Dawˬmehˬ 15:2 - Akha

² Naw maꞈ heu loꞈ-ehˇ ya jahˇ meh. Yawˬ ha-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ pyuˇ paˇ daˆ nehˬ taˬ-euˬ tsawˇ haˬ yawˬ gʼaˬ na luꞈ, dziˇ dzoˆ ya byehˇ nehˬ meh. Paˇ daˆ nehˬ-euˬ pyuˇ kʼoeˇ maˬ ya shaˇ kʼoꞈ-a. Aˬ jeˬ miˇ neh ehˇ naˇ, dziˇ dzoˆ kʼoeˇ ya byehˇ meh lehˇ Sahˬpaˬ Miˬyehˇ neh daˇ tsehˆ taˬ-euˬ meh.

Dawˬmehˬ 15:2 Referans Kwoze

Yaˬkoˆ 2:13

Aˬ cawˬ-ahˇ gʼawˬ shaˬ maˬ gaˬ nehˬ-eu tsawˇ haˬ-ahˇ Miˬyehˇ gʼawˬ shaˬ maˬ gaˬ ni yaˇ kʼaˬ daˇ tehꞈ-a. Ehˇ kʼawꞈ, gʼawˬ shaˬ gaˬ-eu jeˬ-aˬ, yaˇ kʼaˬ daˇ-eu jeˬ-ahˇ gʼaˬ leˇ nya-eu meh.

Luˇkaꞈ 7:42

Nyiˬ gʼaˬ luꞈ dziˇ dzoˆ maˬ tsoeˬ kʼoꞈ nya-eu miˇ neh, maˬ bi tsoeˬ kʼoꞈ ni byehˇ nehˬ-euˬ meh. Aˬ yawꞈ nyaꞈ laꞈ kʼoeˇ, aˬ geu gʼaˬ pyuˇ paˇ nehˬ-euˬ kʼoeˇ gʼaˬ-ahˇ gaˬ dzehˬ nmˇ.”

Maꞈtehˬ 6:12

Aˬ cawˬ mˇ bahˬ laꞈ-euˬ jeˬ-ahˇ, nga maꞈ iˬ baˇ pyehˬ-euˬ loꞈ-ehˇ, nga maꞈ mˇ bahˬ taˬ-euˬ jeˬ-ahˇ, nawˇ iˬ baˇ pyehˬ nehˬ laꞈ.

Iˇsaˬyaˇ 58:3

Aˬ yawꞈ maꞈ ehˇ-eu, “Sahˬpaˬ Miˬyehˇ yaw muiˬ maˬ no laꞈ gaˇ, aˬ jeˬ miˇ neh aˬ dui maˬ dzaˬ-eu zahˇ jahˇ-eu. Aˬ yawꞈ maˬ haw cawˬ nehˬ laꞈ gaˇ, aˬ jeˬ miˇ neh aˬ dui dzaˇ maˬ dzaˬ ni dzahˬ-eu.” Aˬ yawꞈ maꞈ-ahˇ Sahˬpaˬ Miˬyehˇ ehˇ-eu , “Gaˇ kawˆ heu loꞈ-ehˇ jaˆ-eu meh. Naw maꞈ maˬ dzaˬ-eu zahˇ jahˇ kʼawꞈ, yawˬ ha nui noeˬ tehꞈ-ehˇ geuꞈ-awˇ, naw maꞈ-euˬ gaˇ mˇ zaˬ deuˬ ahˇ kʼehˬ luꞈ-eu meh.

Dawˬmehˬ 15:1

“Shiꞈ kʼoꞈ tiˬ kʼoꞈ kʼaˇ doˆ le ngeh, naw maꞈ neh pyuˇ paˇ nehˬ taˬ-euˬ tsawˇ haˬ-ahˇ dziˇ dzoˆ ya byehˇ nehˬ meh.

Dawˬmehˬ 15:3

Aˬ cawˬ tsawˇ jeuˬ deuˬ naw maꞈ-ahˇ biꞈ kʼoꞈ paˬ-ehˇ jaˆ-eu jeˬ naw maꞈ yuˇ kʼoꞈ geuꞈ nya meh. Ehˇ kʼawꞈ, naw maꞈ-euˬ tsawˇ jeuˬ naw maꞈ-ahˇ biꞈ kʼoꞈ paˬ-ehˇ jaˆ-eu jeˬ naw maꞈ maˬ ya yuˇ kʼoꞈ geuꞈ-a.

Dawˬmehˬ 31:10

Aˬ yawꞈ maꞈ-ahˇ Moˇseˬ ehˇ nehˬ-eu, “Dziˇ dzoˆ ya bi buˬ-iˇ-eu aˇ kʼoꞈ pyeuꞈ-eu shiꞈ kʼoꞈ tiˬ kʼoꞈ byah laˇ-awˇ, Sehˬ gʼawˆ-euˬ Bawˬ-iˬ gʼeh ngeh, Zahˇ dawˬ kʼoꞈ dawˬ-ahˇ guˇ-awˇ ya gui meh.

Neˬhaˬmiˇ 10:31

Jawˇ nah hawˇ-eu zahˇ sahˇ kʼoꞈ-ahˇ taꞈ leˇ-awˇ ya lah ya daw-eu aˇ nah deuˬ-ahˇ, aˬ cawˬ tsawˇ jeuˬ deuˬ nga maꞈ-ahˇ cehˇ hawˇ-eu aˬ nah aˬ dzeˇ ahˬ laˇ kʼawꞈ, nga maꞈ maˬ zeuˇ geuꞈ. Shiꞈ kʼoꞈ tiˬ kʼoꞈ-ahˇ, nga maꞈ-euˬ deh yaˇ deuˬ-ahˇ maˬ mˇ dzaˬ ni bi naˬ-awˇ, za paˬ-ehˇ gʼeh-eu dziˇ dzoˆ deuˬ kʼawꞈ maˬ yuˇ kʼoꞈ ni byehˇ ma.