Dawˬmehˬ 2:33 - Akha

³³ Ehˇ kʼawꞈ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ neh, aˬ yawꞈ-ahˇ aˬ dui-euˬ laꞈ-ahˇ bi ahˇ le-awˇ, aˬ yawꞈ-ahˇ maˬ ehˇ, aˬ yawꞈ-euˬ aˬ li deuˬ-ahˇ maˬ ehˇ, aˬ yawꞈ-euˬ tsawˇ haˬ dawˬ tawˆ luꞈ-ahˇ maˬ ehˇ, aˬ dui sehꞈ-euˬ ma.

Dawˬmehˬ 2:33 Referans Kwoze

Dawˬmehˬ 7:2

Tsawˇ jeuˬ kʼoeˇ deuˬ naw maꞈ-euˬ laꞈ-ahˇ ahˇ le ni, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jahˇ-awˇ, aˬ yawꞈ maꞈ dawˬ tawˆ luꞈ-ahˇ naw maꞈ ya sehꞈ meh. Aˬ yawꞈ maꞈ nehˬ-ehˇ saˇ jaˇ taˬ dzaˬ.

Yawˇshuˆ 21:44

Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ saˇ jaˇ dzaˬ taˬ-euˬ loꞈ-ehˇ, miˇ kʼahˬ kʼoeˇ kʼahˬ kʼahˬ lah ni laꞈ kʼoeˇ, aˬ yawꞈ maꞈ kʼoeˇ taˆ nui saˇ oꞈ-eu jeˬ Sahˬpaˬ Miˬyehˇ bi keuˆ le-euˬ meh. Aˬ yawꞈ maꞈ-ahˇ muiˇ-eu tsawˇ haˬ tiˬ gʼaˬ-iˬ aˬ yawꞈ maꞈ mehˬ shi maˬ yawꞈ peuˬ-a. Aˬ jeˬ miˇ neh ehˇ naˇ, muiˇ-eu tsawˇ haˬ dawˬ tawˆ luꞈ kʼoeˇ taˆ gʼaˬ leˇ-eu baoˬ, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ biꞈ taˬ-euˬ meh.

Yaˇ kʼaˬ daˇ 7:2

Giˇdoˬ-ahˇ Sahˬpaˬ Miˬyehˇ ehˇ nehˬ-eu, “Nawˬ-euˬ tsawˇ haˬ deuˬ-ahˇ, Miˇdiˬyaˬ tsawˇ haˬ deuˬ-ahˇ ngaˇ bi gʼaˬ leˇ-eu gʼaˇ duˬ, nawˬ-euˬ tsawˇ haˬ deuˬ aˇ dzehˬ myaˬ dzeuˇ-eu meh. Aˬ yawꞈ maꞈ yawˬ haˇ yawˬ ha deuˆ gʼaˬ-euˬ ma lehˇ noeˬ-awˇ, ngaˬ neh mˇ-euˬ jeˬ-ahˇ maˬ mawˇ nya-aˇ.

Yaˇ kʼaˬ daˇ 1:4

Yuˇdaˆ tsawˇ haˬ deuˬ guiˇ deuˆ leˇ-awˇ, Kaˬnaˬ tsawˇ jeuˬ hawˇ-eu Paˬyehˆ tsawˇ jeuˬ kʼoeˇ taˆ, aˬ yawꞈ maꞈ-ahˇ Sahˬpaˬ Miˬyehˇ bi gʼaˬ leˇ-awˇ, Beˬzehˇ meuˬ laꞈ kʼoeˇ tsawˇ haˬ tiˬ heˇ gʼaˬ-ahˇ aˬ yawꞈ maꞈ deuˆ gʼaˬ-euˬ meh.

Dawˬmehˬ 20:16

“Ehˇ kʼawꞈ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ biꞈ-eu lehˇ gʼeh-eu miˇ kʼahˬ laꞈ kʼoeˇ jaˆ-eu meuˬ deuˬ-ahˇ nawˇ guiˇ deuˆ gʼaˬ ngeh, kʼaˇ jawˇ-eu tsawˇ haˬ yawˬ gʼaˬ na luꞈ maˬ bi dzeuˇ-iˇ ni nawˇ ya sehꞈ meh.

Bawˇtsahˬ 21:24

Ehˇ kʼawꞈ, aˬ yawꞈ maꞈ tsawˇ haˬ gʼawˬ mya ni Iˇsaˬleˬlaˆ tsawˇ haˬ neh bi deuˆ sehꞈ-awˇ, aˬ yawꞈ maꞈ-euˬ miˇ kʼahˬ Aˬnoˬ lawˇ baˬ-ahˇ neh Jaˬboˆ lawˇ baˬ-ahˇ keuˆ ni Iˇsaˬleˬlaˆ tsawˇ haˬ deuˬ neh bi deuˆ geuꞈ-euˬ meh. Aˬmoˬ tsawˇ jeuˬ-euˬ miˇ kaˬ-ahˇ keuˆ ni tehꞈ-ehˇ Iˇsaˬleˬlaˆ tsawˇ haˬ deuˬ guiˇ deuˆ keuˆ-euˬ meh. Aˬ jeˬ miˇ neh ehˇ naˇ, Aˬmoˬ miˇ kʼahˬ-ahˇ guiˇ guiˇ maꞈ gʼawˬ mya ni loꞈ tsoeˬ taˬ-euˬ meh,

Aˇ dahˬ 14:20

Nawˬ-ahˇ muiˇ-eu deuˬ-ahˇ nawˇ gʼaˬ leˇ nya ni caw ba nehˬ-euˬ gʼaˬ pyeuꞈ-eu, Huiˬ dui mahˇ dui dui-eu Miˬyehˇ-ahˇ aˬ cawˬ ja ceuˬ luꞈ-uˇ” lehˇ ehˇ-eu meh. Kʼoeˇ ngeh, guiˇ deuˆ gʼaˬ-awˇ kʼaˇ deuˆ za kʼoꞈ-euˬ pyuˇ shuiˇ myawˬ gahˬ dawˬ tawˆ luꞈ laꞈ kʼoeˇ, tseˇ bymˇ tiˬ bymˇ Aˬbyaˬ yuˇ doˆ-awˇ, Maˬlaˬkiˇsaˬdehˇ-ahˇ damˬ nehˬ-euˬ meh.

Doˆ-iˇ 23:31

Naw maꞈ miˇ kʼahˬ-euˬ miˇ kaˬ-aˬ, Aˬgaˬbaˬ Iˬ ma laˆ shaˆ lahˇ gʼoꞈ-ahˇ neh, Uˇpaˬlaˇ lawˇ baˬ-ahˇ keuˆ ni hawˇ-eu, Gʼahˇ ceh-euˬ Iˬ ma laˆ shaˆ-ahˇ neh, bawˇ tsahˬ bawˇ dahˇ kʼaˇ suiꞈ deh yaˇ-ahˇ keuˆ ni meh. Miˇ kʼahˬ kʼoeˇ kʼahˬ-ahˇ jawˇ-eu tsawˇ haˬ deuˬ kʼoeˇ taˆ, naw maꞈ-ahˇ ngaˇ baoˬ bi huiˬ dzehˬ-awˇ, naw maꞈ iˇ ngeh, aˬ yawꞈ maꞈ-ahˇ naw maꞈ teh doˆ gʼeh tehꞈ-a.

Dawˬmehˬ 2:32

Siˇhoˬ-aˬ, aˬ yawꞈ-euˬ tsawˇ haˬ dawˬ tawˆ luꞈ sheuˬ-awˇ, aˬ dui maꞈ-ahˇ guiˇ deuˆ-eu lehˇ Yaˬhaˇ meuˬ dawˬ peh oe-euˬ meh.

Dawˬmehˬ 29:6

Naw maꞈ dzaˬ-eu gʼaˇ duˬ kaˬ muˇ maˬ jaˆ-ehˇ, naw maꞈ dawˇ-eu gʼaˇ duˬ aˬ gaꞈ dzaˇ uiˇ maˬ jaˆ-a. Ehˇ kʼawꞈ, Sahˬpaˬ Miˬyehˇ aˬ yawꞈ naw maꞈ-euˬ Miˬyehˇ pyeuꞈ-eu gaˇ kawˆ naw maꞈ-ahˇ mehˬ nehˬ tsoˆ nehˬ-eu gʼaˇ duˬ, naw maꞈ kʼaˇ loˬ-eu jeˬ Sahˬpaˬ Miˬyehˇ naw maꞈ-ahˇ biꞈ nehˬ-euˬ meh.

Jaceuq 136:19

Aˬmawˇliˆ sahˬ paˬ Siˇhoˬ-ahˇ aˬ yawꞈ sehꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.