Dawˬmehˬ 29:5 - Akha

⁵ Oeˬ tseˇ kʼoꞈ keuˆ ni bawˇ tsahˬ bawˇ dahˇ laꞈ kʼoeˇ Sahˬpaˬ Miˬyehˇ naw maꞈ-ahˇ sheuˬ gʼeh-euˬ meh. Ehˇ kʼawꞈ, naw maꞈ-euˬ mehˬ tsoeˬ maˬ cehˇ-iˇ-ehˇ, naw maꞈ-euˬ sehˬ nawˆ maˬ pyaˬ-iˇ-aˬ.

Dawˬmehˬ 29:5 Referans Kwoze

Dawˬmehˬ 8:4

Aˇ kʼoꞈ kʼoeˇ oeˬ tseˇ kʼoꞈ laꞈ kʼoeˇ naw maꞈ-euˬ mehˬ tsoeˬ maˬ cehˇ-iˇ-euˬ uˬ taꞈ, naw maꞈ-euˬ aˬ kuiˇ kʼawꞈ maˬ puˬ laˇ-aˬ.

Neˬhaˬmiˇ 9:21

Kʼaˇ shuiꞈ deh yaˇ-ahˇ oeˬ tseˇ kʼoꞈ cah ngeh, kʼaˇ loˬ-eu jeˬ nawˇ biꞈ nehˬ-awˇ, dm gʼaˬ dm lmˇ maˬ ya shaˬ-eu uˬ taꞈ, aˬ kuiˇ puˬ laˇ naˇ laˇ-euˬ maˬ jaˆ-a.

Dawˬmehˬ 8:2

Naw maꞈ-euˬ nui ma-ahˇ ya mawˇ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ naw maꞈ caw teh-eu hawˇ-eu maˬ caw teh-eu ya siˬ-eu gʼaˇ duˬ, dzeuˇ laˇ-euˬ oeˬ tseˇ kʼoꞈ laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ bawˇ tsahˬ bawˇ dahˇ laꞈ kʼoeˇ gʼawˬ myahˇ ni sheuˬ sheuˬ-ehˇ cah-awˇ, naw maꞈ kʼoeˇ taˆ shaˬ-eu zahˬ-eu jeˬ bi keuˆ le-eu laꞈ kʼoeˇ lawˬ haw-euˬ gaˇ noeˬ keuˆ-awˬ.

Maꞈtehˬ 10:10

Pehˇ tahˬ maˬ ehˇ, pehˇ kʼahˬ hawˇ-eu sehˬ nawˆ aˇ dzehˬ maˬ ehˇ, gawˬ yoeˬ maˬ ehˇ, yuˇ gʼeh-eu maˬ loˬ-a. Aˬ jeˬ miˇ neh ehˇ naˇ, gaˇ mˇ-eu tsawˇ haˬ-aˬ, yawˬ ha kʼaˇ loˬ-eu jeˬ za geuˇ-eu meh.

Dawˬmehˬ 1:3

Iˇjiˇtuˆ miˇ kʼahˬ laꞈ kʼoeˇ neh aˬ yawꞈ maꞈ doˆ le-euˬ oeˬ tseˇ kʼoꞈ tiˬ kʼoꞈ, ba la tseˇ tiꞈ siˬ tiˬ siˬ, tseˇ tiꞈ nah tiˬ nah-ahˇ, Iˇsaˬleˬlaˆ tsawˇ haˬ deuˬ-ahˇ bi ehˇ nehˬ-eu gʼaˇ duˬ, Sahˬpaˬ Miˬyehˇ neh dawˬ kʼaˇ biꞈ taˬ-euˬ jeˬ dawˬ tawˆ luꞈ, aˬ yawꞈ maꞈ-ahˇ Moˇseˬ ehˇ nehˬ-euˬ meh.

Yawˇshuˆ 9:13

Shaˬ kʼoˆ pehˇ zeuˇ heu deuˬ kʼawꞈ, aˬ gaꞈ dzaˇ uiˇ dawˆ ahˇ ngeh shuiꞈ teˇ poˬ ni gʼeh-eu ma. Ehˇ kʼawꞈ, nymˬ-mˇ pyaˬ-iˇ jiˇ-euˬ meh. Gaˇ ma gʼawˬ myahˇ ni ya doˆ le-euˬ miˇ neh, nga maꞈ-euˬ mehˬ tsoeˬ hawˇ-eu sehˬ nawˆ kʼawꞈ pyaˬ-iˇ jiˇ-euˬ ma.”

Yawˇshuˆ 9:5

Aˬ yawꞈ maꞈ mehˬ tsoeˬ yaw pyaˬ dm-awˇ, guꞈ tmˇ taˬ-euˬ sehˬ nawˆ nawˆ cehˇ nawˆ-euˬ meh. Aˬ yawꞈ maꞈ yuˇ leꞈ-euˬ dzaˬ dzaˬ dawˇ dawˇ deuˬ-aˬ, koˆ kaˆ ni gʼeh-awˇ, hmˇ tsi tsi leˇ taˬ-euˬ meh.

Doˆ-iˇ 7:7

Sahˬ paˬ kʼoeˇ gʼaˬ-ahˇ aˬ yawꞈ nyaꞈ dawˬ ngehˬ cawˬ ngeh, Moˇseˬ-euˬ aˇ kʼoꞈ yehꞈ tseˇ kʼoꞈ jaˆ-awˇ, Aˬloˬ-euˬ aˇ kʼoꞈ yehꞈ tseˇ smˇ kʼoꞈ jaˆ-eu meh.

Bawˇtsahˬ 14:33

Naw maꞈ tiˬ gʼaˬ-iˬ maˬ dzeˇ-ehˇ shiˇ jiˇ ngeh keuˆ ni, oeˬ tseˇ kʼoꞈ keuˆ ni naw maꞈ-euˬ zaˬ deuˬ bawˇ tsahˬ bawˇ dahˇ laꞈ kʼoeˇ cah cah-ehˇ ya jawˇ tehꞈ-a. Naw maꞈ saˇ jaˇ maˬ jawˇ-eu baˬ da neh aˬ yawꞈ maꞈ kʼoeˇ loꞈ-ehˇ ya daˬ tehꞈ-a.

Doˆ-iˇ 6:7

Naw maꞈ-ahˇ ngaˬ-euˬ tsawˇ haˬ bi pyeuꞈ laˇ-awˇ, ngaˇ-aˬ, naw maꞈ-euˬ Miˬ yehˇ pyeuꞈ ma. Iˇjiˇtuˆ miˇ kʼahˬ-ahˇ aˬ cawˬ zaˬ kʼaˆ ya geuꞈ-eu laꞈ kʼoeˇ ngaˇ naw maꞈ-ahˇ bi buˬ-iˇ ngeh, ngaˇ-aˬ naw maꞈ-euˬ Sahˬpaˬ Miˬyehˇ pyeuꞈ-eu naw maꞈ ya siˬ tehꞈ-a.

Dawˬmehˬ 8:3

Aˬ yawꞈ naw maꞈ-ahˇ bi mehꞈ bi shuꞈ-awˇ, naw maꞈ hawˇ-eu naw maꞈ-euˬ aˬ poeˬ aˬ bawˇ deuˬ tiˬ jawˇ-iˬ maˬ ya dzaˬ haw-euˬ maˬ naˆ kaˬ muˇ naw maꞈ-ahˇ aˬ yawꞈ bi dzaˬ-euˬ meh. Dzaˬ-eu dawˇ-eu jeˬ -ahˇ tehꞈ-ehˇ gʼoe-awˇ tsawˇ haˬ zaˬ yaw dehꞈ ya dehꞈ-eu maˬ ngeuˇ-a. Ehˇ kʼawꞈ, Sahˬpaˬ Miˬyehˇ neh kʼaˇ ngehˬ kʼaˇ tmˇ-euˬ jeˬ baˬ da neh tsawˇ haˬ zaˬ yaw dehꞈ ya dehꞈ-eu gaˇ kawˆ naw maꞈ-ahˇ mehˬ nehˬ tsoˆ nehˬ mawꞈ-euˬ miˇ neh, aˬ yawꞈ kʼoeˇ loꞈ-ehˇ mˇ mehˬ-euˬ meh.

Jaceuq 78:24

Aˬ yawꞈ maꞈ jawˇ gaˇ maˬ naˆ kaˬ muˇ bi ga le-eu laꞈ kʼoeˇ, mˬ taˆ-euˬ cehˇ aˬ yawꞈ maꞈ-ahˇ bi dzaˬ-euˬ meh.