Dawˬmehˬ 28:25 - Akha

²⁵ “Nawˬ-ahˇ muiˇ-eu deuˬ nawˬ-ahˇ gʼaˬ leˇ ni Sahˬpaˬ Miˬyehˇ jahˇ tehꞈ-a. Naw maꞈ dawˬ tawˆ luꞈ tiˬ paw dzeˇ neh tehꞈ-ehˇ iˇ-awˇ aˬ yawꞈ maꞈ-ahˇ guiˇ deuˆ-iˇ kʼawꞈ, teu paw heu paw ehˇ tsaˬ maˬ siˬ ni ya cehˆ byaˆ-awˇ, naw maꞈ kʼoeˇ taˆ keuˆ le teuˇ le-eu jeˬ-ahˇ ya mawˇ ngeh, miˇ tsaˬ kʼoeˇ taˆ jawˇ-eu tsawˇ haˬ dawˬ tawˆ luꞈ tsawˬ guˆ-iˇ dui dui tehꞈ-a.

Dawˬmehˬ 28:25 Referans Kwoze

Yeˬsaˬgeˬlaˇ 23:46

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Aˬ yawꞈ nyaꞈ-ahˇ bi laˆ guˆ-awˇ tahˇ joe bi joe-eu tsawˇ haˬ tiˬ muˇ sheuˬ leꞈ-awˬ.

Iˇsaˬyaˇ 30:17

Aˬ cawˬ-euˬ yehˇ tiˬ gʼaˬ-ahˇ naw maꞈ ya mawˇ ngeh, nawꞈ maꞈ-euˬ yehˇ aˇ muiˇ gʼaˬ cehˆ tehꞈ-a. Aˬ cawˬ-euˬ yehˇ ngaˬ gʼaˬ-ahˇ mawˇ naˇ, naw maꞈ-euˬ yehˇ dawˬ tawˆ luꞈ cehˆ byoˆ jiˇ-awˇ, naw maꞈ guiˇ maꞈ kʼoeˇ myaˆ ni gʼeh-eu laꞈ kʼoeˇ, paˇ loˬ paˇ lehˇ baꞈ-eu tiˬ gʼaˬ tehꞈ-ehˇ, gawˬ jawˬ uˬ du dzeˇ yaꞈ tehꞈ-a.”

Yeˬlaˬmiˇ 24:9

Guˆ dui dui laˇ paˬ-ehˇ gʼeh-eu shaˬ-eu zahˬ-eu jeˬ aˬ yawꞈ maꞈ kʼoeˇ taˆ ngaˇ bi keuˆ le-eu miˇ neh, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ guˆ-iˇ tehꞈ-a. Aˬ yawꞈ maꞈ-ahˇ aˬ cawˬ ja bu ja doeˇ-awˇ, kʼaˇ ehˇ mawꞈ-eu jeˬ ehˇ niˇ gʼa-eu uˬ taꞈ, ngaˬ neh aˬ yawꞈ maꞈ-ahˇ kʼaˇ teh byaˆ-euˬ jawˇ duˬ laꞈ kʼoeˇ, aˬ cawˬ yaˬ kʼehˇ yaˬ ngeh, aˬ yawꞈ maꞈ-euˬ tsawˇ myahˇ-ahˇ dawˬ daˬ daˬ-awˇ yaˬ tehꞈ-a.

Dawˬmehˬ 28:7

“Muiˇ-eu deuˬ nawˬ-ahˇ guiˇ deuˆ le ngeh, aˬ yawꞈ maꞈ-ahˇ Sahˬpaˬ Miˬyehˇ deuˆ gʼaˬ tehꞈ-a. Aˬ yawꞈ maꞈ dawˬ tawˆ luꞈ tiˬ paw dzeˇ neh tehꞈ-ehˇ oe-awˇ guiˇ deuˆ le-eu kʼawꞈ, teu paw heu paw ehˇ tsaˬ maˬ siˬ ni ya cehˆ byaˆ jiˇ tehꞈ-a.

Dawˬmehˬ 32:30

Yawꞈ maꞈ gʼoe duˬ lo guˇ pyeuꞈ-eu Sahˬpaˬ Miˬyehˇ neh yawꞈ maꞈ-ahˇ maˬ byehˇ dzeh ni haw law nmˇ-aˬ, aˬ cawˬ tsawˇ haˬ tiˬ gʼaˬ tehꞈ-ehˇ, yawꞈ maꞈ tiˬ heˇ gʼaˬ-ahˇ teh-awˇ, aˬ cawˬ tsawˇ haˬ nyiˬ gʼaˬ oe-euˬ, tiˬ muiˇ gʼaˬ-ahˇ gʼaˬ leˇ nmˇ loˇ.

Uˬ duˬ 26:17

Aˬ cawˬ naw maꞈ-ahˇ bi gʼaˬ leˇ ni, naw maꞈ-ahˇ ngaˇ byehˇ dzeh-awˇ, naw maꞈ-ahˇ muiˇ-eu tsawˇ haˬ deuˬ naw maꞈ kʼoeˇ taˆ uˇ lahˇ tehꞈ-a. Naw maꞈ tsawˬ guˆ-iˇ dui dui-eu miˇ neh, aˬ cawˬ naw maꞈ-ahˇ maˬ teh kʼawꞈ, naw maꞈ cehˆ cehˆ-ehˇ jawˇ tehꞈ-a.

Luˇkaꞈ 21:24

Aˬ yawꞈ maꞈ mi cehˇ kʼehˬ-ahˇ ya shiˇ-awˇ, aˬ cawˬ miˇ kʼahˬ doe ni bi nyehꞈ byoˆ gʼeh tehꞈ-a. Yeˬluˇsaˬlehˬ meuˬ-aˬ, aˬ cawˬ tsawˇ jeuˬ neh bi nawˬ pahˬ tehꞈ-a. Aˬ cawˬ tsawˇ jeuˬ kʼoeˇ deuˬ-euˬ aˇ yamˬ maˬ jiˇ kʼoeˇ keuˆ ni, bi nawˬ pahˬ taˬ tehꞈ-a.

Yeˬlaˬmiˇ 34:17

Kʼoeˇ miˇ neh, naw maꞈ ngaˬ-euˬ ehˇ dawˬ maˬ naˇ haˬ nga lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma. Naw maꞈ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ naw maꞈ maˬ pyehˬ nehˬ-a. Muiˬ tehꞈ-a. Ngaˇ naw maꞈ-ahˇ pyehˬ-awˇ, naw maꞈ-euˬ nui noeˬ bi dehꞈ ma. Ngaˇ naw maꞈ-ahˇ pyehˬ nehˬ-awˇ, guiˇ deuˆ-eu jeˬ, naˇ-eu gawˇ-eu jeˬ hawˇ-eu, mehꞈ-eu shuꞈ-eu jeˬ laꞈ kʼoeˇ bi shiˇ jiˇ ma. Ngaˬ neh naw maꞈ-ahˇ jahˇ nehˬ-euˬ jeˬ-ahˇ tsawˇ jeuˬ yawˬ jeuˬ na luꞈ tsawˬ guˆ-iˇ ngeh keuˆ ni ngaˇ mˇ ma.

Yeˬlaˬmiˇ 29:18

Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ aˬ yawꞈ maꞈ-ahˇ ngaˇ ciˬ tehˬ nehˬ-awˇ miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ, kʼoeˇ gaˇ ya mawˇ ngeh guˆ dui dui-iˇ tehꞈ-a. Aˬ yawꞈ maꞈ-ahˇ ngaˬ neh teh byaˆ-awˇ kʼaˇ bi jawˇ-euˬ jawˇ duˬ-ahˇ, aˬ yawꞈ maꞈ kʼoeˇ taˆ keuˆ le-euˬ jeˬ-ahˇ ya mawˇ ngeh, aˬ cawˬ laˇ baˇ-iˇ tehꞈ-a. Aˬ cawˬ aˬ yawꞈ maꞈ-ahˇ ja bu ja doeˇ-awˇ, yaˬ kʼehˇ yaˬ ngeh aˬ yawꞈ maꞈ-euˬ tsawˇ myahˇ kuˇ-awˇ yaˬ tehꞈ-a.

Yawˇshuˆ 7:4

Kʼoeˇ naˇ, Iˇsaˬleˬlaˆ tsawˇ haˬ smˬ heˇ gʼaˬ iˇ-awˇ guiˇ deuˆ iˇ-euˬ meh. Ehˇ kʼawꞈ, maˬ deuˆ gʼaˬ nya-ehˇ paˇ ya cehˆ gʼoꞈ laꞈ-euˬ meh.

Yaˇ kʼaˬ daˇ 2:14

Kʼoeˇ miˇ neh, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-awˇ, tahˇ joe baˬ maꞈ pyehˬ gʼeh leꞈ-awˇ, aˬ yawꞈ maꞈ-euˬ myawˬ gahˬ deuˬ bi ceh geuꞈ-euˬ meh. Aˬ yawꞈ maꞈ-euˬ jawˬ jawˬ-ehˇ kʼaˇ jawˇ-eu aˬ yawꞈ maꞈ-ahˇ muiˇ-eu tsawˇ haˬ deuˬ-ahˇ aˬ yawꞈ maꞈ naˆ maˬ tseˇ gʼaˬ bi kʼaˆ dzehˬ laˇ-awˇ, Iˇsaˬleˬlaˆ tsawˇ haˬ deuˬ aˬ cawˬ-ahˇ maˬ gʼaˬ leˇ ni pyeuꞈ-iˇ-euˬ meh.

1 Saˬmeuˬlaˆ 4:10

Kʼoeˇ naˇ, Piˇliˇtiˆ tsawˇ haˬ deuˬ leh jeh dui dui-awˇ guiˇ deuˆ-eu laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ deuˆ gʼaˬ-awˇ, Iˇsaˬleˬlaˆ tsawˇ haˬ deuˬ cehˆ gʼoꞈ-euˬ meh. Tsawˇ haˬ shiˇ dui dui-awˇ, Iˇsaˬleˬlaˆ yehˇ smˬ muiˇ gʼaˬ bi deuˆ sehꞈ-euˬ meh.

1 Sahˬpaˬ 8:33

“Nawˬ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ nawˬ-ahˇ mˇ lehˬ-euˬ miˇ neh, muiˇ-eu deuˬ neh guiˇ bi deuˆ gʼaˬ-awˇ, Uˬ duˬ tahˬ nymˇ nymˇ ma heu nymˇ-ahˇ nawˇ jawˇ gaˇ aˬ yawꞈ maꞈ gʼoꞈ laˇ-eu laꞈ kʼoeˇ, iˬ baˇ pyehˬ nehˬ laꞈ lehˇ nui ma nahˬ yu ni taˬ-awˇ nawˬ-ahˇ shaˇ ngeh,

2 Laˬsaˬbaˬ 28:8

Yuˇdaˆ tsawˇ haˬ deuˬ-aˬ, Iˇsaˬleˬlaˆ tsawˇ haˬ deuˬ-euˬ aˬ yuiꞈ aˬ nyiˇ pyeuꞈ kʼawꞈ, zaˬ miˬ zaˬ nyiˬ seh gʼaˬ hawˇ-eu zaˬ deuˬ-ahˇ Iˇsaˬleˬlaˆ tsawˇ haˬ deuˬ nyehꞈ kʼoꞈ gʼeh-awˇ, pyuˇ shuiˇ myawˬ gahˬ deuˬ kʼawꞈ gʼawˬ mya ni yuˇ kʼoꞈ geuꞈ gʼeh-euˬ meh.

2 Laˬsaˬbaˬ 29:8

Kʼoeˇ baˬ da neh, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ Sahˬpaˬ Miˬyehˇ nui ma pehˇ laˇ-awˇ, aˬ yawꞈ neh aˬ yawꞈ maꞈ-ahˇ jahˇ nehˬ-euˬ jeˬ-ahˇ tsawˇ haˬ yawˬ gʼaˬ na luꞈ tsawˬ guˆ-iˇ-euˬ meh. Gaˇ kawˆ heu naw maꞈ yaw muiˬ paˬ-ehˇ siˬ duˬ taˬ-euˬ meh.

Yeˬlaˬmiˇ 19:7

Jawˇ duˬ heu tsahˇ-ahˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ jawˇ-eu tsawˇ haˬ deuˬ-euˬ nui kʼahˇ dawˬ tawˆ luꞈ, ngaˇ laˆ cawˆ nehˬ jiˇ ma. Muiˇ-eu deuˬ neh aˬ yawꞈ maꞈ-ahˇ guiˇ bi deuˆ gʼaˬ-awˇ, bi deuˆ sehꞈ jiˇ ma. Aˬ yawꞈ maꞈ-ahˇ, aˇ jiˇ hawˇ-eu bawˇ tsahˬ jeˬ zaˬ deuˬ-euˬ dzaˇ bi pyeuꞈ-iˇ ma.

2 Laˬsaˬbaˬ 6:24

“Nawˬ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ nawˬ-ahˇ mˇ lehˬ-euˬ miˇ neh, muiˇ-eu deuˬ neh bi deuˆ gʼaˬ-awˇ, Uˬ duˬ tahˬ nymˇ nymˇ ma heu nymˇ-ahˇ nawˇ jawˇ gaˇ aˬ yawꞈ maꞈ paˇ gʼoꞈ laˇ-eu laꞈ kʼoeˇ, iˬ baˇ byehˬ nehˬ laꞈ lehˇ nui ma nahˬ yu ni taˬ-awˇ nawˬ-ahˇ shaˇ laˇ ngeh,

Hawˇseˬ 8:3

yaw muiˬ jeˬ-ahˇ byehˇ-euˬ miˇ neh, muiˇ-eu deuˬ neh bi kʼehˬ tehꞈ-a.