Bawˇtsahˬ 9:14 - Akha

¹⁴ “Naw maꞈ nehˬ-ehˇ jawˇ luꞈ-eu boeˇ miˬ siˬ kʼaˬ tiˬ gʼaˬ na Baˬsaˬkaˬ Bawˬ-iˬ gʼeh mawꞈ naˇ, zahˇ sahˇ kʼoꞈ kʼaˇ jaˆ-eu loꞈ-ehˇ tsaˬ ni aˬ yawꞈ ya mˇ meh. Naw maꞈ-euˬ tsawˇ haˬ maˬ ehˇ, boeˇ miˬ siˬ kʼaˬ maˬ ehˇ, zahˇ sahˇ kʼoꞈ kʼoeˇ-ahˇ tiˬ kawˆ loꞈ-ehˇ ya caw teh meh.”

Bawˇtsahˬ 9:14 Referans Kwoze

Uˬ duˬ 24:22

Zahˇ dawˬ kʼoꞈ dawˬ heu dawˬ-aˬ, Iˇsaˬleˬlaˆ tsawˇ haˬ deuˬ maˬ ehˇ, Iˇsaˬleˬlaˆ tsawˇ haˬ deuˬ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ ehˇ, dawˬ tawˆ luꞈ-ahˇ taꞈ-eu zahˇ dawˬ kʼoꞈ dawˬ meh. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.”

Dawˬmehˬ 31:12

Yawˬ gʼaˬ na luꞈ ya gaˬ-eu laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ yaw zeu baw-eu siˬ nya laˇ-awˇ, aˬ yawꞈ neh mehˬ nehˬ tsoˆ nehˬ-euˬ jeˬ-ahˇ saˇ jaˇ ziꞈ-eu laꞈ kʼoeˇ naˇ haˬ geuꞈ nya laˇ ni, kʼaˬ dzeˇ zaˬ deuˬ, zaˬ miˬ zaˬ deuˬ, zaˬ deuˬ hawˇ-eu naw maꞈ-euˬ meuˬ deuˬ laꞈ kʼoeˇ jawˇ luꞈ-eu boeˇ miˬ siˬ kʼaˬ dawˬ tawˆ luꞈ-ahˇ kuˇ uiˬ-awˬ.

Dawˬmehˬ 29:11

zaˬ miˬ zaˬ deuˬ maˬ ehˇ, zaˬ deuˬ maˬ ehˇ, naw maꞈ nehˬ-ehˇ jawˇ-eu laꞈ kʼoeˇ naw maꞈ-ahˇ miˬ dzaˬ kʼehꞈ nehˬ-awˇ iˇ cuꞈ kʼawꞈ nehˬ-eu boeˇ miˬ shiˬ kʼaˬ deuˬ maˬ ehˇ, dawˬ tawˆ luꞈ yawꞈ luꞈ-eu meh.

Uˬ duˬ 25:15

Juˬbiˬliˬ Aˇ kʼoꞈ keuˆ laˇ-eu gʼaˇ duˬ aˇ myaˆ kʼoꞈ dzeˇ-eu hawˇ-eu, aˇ myaˆ ni mˇ za nya paˬ-ehˇ gʼeh-eu gaˇ haw-awˇ, aˇ poeˬ pyehˆ tsehˆ-awˬ.

Uˬ duˬ 22:25

Dzaˬ dzaˬ dawˇ dawˇ lawˇ-eu jeˬ lawˇ ngeh, boeˇ miˬ siˬ kʼaˬ deuˬ-euˬ laꞈ-ahˇ neh doˆ le-euˬ jeˬ zaˬ maˬ geuꞈ kʼmˬ-a. Kʼoeˇ loꞈ-ehˇ gʼeh-eu jeˬ zaˬ-aˬ, iˬ baˇ taˬ kʼaˇ za-eu maˬ geuꞈ kʼmˬ-eu jeˬ zaˬ pyeuꞈ-eu meh.

Uˬ duˬ 19:10

Yawˬ ha-euˬ aˬ gaꞈ yaˇ kmˇ-ahˇ paˇ gʼoꞈ poˆ-iˇ-awˇ, pyaˆ tehˬ yaꞈ-euˬ aˬ gaꞈ aˇ siˬ deuˬ maˬ ya pyaˆ-a. Ga ka yaꞈ-euˬ aˬ gaꞈ aˇ siˬ deuˬ kʼawꞈ, maˬ ya gʼoˆ kʼoꞈ geuꞈ-a. Yaw shaˬ zaˬ deuˬ hawˇ-eu, boeˇ miˬ shiˬ kʼaˬ deuˬ gʼaˇ duˬ, kʼoeˇ loꞈ-ehˇ ya bi jaˆ yaꞈ meh. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Doˆ-iˇ 12:43

Moˇseˬ hawˇ-eu Aˬloˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Heu-aˬ, Baˬsaˬkaˬ Bawˬ-iˬ dzaˬ gaˇ taꞈ leˇ-eu zahˇ sahˇ kʼoꞈ pyeuꞈ-eu meh. Baˬsaˬkaˬ Bawˬ-iˬ dzaˬ gaˇ, aˬ cawˬ tsawˇ jeuˬ deuˬ maˬ ya uˇ leˇ-a.

Doˆ-iˇ 12:47

Iˇsaˬleˬlaˆ tsawˇ haˬ dawˬ tawˆ luꞈ, Bawˬ-iˬ heu hmˬ ya jahˇ meh.

Bawˇtsahˬ 15:15

Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, naw maꞈ maˬ ehˇ, naw maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ ehˇ, zahˇ sahˇ kʼoꞈ aˬ yawꞈ tiˬ hmˬ-ahˇ tehꞈ-ehˇ ya caw teh meh. Sahˬpaˬ Miˬyehˇ-euˬ mehˬ shi, naw maꞈ hawˇ-eu aˬ yawꞈ maꞈ tiˬ kawˆ meh.

Bawˇtsahˬ 15:16

Naw maꞈ hawˇ-eu naw maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ zahˇ sahˇ kʼoꞈ tiˬ hmˬ tehꞈ-ehˇ ya bi jaˆ-awˇ, zahˇ sahˇ kʼoꞈ tiˬ hmˬ tehꞈ-ehˇ ya tawˬ meh.”

Eˇzaˬlaˬ 6:21

Baˬbuˇloˬ miˇ kʼahˬ-ahˇ neh gʼoꞈ laˇ-euˬ Iˇsaˬleˬlaˆ tsawˇ haˬ dawˬ tawˆ luꞈ maˬ ehˇ, miˇ kʼahˬ kʼoeˇ kʼahˬ-ahˇ jawˇ-eu aˬ cawˬ tsawˇ jeuˬ tawˬ luꞈ-eu lawˇ ciꞈ zaˬ-euˬ zahˇ sahˇ kʼoꞈ-ahˇ byehˇ dzeh-awˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ kʼaˇ tahˬ laˇ-euˬ tsawˇ haˬ dawˬ tawˆ luꞈ maˬ ehˇ, Baˬsaˬkaˬ bawˬ-iˬ-ahˇ lawˇ-euˬ shaˬ jiˇ dzaˬ-euˬ meh.