Dawˬmehˬ 17:2 - Akha2-3 “Naw maꞈ jawˇ-eu meuˬ tiˬ meuˬ na laꞈ kʼoeˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, tiˬ gʼaˬ na, Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ leuˇ-awˇ, miˬ yehˇ nui deuˬ-ahˇ maˬ ehˇ, nahˇ ma-ahˇ maˬ ehˇ, ba la-ahˇ maˬ ehˇ, aˬ guiˇ-ahˇ maˬ ehˇ, uˬ duˬ tahˬ-eu laꞈ kʼoeˇ, Sahˬpaˬ Miˬyehˇ-ahˇ mˇ bahˬ-awˇ, aˬ yawꞈ-euˬ dawˬ ma saˇ jaˇ-ahˇ puiˬ-euˬ gaˇ kawˆ ya gaˬ-euˬ ehˇ-awˬ. Gade chapit la |
Dawˬmehˬ 17:2
26 Referans Kwoze
Kʼoeˇ naˇ, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-euˬ laꞈ kʼoeˇ ehˇ-eu, “Tsawˇ jeuˬ heu jeuˬ-aˬ, aˬ yawꞈ maꞈ bi caw teh-eu gʼaˇ duˬ, aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ taˬ-euˬ dawˬ ma saˇ jaˇ-ahˇ puiˬ-eu nga. Aˬ jeˬ miˇ neh ehˇ naˇ, ngaˬ-euˬ dawˬ-ahˇ aˬ yawꞈ maꞈ maˬ naˇ haˬ geuꞈ-a.
Iˇsaˬleˬlaˆ tsawˇ haˬ deuˬ-aˬ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ maˬ naˇ haˬ geuꞈ-ehˇ, aˬ yawꞈ nehˬ-ehˇ dzaˬ taˬ-euˬ dawˬ ma saˇ jaˇ-ahˇ puiˬ-euˬ uˬ taꞈ, Sahˬpaˬ Miˬyehˇ-euˬ zaˬ kʼaˆ Moˇseˬ-ahˇ gʼoe-awˇ Sahˬpaˬ Miˬyehˇ neh biꞈ taˬ-euˬ zahˇ dawˬ kʼoꞈ dawˬ kʼoeˇ deuˬ dawˬ tawˆ luꞈ-euˬ mehˬ nah maˬ caw teh-a. Kʼoeˇ miˇ neh, Saˬmaˬliˆ meuˬ aˬ cawˬ tsawˇ jeuˬ-euˬ laꞈ-ahˇ ahˇ leˇ-euˬ meh.
Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ dawˬ ma saˇ jaˇ laꞈ kʼoeˇ naw maꞈ maˬ ziꞈ-ehˇ, miˬ yehˇ nui deuˬ-ahˇ naw maꞈ caw teh-awˇ uˬ duˬ tahˬ naˇ, aˬ yawꞈ nui ma pehˇ-eu laꞈ kʼoeˇ naw maꞈ-ahˇ kʼehˬ nehˬ kʼaˆ nehˬ laꞈ-awˇ, tiˬ kʼehˇ laˇ kʼehˬ laꞈ kʼoeˇ tehꞈ-ehˇ, aˬ yawꞈ neh biꞈ laꞈ-euˬ muiˬ dui dui-eu miˇ kʼahˬ heu kʼahˬ laꞈ kʼoeˇ naw maꞈ tiˬ gʼaˬ-iˬ maˬ jawˇ-ehˇ piˬ-iˇ byoˆ-iˇ jiˇ tehꞈ-a.”
Ya laˆ luˬ ya laˆ seˇ jiˇ meh lehˇ ehˇ taˬ-euˬ myawˬ kʼoeˇ deuˬ yuˇ-euˬ ngaˬ neh laꞈ noeˇ toeˬ-euˬ tsawˇ haˬ kʼoeˇ gʼaˬ-ahˇ, aˬ yawꞈ-euˬ miˬ sawˇ zaˬ hawˇ-eu aˬ yawꞈ kʼaˇ jaˆ-eu yawˬ jeˬ na luꞈ nehˬ-ehˇ tiˬ kawˆ loꞈ-ehˇ, miˬ dzaˬ-ahˇ ya dzah puiˆ nehˬ meh. Aˬ jeˬ miˇ neh ehˇ naˇ, guˆ dui dui laˇ paˬ-ehˇ gʼeh-eu shaꞈ dawˇ-eu jeˬ Iˇsaˬleˬlaˆ tsawˇ haˬ kʼoeˇ taˆ keuˆ le ni aˬ yawꞈ mˇ-awˇ, ngaˬ-euˬ dawˬ ma saˇ jaˇ-ahˇ puiˬ-euˬ meh.”
Iˇsaˬleˬlaˆ tsawˇ jeuˬ iˬ baˇ mˇ-euˬ meh. Ngaˬ nehˬ-ehˇ saˇ jaˇ dzaˬ taˬ-euˬ loꞈ-ehˇ aˬ yawꞈ maꞈ maˬ mˇ-aˬ. Ya laˆ luˬ ya laˆ seˇ jiˇ meh lehˇ ehˇ taˬ-euˬ myawˬ tiˬ paˆ na deuˬ aˬ yawꞈ maꞈ yuˇ geuꞈ-euˬ meh. Aˬ yawꞈ maꞈ smˇ kʼoeˬ kʼoeˬ-awˇ jaˬ myawꞈ myawꞈ-eu laꞈ kʼoeˇ, myawˬ kʼoeˇ deuˬ-ahˇ aˬ yawꞈ maꞈ-euˬ myawˬ nehˬ-ehˇ bi jaˆ-euˬ meh.
Dawˬ ma saˇ jaˇ yaw shuiꞈ heu-aˬ, aˬ yawꞈ maꞈ-euˬ aˬ poeˬ aˬ bawˇ deuˬ-ahˇ, Iˇjiˇtuˆ miˇ kʼahˬ laꞈ kʼoeˇ shaˬ luꞈ gaˇ, ngaˬ neh aˬ laꞈ-ahˇ tuˆ tehˬ-awˇ tsahˇ doˆ nehˬ ngeh, aˬ yawꞈ maꞈ nehˬ-ehˇ ngaˇ dzaˬ-euˬ dawˬ ma saˇ jaˇ yaw oeˇ-ahˇ maˬ duˇ-a. Ngaˇ-aˬ, aˬ yawꞈ maꞈ-euˬ kʼaˬ dzeˇ zaˬ-ahˇ duˇ kʼawꞈ, dawˬ ma saˇ jaˇ kʼoeˇ hmˬ-ahˇ aˬ yawꞈ maꞈ maˬ ziꞈ-a.
Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh saˇ jaˇ dzaˬ taˬ-euˬ loꞈ-ehˇ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ-ahˇ aˬ yawꞈ maꞈ-ahˇ ngaˇ sheuˬ uˇ gʼeh ma. Kʼoeˇ gaˇ, aˬ yawꞈ maꞈ kʼaˇ dzaˬ mawꞈ-eu jeˬ tiˬ byah ni jaˆ-awˇ, yaw saˇ saˇ-ehˇ ya dehꞈ ya jawˇ tehꞈ-a. Ehˇ kʼawꞈ, aˬ yawꞈ maꞈ mehˬ shiˬ yawˬ paw yawˬ ciˬ pyawˇ-awˇ, miˬyehˇ nui deuˬ-ahˇ uˬ duˬ tahˬ tehꞈ-a. Aˬ yawꞈ maꞈ ngaˬ-ahˇ byehˇ dzeh-awˇ, ngaˬ-euˬ dawˬ ma saˇ jaˇ-ahˇ puiˬ tehꞈ-a.
Iˬ nah heu gaˇ yawꞈ luꞈ-eu kʼaˬ dzeˇ zaˬ hawˇ-eu zaˬ miˬ zaˬ aˬ geu gʼaˬ maˬ kaˬ, nymˇ jiˇ aˬ geu jiˇ maˬ kaˬ, tsawˇ jeuˬ aˬ geu jeuˬ maˬ kaˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ byehˇ dzeh-awˇ, aˬ cawˬ tsawˇ jeuˬ-euˬ miˬyehˇ deuˬ-ahˇ uˬ duˬ maˬ ya tahˬ ni, yaw kʼaˆ kʼaˆ-ehˇ yahˇ-awˬ. Kʼoeˇ loꞈ-ehˇ mˇ-eu jeˬ-aˬ, kʼaˬ jehꞈ ni gʼeh-awˇ doꞈ kʼaˆ dui dui-eu aˇ bawˇ bi bawˇ laˇ-eu duˬ ciˇ-ahˇ duˇ-eu meh.
Ngaˬ nehˬ-ehˇ dzaˬ taˬ-euˬ saˇ jaˇ-ahˇ naw maꞈ puiˬ-eu miˇ neh, naw maꞈ kʼoeˇ taˆ guiˇ deuˆ-eu jeˬ bi keuˆ le-awˇ, naw maꞈ-ahˇ ngaˇ kʼehˬ ma. Naw maꞈ-euˬ meuˬ deuˬ laꞈ kʼoeˇ naw maꞈ uiˬ leˇ-awˇ jawˇ ngeh, maˬ laˆ taˬ nya-eu naˇ gawˇ deuˬ naw maꞈ kʼoeˇ taˆ bi keuˆ le-awˇ, naw maꞈ-ahˇ muiˇ-eu deuˬ-euˬ laꞈ-ahˇ, naw maꞈ ya ahˇ leˇ tehꞈ-a.
Aˬ yawꞈ-euˬ aˬ da Heˬsaˬgiˇ neh laˆ cawˆ yaꞈ-euˬ lawˇ ciꞈ zaˬ deuˬ uˬ duˬ tahˬ-eu jawˇ duˬ kʼoeˇ deuˬ-ahˇ, aˬ yawꞈ neh paˇ tsoˆ muiˬ-euˬ meh. Iˇsaˬleˬlaˆ sahˬ paˬ Aˬhaˆ neh mˇ-euˬ loꞈ-ehˇ, Baˬlaˇ miˬyehˇ-ahˇ uˬ duˬ tahˬ-eu gʼaˇ duˬ, aˬ yawꞈ lawˇ duˬ tsoˆ-awˇ, Aˬsheˇlaˬ miˬyehˇ ma-euˬ mawˇ kawˇ aˬ yawꞈ tehˆ-euˬ meh. Aˬ guiˇ deuˬ-ahˇ kʼawꞈ aˬ yawꞈ uˬ duˬ tahˬ-euˬ meh.
Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ yaw huiˬ yaw mahˇ geuꞈ-eu deuˬ, sahˬ paˬ-euˬ hawˇ nymˇ laꞈ kʼoeˇ gaˇ mˇ-eu yaw huiˬ yaw mahˇ deuˬ, piˇ ma deuˬ hawˇ-eu, miˇ kʼahˬ-euˬ aˬ yuiꞈ aˬ tsu dawˬ tawˆ luꞈ, aˬ yawꞈ maꞈ neh nyiˬ tsehˆ-ehˇ deuˆ tm-euˬ mawˇ neˇ mawˇ gaw-euˬ gʼawˇ pah cah tsehˆ-awˇ, ngaˬ-ahˇ saˇ jaˇ dzaˬ-euˬ meh. Ehˇ kʼawꞈ, aˬ yawꞈ maꞈ saˇ jaˇ puiˬ-awˇ, saˇ jaˇ dzaˬ taˬ-euˬ loꞈ-ehˇ maˬ dehꞈ-a. Kʼoeˇ miˇ neh, aˬ yawꞈ maꞈ neh mawˇ neˇ mawˇ gaw kʼoeˇ mawˇ-ahˇ kʼaˇ jahˇ nehˬ-euˬ loꞈ-ehˇ, aˬ yawꞈ maꞈ-ahˇ ngaˇ jahˇ nehˬ ma.
“Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Naw maꞈ maˬ ehˇ, naw maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ ehˇ, Moˇlehˆ miˬ yehˇ-ahˇ yawˬ ha-euˬ zaˬ biꞈ nehˬ-eu tsawˇ haˬ a geu gʼaˬ maˬ kaˬ, sehꞈ gaˇ ya daˬ tehꞈ-a. Tsawˇ haˬ aˇ maꞈ dawˬ tawˆ luꞈ, aˬ yawꞈ-ahˇ kʼaˬ lo neh ya biˬ sehꞈ tehꞈ-a.
Ehˇ kʼawꞈ, aˬ yawꞈ-ahˇ kʼaˇ ngehˬ cawˬ laˇ-eu tsawˇ haˬ deuˬ-ahˇ Yawˇshaˆ ehˇ nehˬ-eu, “Naw maꞈ Baˬlaˇ miˬ yehˇ paw pyawˬ te loˇ. Aˬ yawꞈ-ahˇ ka kʼoꞈ-eu gʼeh te loˇ. Aˬ yawꞈ jawˇ paw pyawˬ-eu tsawˇ haˬ aˬ geu gʼaˬ maˬ kaˬ, uˬ shawˬ maˬ buˬ-iˇ mi naˆ-ehˇ ya shiˇ tehꞈ-a. Baˬlaˇ-aˬ, miˬ yehˇ pyeuꞈ-eu ngeuˇ naˇ, aˬ yawꞈ-euˬ lawˇ duˬ bi deh pyaˆ gaˇ keuˆ-eu-aˬ, aˬ yawˆ yawꞈ ka kʼoꞈ tehꞈ-a.”
Piblisite