Dawˬmehˬ 20:7 - Akha

⁷ Oeˇ mˇ baˇ-eu gʼaˇ duˬ ngehˬ cawˬ tsehˆ taˬ-euˬ tsawˇ haˬ keuˬ te loˇ. Keuˬ naˇ, gʼoꞈ-iˇ-awˬ. Guiˇ deuˆ-eu laꞈ kʼoeˇ aˬ yawꞈ ya shiˇ lawˬ naˇ, aˬ yawꞈ sheuˬ-eu lehˇ gʼeh-eu zaˬ miˬ aˬ buˇ-ahˇ aˬ cawˬ neh bi sheuˬ gaˇ keuˆ tehꞈ-a’ lehˇ ya ehˇ meh.

Dawˬmehˬ 20:7 Referans Kwoze

Dawˬmehˬ 24:5

“Miˬ zaˬ sheuˬ-euˬ tiˬ dehˬ pyeuꞈ-eu tsawˇ haˬ-ahˇ, guiˇ deuˆ-eu paw taꞈ leˇ-eu gaˇ maˬ ehˇ, miˇ kʼahˬ-ahˇ taꞈ leˇ-eu gaˇ maˬ ehˇ, maˬ ya bi mˇ-a. Aˬ yawꞈ-euˬ miˬ zaˬ nehˬ-ehˇ laˬ kʼaˬ tiˬ cehˇ bi dehꞈ taꞈ-eu gʼaˇ duˬ, tiˬ kʼoꞈ byah ni, aˬ yawꞈ-ahˇ gaˇ tiˬ hmˬ-iˬ maˬ ya bi doˇ leˇ-a.

Dawˬmehˬ 28:30

“Zaˬ miˬ aˬ buˇ tiˬ gʼaˬ-ahˇ sheuˬ-eu gʼaˇ duˬ nawˇ ngehˬ cawˬ tsehˆ taˬ kʼawꞈ, aˬ cawˬ neh bi sheuˬ geuꞈ tehꞈ-a. Nawˇ nymˇ tsoˆ kʼawꞈ, nawˬ neh tsoˆ-euˬ nymˇ-ahˇ nawˇ tiˬ jawˇ-iˬ maˬ ya jawˇ-aˇ. Aˬ gaꞈ yaˇ kmˇ mˇ kʼawꞈ, aˬ gaꞈ aˇ siˬ nawˇ tiˬ jawˇ-iˬ maˬ ya dzaˬ-aˇ.

2 Tiˆmoˇseˬ 2:4

Guiˇ mˇ luꞈ-eu yehˇ aˬ geu gʼaˬ maˬ kaˬ, guiˇ maꞈ kʼoeˇ taˆ uˆ lahˇ luꞈ-eu yaw huiˬ gʼaˬ-euˬ nui kʼahˇ mˇ byah mawꞈ-eu miˇ neh, miˇ kʼahˬ zaˬ deuˬ mˇ-eu shaˇ-eu loꞈ-ehˇ maˬ mˇ ni ya dzahˬ tehˬ-eu meh.

Maꞈtehˬ 1:18

Yeˬsuˇ Ka li dehꞈ le-euˬ gaˇ kawˆ-aˬ, heu loꞈ-ehˇ meh. Aˬ yawꞈ-euˬ aˬ ma Maˬliˇ-aˬ, Yoˇsehˆ-ahˇ dahˬ dzaˬ-iˇ-eu gʼaˇ duˬ ngehˬ cawˬ tsehˆ taˬ-euˬ meh. Ehˇ kʼawꞈ, Maˬliˇ-aˬ, aˬ yawꞈ nyaꞈ oeˇ mˇ maˬ baˇ mi naˆ-ehˇ, Muiˬ-eu shawˇ-eu Yaw sahˇ Miˬyehˇ baˬ da neh zaˬ tsehˆ leˇ-euˬ gaˇ kawˆ, yawˬ haˇ yawˬ ha ya siˬ-euˬ meh.

Dawˬmehˬ 20:6

Aˬ gaꞈ yaˇ kmˇ laꞈ kʼoeˇ aˬ gaꞈ aˇ bawˬ ka taˬ-awˇ, aˇ siˬ tiˬ poˆ-iˬ maˬ ya pyaˆ dah-euˬ tsawˇ haˬ keuˬ te loˇ. Keuˬ naˇ, gʼoꞈ-iˇ-awˬ. Guiˇ deuˆ-eu laꞈ kʼoeˇ aˬ yawꞈ ya shiˇ lawˬ naˇ, aˬ yawꞈ-euˬ aˬ gaꞈ dzaˇ uiˇ aˬ cawˬ neh bi dawˇ gaˇ keuˆ tehꞈ-a.