ, kʼoeˇ gaˇ jawˇ-eu tsawˇ haˬ deuˬ gʼaˬ kʼaˆ dui dui-awˇ, aˬ yawꞈ maꞈ-euˬ meuˬ deuˬ kʼawꞈ, huiˬ dui dui-awˇ, meuˬ meuˬ lahˇ yaw muiˬ paˬ-ehˇ gawˬ ziꞈ taˬ-euˬ meh. Kʼoeˇ naˆ tehꞈ-ehˇ maˬ ngeuˇ ni, huiˬ dui goˇ dui dui-eu tsawˇ haˬ deuˬ-euˬ zaˬ deuˬ uˆ deuˬ kʼawꞈ kʼoeˇ gaˇ jawˇ luꞈ gaˇ ya mawˇ-euˬ ma.

Dawˬmehˬ 3:4

Kʼoeˇ ngeh, aˬ yawꞈ maꞈ-euˬ meuˬ koꞈ tseˇ meuˬ, tiˬ meuˬ-iˬ maˬ bi dzeuˇ-iˇ ni aˬ dui maꞈ deuˆ geuꞈ-awˇ, Baˬshaˬ meuˬ-ahˇ jawˇ-eu sahˬ paˬ Awˇgaˆ uˆ lahˇ-eu Aˬgawˆ miˇ kʼahˬ kʼahˬ lah ni aˬ dui maꞈ deuˆ za-euˬ ma.

Dawˬmehˬ 3:6

Heˬshaˬboˬ meuˬ-ahˇ jawˇ-eu sahˬ paˬ Siˇhoˬ-euˬ meuˬ deuˬ-ahˇ aˬ dui neh jahˇ nehˬ-euˬ loꞈ-ehˇ, aˬ yawꞈ maꞈ-euˬ meuˬ dawˬ tawˆ luꞈ-ahˇ laˆ luˬ laˆ seˇ nehˬ-awˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, zaˬ maˬ ehˇ, dawˬ tawˆ luꞈ-ahˇ sehꞈ jiˇ nehˬ-euˬ ma.

1 Saˬmeuˬlaˆ 6:18

Meuˬ meuˬ lahˇ yaw muiˬ paˬ-ehˇ gawˬ ziꞈ taˬ-euˬ meuˬ deuˬ maˬ ehˇ, meuˬ meuˬ lahˇ maˬ baw-eu pu deuˬ maˬ ehˇ, Piˇliˇtiˆ sahˬ paˬ ngaˬ gʼaˬ kʼaˇ uˆ lahˇ luꞈ-eu meuˬ aˬ yawꞈ meuˬ yawꞈ-euˬ dah zaˇ mawˇ kawˇ tiˬ kawˇ doˇ-ehˇ, shuiˇ ho caꞈ mawˇ kawˇ deuˬ kʼawꞈ, aˬ yawꞈ maꞈ biꞈ gʼeh-euˬ meh. Behˬsheˬmehˇ meuˬ-ahˇ jawˇ-eu Yawˇshuˆ-euˬ deh yaˇ-ahˇ jaˆ-eu, aˬ yawꞈ maꞈ neh Dawˬ ma saˇ jaˇ Bahˬ keuˆ baꞈ daˆ taˬ-euˬ kʼaˬ lo lo ma kʼoeˇ siˬ, iˬ nah keuˆ ni kʼoeˇ gaˇ jaˆ luꞈ-awˇ, pyeuꞈ dzeuˇ yaꞈ-euˬ gaˇ kawˆ kʼoeˇ-euˬ saˇ kiˇ loꞈ-ehˇ pyeuꞈ-eu meh.

Neˬhaˬmiˇ 9:25

Ziꞈ-eu meuˬ deuˬ hawˇ-eu muiˬ-eu miˇ tsaˬ maˬ ehˇ, pyuˇ shuiˇ byah-eu nymˇ deuˬ hawˇ-eu duˬ gʼaˬ taˬ-euˬ lah duˬ maˬ ehˇ, Saˬloˬ aˇ bawˇ, aˇ siˬ aˇ bawˇ, aˬ gaꞈ yaˇ kmˇ maˬ ehˇ, nawˬ-euˬ tsawˇ jeuˬ deuˆ za-euˬ meh. Aˬ yawꞈ maꞈ kʼaˇ dzaˬ mawꞈ-eu jeˬ dzaˬ-awˇ tsuˇ laˇ-euˬ meh. Nawˬ neh biꞈ-euˬ muiˬ-eu guiˬ lahˬ deuˬ-ahˇ, aˬ yawꞈ maꞈ laˬ kʼaˬ cehˇ dui dui-euˬ meh.

Iˇsaˬtaˆ 9:19

Kʼoeˇ miˇ neh, meuˬ yaw nyiˇ deuˬ-ahˇ jawˇ-eu Yuˇdaˆ tsawˇ haˬ deuˬ-aˬ, Aˬdaˬlaˬ ba la tseˇ oeˬ nah tiˬ nah-ahˇ laˬ kʼaˬ cehˇ-awˇ lah-eu daw-eu aˇ nah lehˇ sawˇ taˬ-awˇ, dzaˬ byawˬ dawˇ byawˬ byawˬ-awˇ, tiˬ gʼaˬ tiˇ gʼaˬ dzaˬ dzaˬ dawˇ dawˇ laꞈ sawˬ biꞈ-euˬ meh.