Dawˬmehˬ 1:19 - Akha

¹⁹ “Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ neh dawˬ kʼaˇ biꞈ-euˬ loꞈ-ehˇ aˬ dui mˇ-euˬ ma. Siˇnaˆ gawˬ jawˬ-ahˇ neh aˬ dui maꞈ doˆ le-awˇ, Aˬmoˬ miˇ kʼahˬ gawˬ jawˬ gawˬ duˇ-ahˇ keuˆ ni, guˆ laˇ paˬ-ehˇ gʼeh-eu jeˇ dui dui-eu bawˇ tsahˬ bawˇ dahˇ laꞈ kʼoeˇ aˬ dui maꞈ cah-awˇ, Kaˬdeˬshaˇbaˬneˬ-ahˇ aˬ dui maꞈ laˇ keuˆ-euˬ ma.

Dawˬmehˬ 1:19 Referans Kwoze

Dawˬmehˬ 1:2

Siˇnaˆ gawˬ jawˬ-ahˇ neh Eˬdoˬ miˇ kʼahˬ gawˬ jawˬ gawˬ duˇ paw neh Kaˬdeˬshaˇbaˬneˬ meuˬ-ahˇ tseˇ tiꞈ nah ya iˇ-eu meh.

Yeˬlaˬmiˇ 2:6

Iˇjiˇtuˆ miˇ kʼahˬ-ahˇ aˬ yawꞈ maꞈ-ahˇ ngaˬ neh ka kʼoꞈ doˆ-awˇ, kʼaˇ shuiꞈ tehꞈ-ehˇ jaˆ-eu miˇ kʼahˬ, gui coˇ ni gʼeh-eu guˆ-eu gaˆ-eu miˇ kʼahˬ, tsawˇ haˬ zaˬ maˬ jawˇ-eu miˇ kʼahˬ, maˬ iˇ maˬ laˇ tsehˆ-eu miˇ kʼahˬ pyeuꞈ-eu, bawˇ tsahˬ bawˇ dahˇ laꞈ kʼoeˇ aˬ yawꞈ maꞈ-ahˇ sheuˬ doˆ-euˬ kʼawꞈ, ngaˇ jawˇ meh lehˇ aˬ yawꞈ maꞈ tiˬ pawꞈ-iˬ maˬ noeˬ-a.

Dawˬmehˬ 8:15

Doꞈ kʼaˆ-eu aˇ lawˇ hawˇ-eu boeˬ kaˬ laˬ ma jawˇ-eu jeˇ dui dui-awˇ guˆ laˇ paˬ-ehˇ gʼeh-eu bawˇ tsahˬ bawˇ dahˇ laꞈ kʼoeˇ, naw maꞈ-ahˇ aˬ yawꞈ sheuˬ gʼeh-euˬ meh. Iˇ cuꞈ maˬ jaˆ-ehˇ gui coˇ ni gʼeh-eu miˇ kʼahˬ kʼoeˇ kʼahˬ laꞈ kʼoeˇ naw maꞈ cah luꞈ ngeh, maˇ jawˆ ni gʼeh-eu kʼaˬ lo-ahˇ, naw maꞈ gʼaˇ duˬ aˬ yawꞈ iˇ cuꞈ bi yoeˇ le-euˬ meh.

Dawˬmehˬ 32:10

“Jaˬ lehˇ neh bi hehˇ dzaˬ jiˇ-euˬ, kʼaˇ shuiꞈ deh yaˇ bawˇ tsahˬ laꞈ kʼoeˇ, yawꞈ maꞈ shaˬ luꞈ gaˇ ya mawˇ-awˇ, yawˬ ha gʼawˇ mawˇ loꞈ-ehˇ sawˇ-awˇ, yawꞈ maꞈ-ahˇ bo saˆ nehˬ-euˬ meh.

Bawˇtsahˬ 13:26

Paˬlaˬ bawˇ tsahˬ bawˇ dahˇ laꞈ kʼoeˇ, Kaˬdeˬshaˇ lehˇ kuˇ-eu jawˇ duˬ-ahˇ, Moˇseˬ, Aˬloˬ hawˇ-eu Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ jawˇ gaˇ aˬ yawꞈ maꞈ gʼoꞈ keuˆ le-euˬ meh. Aˬ yawꞈ maꞈ neh kʼaˇ ya mawˇ yaꞈ-euˬ jeˬ gaˇ kawˆ dzawˇ mehˬ-awˇ, aˬ yawꞈ maꞈ neh yuˇ kʼoꞈ leꞈ-euˬ aˇ siˬ deuˬ kʼawꞈ, mehˬ nehˬ-euˬ meh.

Bawˇtsahˬ 10:12

Kʼoeˇ ngeh, Iˇsaˬleˬlaˆ tsawˇ haˬ deuˬ luˆ-iˇ-awˇ, Siˇnaˆ bawˇ tsahˬ bawˇ dahˇ laꞈ kʼoeˇ neh doˆ-iˇ-euˬ meh. Kʼoeˇ naˇ, Paˬlaˬ lehˇ kuˇ-eu bawˇ tsahˬ bawˇ dahˇ-ahˇ naˬ-iˇ-euˬ meh.

Bawˇtsahˬ 32:8

Naw maꞈ-euˬ aˬ da deuˬ-ahˇ Kaˬdeˬshaˇbaˬneˬ-ahˇ neh miˇ kʼahˬ kʼoeˇ kʼahˬ-ahˇ ngaˇ bi kʼoeˬ sho haw leˇ ngeh, aˬ yawꞈ maꞈ kʼoeˇ loꞈ-ehˇ jahˇ-euˬ meh.

Dawˬmehˬ 1:7

Lehˬ hmˬ-awˇ mehˬ hu paw doˆ-iˇ-awˬ. Aˬmoˬ miˇ kʼahˬ gawˬ jawˬ gawˬ duˇ hawˇ-eu, kʼoeˇ-euˬ tahˬ gʼoꞈ tahˬ jawˇ jaˆ-eu gahˬ kaˬ pyeuꞈ-eu Yawˇdaˬ lawˇ baˬ deh kʼawꞈ-ahˇ maˬ ehˇ, gawˬ jawˬ gawˬ duˇ hawˇ-eu deh ga deuˬ-ahˇ maˬ ehˇ, laꞈ oˆ paw pyawˬ-ahˇ jaˆ-eu gahˬ kaˬ-ahˇ maˬ ehˇ, Gʼahˇ ceh-euˬ iˬ ma laˆ shaˆ lawˇ deh-ahˇ keuˆ ni maˬ ehˇ, naw maꞈ iˇ-awˬ. Kaˬnaˬ miˇ kʼahˬ-ahˇ maˬ ehˇ, Kaˬnaˬ miˇ kʼahˬ le dzeuˇ-awˇ jaˆ-eu Leˬbaˬnoˬ miˇ kʼahˬ gawˬ jawˬ deuˬ hawˇ-eu Uˇpaˬlaˇ lawˇ baˬ baˬ ma-ahˇ keuˆ ni maˬ ehˇ, iˇ gʼeh-awˬ.

Dawˬmehˬ 1:20

Kʼoeˇ ngeh, naw maꞈ-ahˇ ngaˇ heu loꞈ-ehˇ ehˇ-euˬ ma. Aˬ dui maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh aˬ dui-ahˇ biꞈ laꞈ-euˬ Aˬmoˬ miˇ kʼahˬ gawˬ jawˬ gawˬ duˇ-ahˇ naw maꞈ laˇ keuˆ gʼaˬ-euˬ meh.

Dawˬmehˬ 2:7

“Naw maꞈ neh kʼaˇ mˇ kʼaˇ shaˇ-euˬ jeˬ laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ aˬ joˆ-ehˇ guiˬ lahˬ biꞈ laꞈ-euˬ gaˇ kawˆ-ahˇ noeˬ keuˆ-awˬ. Jeˇ dui dui-eu bawˇ tsahˬ bawˇ dahˇ heu laꞈ kʼoeˇ naw maꞈ cah luꞈ ngeh, naw maꞈ-ahˇ aˬ yawꞈ haw piˇ-euˬ meh. Aˇ yamˬ heu oeˬ tseˇ kʼoꞈ laꞈ kʼoeˇ, aˬ yawꞈ naw maꞈ nehˬ-ehˇ jawˇ-awˇ, kʼaˇ loˬ-eu jeˬ naw maꞈ za-euˬ meh.

Bawˇtsahˬ 13:13

Aˬsaˬ tsawˇ jeuˬ laꞈ kʼoeˇ, Miˇkeˬlaˇ-euˬ aˬ li Seˬduˇlaˆ

Bawˇtsahˬ 14:14

miˇ kʼahˬ heu kʼahˬ laꞈ kʼoeˇ jawˇ-eu tsawˇ haˬ kʼoeˇ deuˬ-ahˇ, gaˇ kawˆ kʼoeˇ aˬ yawꞈ maꞈ dzawˇ nehˬ tehꞈ-a. Sahˬpaˬ Miˬyehˇ nawˇ nga maꞈ nehˬ-ehˇ jawˇ-eu gaˇ kawˆ maˬ ehˇ, nawˬ-euˬ mˬ dmˇ nga maꞈ kʼoeˇ taˆ naˬ le ngeh nawˬ-ahˇ bya cehˆ ni ya mawˇ-euˬ gaˇ kawˆ maˬ ehˇ, nah gʼahˇ paw mˬ dmˇ kʼawˇ zeuˇ neh nga maꞈ-ahˇ nawˇ sheuˬ gʼeh-euˬ gaˇ kawˆ maˬ ehˇ, uˬ ciꞈ paw miˬ dzaˬ kʼawˇ zeuˇ neh sheuˬ gʼeh-euˬ gaˇ kawˆ maˬ ehˇ, tsawˇ haˬ kʼoeˇ deuˬ ya siˬ ya mawˇ gʼaˬ-euˬ meh.

Yawˇshuˆ 10:41

Laꞈ oˆ paw pyawˬ-ahˇ jaˆ-eu Kaˬdeˬshaˇbaˬneˬ meuˬ-ahˇ neh Goˬsheˬ gahˬ kaˬ dawˬ tawˆ luꞈ ahˇ leˇ-ehˇ, iˬ ma laˆ shaˆ lawˇ deh dawˬ peh Gaˬzaˬ meuˬ-ahˇ keuˆ ni maˬ ehˇ, laꞈ taˆ paw pyawˬ-ahˇ, Giˇbyoˬ meuˬ-ahˇ keuˆ ni maˬ ehˇ, Yawˇshuˆ guiˇ deuˆ keuˆ-euˬ meh.