Dawˬmehˬ 26:2 - Akha

² naw maꞈ yawˬ gʼaˬ na luꞈ keuˆ beh beh le-euˬ dzaˬ la gʼo cehˇ aˇ siˬ aˇ lu yawˬ jeˬ na luꞈ kʼaˆ puˬ-ahˇ dawˆ ahˇ-awˇ, uˬ duˬ tahˬ-eu jawˇ duˬ-ahˇ ya hehˇ gʼeh meh.

Dawˬmehˬ 26:2 Referans Kwoze

Doˆ-iˇ 23:19

“Aˬ yawˬ kʼoꞈ yawꞈ, naw maꞈ neh mˇ za-euˬ keuˆ beh beh le-euˬ dzaˬ la gʼo cehˇ hawˇ-eu aˇ siˬ aˇ lu deuˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ nymˇ-ahˇ ya yuˇ laꞈ meh. “Yawˇ zaˬ maˬ ehˇ, ciꞈ myehꞈ ciꞈ zaˬ maˬ ehˇ, aˬ ma-euˬ aˬ coeˇ dzaˇ uiˇ nehˬ-ehˇ maˬ ya puꞈ keuˬ dzaˬ-a.

Doˆ-iˇ 23:16

“Cehˇ yehˬ cehˇ diˬ dahˬ beh-eu yamˬ-ahˇ, Cehˇ laˆ luiˆ-eu Bawˬ-iˬ naw maꞈ ya gʼeh meh. “Aˬ gaꞈ hawˇ-eu aˇ siˬ aˇ lu keuˆ le-eu yamˬ pyeuꞈ-eu tsahˬ gaˆ yamˬ-ahˇ, aˇ siˬ aˇ lu pi ahˇ-eu Bawˬ-iˬ naw maꞈ ya jahˇ meh.

Yeˬsaˬgeˬlaˇ 44:30

Keuˆ beh beh le-euˬ dzaˬ la gʼo cehˇ deuˬ hawˇ-eu, ngaˬ-ahˇ kʼaˇ damˬ laˇ-euˬ yawˬ jeˬ na luꞈ, piˇ ma deuˬ-ahˇ oꞈ-eu meh. Miˇ kʼahˬ zaˬ deuˬ kaˬ muˇ kʼaˇ jahˇ ngeh, jahˇ beh beh-euˬ kaˬ muˇ piˇ ma deuˬ-ahˇ ya damˬ nehˬ meh. Kʼoeˇ loꞈ-ehˇ jahˇ naˇ, aˬ yawꞈ maꞈ-euˬ nymˇ jiˇ kʼoeˇ taˆ ngaˇ guiˬ lahˬ biꞈ ma.

Yaˬkoˆ 1:18

Kʼaˇ beh dehꞈ taˬ-euˬ jeˬ dawˬ tawˆ luꞈ laꞈ kʼoeˇ aˬ dui aˬ cawˬ jeˬ hu hu saˬ ya jawˇ ni, aˬ yawꞈ nui ma kʼaˇ tsaˬ-eu loꞈ-ehˇ yaw tsaˬ yaw dawˇ dawˬ-ahˇ gʼoe-awˇ aˬ dui-ahˇ beh dehꞈ taˬ-euˬ meh.

1 Gawˇliˬtu 16:2

Tiˬ jaw laꞈ kʼoeˇ aˇ dahˬ beh-eu nah aˬ yawꞈ nah yawꞈ, naw maꞈ yawˬ gʼaˬ na luꞈ yawˬ ha neh kʼaˇ poˆ za-euˬ loꞈ-ehˇ geuˇ ni pyuˇ daˬ ui cuiˆ yuˇ doˆ-awˇ jeˬ hmˬ taˬ-awˬ. Kʼoeˇ loꞈ-ehˇ jahˇ naˇ, ngaˇ oe ngeh naw maꞈ pyuˇ taꞈ uiˬ-eu maˬ loˬ-aˇ.

1 Gawˇliˬtu 15:20

Ehˇ kʼawꞈ, maˇ maˇ ni ehˇ naˇ, Ka li-ahˇ aˬ diˇ aˬ maˇ bi gʼoꞈ dehꞈ laˇ-euˬ meh. Aˬ yawꞈ-ahˇ bi gʼoꞈ dehꞈ laˇ-euˬ kʼoeˇ-aˬ, shiˇ dzeuˇ-euˬ tsawˇ haˬ deuˬ-ahˇ bi gʼoꞈ dehꞈ laˇ-eu gaˇ kawˆ yaw duˬ yaw ciˇ bi baw laˇ-euˬ meh.

Lormav 11:16

Kaˬ muˇ jahˇ beh beh-euˬ siˬ Miˬyehˇ-ahˇ biꞈ naˇ, kaˬ muˇ tiˬ tsmˇ tsmˇ lah-ehˇ Miˬyehˇ-ahˇ damˬ nehˬ-euˬ jeˬ pyeuꞈ-eu meh. Aˇ bawˇ tiˬ bawˇ-euˬ duˬ ciˇ Miˬyehˇ-ahˇ damˬ nehˬ naˇ, uˬ laꞈ deuˬ kʼawꞈ Miˬyehˇ-euˬ pyeuꞈ-eu meh.

Lormav 8:23

Beh taˬ-euˬ jeˬ tehꞈ-ehˇ kʼoeˇ loꞈ-ehˇ mahˇ luꞈ-eu maˬ ngeuˇ-a. Miˬyehˇ neh biꞈ leꞈ-euˬ laꞈ sawˬ za beh beh-euˬ deuˬ pyeuꞈ-eu Yaw sahˇ Miˬyehˇ za-euˬ aˬ dui maꞈ kʼawꞈ, aˬ dui-ahˇ aˬ yawꞈ-euˬ zaˬ bi pyeuꞈ laˇ-awˇ, aˬ dui-euˬ nui ma gʼawˇ mawˇ dawˬ tawˆ luꞈ bi buˬ-iˇnehˬ laꞈ-eu gʼaˇ duˬ Miˬyehˇ-ahˇ loꞈ luꞈ ngeh, nui ma laꞈ kʼoeˇ mahˇ mahˇ-ehˇ shaˬ luꞈ-eu ma.

Yeˬsaˬgeˬlaˇ 48:14

Sahˬpaˬ Miˬyehˇ-ahˇ a nehˬ taˬ-euˬ miˇ tsaˬ kʼoeˇ tsahˇ-aˬ, miˇ kʼahˬ kʼoeˇ kʼahˬ laꞈ kʼoeˇ aˬ cawˬ taꞈ-ehˇ muiˬ dzehˬ-eu miˇ tsaˬ pyeuꞈ-awˇ, ahˬ-eu maˬ ehˇ, dehˬ paˇ geuꞈ-eu maˬ ehˇ, maˬ ya jahˇ-a. Kʼoeˇ-aˬ, muiˬ dui shawˇ dui dui-awˇ, Sahˬpaˬ Miˬyehˇ-ahˇ oꞈ-eu pehˇ tsahˇ meh.

Yeˬsaˬgeˬlaˇ 20:40

Ngaˬ-euˬ muiˬ-eu shawˇ-eu gawˬ jawˬ pyeuꞈ-eu Iˇsaˬleˬlaˆ gawˬ jawˬ yaw goˇ kʼoeˇ taˆ, naw maꞈ Iˇsaˬleˬlaˆ tsawˇ haˬ dawˬ tawˆ luꞈ ngaˬ-ahˇ uˬ duˬ tahˬ tehꞈ-a. Naw maꞈ-ahˇ ngaˇ nui kʼahˇ shiˇ-awˇ, naw maꞈ-euˬ lawˇ-eu shehˇ-eu jeˬ, damˬ-eu jeˬ hawˇ-eu, muiˬ-eu shawˇ-eu laꞈ sawˬ deuˬ-ahˇ ngaˇ ha geuꞈ ma.

Dawˬmehˬ 16:10

Kʼoeˇ naˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh nawˬ-ahˇ guiˬ lahˬ kʼaˇ biꞈ nehˬ laꞈ-euˬ loꞈ-ehˇ geuˇ ni, nui ma keuˆ-awˇ lawˇ-eu jeˬ aˬ yawꞈ jawˇ gaˇ yuˇ laꞈ-awˇ, aˬ yawꞈ-ahˇ taˬ huiˬ taˬ mahˇ-eu laꞈ kʼoeˇ, Cehˇ laˆ luiˆ-eu Bawˬ-iˬ gʼeh-awˬ.

Doˆ-iˇ 34:26

“Yawˬ kʼoꞈ na luꞈ, keuˆ beh beh le-eu dzaˬ la gʼo cehˇ deuˬ, Sahˬpaˬ Miˬyehˇ-euˬ nymˇ-ahˇ ya yuˇ laꞈ meh. Yawˇ zaˬ maˬ ehˇ, ciꞈ myehꞈ ciꞈ zaˬ maˬ ehˇ, aˬ ma mawˇ-euˬ aˬ coeˇ nehˬ-ehˇ maˬ ya caꞈ keuˬ-a.”

Panmaeq 14:4

Aˬ yawꞈ maꞈ-aˬ, zaˬ miˬ zaˬ nehˬ-ehˇ maˬ yuꞈ taꞈ-eu tsawˇ shawˇ deuˬ meh. Yawˇ zaˬ kʼaˇ iˇ-eu mehˬ nah aˬ yawꞈ maꞈ caw teh-eu meh. Tsawˇ haˬ zaˬ dawˬ tawˆ luꞈ laꞈ kʼoeˇ aˬ yawꞈ maꞈ-ahˇ ka kʼoꞈ-awˇ, Miˬyehˇ hawˇ-eu Yawˇzaˬ-ahˇ damˬ nehˬ beh beh-euˬ deuˬ pyeuꞈ-eu meh.

Lormav 16:5

Aˬ nyaꞈ dzeˇ zaˬ-euˬ nymˇ-ahˇ tahˬ dzoeˇ luꞈ-eu Ka li zaˬ aˇ muˇ-ahˇ kʼawꞈ noeˬ mawˇ luꞈ ma.

Yeˬlaˬmiˇ 2:3

Iˇsaˬleˬlaˆ nawˇ nui gʼaˬ-ahˇ maˬ taꞈ. Nawˇ-aˬ shawˇ jehˆ ni gʼeh-eu ngaˬ-euˬ myawˬ gahˬ ma. Nawˬ-ahˇ laˆ coeˬ laˆ ciˆ laˇ-eu tsawˇ haˬ kʼoeˇ taˆ, luˬ-iˇ seˇ-iˇ-eu jeˬ ngaˇ pyehˬ gʼeh-euˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Neˬhaˬmiˇ 13:31

Lawˇ gaˇ shehˇ gaˇ doꞈ-eu miˬ dzaˬ aˇ yamˬ tsaˬ tsaˬ ni yuˇ laꞈ-eu gʼaˇ duˬ maˬ ehˇ, keuˆ beh beh le-euˬ dzaˬ la gʼo cehˇ hawˇ-eu aˇ siˬ aˇ lu deuˬ sha laˇ-eu gʼaˇ duˬ maˬ ehˇ, ngaˇ gaˇ kawˆ laˆ saˆ nehˬ-euˬ meh. Miˬyehˇ-oˇ, kʼoeˇ deuˬ dawˬ tawˆ luꞈ-ahˇ noeˬ keuˆ-awˇ, ngaˬ-ahˇ taˬ ngehˇ nehˬ laꞈ.

Neˬhaˬmiˇ 12:44

Aˇ yamˬ kʼoeˇ yamˬ laꞈ kʼoeˇ, tseˇ bymˇ tiˬ bymˇ hawˇ-eu keuˆ beh beh le-euˬ dzaˬ la gʼo cehˇ hawˇ-eu aˇ siˬ aˇ lu deuˬ ahˇ leˇ-ehˇ, Uˬ duˬ tahˬ nymˇ nymˇ ma-ahˇ kʼaˇ damˬ-euˬ yawˬ jeˬ na luꞈ jeˬ hmˬ-eu aˇ lawˆ deuˬ-ahˇ tsawˇ haˬ tseˇ doˆ-awˇ bi haw bi pyaˆ-euˬ meh. Tsawˇ haˬ kʼoeˇ deuˬ-aˬ, meuˬ yawˬ meuˬ na luꞈ dawˬ peh deh ma deh yaˇ kʼaˇ jaˆ gaˇ iˇ-awˇ zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ piˇ ma deuˬ hawˇ-eu Leˬbiˇ tsawˇ haˬ deuˬ-ahˇ kʼaˇ damˬ nehˬ-euˬ jeˬ ya taꞈ uiˬ-eu meh. Yuˇdaˆ miˇ kʼahˬ zaˬ dawˬ tawˆ luꞈ piˇ ma deuˬ hawˇ-eu Leˬbiˇ tsawˇ haˬ deuˬ-ahˇ nui kʼahˇ shiˇ-eu meh.

2 Laˬsaˬbaˬ 31:5

Dawˬ kʼoeˇ dawˬ gaˬ doe-iˇ ngeh jawˇ, Iˇsaˬleˬlaˆ tsawˇ haˬ deuˬ-aˬ, muiˬ dui dui-eu cehˇ deuˬ, aˬ gaꞈ dzaˇ uiˇ deuˬ, saˬ loˬ tsiˇ deuˬ, byaˬ byaˬ uiˇ deuˬ hawˇ-eu, dzaˬ la gʼo cehˇ aˇ siˬ aˇ lu deuˬ damˬ laˇ-euˬ meh. Aˬ yawꞈ maꞈ kʼaˇ jaˆ-eu jeˬ laꞈ kʼoeˇ, tseˇ bymˇ tiˬ bymˇ kʼawꞈ aˬ yawꞈ maꞈ yuˇ laꞈ-awˇ damˬ-euˬ meh.

2 Laˬsaˬbaˬ 6:6

Ehˇ kʼawꞈ, nymˬ-mˇ ngaˬ-ahˇ uˬ duˬ tahˬ-eu jawˇ duˬ bi pyeuꞈ-eu gʼaˇ duˬ, Yeˬluˇsaˬlehˬ meuˬ-ahˇ ngaˇ tsaˬ tsoˆ-awˇ, ngaˬ-euˬ tsawˇ jeuˬ-ahˇ bi uˆ lahˇ-eu gʼaˇ duˬ, Daˬbiˇ nawˬ-ahˇ ngaˇ tseˇ doˆ-euˬ ma’ lehˇ ehˇ nehˬ-eu meh.

2 Sahˬpaˬ 4:42

Yawˬ poˆ yawˬ-aˬ, tsawˇ haˬ tiˬ gʼaˬ Baˬlaˇshaˬliˇshahˬ meuˬ-ahˇ neh Eˇliˇshehˇ jawˇ gaˇ laˇ-awˇ, yehˬ beh beh-euˬ cehˇ neh jahˇ-euˬ kaˬ muˇ nyiˬ tseˇ siˬ hawˇ-eu, keuˆ beh beh le-euˬ cehˇ ui cuiˆ yuˇ laꞈ nehˬ-euˬ meh. “Dzaˇ kʼoeˇ deuˬ yuˇ-awˇ, Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-ahˇ bi dzaˬ-awˬ” lehˇ, aˬ yawꞈ-euˬ zaˬ kʼaˆ-ahˇ Eˇliˇshehˇ ehˇ nehˬ-euˬ meh.

Yawˇshuˆ 18:1

Miˇ kʼahˬ kʼoeˇ kʼahˬ-ahˇ aˬ yawꞈ maꞈ deuˆ za gʼaˬ ngeh, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ Shiˇloˬ meuˬ-ahˇ uiˬ leˇ-awˇ, Sahˬpaˬ Miˬyehˇ-euˬ Sehˬ gʼawˆ tsoˆ-euˬ meh.

Dawˬmehˬ 18:4

Keuˆ beh beh le-euˬ dzaˬ la gʼo cehˇ, aˬ gaꞈ dzaˇ uiˇ, saˬ loˬ tsiˇ hawˇ-eu yawˇ caꞈ hm deuˬ, aˬ yawꞈ maꞈ-ahˇ ya biꞈ meh.

Uˬ duˬ 2:14

Keuˆ beh beh le-euˬ aˇ siˬ aˇ lu deuˬ naw maꞈ yuˇ laꞈ-awˇ, Sahˬpaˬ Miˬyehˇ-ahˇ lawˇ ngeh, cehꞈ nyawˬ lawˇ-awˬ.

Uˬ duˬ 2:12

Aˬ yawꞈ kʼoꞈ yawꞈ, keuˆ beh beh le-euˬ aˇ siˬ aˇ lu deuˬ, Sahˬpaˬ Miˬyehˇ-ahˇ naw maꞈ ya lawˇ nehˬ meh. Ehˇ kʼawꞈ, lawˇ duˬ kʼoeˇ taˆ dzah puiˆ-awˇ maˬ ya lawˇ-a.

Doˆ-iˇ 22:29

“Naw maꞈ-euˬ dzaˬ la gʼo cehˇ, aˬ gaꞈ dzaˇ uiˇ hawˇ-eu, saˬ loˬ tsiˇ deuˬ keuˆ le ngeh, ngaˬ-ahˇ ya lawˇ meh. “Dehꞈ beh deh le-euˬ naw maꞈ-euˬ aˬ li aˬ yuiꞈ deuˬ ngaˬ-ahˇ ya biꞈ laꞈ meh.

1 Gawˇliˬtu 15:23

Ehˇ kʼawꞈ, aˬ yawꞈ gʼaˬ yawꞈ-ahˇ yawˬ ha-euˬ aˇ yamˬ tsaˬ laˇ ngeh bi gʼoꞈ dehꞈ laˇ tehꞈ-a. Ka li-ahˇ aˬ cawˬ jeˬ hu bi gʼoꞈ dehꞈ laˇ gʼaˬ-euˬ meh. Kʼoeˇ jiˇ naˇ, aˬ yawꞈ zaꞈ le ngeh, aˬ yawꞈ-ahˇ taꞈ-eu tsawˇ haˬ deuˬ-ahˇ bi gʼoꞈ dehꞈ laˇ tehꞈ-a.

Doˆ-iˇ 20:24

Ngaˬ-euˬ gʼaˇ duˬ, miˇ tsaˬ neh lawˇ duˬ tiˬ tsahˇ jahˇ-awˬ, gʼawˇ mawˇ mawˇ lah-ehˇ miˬ dzaˬ-ahˇ dzah puiˆ-awˇ lawˇ nehˬ-eu jeˬ maˬ ehˇ, cawˬ cawˬ taꞈ-eu lawˇ-eu jeˬ maˬ ehˇ, naw maꞈ-euˬ yawˇ hawˇ-eu mawˇ neˇ deuˬ, lawˇ duˬ kʼoeˇ hmˬ kʼoeˇ taˆ lawˇ-awˬ. Naw maꞈ ngaˬ-ahˇ uˬ duˬ bi tahˬ-eu lehˇ, ngaˬ neh tsaˬ tsoˆ taˬ-euˬ jawˇ duˬ yawˬ tsahˇ na luꞈ-ahˇ naw maꞈ jawˇ gaˇ ngaˇ oe-awˇ, naw maꞈ-ahˇ guiˬ lahˬ biꞈ nehˬ ma.

Dawˬmehˬ 26:1

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh nawˬ-ahˇ biꞈ-euˬ miˇ kʼahˬ-ahˇ nawˇ le keuˆ-awˇ, jawˇ duˬ dah leˇ gʼaˬ ngeh,

Dawˬmehˬ 26:3

Kʼoeˇ ngeh yamˬ-ahˇ kʼoeˇ gaˇ piˇ ma geuꞈ luꞈ-eu gʼaˬ jawˇ gaˇ le-awˇ, ‘Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ biꞈ-eu gʼaˇ duˬ, ngaˬ-euˬ aˬ poeˬ aˬ bawˇ deuˬ-ahˇ saˇ jaˇ dzaˬ taˬ-eu miˇ kʼahˬ-ahˇ ngaˇ uˇ keuˆ laˇ-euˬ gaˇ kawˆ, nymˬ-mˇ ngaˇ aˬ yawꞈ mehˬ shi saˇ kiˇ kamˬ-eu ma’ lehˇ ya ehˇ meh.