Bawˇtsahˬ 8:26 - Akha26 Kʼoeˇ naˇ, Sehˬ gʼawˆ laꞈ kʼoeˇ gaˇ mˇ luꞈ-eu yawˬ ha-euˬ aˬ yuiꞈ aˬ nyiˇ Leˬbiˇ tsawˇ haˬ deuˬ-ahˇ ya caw ba meh. Ehˇ kʼawꞈ, yawˬ haˇ yawˬ ha gaˇ tawˬ-awˇ maˬ ya mˇ-a. Heu-aˬ, Leˬbiˇ tsawˇ haˬ deuˬ-ahˇ nawˇ aˬ joˆ-ehˇ gaˇ ya biˇ mˇ-eu gaˇ kawˆ meh.” Gade chapit la |
Uˬ duˬ tahˬ nymˇ nymˇ ma-euˬ lahˇ kʼehˬ-ahˇ loꞈ-eu gaˇ hawˇ-eu, Uˬ duˬ tahˬ nymˇ nymˇ ma laꞈ kʼoeˇ jaˆ-eu gaˇ deuˬ aˬ yawꞈ maꞈ-ahˇ ngaˇ bi mˇ ma. Miˇ kʼahˬ zaˬ deuˬ miˬ dzaˬ dzah puiˆ-awˇ lawˇ-eu jeˬ lawˇ laˇ ngeh hawˇ-eu, lawˇ-eu shehˇ-eu jeˬ kʼaˇ mˇ laˇ ngeh, aˬ yawꞈ maꞈ jeˬ zaˬ sehꞈ nehˬ-eu gaˇ mˇ nya tehꞈ-a.
Sahˬpaˬ Miˬyehˇ jawˇ-eu Sehˬ gʼawˆ hawˇ-eu Uˬ duˬ tahˬ nymˇ nymˇ ma-ahˇ bo saˆ haw piˇ-eu gaˇ maˬ ehˇ, Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ ngeh, Aˬloˬ-euˬ zaˬ deuˬ uˆ deuˬ pyeuꞈ-eu aˬ yawꞈ maꞈ-euˬ aˬ yuiꞈ aˬ nyiˇ piˇ ma kʼoeˇ deuˬ-ahˇ caw ba nehˬ-eu gaˇ maˬ ehˇ, Leˬbiˇ tsawˇ haˬ deuˬ ya mˇ-eu gaˇ pyeuꞈ-eu meh.
Iˇsaˬleˬlaˆ tsawˇ haˬ deuˬ-ahˇ oꞈ-eu shaˬ bymˇ laꞈ kʼoeˇ, tsawˇ haˬ ngaˬ tseˇ gʼaˬ-euˬ tiˬ gʼaˬ maˬ ehˇ, mawˇ neˇ, mahˬ tahˬ laˆ, yawˇ hawˇ-eu ciꞈ myehꞈ deuˬ kʼawꞈ, ngaˬ tseˇ mawˇ-euˬ tiˬ mawˇ maˬ ehˇ, taꞈ uiˬ-awˇ, Sahˬpaˬ Miˬyehˇ-euˬ Sehˬ gʼawˆ laꞈ kʼoeˇ gaˇ mˇ-eu Leˬbiˇ tsawˇ haˬ deuˬ-ahˇ biꞈ-awˬ.”