Dawˬmehˬ 19:6 - Akha

⁶ Kʼoeˇ loꞈ-ehˇ gʼeh-eu meuˬ tiˬ meuˬ tehꞈ-ehˇ bi jaˆ naˇ, aˇ dzehˬ-ehˇ kaˬ-eu jawˇ duˬ tiˬ tsahˇ na-ahˇ lehˬ laˇ ca laˇ ngeh, shiˇ-euˬ gʼaˬ-euˬ aˬ yuiꞈ aˬ nyiˇ laꞈ kʼoeˇ laꞈ poˆ ya poˆ-eu gʼaˬ aˬ yawꞈ-ahˇ teh miˇ-awˇ, nui ma aˬ huˬ huˬ-awˇ, iˬ baˇ maˬ ahˇ-eu tsawˇ haˬ kʼoeˇ gʼaˬ-ahˇ sehꞈ tehꞈ-a. Aˬ jeˬ miˇ neh ehˇ naˇ, tsawˇ haˬ kʼoeˇ gʼaˬ-aˬ, aˬ cawˬ nehˬ-ehˇ nui ma laˆ naˇ taˬ-euˬ maˬ jaˆ gaˇ, maˬ yehꞈ maˬ caˇ-ehˇ laˆ tahˬ-awˇ bi shiˇ-euˬ jeˬ pyeuꞈ-eu meh.

Dawˬmehˬ 19:6 Referans Kwoze

Bawˇtsahˬ 35:12

Kʼoeˇ gaˇ aˬ yawꞈ cehˆ uˇ-iˇ-awˇ, shiˇ-euˬ gʼaˬ-euˬ aˬ yuiꞈ aˬ nyiˇ deuˬ neh laꞈ poˆ bi poˆ-eu jeˬ-ahˇ aˬ yawꞈ ya buˬ-iˇ tehꞈ-a. Tsawˇ haˬ tiˬ gʼaˬ aˬ cawˬ-ahˇ sehꞈ-euˬ meh lehˇ ehˇ-eu kʼawꞈ, tsawˇ haˬ aˇ maꞈ aˇ muˇ mehˬ shi yaˇ kʼaˬ maˬ daˇ tsehˆ gʼaˬ kʼoeˇ keuˆ ni, aˬ yawꞈ-ahˇ maˬ ya sehꞈ-a.

2 Saˬmeuˬlaˆ 14:7

Ngaˬ-euˬ aˬ yuiꞈ aˬ nyiˇ deuˬ ngaˇ jawˇ gaˇ oe-awˇ, aˬ yawꞈ-eu mehˇ nmˇ-ahˇ sehꞈ-euˬ ngaˬ li-ahˇ aˬ yawꞈ maꞈ paˇ sehꞈ poˆ nehˬ-eu gʼaˇ duˬ, aˬ yawꞈ maꞈ-ahˇ a nehˬ laꞈ-awˬ lehˇ ehˇ-eu meh. Aˬ yawꞈ maꞈ kʼoeˇ loꞈ-ehˇ maˇ diˇ jahˇ nehˬ laꞈ te lehˇ ngeuˇ naˇ, ngaˇ-aˬ, aˬ li tiˬ li-iˬ maˬ paˇ jawˇ ni ya dehꞈ meh. Ngaˬ-euˬ noeˬ tmˬ duˬ-ahˇ aˬ yawꞈ maꞈ laˆ cawˆ-euˬ uˬ taꞈ ngaˬ-euˬ kʼaˬ dzeˇ zaˬ-euˬ tsawˇ myahˇ pi-eu aˬ li aˇ yoeˬ maˬ ceuˬ-ehˇ bi pyeuꞈ-iˇ ni aˬ yawꞈ maꞈ jahˇ-eu lehˇ gʼeh-eu meh.”

Yawˇshuˆ 20:5

Aˬ yawꞈ-ahˇ laꞈ poˆ poˆ mawꞈ-eu tsawˇ haˬ deuˬ kʼoeˇ gaˇ keuˆ ni teh keuˆ laˇ naˇ, meuˬ-ahˇ jawˇ-eu tsawˇ haˬ deuˬ aˬ yawꞈ-ahˇ kʼoeˇ deuˬ-euˬ laꞈ-ahˇ maˬ ya a nehˬ-a. Aˬ yawꞈ maꞈ aˬ yawꞈ-ahˇ ya haw piˇ nehˬ meh. Aˬ jeˬ miˇ neh ehˇ naˇ, aˬ yawꞈ nui ma pehˇ-eu laꞈ kʼoeˇ tsawˇ haˬ sehꞈ-euˬ maˬ ngeuˇ-a. Maˬ yehꞈ maˬ caˇ-ehˇ laˆ tahˬ-awˇ bi shiˇ-euˬ jeˬ pyeuꞈ-eu meh.

Dawˬmehˬ 21:22

“Tsawˇ haˬ tiˬ gʼaˬ na yaw haiˬ jeˬ mˇ-euˬ miˇ neh, aˬ cawˬ neh bi sehꞈ-awˇ, aˬ yawꞈ-euˬ gʼawˇ mawˇ kʼawˇ zeuˇ-ahˇ paꞈ gʼeu-awˇ bi jaˆ ngeh,

Dawˬmehˬ 19:5

Yaw jeˬ ma jeˬ ehˇ ngeh, tsawˇ haˬ nyiˬ gʼaˬ bawˇ tsahˬ-ahˇ miˬ dzaˬ kʼehꞈ-iˇ-eu lehˇ tiˬ kawˆ loꞈ-ehˇ gʼoˆ doˆ-iˇ-eu ehˇ-awˬ. Tiˬ gʼaˬ aˇ bawˇ tuˇ luꞈ ngeh deuˆ haˬ seuˬ lehˆ-iˇ-awˇ, yawˬ gʼaˬ yawˬ-ahˇ teuˆ zaw-awˇ bi shiˇ naˇ, yawˬ ha gʼaˬ ya buˬ-iˇ ni, meuˬ kʼoeˇ smˇ meuˬ laꞈ kʼoeˇ tiˬ meuˬ na-ahˇ ya cehˆ uˇ leˇ meh.

Dawˬmehˬ 19:7

Kʼoeˇ miˇ neh, meuˬ smˇ meuˬ tseˇ doˆ taˬ-awˇ bi jaˆ-awˬ lehˇ ngaˇ ehˇ-eu ma.