Dawˬmehˬ 28:54 - Akha

^54-55 Naw maꞈ laꞈ kʼoeˇ aˬ cawˬ naˆ maˬ tseˇ ya dzaˬ ya dawˇ-awˇ, nahˇ tsaˇ maˬ lawꞈ ni shaˬ jiˇ nahˬ yu ni jawˇ-eu tsawˇ haˬ deuˬ kʼawꞈ, muiˇ-eu deuˬ neh meuˬ-ahˇ jawˬ lahˇ taˬ-euˬ miˇ neh, dzaˬ-eu maˬ jaˆ-ehˇ li laˇ taˬ-awˇ, yawˬ ha-euˬ zaˬ deuˬ-euˬ shaˬ jiˇ ya dzaˬ gaˇ keuˆ tehꞈ-a. Aˬ yawꞈ kʼoeˇ loꞈ-ehˇ dzaˬ ngeh, aˬ yawꞈ-euˬ mehˇ nmˇ-ahˇ maˬ ehˇ, aˬ yawꞈ gaˬ-eu aˬ yawꞈ-euˬ miˬ zaˬ-ahˇ maˬ ehˇ, dzeˇ luꞈ-eu aˬ yawꞈ-euˬ zaˬ deuˬ-ahˇ maˬ ehˇ, maˬ bi dzaˬ mawꞈ gaˇ keuˆ ni tsawˇ tsiˇ tsiˇ tehꞈ-a.

Dawˬmehˬ 28:54 Referans Kwoze

Maꞈtehˬ 20:15

Ngaˬ-euˬ pyuˇ ngaˇ noeˬ-euˬ loꞈ-ehˇ maˬ biꞈ kʼmˬ ta loˇ. Ngaˇ aˬ cawˬ-ahˇ gʼawˬ mya ni biꞈ mawꞈ-eu nui ma ahˇ gaˇ naw maꞈ myaˆ naˆ-eu nya loˇ’ lehˇ ehˇ nehˬ-euˬ meh.

Dawˬmehˬ 15:9

Dziˇ dzoˆ ya byehˇ-eu aˇ kʼoꞈ pyeuꞈ-eu shiꞈ kʼoꞈ tiˬ kʼoꞈ keuˆ le-eu dawˬ peh peh laˇ-euˬ miˇ neh, aˬ yawꞈ-ahˇ tiˬ jeˬ paˬ maˬ ngaˬ maˬ paˇ nehˬ mawꞈ-eu nui ma taˬ bi jaˆ. Kʼoeˇ loꞈ-ehˇ gʼeh-eu maˬ tsaˬ maˬ dawˇ-eu nui noeˬ naw maꞈ laꞈ kʼoeˇ taˬ bi ahˇ. Naw maꞈ maˬ ngaˬ maˬ paˇ nehˬ ni jawˇ naˇ, naw maꞈ-euˬ gaˇ kawˆ Sahˬpaˬ Miˬyehˇ-ahˇ aˬ yawꞈ ngoeˇ haw nehˬ-awˇ, naw maꞈ kʼoeˇ taˆ iˬ baˇ jaˆ laˇ tehꞈ-a.

Dawˬmehˬ 13:6

“Nawˇ hawˇ-eu nawˬ-euˬ aˬ poeˬ aˬ bawˇ deuˬ tiˬ jawˇ-iˬ uˬ duˬ maˬ tahˬ haw-euˬ miˬ yehˇ nui deuˬ-ahˇ nawˇ uˬ duˬ tahˬ ni, nawˬ-euˬ aˬ buˇ aˬ li, nawˇ gaˬ-eu nawˬ-euˬ miˬ zaˬ hawˇ-eu, nawˬ-ahˇ gʼoeˇ dui dui-eu nawˬ-euˬ cawˬ deuˬ kʼawꞈ, nawˬ-ahˇ ciˬ cuˇ ni gʼaˬ kʼoeˬ biꞈ nehˬ laꞈ tehꞈ-a.

Miˇkaˬ 7:5

Yawˬ ha-euˬ cawˬ deuˬ-ahˇ taˬ jah. Yawˬ ha-ahˇ gʼoeˇ dui dui-eu deuˬ-ahˇ gʼaˬ taˬ huiˬ. Yawˬ ha-euˬ miˬ zaˬ-ahˇ dawˬ ngehˬ cawˬ ngeh kʼawꞈ, yaw kʼaˆ kʼaˆ-ehˇ yahˇ-awˇ ngehˬ cawˬ-awˬ.

Iˇsaˬyaˇ 49:15

Kʼoeˇ miˇ neh Sahˬpaˬ Miˬyehˇ heu loꞈ-ehˇ ehˇ-eu meh. “Aˬ ma tiˬ gʼaˬ yawˬ ha-euˬ aˬ coeˇ dawˇ zaˬ-ahˇ ngehˇ-awˇ, yawˬ ha neh baw-euˬ zaˬ-ahˇ maˬ gaˬ ni jawˇ coeˇ ta loˇ. Aˬ ma zaˬ-ahˇ ngehˇ gaˇ keuˆ kʼawꞈ, naw maꞈ-ahˇ ngaˇ maˬ ngehˇ.

Dawqdaq 28:22

Nui kʼahˇ huiˬ-eu tsawˇ haˬ smˇ muiˬ muiˬ laˇ ni leh jeh dui dui-awˇ, yawˬ ha shaˬ le zahˬ le-eu gaˇ kawˆ-ahˇ maˬ noeˬ mawˇ nya-a.

Dawqdaq 23:6

Tsawˇ tsiˇ-euˬ hawˬ jeh-ahˇ hawˬ jawˬ taˬ jawˬ leˇ. Aˬ yawꞈ neh shaˇ dahˇ taˬ-euˬ dzaˇ yaw kuiˇ-ahˇ nui kʼahˇ taˬ jaˆ.

Jaceuq 103:13

Aˬ da zaˬ-ahˇ gaˬ-euˬ loꞈ-ehˇ, aˬ yawꞈ-ahˇ taˬ huiˬ-eu tsawˇ haˬ deuˬ-ahˇ Sahˬpaˬ Miˬyehˇ gaˬ-eu meh.

2 Saˬmeuˬlaˆ 12:3

Ehˇ kʼawꞈ, iˇ shaˬ iˇ taw gʼaˬ-aˬ, yawˇ zaˬ tiˬ mawˇ tehꞈ-ehˇ zeuˇ-awˇ cu luꞈ-eu meh. Yawˇ kʼoeˇ mawˇ-ahˇ aˬ yawꞈ yaw muiˬ paˬ-ehˇ bo saˆ-awˇ, aˬ yawꞈ-euˬ nymˇ laꞈ kʼoeˇ, aˬ yawꞈ-euˬ zaˬ deuˬ nehˬ-ehˇ tiˬ kawˆ loꞈ-ehˇ jawˇ jawˇ-ehˇ huiˬ laˇ luꞈ-eu meh. Yawˇ kʼoeˇ mawˇ-ahˇ aˬ yawꞈ dzaˬ-eu dzaˇ bi dzaˬ-eu uˬ taꞈ, aˬ yawꞈ dawˇ-eu iˇ cuꞈ naˬ bo-ahˇ iˇ cuꞈ bi dawˇ-awˇ, aˬ yawꞈ-euˬ bawˇ kʼahˇ-ahˇ ciˬ ahˇ-awˇ bo saˆ-euˬ meh. Yawˇ kʼoeˇ mawˇ-aˬ, aˬ yawꞈ gʼaˇ duˬ aˬ buˇ tiˬ buˇ-ahˇ duˇ-eu meh.

Maꞈtehˬ 11:8

Maˬ ngeuˇ naˇ, aˬ jeˬ-ahˇ haw-iˇ-eu lehˇ iˇ teˬ. Muiˬ dui dui-eu mehˬ tsoeˬ dm luꞈ-eu tsawˇ haˬ-ahˇ haw-iˇ teˬ loˇ. Kʼoeˇ loꞈ-ehˇ gʼeh-eu mehˬ tsoeˬ dm-eu tsawˇ haˬ-aˬ, sahˬ paˬ-euˬ hawˇ nymˇ-ahˇ jawˇ-eu maˬ ngeuˇ-a loˇ.

Dawˬmehˬ 28:53

“Naw maꞈ-euˬ meuˬ deuˬ-ahˇ muiˇ-eu deuˬ neh bi jawˬ lahˇ taˬ ngeh, nawˇ dzaˬ-eu maˬ jaˆ-ehˇ pyeuꞈ-iˇ-awˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh nawˬ-ahˇ biꞈ taˬ-euˬ nawˬ buˇ nawˬ li deuˬ-euˬ shaˬ jiˇ nawˇ ya dzaˬ gaˇ keuˆ tehꞈ-a.