Dawˬmehˬ 28:41 - Akha

⁴¹ Nawˇ aˬ buˇ aˬ li jawˇ kʼawꞈ, muiˇ-eu deuˬ guiˇ deuˆ le-awˇ bi nyehꞈ geuꞈ gʼeh-eu miˇ neh, aˬ buˇ aˬ li maˬ jawˇ ni pyeuꞈ-iˇ tehꞈ-a.

Dawˬmehˬ 28:41 Referans Kwoze

Dawˬmehˬ 28:32

Nawˬ-euˬ aˬ buˇ aˬ li deuˬ-ahˇ, boeˇ miˬ shiˬ kʼaˬ deuˬ-euˬ zaˬ kʼaˆ bi geuꞈ-eu gʼaˇ duˬ biꞈ nehˬ gaˇ, nawˇ haw haw-ehˇ ya jawˇ tehꞈ-a. Aˬ yawꞈ nah yawꞈ, myaˆ nui gʼah dui dui laˇ ngeh keuˆ ni, nawˬ buˇ nawˬ li gʼoꞈ laˇ-eu baw le lehˇ nawˇ loꞈ-awˇ haw haw-ehˇ jawˇ kʼawꞈ, tiˬ jawˇ-iˬ gʼoꞈ laˇ-eu ma baw-aˇ.

Ngoeˇ dawˬ 1:5

Iˬ baˇ mˇ dui dui-euˬ miˇ neh, Sahˬpaˬ Miˬyehˇ yawꞈ-ahˇ kʼehˬ-awˇ, muiˇ-eu deuˬ gʼaˬ bi kʼaˆ laˇ-awˇ, yawꞈ-euˬ kʼoeˇ taˆ bi dzoeˬ-euˬ meh. Yawꞈ-euˬ aˬ buˇ aˬ li deuˬ-ahˇ, muiˇ-eu deuˬ nyehꞈ byoˆ gʼeh-euˬ meh.

2 Sahˬpaˬ 24:14

Sahˬ paˬ-euˬ aˬ li dawˬ tawˆ luꞈ hawˇ-eu, aˬ yuiꞈ aˬ tsu dawˬ tawˆ luꞈ ahˇ leˇ-ehˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ tiˬ muiˇ gʼaˬ-ahˇ, Neˬbuˬkaˬneˬzaˬ nyehꞈ gʼeh-euˬ meh. Ba jiˬ hawˇ-eu laꞈ myawˬ laꞈ sawˆ kʼaˇ nya-eu tsawˇ haˬ dawˬ tawˆ luꞈ-ahˇ kʼawꞈ, aˬ yawꞈ neh nyehꞈ gʼeh-awˇ, yaw shaˬ zaˬ deuˬ tehꞈ-ehˇ Yuˇdaˆ miˇ kʼahˬ laꞈ kʼoeˇ bi jawˇ yaꞈ-euˬ meh.

2 Laˬsaˬbaˬ 28:8

Yuˇdaˆ tsawˇ haˬ deuˬ-aˬ, Iˇsaˬleˬlaˆ tsawˇ haˬ deuˬ-euˬ aˬ yuiꞈ aˬ nyiˇ pyeuꞈ kʼawꞈ, zaˬ miˬ zaˬ nyiˬ seh gʼaˬ hawˇ-eu zaˬ deuˬ-ahˇ Iˇsaˬleˬlaˆ tsawˇ haˬ deuˬ nyehꞈ kʼoꞈ gʼeh-awˇ, pyuˇ shuiˇ myawˬ gahˬ deuˬ kʼawꞈ gʼawˬ mya ni yuˇ kʼoꞈ geuꞈ gʼeh-euˬ meh.

Ngoeˇ dawˬ 1:18

“Sahˬpaˬ Miˬyehˇ tsaˬ meh dawˇ meh. Yawꞈ-euˬ dawˬ-ahˇ ngaˇ puiˬ-euˬ ma. Tsawˇ haˬ dawˬ tawˆ luꞈ naˇ haˬ sheˇ. Ngaˇ daˬ luꞈ-eu jeˬ-ahˇ haw sheˇ. Ngaˬ li ngaˬ buˇ zaˬ guˬ dawˬ tawˆ, aˬ cawˬ neh nyehꞈ gʼeh jiˇ-euˬ meh.

Iˇsaˬyaˇ 65:23

Aˬ yawꞈ maꞈ neh kʼaˇ mˇ-euˬ jeˬ guiˬ lahˬ baw-awˇ, aˬ yawꞈ maꞈ-euˬ zaˬ deuˬ shaˬ zahˬ maˬ ya mˇ-a. Aˬ yawꞈ maꞈ hawˇ-eu zaˬ deuˬ uˆ deuˬ-ahˇ, mˬ maˬ maˬ byaˆ zaˇ ziˇ ngaˇ guiˬ lahˬ biꞈ nehˬ ma.

Daˬyeˬlaˇ 1:3

Iˇsaˬleˬlaˆ miˇ kʼahˬ-ahˇ neh nyehꞈ kʼoꞈ laꞈ-euˬ tsawˇ haˬ deuˬ laꞈ kʼoeˇ, sahˬ paˬ aˇ jeuˬ hawˇ-eu yaw huiˬ yaw mahˇ aˇ jeuˬ zaˬ guˬ heu myaˆ gʼaˬ tseˇ doˆ-eu gʼaˇ duˬ, sahˬ paˬ-euˬ gaˇ mˇ-eu yaw huiˬ yaw mahˇ deuˬ laꞈ kʼoeˇ aˬ cawˬ naˆ maˬ tseˇ huiˬ-eu gʼaˬ pyeuꞈ-eu Aˬshaˇpeˬnaˆ-ahˇ, sahˬ paˬ dawˬ biꞈ-euˬ meh.

Miˇkaˬ 1:16

Yuˇdaˆ miˇ kʼahˬ zaˬ deuˬ-oˇ, naw maꞈ gaˬ-eu aˬ buˇ aˬ li deuˬ gʼaˇ duˬ tsawˇ ngoeˇ ngoeˇ-eu laꞈ kʼoeˇ naw maꞈ-euˬ uˬ duˬ tsehˇ kʼahˇ tehˬ cuˬ-awˇ, kʼaˬ dzeˇ jeˬ shiˇ loꞈ-ehˇ uˬ duˬ neˇ leuꞈ ni bi pyeuꞈ-iˇ-awˬ. Aˬ jeˬ miˇ neh ehˇ naˇ, naw maꞈ-euˬ aˬ buˇ aˬ li deuˬ aˬ cawˬ miˇ kʼahˬ-ahˇ bi nyehꞈ byoˆ gʼeh tehꞈ-a.