Dawˬmehˬ 15:6 - Akha

⁶ Sahˬpaˬ Miˬyehˇ saˇ jaˇ dzaˬ taˬ-euˬ loꞈ-ehˇ, naw maꞈ-ahˇ aˬ yawꞈ guiˬ lahˬ biꞈ laꞈ tehꞈ-a. Tsawˇ jeuˬ gʼawˬ mya jeuˬ, naw maꞈ-ahˇ pyuˇ ya shaˇ paˇ laˇ tehꞈ-a. Ehˇ kʼawꞈ, aˬ cawˬ tsawˇ jeuˬ tiˬ jeuˬ-ahˇ-iˬ, naw maꞈ pyuˇ ya shaˇ paˇ-iˇ gaˇ maˬ keuˆ-aˇ. Tsawˇ jeuˬ gʼawˬ mya jeuˬ kʼoeˇ taˆ naw maꞈ ya uˆ lahˇ tehꞈ-a. Ehˇ kʼawꞈ, tsawˇ jeuˬ tiˬ jeuˬ-iˬ naw maꞈ kʼoeˇ taˆ maˬ ya uˆ lahˇ-aˇ.

Dawˬmehˬ 15:6 Referans Kwoze

Luˇkaꞈ 6:35

Ehˇ kʼawꞈ, naw maꞈ-ahˇ muiˇ-eu deuˬ-ahˇ gaˬ-awˬ. Yaw muiˬ jeˬ mˇ-awˬ. Biꞈ kʼoꞈ nehˬ laꞈ gaˇ maˬ noeˬ tmˬ ni ngaˬ nehˬ paˇ nehˬ-awˬ. Kʼoeˇ loꞈ-ehˇ jahˇ naˇ, naw maꞈ gʼaˇ duˬ laꞈ sawˬ huiˬ dui dui-awˇ, Huiˬ dui Mahˇ dui dui-eu Gʼaˬ-euˬ zaˬ naw maꞈ pyeuꞈ laˇ tehꞈ-a. Aˬ jeˬ miˇ neh ehˇ naˇ, guiˬ lahˬ-ahˇ maˬ noeˬ mawˇ nya-eu tsawˇ haˬ hawˇ-eu haiˬ-eu tsawˇ haˬ deuˬ-ahˇ, aˬ yawꞈ gʼawˬ shaˬ gaˬ-eu meh.

Dawqdaq 22:7

Zaˬ coeˬ smˇ muiˬ-euˬ zaˬ kʼaˆ. Dziˇ dzoˆ yaw naꞈ aˬ cawˬ gʼaˬ kʼehˇ.

1 Sahˬpaˬ 4:21

Uˇpaˬlaˇ lawˇ baˬ-ahˇ neh Piˇliˇtiˆ miˇ kʼahˬ-ahˇ keuˆ ni hawˇ-eu , Iˇjiˇtuˆ miˇ kʼahˬ-euˬ miˇ kaˬ-ahˇ keuˆ ni kʼaˇ jaˆ-eu miˇ kʼahˬ dawˬ tawˆ luꞈ, Sawˇlaˬmoˬ-euˬ miˇ kʼahˬ pyeuꞈ-eu meh. Aˬ yawꞈ-euˬ tiˬ ziˇ, aˬ yawꞈ maꞈ aˬ yawꞈ-ahˇ kawˬ doˆ nehˬ-awˇ, aˬ yawꞈ uˆ lahˇ-eu uˬ moˆ jawˇ-euˬ meh.

Jaceuq 37:21

Haiˬ-eu deuˬshaˇngaˬshaˇpaˇngeh, biꞈkʼoꞈtsoeˬkʼoꞈ-eu maˬbaw-a. Ehˇkʼawꞈmuiˬ-eu tsawˇhaˬdeuˬ-aˬ, nui ma keuˆ-awˇ biꞈnehˬ-eu meh.

Eˇzaˬlaˬ 4:20

Uˇpaˬlaˇ lawˇ baˬ nahˇ ma ga kʼehˬ paw jaˆ-eu miˇ kʼahˬ kʼahˬ lah ni-ahˇ uˆ lahˇ-eu laꞈ kʼoeˇ kawˬ taꞈ dzaˬ-euˬ baoˬ huiˬ-eu sahˬ paˬ deuˬ kʼawꞈ, meuˬ kʼoeˇ meuˬ laꞈ kʼoeˇ aˇ hu jawˇ-euˬ meh.

Neˬhaˬmiˇ 9:27

Kʼoeˇ miˇ neh, aˬ yawꞈ maꞈ-ahˇ muiˇ-eu deuˬ neh, aˬ yawꞈ maꞈ-ahˇ nawˇ bi deuˆ gʼaˬ-awˇ, bi uˆ lahˇ-euˬ meh. Aˬ yawꞈ maꞈ shaˬ-eu zahˬ-eu laꞈ kʼoeˇ, caw ba le-awˬ lehˇ nawˬ-ahˇ kuˇ ngeh, nawˇ mˬ kʼoeˇ taˆ jawˇ-awˇ naˇ haˬ nehˬ-euˬ meh. Aˬ yawꞈ maꞈ-ahˇ nawˇ gʼawˬ shaˬ gaˬ dui dui-eu laꞈ kʼoeˇ, muiˇ-eu deuˬ-euˬ laꞈ-ahˇ neh bi ka kʼoꞈ-eu gʼaˇ duˬ, aˬ yuiꞈ aˬ tsu deuˬ nawˇ pyehˬ gʼeh-euˬ meh.

Jaceuq 112:5

Tsawˇ tsiˇ maˬ tsiˇ ni ngaˬ nehˬ paˇ nehˬ-awˇ, dawˇ coe ni gaˬ-eu tsawˇ haˬ guiˬ lahˬ huiˬ-eu meh.

Jaceuq 37:26

Aˬyawꞈ aˬcawˬ-ahˇcaw ba-awˇ, yawꞈngehꞈ-ehˇbiꞈnehˬ-eu miˇneh, zaˬdeuˬkʼoeˇtaˆguiˬlahˬjaˆmeh.

1 Sahˬpaˬ 4:24

Uˇpaˬlaˇ lawˇ baˬ lawˇ deh-ahˇ jaˆ-eu Tiˇpaˬsahˇ meuˬ-ahˇ neh, nahˇ ma ga kʼehˬ paw jaˆ-eu Gaˬzaˬ meuˬ-ahˇ keuˆ ni, Uˇpaˬlaˇ lawˇ baˬ-euˬ nahˇ ma ga kʼehˬ paw jaˆ-eu miˇ kʼahˬ dawˬ tawˆ luꞈ-ahˇ, Sawˇlaˬmoˬ uˆ lahˇ-euˬ meh. UˇPaˬlaˇ lawˇ baˬ-euˬ nahˇ ma ga kʼehˬ paw kʼaˇ jawˇ-eu sahˬ paˬ dawˬ tawˆ luꞈ, aˬ yawꞈ uˆ lahˇ-eu uˬ moˆ jawˇ-awˇ, aˬ yawꞈ nehˬ-ehˇ miˇ kaˬ taꞈ-eu miˇ kʼahˬ dawˬ tawˆ luꞈ-ahˇ tsaˬ leˇ-awˇ dehꞈ-euˬ meh.

2 Laˬsaˬbaˬ 9:26

Uˇpaˬlaˇ lawˇ baˬ-ahˇ neh Piˇliˇtiˆ miˇ kʼahˬ hawˇ-eu Iˇjiˇtuˆ miˇ kʼahˬ-ahˇ keuˆ ni jaˆ-eu miˇ kʼahˬ deuˬ-ahˇ uˆ lahˇ-eu sahˬ paˬ dawˬ tawˆ luꞈ kʼoeˇ taˆ, huiˬ dzehˬ-eu sahˬ paˬ-aˬ, Sawˇlaˬmoˬ pyeuꞈ-eu meh.

Dawˬmehˬ 28:44

Aˬ yawꞈ maꞈ nawˬ-ahˇ pyuˇ paˇ nehˬ nya kʼawꞈ, nawˇ aˬ yawꞈ maꞈ-ahˇ paˇ nehˬ-eu gʼaˇ duˬ pyuˇ maˬ ahˇ-ehˇ pyeuꞈ-iˇ tehꞈ-a. Aˇ saˬ saˬ laˇ ngeh, aˬ yawꞈ maꞈ nawˬ-euˬ kʼoeˇ taˆ uˆ lahˇ tehꞈ-a.

1 Laˬsaˬbaˬ 17:27

Ngaˬ-euˬ zaˬ ngaˬ-euˬ uˆ deuˬ, aˬ myah luꞈ nawˇ nui ma tsaˬ-eu tsawˇ haˬ deuˬ pyeuꞈ nya ni, aˬ yawꞈ maꞈ-ahˇ guiˬ lahˬ biꞈ nehˬ-awˬ lehˇ, nawˬ-ahˇ ngaˇ shaˇ-eu ma. Sahˬpaˬ Miˬyehˇ-oˇ, aˬ yawꞈ maꞈ-ahˇ nawˇ guiˬ lahˬ biꞈ nehˬ gʼaˬ-euˬ meh. Nawˬ-euˬ guiˬ lahˬ aˬ yawꞈ maꞈ kʼoeˇ taˆ mˬ maˬ maˬ byaˆ zaˇ ziˇ ziꞈ luꞈ-uˇ.”