Bawˇtsahˬ 4:15 - Akha

¹⁵ Mehˬ hu paw doˆ-iˇ-eu aˇ yamˬ keuˆ laˇ ngeh, Aˬloˬ hawˇ-eu aˬ yawꞈ-euˬ aˬ li deuˬ muiˬ-eu shawˇ-eu mˇ myawˬ keu ka dawˬ tawˆ luꞈ-ahˇ dehˬ kaˬ gʼaˬ miˇ tsa, Kawˇhaˆ tsawˇ jeuˬ deuˬ kʼoeˇ deuˬ-ahˇ baꞈ-eu gʼaˇ duˬ ya laˇ meh. Kawˇhaˆ tsawˇ haˬ deuˬ muiˬ-eu shawˇ-eu keu ka kʼoeˇ deuˬ-ahˇ maˬ ya toeˬ ciˆ-a. Toeˬ ciˆ naˇ ya shiˇ meh. Heu-aˬ, mehˬ hu paw doˆ-iˇ-eu aˇ yamˬ kʼaˇ keuˆ le ngeh, Kawˇhaˆ tsawˇ haˬ deuˬ ya mˇ-eu gaˇ meh.

Bawˇtsahˬ 4:15 Referans Kwoze

Bawˇtsahˬ 7:9

Ehˇ kʼawꞈ, Kawˇhaˆ aˇ jeuˬ-ahˇ laˆ lawˬ hawˇ-eu mawˇ neˇ mawˇ gaw Moˇseˬ maˬ biꞈ-a. Aˬ jeˬ miˇ neh ehˇ naˇ, aˬ yawꞈ maꞈ-euˬ gaˇ-aˬ, aˬ yawꞈ maꞈ haw luꞈ pyaˆ luꞈ-eu muiˬ-eu shawˇ-eu mˇ myawˬ keu ka deuˬ-ahˇ, aˬ yawꞈ maꞈ-euˬ baꞈ pu kʼoeˇ taˆ ya baꞈ-eu gaˇ pyeuꞈ-eu meh.

Dawˬmehˬ 31:9

Kʼoeˇ naˇ, Miˬyehˇ-euˬ zahˇ dawˬ kʼoꞈ dawˬ deuˬ Moˇseˬ boꞈ-awˇ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ-ahˇ haw-eu pyaˆ-eu Leˬbiˇ tsawˇ haˬ piˇ ma deuˬ hawˇ-eu, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-ahˇ biꞈ-euˬ meh.

Bawˇtsahˬ 10:21

Kʼoeˇ naˇ, Leˬbiˇ tsawˇ jeuˬ pyeuꞈ-eu Kawˇhaˆ aˇ jeuˬ deuˬ, muiˬ-eu shawˇ-eu keu ka deuˬ baꞈ-awˇ ya doˆ-iˇ-eu meh. Ya jawˇ naˬ-eu jawˇ duˬ yawˬ tsahˇ yawˬ-ahˇ aˬ yawꞈ maꞈ paˇ iˇ keuˆ ngeh, Sehˬ gʼawˆ gʼoˆ tsoꞈ gʼaˬ taˬ-awˇ jaˆ-eu meh.

1 Laˬsaˬbaˬ 15:2

Kʼoeˇ naˇ, aˬ yawꞈ heu loꞈ-ehˇ ehˇ-eu meh. “Leˬbiˇ tsawˇ haˬ deuˬ tehꞈ-ehˇ Dawˬ ma saˇ jaˇ Bahˬ keuˆ ya baꞈ meh. Aˬ jeˬ miˇ neh ehˇ naˇ, Dawˬ ma saˇ jaˇ Bahˬ keuˆ baꞈ-awˇ mˬ maˬ maˬ byaˆ zaˇ ziˇ Sahˬpaˬ Miˬyehˇ-euˬ gaˇ bi mˇ-eu gʼaˇ duˬ, Leˬbiˇ tsawˇ haˬ deuˬ-ahˇ Sahˬpaˬ Miˬyehˇ neh tseˇ doˆ taˬ-euˬ meh.”

1 Saˬmeuˬlaˆ 6:19

Behˬsheˬmehˇ meuˬ-ahˇ jawˇ-eu tsawˇ haˬ shiꞈ tseˇ gʼaˬ-ahˇ Sahˬpaˬ Miˬyehˇ sehꞈ-euˬ meh. Aˬ jeˬ miˇ neh ehˇ naˇ, Dawˬ ma saˇ jaˇ Bahˬ keuˆ-euˬ laꞈ kʼoeˇ paw aˬ yawꞈ maꞈ cu hu-euˬ meh. Aˬ yawꞈ maꞈ-euˬ tsawˇ haˬ kʼoeˇ myaˆ ni Sahˬpaˬ Miˬyehˇ neh bi sehꞈ-euˬ miˇ neh, aˬ yawꞈ maꞈ tsawˇ ngoeˇ ngoeˇ-euˬ meh.

1 Laˬsaˬbaˬ 15:15

Moˇseˬ-ahˇ gʼoe-awˇ Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Leˬbiˇ tsawˇ haˬ deuˬ Bahˬ keuˆ kʼoeˇ-ahˇ baꞈ kawˬ cawˬ ahˇ-awˇ, baꞈ pu-ahˇ baꞈ-euˬ meh.

2 Saˬmeuˬlaˆ 6:13

Dawˬ ma saˇ jaˇ Bahˬ keuˆ baꞈ luꞈ-eu deuˬ kuiˇ toꞈ koꞈ toꞈ kʼaˇ ciˬ ngeh, aˬ yawꞈ maꞈ-ahˇ Daˬbiˇ bi naˬ tawˬ-awˇ, mawˇ neˇ mawˇ gaw tiˬ mawˇ hawˇ-eu tsuˇ dui dui-eu mawˇ neˇ mawˇ kʼaˇ tiˬ mawˇ, Sahˬpaˬ Miˬyehˇ-ahˇ aˬ yawꞈ lawˇ nehˬ-euˬ meh.

Yawˇshuˆ 4:10

Iˇsaˬleˬlaˆ tsawˇ haˬ deuˬ-ahˇ bi mˇ-eu gʼaˇ duˬ Sahˬpaˬ Miˬyehˇ neh Yawˇshuˆ-ahˇ dawˬ kʼaˇ biꞈ nehˬ-euˬ yawˬ jeˬ na luꞈ mˇ gʼaˬ jiˇ ngeh keuˆ ni, piˇ ma deuˬ Yawˇdaˬ lawˇ baˬ gʼahˇ ceh yawꞈ-euˬ meh. Kʼoeˇ loꞈ-ehˇ mˇ-awˬ lehˇ Moˇseˬ neh dawˬ biꞈ taˬ-euˬ jaˆ-eu meh. Iˇsaˬleˬlaˆ tsawˇ haˬ deuˬ Yawˇdaˬ lawˇ baˬ-ahˇ yaw kawˇ-ehˇ tsehˆ doˆ-euˬ meh.

Bawˇtsahˬ 3:38

Moˇseˬ, Aˬloˬ hawˇ-eu Aˬloˬ-euˬ aˬ li deuˬ-aˬ, Sehˬ gʼawˆ mehˬ shi nahˇ ma doˆ kʼehˬ paw pyawˬ-ahˇ jawˇ duˬ ya yuˇ meh. Iˇsaˬleˬlaˆ tsawˇ haˬ deuˬ gʼaˇ duˬ, muiˬ-eu shawˇ-eu jawˇ duˬ laꞈ kʼoeˇ mˇ-eu gaˇ deuˬ-aˬ, aˬ yawꞈ maꞈ-euˬ gaˇ pyeuꞈ-eu meh. Kʼoeˇ loꞈ-ehˇ mˇ-eu lehˇ leh jeh-eu tsawˇ haˬ nui deuˬ aˬ geu gʼaˬ maˬ kaˬ, sehꞈ gaˇ ya daˬ tehꞈ-a.

Bawˇtsahˬ 1:51

Naw maꞈ yawˬ gaˇ yawˬ paˇ jawˇ paˇ-iˇ ngeh, Leˬbiˇ tsawˇ haˬ deuˬ Sehˬ gʼawˆ kʼoeˇ ya pyaˆ-awˇ, naw maꞈ kʼaˇ jawˇ paˇ-iˇ-euˬ tsahˇ-ahˇ aˬ yawꞈ maꞈ Sehˬ gʼawˆ kʼoeˇ ya gʼoˆ tsoꞈ meh. Leˬbiˇ tsawˇ haˬ maˬ ngeuˇ-eu tsawˇ haˬ aˬ geu gʼaˬ maˬ kaˬ, Sehˬ gʼawˆ dawˬ peh le naˇ, sehꞈ gaˇ ya daˬ tehꞈ-a.

Doˆ-iˇ 19:12

Tsawˇ haˬ maˬ bi le tsehˆ-eu gʼaˇ duˬ, gawˬ jawˬ heu siˬ jawˬ jawˬ-ehˇ kmˇ tuiˆ mˇ jawˬ taˬ-awˇ, gawˬ jawˬ-ahˇ tiˬ gʼaˬ-iˬ maˬ ya le daˆ-eu uˬ taꞈ, dawˬ peh tehꞈ-ehˇ kʼawꞈ maˬ ya le peh-a lehˇ aˬ yawꞈ maꞈ-ahˇ ehˇ nehˬ-awˬ. Tsawˇ haˬ tiˬ gʼaˬ na, gawˬ jawˬ-ahˇ laˆ ciˆ leˇ naˇ, ya shiˇ tehꞈ-a.

Doˆ-iˇ 27:7

Lawˇ duˬ kʼoeˇ -ahˇ baꞈ ngeh, gaˇ dzeˇ paw tsoꞈ-eu guiˬ shuiˇ shmˇ kaˇ laꞈ naˬ kʼoeˇ deuˬ-ahˇ baꞈ kawˬ cawˬ ahˇ-awˇ, ya baꞈ meh.

Uˬ duˬ 16:13

Kʼoeˇ gaˇ, Sahˬpaˬ Miˬyehˇ-euˬ mehˬ shi, yaw saw jeˬ kʼoeˇ miˬ dzaˬ-ahˇ aˬ yawꞈ dawˆ puiˆ-awˇ, Dawˬ ma saˇ jaˇ Bahˬ keuˆ kʼmˬ pymˬ-ahˇ aˬ yawꞈ maˬ ya haw mawˇ-eu gʼaˇ duˬ, miˬ dzaˬ uˬ kʼoeˬ neh ya bi dehˬ kaˬ-eu meh. Aˬ jeˬ miˇ neh ehˇ naˇ, bahˬ keuˆ kʼmˬ pymˬ-ahˇ aˬ yawꞈ ya haw mawˇ naˇ, aˬ yawꞈ ya shiˇ meh.

Bawˇtsahˬ 1:50

Ehˇ kʼawꞈ, Leˬbiˇ tsawˇ haˬ deuˬ-ahˇ ngaˇ jawˇ-eu Sehˬ gʼawˆ hawˇ-eu kʼoeˇ gaˇ jaˆ-eu keu ka deuˬ-ahˇ haw-eu pyaˆ-eu tsawˇ haˬ bi geuꞈ-awˬ. Sehˬ gʼawˆ hawˇ-eu kʼoeˇ-euˬ keu ka deuˬ-ahˇ aˬ yawꞈ maꞈ ya baꞈ ya pi meh. Sehˬ gʼawˆ kʼoeˇ laꞈ kʼoeˇ aˬ yawꞈ maꞈ gaˇ ya mˇ-awˇ, kʼoeˇ jawˬ jawˬ-ehˇ aˬ yawꞈ maꞈ ya jawˇ meh.

Bawˇtsahˬ 4:14

Lawˇ duˬ-ahˇ kʼaˇ taꞈ leˇ-eu keu ka pyeuꞈ-eu miˬ dzaˬ kʼmˬ maˬ, kuˆ seuˬ, kuˬ tseuˆ hawˇ-eu sehˇ byehˇ heu deuˬ dawˬ tawˆ luꞈ-ahˇ lawˇ duˬ kʼoeˇ taˆ ya yuˇ taˬ meh. Kʼoeˇ naˇ, shawˇ jehˆ ni gʼeh-eu shaˬ kʼoˆ neh dehˬ kaˬ-awˇ, kʼaˆ baꞈ kawˬ ya cawˬ ahˇ taˬ meh.

Bawˇtsahˬ 4:19

Yaw zawˇ-ehˇ muiˬ-eu shawˇ-eu jeˬ dawˬ peh aˬ yawꞈ maꞈ laˇ ngeh, maˬ ya shiˇ-eu gʼaˇ duˬ heu loꞈ-ehˇ jahˇ-awˬ. Aˬloˬ hawˇ-eu aˬ yawꞈ-euˬ aˬ li deuˬ muiˬ-eu shawˇ-eu jawˇ duˬ-ahˇ uˇ leˇ-awˇ, aˬ yawꞈ maꞈ tiˬ gʼaˬ saˇ-iˬ tiˬ gʼaˬ-ahˇ aˬ jeˬ ya mˇ-awˇ aˬ jeˬ ya baꞈ-eu gaˇ kawˆ bi mehˬ nehˬ-awˬ.

Bawˇtsahˬ 4:20

Ehˇ kʼawꞈ, muiˬ-eu shawˇ-eu keu ka deuˬ-ahˇ haw leˇ-eu gʼaˇ duˬ, Kawˇhaˆ tsawˇ haˬ deuˬ Sehˬ gʼawˆ laꞈ kʼoeˇ tiˬ kʼehˇ laˇ kʼehˬ tehꞈ-ehˇ kʼawꞈ maˬ ya uˇ leˇ-a. Kʼoeˇ loꞈ-ehˇ uˇ leˇ naˇ ya shiˇ tehꞈ-a.”

Bawˇtsahˬ 18:3

Nawˬ-ahˇ mˇ nehˬ paˬ-ehˇ gʼeh-eu deuˬ maˬ ehˇ, Sehˬ gʼawˆ laꞈ kʼoeˇ mˇ paˬ-ehˇ jaˆ-eu deuˬ maˬ ehˇ, aˬ yawꞈ maꞈ ya mˇ meh. Ehˇ kʼawꞈ, muiˬ-eu shawˇ-eu jawˇ duˬ-ahˇ taꞈ-eu keu ka deuˬ hawˇ-eu lawˇ duˬ-ahˇ taꞈ-eu keu ka deuˬ-ahˇ aˬ yawꞈ maꞈ maˬ ya toeˬ ciˆ-a. Kʼoeˇ deuˬ-ahˇ aˬ yawꞈ maꞈ toeˬ ciˆ naˇ, nawˇ maˬ ehˇ, aˬ yawꞈ maꞈ maˬ ehˇ, sehꞈ gaˇ tiˬ kawˆ loꞈ-ehˇ ya daˬ tehꞈ-a.

2 Saˬmeuˬlaˆ 15:24

Piˇ ma Zaˬdoˆ kʼawꞈ, kʼoeˇ gaˇ ahˇ-awˇ, aˬ yawꞈ nehˬ-ehˇ cah-eu Leˬbiˇ tsawˇ haˬ deuˬ Dawˬ ma saˇ jaˇ Bahˬ keuˆ baꞈ luꞈ-eu meh. Aˬ yawꞈ maꞈ Dawˬ ma saˇ jaˇ Bahˬ keuˆ kʼoeˇ baꞈ naˬ taˬ-awˇ, tsawˇ haˬ kʼoeˇ deuˬ meuˬ laꞈ kʼoeˇ neh maˬ doˆ-iˇ jiˇ kʼoeˇ keuˆ ni, maˬ baꞈ ni bi jaˆ-euˬ meh. Piˇ ma Aˬbyaˬdaˬ gʼaˬ kʼawꞈ kʼoeˇ gaˇ ahˇ-eu meh.

1 Laˬsaˬbaˬ 23:26

Kʼoeˇ miˇ neh, Sahˬpaˬ Miˬyehˇ-euˬ Sehˬ gʼawˆ hawˇ-eu uˬ duˬ tahˬ gaˇ zmˬ-eu keu ka deuˬ-ahˇ, Leˬbiˇ tsawˇ haˬ deuˬ baꞈ poˆ baꞈ paˇ mˇ-eu maˬ paˇ loˬ meh.”

Doˆ-iˇ 19:21

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Nawˇ zaꞈ ka-iˇ-awˇ, ngaˬ-ahˇ haw laˇ-eu gʼaˇ duˬ, kmˇ tuiˆ maˬ ya tsehˆ laˇ-a lehˇ Iˇsaˬleˬlaˆ tsawˇ haˬ deuˬ-ahˇ ehˇ nehˬ-iˇ-awˬ. Aˬ yawꞈ maꞈ kmˇ tuiˆ laˇ tsehˆ te lehˇ ngeuˇ naˇ, tsawˇ haˬ gʼawˬ mya ni ya shiˇ tehꞈ-a.

1 Sahˬpaˬ 8:3

Aˬ yuiꞈ aˬ tsu dawˬ tawˆ luꞈ uiˬ laˇ gʼaˬ ngeh jawˇ, piˇ ma deuˬ Dawˬ ma saˇ jaˇ Bahˬ keuˆ baꞈ diˇ-euˬ meh.