Dawˬmehˬ 17:8 - Akha

⁸ “Jeˬ biˇ-ahˇ taꞈ leˇ-eu gaˇ kawˆ, laˆ tahˬ laˆ naˇ-euˬ gaˇ kawˆ, tsawˇ haˬ-ahˇ sehꞈ-euˬ hawˇ-eu laˆ tahˬ-awˇ bi shiˇ-euˬ heu nyiˬ jeˬ aˬ joˆ-ehˇ ya tseˇ paˆ-eu gaˇ kawˆ, kʼoeˇ loꞈ-ehˇ gʼeh-eu shaˬ-eu gaˇ kawˆ deuˬ doˆ laˇ ngeh, naw maꞈ nehˬ-ehˇ jawˇ luꞈ-eu yaˇ kʼaˬ daˇ-eu deuˬ gʼaˇ duˬ jahˇ tsehˆ-eu yaw shaˬ meh. Kʼoeˇ loꞈ-ehˇ gʼeh-eu gaˇkawˆ doˆ laˇ ngeh, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh tseˇ doˆ taˬ-euˬ uˬ duˬ tahˬ-eu jawˇ duˬ kʼoeˇ tsahˇ-ahˇ le-awˬ.

Dawˬmehˬ 17:8 Referans Kwoze

Dawˬmehˬ 12:5

Naw maꞈ tsawˇ jeuˬ heu myaˆ ni gʼeh-eu miˇ kʼahˬ laꞈ kʼoeˇ, aˬ yawꞈ-euˬ mehˬ shi naw maꞈ le-awˇ, aˬ yawꞈ-ahˇ uˬ duˬ ya tahˬ-eu jawˇ duˬ tiˬ tsahˇ Sahˬpaˬ Miˬyehˇ tseˇ doˆ tehꞈ-a.

Haˬgaiˇ 2:11

Sahˬpaˬ Miˬyehˇ ehˇ-eu, “Piˇ ma deuˬ-ahˇ dawˬ heu dawˬ naˇ haˬ-awˇ bi shaˇ noeˬ-awˬ.

Dawˬmehˬ 1:17

Yaˇ kʼaˬ daˇ ngeh, myaˆ pyawˬ huiˬ nyiˇ taˬ tseˇ. Aˬ joˆ-ehˇ gʼeh-eu tsawˇ haˬ-ahˇ maˬ kaˬ, daˇ nehˬ-awˬ. Tsawˇ haˬ tiˬ gʼaˬ-ahˇ-iˬ taˬ guˆ. Aˬ jeˬ miˇ neh ehˇ naˇ, naw maꞈ neh yaˇ kʼaˬ daˇ-euˬ kʼoeˇ-aˬ, Miˬyehˇ neh daˇ-euˬ jeˬ pyeuꞈ-eu meh. Naw maꞈ gʼaˇ duˬ aˇ dzehˬ-ehˇ shaˬ-eu gaˇ doˆ laˇ naˇ, ngaˇ jawˇ gaˇ laˇ-awˬ. Ngaˇ jahˇ jiˇ nehˬ ma.

Maˬlaˬkiˇ 2:7

Miˬyehˇ-ahˇ siˬ nya-eu zaˬ siˬ tsawˇ gahˇ ahˇ laˇ ni mehˬ nehˬ tsoˆ nehˬ-eu jeˬ-aˬ, piˇ ma deuˬ-euˬ gaˇ meh. Aˬ yawꞈ maꞈ Baoˬ huiˬ-eu Sahˬpaˬ Miˬyehˇ-euˬ gʼaˬ kʼehˇ pyeuꞈ-eu miˇ neh, aˬ cawˬ aˬ yawꞈ maꞈ jawˇ gaˇ le-awˇ, ngaˇ nui ma tsaˬ-eu jeˬ gaˇ kawˆ ya dzaw geuꞈ leˇ-eu meh.

Dawˬmehˬ 19:17

nyiˬ gʼaˬ luꞈ uˬ duˬ tahˬ-eu jawˇ duˬ-ahˇ ya le-awˇ, kʼoeˇ gaˇ gaˇ mˇ luꞈ-eu piˇ ma deuˬ hawˇ-eu yaˇ kʼaˬ daˇ-eu deuˬ neh ya bi daˇ tsehˆ meh.

Dawˬmehˬ 19:4

Tsawˇ haˬ tiˬ gʼaˬ na, yawˬ ha nehˬ-ehˇ nui ma laˆ naˇ taˬ-euˬ maˬ jaˆ-eu tsawˇ haˬ tiˬ gʼaˬ-ahˇ maˬ yehꞈ maˬ caˇ-ehˇ laˆ tahˬ-awˇ bi shiˇ naˇ, meuˬ kʼoeˇ tiˬ meuˬ na-ahˇ cehˆ uˇ-iˇ ngeh, maˬ ya shiˇ ni ya buˬ-iˇ tehꞈ-a.

Bawˇtsahˬ 35:16

“Tsawˇ haˬ tiˬ gʼaˬ na, shmˇ neh aˬ cawˬ-ahˇ diˬ-awˇ bi shiˇ naˇ, tsawˇ haˬ-ahˇ sehꞈ-euˬ jeˬ pyeuꞈ-eu miˇ neh, aˬ yawꞈ-ahˇ paˇ ya sehꞈ poˆ meh.

Bawˇtsahˬ 35:11

tsawˇ haˬ tiˬ gʼaˬ na maˬ yehꞈ maˇ yehꞈ-ehˇ aˬ cawˬ-ahˇ laˆ sehꞈ ngeh cehˆ buˬ nya-eu gʼaˇ duˬ, buˬ-iˇ law-iˇ-eu meuˬ deuˬ naw maꞈ ya tseˇ doˆ taˬ meh.

Doˆ-iˇ 22:2

Smˇ kʼoeˬ tiˬ gʼaˬ, smˇ kʼoeˬ kʼoeˬ luꞈ gaˇ aˬ cawˬ mawˇ-awˇ bi sehꞈ naˇ, sehꞈ-eu gʼaˬ kʼoeˇ taˆ iˬ baˇ maˬ jaˆ-a.

Doˆ-iˇ 21:28

“Mawˇ neˇ mawˇ gaw tiˬ mawˇ tsawˇ haˬ tiˬ gʼaˬ-ahˇ tahˬ sehꞈ naˇ, mawˇ neˇ kʼoeˇ mawˇ-ahˇ kʼaˬ lo neh ya biˬ sehꞈ-awˇ, mawˇ neˇ kʼoeˇ mawˇ-euˬ shaˬ jiˇ maˬ ya dzaˬ-a. Mawˇ neˇ-euˬ yaw sahˇ gʼaˬ-ahˇ maˬ ya kʼehˬ nehˬ-a.

Doˆ-iˇ 21:22

“Tsawˇ haˬ tiˬ deuˬ na dawꞈ ngeh ceh ngeh, aˬ nyiˇ pi luꞈ-eu zaˬ miˬ zaˬ tiˬ gʼaˬ na-ahˇ laˆ tahˬ-eu laꞈ kʼoeˇ, zaˬ dzeh-eu kʼawꞈ, zaˬ mi zaˬ kʼoeˇ gʼaˬ-ahˇ nui gaˇ laˆ zaw-euˬ maˬ jaˆ naˇ, laˆ tahˬ laˆ naˇ nehˬ-euˬ tsawˇ haˬ kʼoeˇ gʼaˬ, zaˬ mi zaˬ kʼoeˇ gʼaˬ-euˬ kʼaˬ dzeˇ zaˬ gʼaˬ kʼaˇ shaˇ-eu myaˆ ni, yaˇ kʼaˬ daˇ-eu deuˬ neh guiˇ oꞈ tiꞈ nehꞈ-eu loꞈ-ehˇ ya doˆ meh.

Doˆ-iˇ 21:20

“Tsawˇ haˬ tiˬ gʼaˬ na, yawˬ ha-euˬ zaˬ miˬ zaˬ zaˬ kʼaˆ-ahˇ maˬ ehˇ, kʼaˬ dzeˇ zaˬ zaˬ kʼaˆ-ahˇ maˬ ehˇ, daˇ kawˬ neh diˬ-awˇ, maˬ bi luˆ-iˇ ni, aˬ yawꞈ tsahˇ-ahˇ neh diˬ sehꞈ naˇ, kʼehˬ nehˬ kʼaˆ nehˬ-eu jeˬ-ahˇ ya daˬ tehꞈ-a.

Doˆ-iˇ 18:26

Aˬ yawꞈ maꞈ-aˬ, Iˇsaˬleˬlaˆ tsawˇ haˬ deuˬ kʼoeˇ taˆ, aˬ myah luꞈ yaˇ kʼaˬ daˇ nehˬ-eu yaˇ kʼaˬ daˇ-eu tsawˇ haˬ deuˬ geuꞈ-awˇ, huiˬ-eu gaˇ deuˬ tehꞈ-ehˇ Moˇseˬ jawˇ gaˇ bi keuˆ leˇ-awˇ, nyiˇ-eu gaˇ deuˬ-ahˇ yawˬ haˇ yawˬ ha jahˇ jiˇ-euˬ meh.

Doˆ-iˇ 18:15

Moˇseˬ ehˇ-eu, “Miˬyehˇ bi mˇ mawꞈ-eu jeˬ-ahˇ aˬ yawꞈ maꞈ ya siˬ-eu gʼaˇ duˬ, tsawˇ haˬ heu deuˬ ngaˇ jawˇ gaˇ laˇ-eu miˇ neh, ngaˇ heu loꞈ-ehˇ ya mˇ-eu jeˬ pyeuꞈ-eu ma.

Doˆ-iˇ 22:8

Ehˇ kʼawꞈ, smˇ kʼoeˬ maˬ nyehꞈ mi nya naˇ, pyuˇ shuiˇ myawˬ gahˬ jeˬ hmˬ nehˬ-euˬ gʼaˬ-ahˇ, uˬ duˬ tahˬ-eu jawˇ duˬ-ahˇ sheuˬ gʼeh-awˇ, aˬ cawˬ-euˬ myawˬ aˬ yawꞈ maˬ kʼoeˬ-aˬ lehˇ, kʼoeˇ gaˇ ya bi kamˬ meh.

Dawˬmehˬ 12:11

Aˬ yawꞈ-ahˇ uˬ duˬ ya tahˬ-eu jawˇ duˬ tiˬ tsahˇ aˬ yawꞈ tseˇ doˆ-awˇ, kʼoeˇ gaˇ aˬ yawꞈ-ahˇ naw maꞈ uˬ duˬ ya tahˬ tehꞈ-a. Ngaˇ naw maꞈ-ahˇ dawˬ biꞈ taˬ-euˬ loꞈ-ehˇ, naw maꞈ-euˬ miˬ dzaˬ dzah puiˆ-awˇ lawˇ-eu jeˬ maˬ ehˇ, nui jeˬ lawˇ-eu jeˬ maˬ ehˇ, tseˇ bymˇ tiˬ bymˇ hawˇ-eu naw maꞈ neh damˬ-euˬ jeˬ maˬ ehˇ, naw maꞈ neh Sahˬpaˬ Miˬyehˇ-ahˇ saˇ jaˇ dzaˬ taˬ-euˬ yaw zawˇ muiˬ-eu laꞈ sawˬ deuˬ maˬ ehˇ, dawˬ tawˆ luꞈ kʼoeˇ gaˇ aˬ yawꞈ-ahˇ ya yuˇ gʼeh nehˬ meh.

Dawˬmehˬ 25:1

“Iˇsaˬleˬlaˆ tsawˇ haˬ nyiˬ gʼaˬ yaw kaˬ dawˬ ja doˆ laˇ-euˬ miˇ neh, yaˇ kʼaˬ daˇ duˬ-ahˇ le-awˇ bi laˆ tsaˬ leˇ ngeh, tiˬ gʼaˬ-aˬ iˬ baˇ ahˇ-awˇ, yawˬ gʼaˬ yawˬ iˬ baˇ maˬ ahˇ-a lehˇ bi daˇ tsehˆ-euˬ ehˇ-awˬ.

Yeˬsaˬgeˬlaˇ 44:24

Dawˬ ja kʼaˇ laˆ doˆ ngeh, ngaˬ-euˬ zahˇ dawˬ kʼoꞈ dawˬ-ahˇ tsaˬ ni piˇ ma deuˬ yaˇ kʼaˬ ya daˇ nehˬ meh. Ngaˬ-euˬ zahˇ sahˇ kʼoꞈ-ahˇ tsaˬ ni, uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ deuˬ aˬ yawꞈ maꞈ ya gʼeh-awˇ, jawˇ nah ngeh nah muiˬ-eu shawˇ-eu aˇ nah pyeuꞈ ni aˬ yawꞈ maꞈ ya jeˬ hmˬ meh.

Dawˬmehˬ 12:14

Naw maꞈ tsawˇ jeuˬ tiˬ jeuˬ-euˬ miˇ kʼahˬ laꞈ kʼoeˇ Sahˬpaˬ Miˬyehˇ neh tseˇ doˆ-euˬ jawˇ duˬ-ahˇ tehꞈ-ehˇ ya lawˇ ya shehˇ meh. Miˬ dzaˬ dzah puiˆ-awˇ lawˇ-eu jeˬ lawˇ-eu hawˇ-eu ngaˬ neh dawˬ kʼaˇ biꞈ taˬ-eu jeˬ dawˬ tawˆ luꞈ-ahˇ, jawˇ duˬ kʼoeˇ tsahˇ laꞈ kʼoeˇ tehꞈ-ehˇ naw maꞈ ya mˇ meh.

Dawˬmehˬ 21:5

Leˬbiˇ tsawˇ haˬ piˇ ma deuˬ kʼawꞈ kʼoeˇ gaˇ ya iˇ meh. Aˬ jeˬ miˇ neh ehˇ naˇ, tsawˇ haˬ-ahˇ diˬ-eu sehꞈ-eu gaˇ kʼaˇ taꞈ leˇ-eu gaˇ kawˆ yawˬ jeˬ na luꞈ-ahˇ, aˬ yawꞈ maꞈ yaˇ kʼaˬ ya daˇ nehˬ meh. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ gaˇ bi mˇ-eu gʼaˇ duˬ maˬ ehˇ, aˬ yawꞈ-euˬ tsawˇ myahˇ uˬ moˆ dawˬ bi ngehˬ gʼeh-eu gʼaˇ duˬ maˬ ehˇ, aˬ yawꞈ maꞈ-ahˇ aˬ yawꞈ neh tseˇ doˆ taˬ-euˬ meh.

2 Saˬmeuˬlaˆ 15:2

Aˬ yawꞈ uˬ shawˬ paw yaw naꞈ-ehˇ tuˇ-awˇ, meuˬ-euˬ lahˇ kʼehˬ dawˬ peh jaˆ-eu gaˇ ma-ahˇ yawꞈ-awˇ jawˇ-eu meh. Dawˬ ja laˆ doˆ-awˇ, sahˬ paˬ neh yaˇ kʼaˬ bi daˇ nehˬ-eu lehˇ kʼaˇ laˇ-euˬ tsawˇ haˬ deuˬ-ahˇ Aˬbaˇsaˬloˬ kuˇ naˬ-awˇ, Aˬ geu gaˇ jawˇ te lehˇ naˇ haˬ-euˬ meh. Aˬ geu gaˇ neh laˇ-awˇ aˬ jeˬ tsawˇ jeuˬ pyeuꞈ-eu gaˇ kawˆ, aˬ cawˬ aˬ yawꞈ-ahˇ ehˇ kʼoꞈ nehˬ-euˬ meh.

1 Laˬsaˬbaˬ 26:29

Iˇzaˬhaˬ-euˬ zaˬ deuˬ uˆ deuˬ laꞈ kʼoeˇ, Sheˬnaˬniˇyaˆ hawˇ-eu aˬ yawꞈ-euˬ aˬ li deuˬ-aˬ, jaˇ laˇ boꞈ-eu paw hawˇ-eu, Iˇsaˬleˬlaˆ tsawˇ haˬ yaw kaˬ dawˬ ja doˆ laˇ ngeh ya laˆ tsaˬ nehˬ-eu gaˇ pyeuꞈ-eu, uˆ lahˇ-eu paw taꞈ leˇ-eu saˇ naˇ gaˇ ya mˇ-eu meh.