Dawˬmehˬ 17:11 - Akha

¹¹ Aˬ yawꞈ maꞈ neh daˇ tsehˆ nehˬ laꞈ-euˬ gaˇ juˬ-awˇ, aˬ yawꞈ maꞈ neh kʼaˇ mehˬ kʼaˇ tsoˆ laꞈ-euˬ loꞈ-ehˇ, tiˬ dawˬ-iˬ maˬ bi lehˬ-iˇ ni caw teh-awˬ.

Dawˬmehˬ 17:11 Referans Kwoze

Yawˇshuˆ 1:7

Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˇ, ngaˬ-euˬ zaˬ kʼaˆ Moˇseˬ neh nawˬ-ahˇ biꞈ-euˬ Zahˇ dawˬ kʼoꞈ dawˬ dawˬ tawˆ luꞈ-ahˇ, maˬ ngehˇ ni caw teh-awˬ.

Yuˇdaˆ 1:8

Kʼoeˇ gaˇ duˇ ni, tsawˇ haˬ heu deuˬ kʼawꞈ, yuꞈ maˆ maˆ mawˇ-eu laꞈ kʼoeˇ yawˬ ha-euˬ gʼawˇ mawˇ-ahˇ yawˬ ha iˬ baˇ mˇ-eu meh. Miˬyehˇ uˆ lahˇ-eu baoˬ-ahˇ aˬ yawꞈ maꞈ yehˬ bawˬ sehˇ lu-ehˇ gʼeh-awˇ, mˬ kʼoeˇ taˆ jawˇ-eu yaw shehꞈ kʼahˬ sehˇ huiˬ-eu deuˬ-ahˇ ngehˬ doeˇ ehˇ doeˇ-eu meh.

2 Beˬtuˆluˆ 2:10

Jawꞈ dui dui-eu shiˬ shaˬ jiˇ-euˬ nui kʼahˇ mehˬ nah caw teh-awˇ Miˬyehˇ uˆ lahˇ-eu jeˬ-ahˇ yehˬ bawˬ sehˇ lu-ehˇ ehˇ-eu deuˬ-ahˇ-aˬ, aˬ cawˬ-ahˇ naˆ maˬ tseˇ aˬ joˆ-ehˇ ya kʼehˬ ya kʼaˆ nehˬ-eu gaˇ kawˆ Miˬyehˇ siˬ nya meh. Maˬ ngeuˇ-eu mehˬ-eu tsoˆ-eu saˬ laˬ kʼoeˇ deuˬ-aˬ, guˆ-eu nui ma maˬ ahˇ ni, kʼaˬ duˬ ni mehˬ-eu tsoˆ-eu meh. Mˬ kʼoeˇ taˆ yaw shehꞈ kʼahˬ sehˇ huiˬ-eu deuˬ-ahˇ kʼawꞈ yaw zeu maˬ baw-eu uˬ taꞈ, yehˬ bawˬ sehˇ lu-ehˇ ehˇ-eu meh.

Tiˇtuˆ 3:1

Sahˬ paˬ sahˬ ma deuˬ hawˇ-eu uˆ lahˇ-eu deuˬ-euˬ laꞈ oˆ yaw muiˬ-ehˇ jawˇ-awˇ, aˬ yawꞈ maꞈ-euˬ ehˇ dawˬ naˇ haˬ-eu laꞈ kʼoeˇ, yaw muiˬ jeˬ dawˬ tawˆ luꞈ-ahˇ mˇ-eu lehˇ lehˬ hmˬ taˬ-eu gʼaˇ duˬ nawˬ-euˬ tsawˇ haˬ deuˬ maˬ ya ngehˇ ni ja noeˬ nehˬ-awˬ.

Dawqdaq 4:27

Gaˇ oˆ gaˇ taˆ kuiˇ toꞈ maˬ ciˬ ahˇ ni, yaw haiˬ jeˬ-ahˇ yahˇ-awˇ cah-awˬ.

2 Saˬmeuˬlaˆ 14:19

Sahˬ paˬ aˬ yawꞈ-ahˇ naˇ haˬ-eu, “Yoˇbaˬ neh nawˬ-ahˇ heu loꞈ-ehˇ bi ehˇ laˇ-euˬ maˬ ngeuˇ-a loˇ.” Zaˬ miˬ zaˬ kʼoeˇ gʼaˬ ehˇ-eu, “Sahˬ paˬ-oˇ, nawˬ neh kʼaˇ naˇ haˬ-euˬ jeˬ-ahˇ gaˇ jaw maˬ jaw-ehˇ dawˇ coe ni ehˇ kʼoꞈ nehˬ ma lehˇ, yaw muiˬ yaw shawˇ jeˬ dawˬ tawˆ luꞈ mehˬ shi ngaˇ kamˬ-eu ma. Aˬ joˆ-ehˇ ya mˇ ya shaˇ-awˇ, aˬ joˆ-ehˇ ya ngehˬ ya tmˇ-eu gaˇ kawˆ ngaˬ-ahˇ mehˬ nehˬ laꞈ-euˬ gʼaˬ-aˬ, maˇ maˇ ni nawˬ-euˬ gaˇ mˇ-eu yaw huiˬ yaw mahˇ tiˬ gʼaˬ pyeuꞈ-eu Yoˇbaˬ meh.

Yawˇshuˆ 23:6

Kʼoeˇ miˇ neh, Moˇseˬ-euˬ Zahˇ dawˬ kʼoꞈ dawˬ sahˬ boꞈ laꞈ kʼoeˇ kʼaˇ boꞈ taˬ-euˬ yawˬ jeˬ na luꞈ-ahˇ, tiˬ pawꞈ-iˬ maˬ byehˇ dzeh ni yaw muiˬ paˬ-ehˇ naˇ haˬ geuꞈ-awˬ.

Dawˬmehˬ 28:14

Ehˇ kʼawꞈ, aˬ jeˬ pyeuꞈ kʼawꞈ, zahˇ dawˬ kʼoꞈ dawˬ heu deuˬ-ahˇ nawˇ maˬ naˇ haˬ geuꞈ ni maˬ ya byehˇ-eu uˬ taꞈ, miˬ yehˇ nui deuˬ-ahˇ uˬ duˬ tahˬ-eu laꞈ kʼoeˇ aˬ yawꞈ maꞈ-euˬ zaˬ kʼaˆ maˬ ya geuꞈ-iˇ-a.

Dawˬmehˬ 25:1

“Iˇsaˬleˬlaˆ tsawˇ haˬ nyiˬ gʼaˬ yaw kaˬ dawˬ ja doˆ laˇ-euˬ miˇ neh, yaˇ kʼaˬ daˇ duˬ-ahˇ le-awˇ bi laˆ tsaˬ leˇ ngeh, tiˬ gʼaˬ-aˬ iˬ baˇ ahˇ-awˇ, yawˬ gʼaˬ yawˬ iˬ baˇ maˬ ahˇ-a lehˇ bi daˇ tsehˆ-euˬ ehˇ-awˬ.

Dawˬmehˬ 17:20

Kʼoeˇ loꞈ-ehˇ gui naˇ, “Ngaˇ-aˬ, ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ naˆ maˬ tseˇ huiˬ dzehˬ ma’ lehˇ aˬ yawꞈ maˬ noeˬ-ehˇ, Sahˬpaˬ Miˬyehˇ -euˬ zahˇ dawˬ kʼoꞈ dawˬ-ahˇ tiˬ jeˬ gʼeh-awˇ neh-iˬ maˬ puiˬ ni dehꞈ tehꞈ-a. Kʼoeˇ naˇ, aˬ yawꞈ gʼawˬ mya kʼoꞈ keuˆ ni sahˬ paˬ geuꞈ-awˇ ya uˆ lahˇ tehꞈ-a. Aˬ yawꞈ-euˬ zaˬ deuˬ uˆ deuˬ kʼawꞈ, gʼawˬ mya ziˇ keuˆ ni Iˇsaˬleˬlaˆ miˇ kʼahˬ-ahˇ ya uˆ lahˇ tehꞈ-a.

Dawˬmehˬ 5:32

“Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ, yawˬ jeˬ na luꞈ maˬ ngehˇ ni mˇ-awˬ. Aˬ yawꞈ-euˬ zahˇ dawˬ kʼoꞈ dawˬ-ahˇ maˬ naˇ haˬ geuꞈ ni tiˬ dawˬ-iˬ taˬ byehˇ.

Uˬ duˬ 10:11

Ngaˬ neh Moˇseˬ-ahˇ biꞈ-awˇ naw maꞈ-ahˇ bi biꞈ-euˬ zahˇ dawˬ kʼoꞈ dawˬ dawˬ tawˆ luꞈ, Iˇsaˬleˬlaˆ tsawˇ haˬ deuˬ-ahˇ naw maꞈ ya mehˬ ya tsoˆ nehˬ meh.”

Dawˬmehˬ 17:10

Aˬ yawꞈ maꞈ neh bi daˇ tsehˆ-awˇ, aˬ yawꞈ maꞈ kʼaˇ ehˇ-eu loꞈ-ehˇ maˬ bi lehˬ-iˇ ni mˇ-awˬ.