Bawˇtsahˬ 8:7 - Akha

⁷ Aˬ yawꞈ maꞈ muiˬ laˇ shawˇ laˇ ni heu loꞈ-ehˇ jahˇ-awˬ. Bi muiˬ bi shawˇ laˇ-eu iˇ cuꞈ aˬ yawꞈ maꞈ-ahˇ byaˆ shehˬ nehˬ-awˇ, aˬ yawꞈ maꞈ-euˬ gʼawˇ mawˇ mawˇ lah-ehˇ caꞈ hm jehˆ dzeh-awˇ, mehˬ tsoeˬ lehˬ tsiˬ shawˇ-awˬ lehˇ ehˇ nehˬ-awˬ.

Bawˇtsahˬ 8:7 Referans Kwoze

Bawˇtsahˬ 19:13

Tsawˇ shiˇ-ahˇ toeˬ ciˆ gʼaˬ-awˇ, yawˬ haˇ yawˬ ha maˬ mˇ shawˇ-eu tsawˇ haˬ-aˬ, maˬ shawˇ-eu tsawˇ haˬ pyeuꞈ-eu meh. Aˬ jeˬ miˇ neh ehˇ naˇ, bi shawˇ laˇ-eu iˇ cuꞈ aˬ yawꞈ kʼoeˇ taˆ maˬ shehˆ daˆ-euˬ miˇ neh meh. Sahˬpaˬ Miˬyehˇ-euˬ Sehˬ gʼawˆ-ahˇ aˬ yawꞈ laˆ jawꞈ-euˬ miˇ neh, aˬ yawꞈ-ahˇ Miˬyehˇ-euˬ tsawˇ haˬ lehˇ maˬ paˇ sawˇ nya meh.

Uˬ duˬ 8:6

Moˇseˬ-aˬ, Aˬloˬ hawˇ-eu aˬ yawꞈ-euˬ aˬ li deuˬ-ahˇ mehˬ shi kuˇ doˆ-awˇ, iˇ cuꞈ dzuiꞈ shawˇ-eu zahˇ mˇ-awˬ lehˇ ehˇ nehˬ-euˬ meh.

Panmaeq 7:14

“Ngaˇ maˬ siˬ nya nya. Nawˇ siˬ nya meh” lehˇ ngaˇ ehˇ kʼoꞈ nehˬ-euˬ ma. Aˬ yawꞈ ngaˬ-ahˇ ehˇ-eu, “Tsawˇ haˬ heu deuˬ-aˬ, guˆ dui dui laˇ paˬ-ehˇ gʼeh-eu kʼehˬ-eu kʼaˆ-eu jeˬ-ahˇ daˬ dzeuˇ laꞈ-euˬ tsawˇ haˬ deuˬ meh. Aˬ yawꞈ maꞈ-euˬ pehˇ kʼahˬ pehˇ mahˇ-ahˇ Yawˇ zaˬ-euˬ shiˬ neh pyuˇ deuˬ ni tsiˬ shawˇ taˬ-euˬ meh.

1 Beˬtuˆluˆ 3:21

Iˇ cuꞈ-ahˇ bi buˬ-iˇ-euˬ gaˇ kawˆ kʼoeˇ-aˬ, nymˬ-mˇ naw maꞈ ka kʼoꞈ-eu jeˬ za nya ni iˇ cuꞈ shawˇ-euˬ gaˇ kawˆ-ahˇ taꞈ leˇ-eu meh. Iˇ cuꞈ shawˇ-eu kʼoeˇ-aˬ, gʼawˇ mawˇ yaw yehˆ dzuiꞈ shawˇ-eu jeˬ maˬ ngeuˇ-a. Siˬ nya-eu nui ma laꞈ kʼoeˇ Miˬyehˇ-ahˇ saˇ jaˇ dzaˬ-eu jeˬ pyeuꞈ-eu meh. Iˇ cuꞈ shawˇ-eu koeˇ-aˬ, Yeˬsuˇ Ka li-ahˇ Miˬyehˇ neh bi gʼoꞈ dehꞈ laˇ-euˬ gaˇ gʼoe-awˇ naw maꞈ-ahˇ ka kʼoꞈ-eu jeˬ pyeuꞈ-eu meh.

Yaˬkoˆ 4:8

Miˬyehˇ-euˬ dawˬ peh jiˆ laˇ-awˬ. Naw maꞈ-euˬ dawˬ peh Miˬyehˇ jiˆ le tehꞈ-a. Iˬ baˇ zaˬ deuˬ-oˇ, naw maꞈ-euˬ aˬ laꞈ dzuiꞈ shawˇ-awˬ. Nui ma nyiˬ jeˬ noeˬ-eu tsawˇ haˬ deuˬ-oˇ, naw maꞈ-euˬ nui ma shawˇ-awˬ.

HeˬByehˇ 9:13

Ciˬ myehꞈ hawˇ-eu mawˇ neˇ-euˬ shiˬ hawˇ-eu, mawˇ neˇ mawˇ zaˬ dzah puiˆ-awˇ lawˇ-euˬ lehˇ kuˇ laˆ keuˬ-awˇ, maˬ shawˇ-eu tsawˇ haˬ-ahˇ byaˆ shehˬ naˇ shawˇ laˇ-eu meh.

HeˬByehˇ 9:10

Aˬ jeˬ miˇ neh ehˇ naˇ, heu deuˬ-aˬ, dzaˬ-eu dawˇ-eu jeˬ hawˇ-eu muiˬ laˇ shawˇ laˇ ni mˇ-eu zahˇ sahˇ kʼoꞈ deuˬ-ahˇ tehꞈ-ehˇ taꞈ-eu meh. Heu deuˬ-aˬ, Miˬyehˇ zahˇ yaw shuiꞈ maˬ laˆ paˇ kʼoeˇ keuˆ ni tehꞈ-ehˇ geuꞈ nya-eu, laꞈ nyiˇ paw tehꞈ-ehˇ taꞈ leˇ-eu zahˇ sahˇ kʼoꞈ pyeuꞈ-eu meh.

Yeˬsaˬgeˬlaˇ 36:25

Shawˇ jehˆ ni gʼeh-eu iˇ cuꞈ naw maꞈ-ahˇ ngaˇ byaˆ shehˬ-awˇ, bi shawˇ laˇ ma. tahˬ pahˬ aˬ ma mawˇ kawˇ-ahˇ uˬ duˬ tahˬ-eu jeˬ hawˇ-eu, naw maꞈ-ahˇ kʼaˇ bi jawꞈ-iˇ-euˬ yawˬ jeˬ na luꞈ laꞈ kʼoeˇ, naw maꞈ-ahˇ ngaˇ bi shawˇ laˇ ma.

Yeˬlaˬmiˇ 4:14

Yeˬluˇsaˬlehˬ meuˬ-oˇ, nawˇ buˬ-iˇ law-iˇ ni, nawˬ-euˬ nui ma laꞈ kʼoeˇ yaw haiˬ jeˬ tsiˬ shawˇ-awˬ. Aˬ myah keuˆ ni yaw haiˬ jeˬ shaˇ noeˬ-eu gʼeh te.

Iˇsaˬyaˇ 52:15

Ehˇ kʼawꞈ, nymˬ-mˇ miˇ kʼahˬ tsawˇ jeuˬ dawˬ tawˆ, aˬ yawꞈ-ahˇ zahˬ leˇ-awˇ, sahˬ paˬ deuˬ dawˬ maˬ ngehˬ nya ni tsoˆ leˇ tehꞈ-a. Aˇ hu ba neh maˬ siˬ maˬ mawˇ haw-euˬ jeˬ-ahˇ, aˬ yawꞈ maꞈ ya siˬ ya mawˇ duˬ tehꞈ-a.”

Jaceuq 51:7

Ngaˇ shawˇ laˇ ni ngaˬ-euˬ iˬ baˇ yuˇ dzeh nehˬ laꞈ-awˬ. Saˬ laˬ saˬ behˆ naˆ maˬ tseˇ pyuˇ laˇ ni, ngaˬ-ahˇ tsiˬ shawˇ nehˬ laꞈ-awˬ.

Jaceuq 51:2

Ngaˬ-euˬ laꞈ kʼoeˇ ahˇ-eu yaw haiˬ jeˬ dawˬ tawˆ luꞈ-ahˇ tsiˬ shawˇ nehˬ laꞈ-awˇ, iˬ baˇ laꞈ kʼoeˇ ngaˬ-ahˇ bi shawˇ-iˇ laꞈ-awˬ.

Bawˇtsahˬ 31:20

Mehˬ tsoeˬ saˬ paˇ dawˬ tawˆ luꞈ maˬ ehˇ, shaˬ kʼoˆ, ciꞈ myehꞈ caꞈ hm, yawˇ caꞈ hm, heu deuˬ neh kʼaˇ jahˇ taˬ-euˬ jeˬ dawˬ tawˆ luꞈ maˬ ehˇ, naw maꞈ ya shawˇ meh.”

Uˬ duˬ 16:28

Jeˬ zaˬ kʼoeˇ nyiˬ mawˇ miˬ dzaˬ-ahˇ dzah puiˆ dzeh-euˬ tsawˇ haˬ kʼoeˇ gʼaˬ, pu-ahˇ maˬ gʼoꞈ uˇ leˇ mi naˆ-ehˇ, yawˬ ha-euˬ mehˬ tsoeˬ ya lehˬ tsiˬ-awˇ, iˇ cuꞈ ya dzuiꞈ meh.

Uˬ duˬ 15:27

Kʼoeˇ deuˬ-ahˇ kʼaˇ toeˬ ciˆ-euˬ tsawˇ haˬ aˬ geu gʼaˬ maˬ kaˬ, maˬ shawˇ-eu miˇ neh, yawˬ ha-euˬ mehˬ tsoeˬ ya lehˬ tsiˬ shawˇ-awˇ, yawˬ ha-euˬ gʼawˇ mawˇ iˇ cuꞈ ya dzuiꞈ shawˇ-eu uˬ taꞈ, uˬ ciꞈ paw keuˆ ni maˬ shawˇ-a.

Uˬ duˬ 15:6

Maˇ uiˇ yoeˇ-eu tsawˇ haˬ neh nuiˇ-euˬ tsahˇ-ahˇ nuiˇ zaˬ-euˬ tsawˇ haˬ aˬ geu gʼaˬ maˬ kaˬ, yawˬ ha-euˬ mehˬ tsoeˬ ya lehˬ tsiˬ shawˇ-awˇ, yawˬ ha-euˬ gʼawˇ mawˇ ya dzuiꞈ shawˇ-eu uˬ taꞈ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh.

Doˆ-iˇ 19:10

Kʼoeˇ ngeh, Moˇseˬ-ahˇ Sahˬpaˬ Miˬyehˇ ehˇ-eu, “Iˇsaˬleˬlaˆ tsawˇ haˬ deuˬ jawˇ gaˇ iˇ-awˇ, uˬ duˬ tahˬ-eu gʼaˇ duˬ, iˬ nah hawˇ-eu ni shawˬ nah laꞈ kʼoeˇ yawˬ ha-euˬ gʼawˇ mawˇ shawˇ-awˬ lehˇ ehˇ nehˬ-awˬ. Yawˬ ha-euˬ dm gʼaˬ dm lmˇ deuˬ aˬ yawꞈ maꞈ ya lehˬ tsiˬ shawˇ meh.

Aˇ dahˬ 35:2

Kʼoeˇ ngeh, aˬ yawꞈ-euˬ miˬ sawˇ zaˬ deuˬ hawˇ-eu, aˬ yawꞈ-euˬ tsawˇ haˬ dawˬ tawˆ luꞈ-ahˇ, Yaˬkoˆ heu loꞈ-ehˇ ehˇ nehˬ-euˬ meh. “Naw maꞈ nehˬ-ehˇ jaˆ-eu aˬ cawˬ tsawˇ jeuˬ-euˬ Miˬyehˇ pyeuꞈ-eu tahˬ pahˬ aˬ ma mawˇ kawˇ dawˬ tawˆ luꞈ, biˬ dzeh jiˇ yaꞈ-awˬ. Yawˬ ha-euˬ gʼawˇ mawˇ shawˇ-awˇ, mehˬ tsoeˬ yaw shawˇ dm-awˬ.

Bawˇtsahˬ 8:21

Leˬbiˇ tsawˇ haˬ deuˬ yawˬ ha-euˬ gʼawˇ mawˇ laˆ muiˬ laˆ shawˇ-awˇ, yawˬ ha-euˬ mehˬ tsoeˬ lehˬ tsiˬ shawˇ-euˬ meh. Kʼoeˇ naˇ, Aˬloˬ gʼaˬ, Leˬbiˇ tsawˇ haˬ deuˬ-ahˇ, muiˬ-eu laꞈ sawˬ loꞈ-ehˇ Sahˬpaˬ Miˬyehˇ-ahˇ a nehˬ-euˬ meh. Aˬ yawꞈ maꞈ bi muiˬ bi shawˇ laˇ-eu gʼaˇ duˬ kʼawꞈ, Aˬloˬ jahˇ-euˬ meh.