Dawˬmehˬ 27:1 - Akha

¹ Kʼoeˇ naˇ, Moˇseˬ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ Iˇsaˬleˬlaˆ tsawˇ haˬ deuˬ-ahˇ ehˇ nehˬ-eu, “Iˬ nah ngaˇ naw maꞈ-ahˇ mehˬ nehˬ tsoˆ nehˬ-euˬ jeˬ dawˬ tawˆ luꞈ-ahˇ naˇ haˬ geuꞈ-awˬ.

Dawˬmehˬ 27:1 Referans Kwoze

Yoˇhaˬ 15:14

Ngaˬ neh dawˬ biꞈ taˬ-euˬ loꞈ-ehˇ naw maꞈ mˇ naˇ, naw maꞈ ngaˬ-euˬ cawˬ ma.

Yaˬkoˆ 2:10

Tsawˇ haˬ aˬ geuˬ gʼaˬ maˬ kaˬ, zahˇ dawˬ kʼoꞈ dawˬ dawˬ tawˆ luꞈ-ahˇ caw teh luꞈ kʼawꞈ, tiˬ dawˬ-ahˇ mˇ bahˬ naˇ, dawˬ tawˆ luꞈ-ahˇ mˇ bahˬ-euˬ jeˬ pyeuꞈ-eu meh.

Luˇkaꞈ 11:28

Ehˇ kʼawꞈ, Yeˬsuˇ ehˇ-eu, “Maˇ maˇ ni guiˬ lahˬ huiˬ-eu deuˬ-aˬ, Miˬyehˇ-euˬ dawˬ gaˬ-awˇ naˇ haˬ geuꞈ-eu deuˬ meh.”

Dawˬmehˬ 26:16

“Aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naˇ haˬ geuꞈ-awˬ lehˇ, Sahˬpaˬ Miˬyehˇ nawˬ-ahˇ iˬ nah dawˬ biꞈ-euˬ meh. Kʼoeˇ miˇ neh, nawˬ-euˬ nui ma dawˬ tawˆ luꞈ, zahˇ sahˇ kʼoꞈ kʼoeˇ deuˬ-ahˇ saˇ jaˇ ziꞈ-eu laꞈ kʼoeˇ, naˇ haˬ geuꞈ-awˬ.

Dawˬmehˬ 11:32

iˬ nah ngaˇ naw maꞈ-ahˇ biꞈ-euˬ zahˇ dawˬ kʼoꞈ dawˬ heu deuˬ dawˬ tawˆ luꞈ-ahˇ maˬ ngehˇ ni naˇ haˬ geuꞈ-awˬ.

Dawˬmehˬ 26:19

Aˬ yawꞈ neh beh taˬ-euˬ tsawˇ jeuˬ heu myaˆ ni gʼeh-eu laꞈ kʼoeˇ, naw maꞈ-ahˇ huiˬ dzehˬ-eu tsawˇ jeuˬ bi pyeuꞈ laˇ-awˇ, aˬ yawꞈ-euˬ tsawˇ myahˇ-ahˇ naw maꞈ ja ceuˬ-awˇ ya taˬ huiˬ ya taˬ mahˇ tehꞈ-a. Aˬ yawꞈ neh saˇ jaˇ dzaˬ taˬ-euˬ loꞈ-ehˇ, naw maꞈ aˬ yawꞈ-euˬ tsawˇ jeuˬ ya pyeuꞈ laˇ tehꞈ-a.”

Dawˬmehˬ 27:2

Yawˇdaˬ lawˇ baˬ tsehˆ doˆ-awˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh biꞈ laꞈ-euˬ miˇ kʼahˬ-ahˇ nawˇ le uˇ ngeh nah, muiˬ-eu kʼaˬ lo deuˬ nawˇ ya ka tuˇ-awˇ, kʼaˬ lo kʼoeˇ deuˬ-ahˇ laꞈ nyiˇ paw miˇ tsaˬ ya maˇ meh.

Jaceuq 78:7

Kʼoeˇ loꞈ-ehˇ jahˇ-eu laꞈ kʼoeˇ, Miˬyehˇ-ahˇ aˬ yawꞈ maꞈ gʼoe-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ aˬ myah luꞈ caw teh nya tehꞈ-a.

Dawˬmehˬ 1:1

Yawˇdaˬ lawˇ baˬ nahˇ ma doˆ kʼehˬ paw jaˆ-eu bawˇ tsahˬ bawˇ dahˇ laꞈ kʼoeˇ, Iˇsaˬleˬlaˆ tsawˇ haˬ deuˬ jawˇ luꞈ ngeh, aˬ yawꞈ maꞈ-ahˇ Moˇseˬ neh ehˇ nehˬ-euˬ dawˬ deuˬ, sahˬ boꞈ heu taꞈ laꞈ kʼoeˇ ahˇ-eu meh. Tiˬ paw paˆ Paˬlaˬ meuˬ hawˇ-eu, tiˬ paw paˆ Tawˇpeˬlaˇ, Laˬbaˬ, Haˬzeˬloˆ, Diˇzaˬhaˇ meuˬ heu deuˬ jaˆ luꞈ-eu yaw kaˬ-ahˇ, Suˇpaˬ meuˬ dawˬ peh Yawˇdaˬ lawˇ baˬ deh kʼawꞈ-ahˇ aˬ yawꞈ maꞈ jawˇ-euˬ meh.

Dawˬmehˬ 6:17

Aˬ yawꞈ neh kʼaˇ biꞈ laꞈ-euˬ zahˇ dawˬ kʼoꞈ dawˬ deuˬ-ahˇ naw maꞈ maˬ ngehˇ ni yaw duˬ duˬ-ehˇ caw teh-awˬ.

1 Laˬsaˬbaˬ 28:8

“Kʼoeˇ miˇ neh ngaˬ-euˬ tsawˇ haˬ deuˬ-oˇ, muiˬ-eu miˇ kʼahˬ heu kʼahˬ-ahˇ naw maꞈ ya jawˇ daˆ leꞈ-awˇ, aˬ kaˇ naw maꞈ-euˬ zaˬ deuˬ uˆ deuˬ-ahˇ kʼawꞈ, miˇ kʼahˬ heu kʼahˬ biꞈ taˬ yaꞈ nya ni, aˬ dui-euˬ Miˬyehˇ hawˇ-eu kʼaˇ uiˬ laˇ taˬ-euˬ Iˇsaˬleˬlaˆ tsawˇ haˬ dawˬ tawˆ luꞈ mehˬ shi, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ neh kʼaˇ mehˬ kʼaˇ tsoˆ nehˬ laꞈ-euˬ yawˬ jeˬ na luꞈ-ahˇ, yaw muiˬ paˬ-ehˇ naˇ haˬ-awˇ caw teh geuꞈ-awˬ lehˇ, naw maꞈ-ahˇ ngaˇ ehˇ-eu ma.”