Dawˬmehˬ 2:30 - Akha

³⁰ “Ehˇ kʼawꞈ, sahˬ paˬ Siˇhoˬ-aˬ, aˬ yawꞈ-euˬ miˇ kʼahˬ laꞈ kʼoeˇ aˬ dui maꞈ-ahˇ maˬ bi cah tsehˆ laꞈ-aˬ. Aˬ yawꞈ-ahˇ aˬ dui guiˇ deuˆ-awˇ gʼaˬ leˇ-eu laꞈ kʼoeˇ, nymˬ-mˇ keuˆ ni aˬ dui-euˬ laꞈ-ahˇ jaˆ luꞈ-eu aˬ yawꞈ-euˬ miˇ kʼahˬ heu aˬ dui za ni, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jahˇ-euˬ meh.

Dawˬmehˬ 2:30 Referans Kwoze

Bawˇtsahˬ 21:23

Ehˇ kʼawꞈ, Siˇhoˬ-aˬ, Iˇsaˬleˬlaˆ tsawˇ haˬ deuˬ-ahˇ aˬ yawꞈ-euˬ miˇ kʼahˬ laꞈ kʼoeˇ maˬ bi cah tsehˆ-a. Aˬ yawꞈ-euˬ guiˇ maꞈ-ahˇ aˬ yawꞈ kuˇ uiˬ-awˇ, bawˇ tsahˬ bawˇ dahˇ laꞈ kʼoeˇ jaˆ-eu Yaˬhaˇ meuˬ-ahˇ iˇ-awˇ, Iˇsaˬleˬlaˆ tsawˇ haˬ deuˬ-ahˇ guiˇ deuˆ-iˇ-euˬ meh.

Doˆ-iˇ 4:21

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Iˇjiˇtuˆ miˇ kʼahˬ-ahˇ nawˇ gʼoꞈ keuˆ-iˇ ngeh, ngaˬ neh nawˬ-ahˇ baoˬ biꞈ nehˬ-awˇ bi mˇ-euˬ zahˬ leˇ paˬ-ehˇ gʼeh-eu jeˬ, sahˬ paˬ mehˬ shi maˬ ngehˇ ni mˇ mehˬ nehˬ-awˬ. Ehˇ kʼawꞈ, sahˬ paˬ kʼoeˇ gʼaˬ Iˇsaˬleˬlaˆ tsawˇ haˬ deuˬ-ahˇ maˬ pyehˬ nehˬ ni nui ma gʼahˇ laˇ-eu gʼaˇ duˬ ngaˇ jahˇ nehˬ ma.

Doˆ-iˇ 11:10

Zahˬ leˇ paˬ-ehˇ gʼeh-eu heu deuˬ dawˬ tawˆ luꞈ, sahˬ paˬ kʼoeˇ gʼaˬ-euˬ mehˬ shi Moˇseˬ hawˇ-eu Aˬloˬ mˇ mehˬ nehˬ-euˬ meh. Ehˇ kʼawꞈ, sahˬ paˬ kʼoeˇ gʼaˬ nui ma gʼahˇ ni, Sahˬpaˬ Miˬyehˇ neh jahˇ nehˬ-awˇ, Iˇsaˬleˬlaˆ tsawˇ haˬ deuˬ-ahˇ aˬ yawꞈ-euˬ miˇ kʼahˬ laꞈ kʼoeˇ neh, sahˬ paˬ kʼoeˇ gʼaˬ maˬ bi doˆ-iˇ-a.

Iˇsaˬyaˇ 48:4

Naw maꞈ nui ma gʼahˇ tehꞈ-a lehˇ ngaˇ siˬ duˬ taˬ-euˬ ma. Shmˇ loꞈ-ehˇ gʼahˇ-awˇ guiˬ shuiˇ loꞈ-ehˇ nehˬ-eu, ngaˇ siˬ dzeuˇ taˬ-euˬ ma.

Yaˇ kʼaˬ daˇ 11:20

Ehˇ kʼawꞈ, Siˇhoˬ-aˬ, Iˇsaˬleˬlaˆ tsawˇ haˬ deuˬ-ahˇ, aˬ yawꞈ-euˬ miˇ kʼahˬ maˬ bi le tsehˆ-a. Aˬ yawꞈ-euˬ guiˇ maꞈ dawˬ tawˆ luꞈ sheuˬ-awˇ, Yaˬhaˇ meuˬ-ahˇ taˆ tsoˆ-awˇ, Iˇsaˬleˬlaˆ tsawˇ haˬ deuˬ-ahˇ guiˇ deuˆ le-euˬ meh.

Dawˬmehˬ 2:31

“Kʼoeˇ naˇ, Sahˬpaˬ Miˬyehˇ ngaˬ-ahˇ ehˇ-eu, ‘Haw yawˬ, sahˬ paˬ Siˇhoˬ hawˇ-eu aˬ yawꞈ-euˬ miˇ kʼahˬ nawˬ-ahˇ ngaˇ biꞈ-euˬ ma. Aˬ yawꞈ-euˬ miˇ kʼahˬ-ahˇ deuˆ geuꞈ-awˬ’ lehˇ ehˇ-eu meh.

1 Sahˬpaˬ 12:15

Sahˬ paˬ Leˬhawˇbamˬ-aˬ, tsawˇ haˬ kʼoeˇ deuˬ gʼaˇ duˬ yaw muiˬ paˬ-ehˇ maˬ shaˇ noeˬ nehˬ-a. Aˬ jeˬ miˇ neh ehˇ naˇ, Shiˇloˬ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Aˬhiˇyaˬ-ahˇ gʼoe-awˇ, Sahˬpaˬ Miˬyehˇ pyeuꞈ-eu Miˬyehˇ neh Neˬbaˇ-euˬ aˬ li Yeˬyawˇbamˬ-ahˇ ehˇ nehˬ taˬ-euˬ dawˬ byah laˇ ni, Sahˬpaˬ Miˬyehˇ nui ma tsaˬ-euˬ meh.

Ngoeˇ dawˬ 3:65

Yawꞈ maꞈ-ahˇ nawˇ yaˬ kʼehˇ yaˬ-awˇ, noeˬ shaˬ-eu jeˬ bi tahˬ puˬ-awˬ.

Doˆ-iˇ 7:14

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Sahˬ paˬ heu gʼaˬ nui ma gʼahˇ dui dui-awˇ, Iˇsaˬleˬlaˆ tsawˇ haˬ deuˬ-ahˇ maˬ bi doˆ-iˇ ni jawˇ-eu meh.

Bawˇtsahˬ 21:33

Kʼoeˇ naˇ, Iˇsaˬleˬlaˆ tsawˇ haˬ deuˬ Baˬshaˬ meuˬ paw le-eu gaˇ ma caw caw-ehˇ le-euˬ meh. Baˬshaˬ sahˬ paˬ Awˇgaˆ hawˇ-eu aˬ yawꞈ-euˬ guiˇ maꞈ deuˬ Iˇsaˬleˬlaˆ tsawˇ haˬ deuˬ-ahˇ Eˬdiˇliˇ meuˬ-ahˇ guiˇ deuˆ le-eu lehˇ oe-euˬ meh.

Bawˇtsahˬ 21:34

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Aˬ yawꞈ-ahˇ taˬ guˆ. Aˬ yawꞈ-euˬ tsawˇ haˬ dawˬ tawˆ luꞈ hawˇ-eu aˬ yawꞈ-euˬ miˇ kʼahˬ-ahˇ ngaˇ nawˬ-ahˇ bi gʼaˬ leˇ ma. Heˬshaˬboˬ meuˬ-ahˇ jawˇ-awˇ uˆ lahˇ-eu Aˬmawˇliˆ sahˬ paˬ Siˇhoˬ-ahˇ nawˬ neh kʼaˇ jahˇ nehˬ-euˬ loꞈ-ehˇ, aˬ yawꞈ-ahˇ jahˇ nehˬ-awˬ.”

2 Laˬsaˬbaˬ 10:15

Sahˬ paˬ Leˬhawˇbamˬ-aˬ, tsawˇ haˬ kʼoeˇ deuˬ gʼaˇ duˬ yaw muiˬ paˬ-ehˇ maˬ shaˇ noeˬ nehˬ-a. Aˬ jeˬ miˇ neh ehˇ naˇ, Shiˇloˬ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Aˬhiˇyaˬ-ahˇ gʼoe-awˇ, Miˬyehˇ pyeuꞈ-eu Sahˬpaˬ Miˬyehˇ neh Neˬbaˇ-euˬ aˬ li Yeˬyawˇbamˬ-ahˇ ehˇ nehˬ-euˬ dawˬ byah laˇ ni, Sahˬpaˬ Miˬyehˇ nui ma tsaˬ-eu miˇ neh meh.