Dawˬmehˬ 3:10 - Akha

¹⁰ Baˬshaˬ meuˬ-ahˇ jawˇ-eu sahˬ paˬ Awˇgaˆ-euˬ miˇ kʼahˬ dawˬ tawˆ luꞈ-ahˇ aˬ dui maꞈ deuˆ za-euˬ ma. Miˇ kʼahˬ kʼoeˇ-aˬ, yaw goˇ-ahˇ jaˆ-eu deh saˇ kʼoeˇ taˆ tsoˆ taˬ-euˬ meuˬ deuˬ, Giˇlaˆ hawˇ-eu Baˬshaˬ gahˬ kaˬ nahˇ ma doˆ kʼehˬ paw jaˆ saˬ saˬ-iˇ-euˬ Saˬleˇkaˬ hawˇ-eu Eˬdiˇliˇ meuˬ-ahˇ keuˆ ni meh.”

Dawˬmehˬ 3:10 Referans Kwoze

Yawˇshuˆ 13:31

Miˇ kʼahˬ kʼoeˇ kʼahˬ laꞈ kʼoeˇ, Giˇlaˆ miˇ kʼahˬ tiˬ paˆ paˆ maˬ ehˇ, Aˬshaˇtaˬyoˇ meuˬ hawˇ-eu Eˬdiˇliˇ meuˬ maˬ ehˇ, Awˇgaˆ-euˬ miˇ kʼahˬ pyeuꞈ-eu Baˬshaˬ miˇ kʼahˬ laꞈ kʼoeˇ jaˆ-eu meuˬ meuˬ ma deuˬ maˬ ehˇ, ahˇ leˇ taˬ-euˬ meh. Miˇ kʼahˬ heu deuˬ dawˬ tawˆ luꞈ, Maˬnaˇseˬ-euˬ aˬ li Maˬkiˬlaˇ-euˬ zaˬ deuˬ uˆ deuˬ tiˬ paˆ-ahˇ biꞈ nehˬ-euˬ meh.

Dawˬmehˬ 4:49

Laꞈ oˆ paw Shiˇ-eu Iˬ ma laˆ shaˆ-ahˇ neh aˇ dahˬ beh-awˇ, nahˇ ma doˆ kʼehˬ paw Piˇsaˬgaˬ gawˬ jawˬ-ahˇ keuˆ ni Yawˇdaˬ lawˇ baˬ-euˬ nahˇ ma doˆ kʼehˬ paw jaˆ-eu gahˬ kaˬ kʼoeˇ deuˬ kʼawꞈ, miˇ kʼahˬ kʼoeˇ kʼahˬ-ahˇ taꞈ-euˬ meh.

Bawˇtsahˬ 21:33

Kʼoeˇ naˇ, Iˇsaˬleˬlaˆ tsawˇ haˬ deuˬ Baˬshaˬ meuˬ paw le-eu gaˇ ma caw caw-ehˇ le-euˬ meh. Baˬshaˬ sahˬ paˬ Awˇgaˆ hawˇ-eu aˬ yawꞈ-euˬ guiˇ maꞈ deuˬ Iˇsaˬleˬlaˆ tsawˇ haˬ deuˬ-ahˇ Eˬdiˇliˇ meuˬ-ahˇ guiˇ deuˆ le-eu lehˇ oe-euˬ meh.

Dawˬmehˬ 4:43

Luˇbeˬ tsawˇ jeuˬ gʼaˇ duˬ, bawˇ tsahˬ bawˇ dahˇ deh ga yaw goˇ-ahˇ jaˆ-eu Beˬzeˬlaˇ meuˬ meh. Gaˆ tsawˇ jeuˬ gʼaˇ duˬ, Giˇlaˆ miˇ kʼahˬ-ahˇ jaˆ-eu Laˬmoˆ meuˬ meh. Maˬnaˇseˬ tsawˇ jeuˬ gʼaˇ duˬ, Baˬshaˬ miˇ kʼahˬ-ahˇ jaˆ-eu Goˬlaˬ meuˬ meh.

Yawˇshuˆ 13:16

Aˬ yawꞈ maꞈ-euˬ miˇ kʼahˬ-aˬ, Aˬnoˬ deh kʼawꞈ uˬ gʼmˬ-ahˇ jaˆ-eu Aˬyawˬ meuˬ-ahˇ neh, deh kʼawꞈ kʼoeˇ kʼawꞈ-euˬ gʼahˇ ceh jaˆ-eu meuˬ hawˇ-eu, Meˬdiˇbaˬ meuˬ jawˬ lawˬ jawˇ lawˇ-ehˇ, yaw goˇ-ahˇ jaˆ-eu deh saˇ dawˬ tawˆ luꞈ meh.

1 Laˬsaˬbaˬ 5:11

Gaˆ-euˬ tsawˇ jeuˬ-aˬ, Luˇbeˬ tsawˇ jeuˬ jawˇ-eu laꞈ taˆ paw pyawˬ-ahˇ jaˆ-eu Baˬshaˬ miˇ kʼahˬ-ahˇ jawˇ-awˇ, nahˇ ma doˆ kʼehˬ paw Saˬleˇkaˬ meuˬ-ahˇ keuˆ ni jawˇ keuˆ-euˬ meh.

Yawˇshuˆ 13:30

Aˬ yawꞈ maꞈ-euˬ miˇ kʼahˬ-aˬ, Maˬhaˬneˬ-ahˇ neh aˇ dahˬ beh-awˇ, Baˬshaˬ sahˬ paˬ Awˇgaˆ-euˬ miˇ kʼahˬ pyeuꞈ-eu Baˬshaˬ miˇ kʼahˬ kʼahˬ lah ni maˬ ehˇ, Baˬshaˬ miˇ kʼahˬ laꞈ kʼoeˇ jaˆ-eu Yaˬiˇlaˆ-euˬ pu koꞈ tseˇ pu maˬ ehˇ, ahˇ leˇ taˬ-euˬ meh.

1 Sahˬpaˬ 4:13

Beˬgeˬbeuˬ-aˬ, Giˇlaˆ miˇ kʼahˬ Laˬmoˆ meuˬ, Giˇlaˆ miˇ kʼahˬ-ahˇ jaˆ-eu Maˬnaˇseˬ-euˬ zaˬ deuˬ uˆ deuˬ pyeuꞈ-eu Yaˬiˇlaˆ aˇ jeuˬ aˇ ca deuˬ jawˇ-eu pu deuˬ hawˇ-eu, Baˬshaˬ miˇ kʼahˬ-ahˇ jaˆ-eu Aˬgawˆ gahˬ kaˬ ahˇ leˇ-ehˇ, meuˬ meuˬ lahˇ yaw muiˬ paˬ-ehˇ gawˬ ziꞈ taˬ-awˇ, lahˇ kʼehˬ-ahˇ guiˬ shuiˇ laˇ gʼoˆ jahˇ ahˇ taˬ-euˬ meuˬ meuˬ ma koꞈ tseˇ meuˬ-ahˇ haw-eu pyaˆ-eu gʼaˬ geuꞈ-euˬ meh.