Bawˇtsahˬ 4:12 - Akha

¹² Muiˬ-eu shawˇ-eu jawˇ duˬ laꞈ kʼoeˇ zmˬ-eu keu ka dawˬ tawˆ luꞈ aˬ yawꞈ maꞈ yuˇ-awˇ, nyoeˇ leuˬ leuˬ-eu saˬ paˇ neh lahˇ cuꞈ-awˇ, shawˇ jehˆ ni gʼeh-eu shaˬ kʼoˆ dehˬ kaˬ-awˇ, baꞈ kawˬ kʼoeˇ taˆ ya bi jaˆ meh.

Bawˇtsahˬ 4:12 Referans Kwoze

1 Laˬsaˬbaˬ 9:29

Aˬ yawꞈ maꞈ tiˬ paˆ na deuˬ-aˬ, muiˬ-eu shawˇ-eu mˇ myawˬ keu ka deuˬ, cehˇ meu deuˬ, aˬ gaꞈ dzaˇ uiˇ deuˬ, saˬ loˬ tsiˇ deuˬ, tsiˇ yaw saw deuˬ hawˇ-eu, yaw saw gʼawˬ mya jeˬ-ahˇ ya jeˬ hmˬ-eu meh.

2 Laˬsaˬbaˬ 4:22

tsiˇ kʼmˬ laˆ saˆ doꞈ-eu shuiˇ daˇ ceh deuˬ, shuiˇ naˬ bo deuˬ, tsiˇ yaw saw jeˬ dawˆ ahˇ-eu shuiˇ kʼmˬ maˬ deuˬ hawˇ-eu, doꞈ luꞈ-eu miˬ jiˆ pehˆ ahˇ-eu shuiˇ mui za heu deuˬ meh. Keu ka heu deuˬ dawˬ tawˆ luꞈ-ahˇ, maˇ jawˆ ni gʼeh-eu shuiˇ neh kʼaˇ-euˬ meh. Uˬ duˬ tahˬ nymˇ nymˇ ma-euˬ laꞈ nyiˇ paw jaˆ-eu laˇ gʼoˆ dawˬ tawˆ luꞈ hawˇ-eu, Muiˬ dui shawˇ dui dui-eu jawˇ duˬ-ahˇ uˇ leˇ-eu laˇ gʼoˆ dawˬ tawˆ luꞈ-ahˇ shuiˇ yaw-euˬ meh.

2 Laˬsaˬbaˬ 4:19

Sahˬ paˬ Sawˇlaˬmoˬ-aˬ, Uˬ duˬ tahˬ nymˇ nymˇ ma laꞈ kʼoeˇ geuꞈ-eu gʼaˇ duˬ, shuiˇ neh jahˇ taˬ-euˬ keu ka deuˬ kʼawꞈ bi jahˇ-euˬ meh. Kʼoeˇ deuˬ-aˬ, lawˇ duˬ hawˇ-eu Miˬyehˇ-ahˇ lawˇ nehˬ-euˬ kaˬ muˇ ciˬ daˆ-eu hawˬ jeh deuˬ,

2 Laˬsaˬbaˬ 4:16

oeˬ lahˬ deuˬ, ni ceuˆ deuˬ, shaˬ jiˇ kuˆ seuˬ deuˬ hawˇ-eu, kʼaˇ loˬ-eu yawˬ jeˬ na luꞈ jahˇ gʼaˬ jiˇ-euˬ meh. Uˬ duˬ tahˬ nymˇ nymˇ ma laꞈ kʼoeˇ zmˬ-eu gʼaˇ duˬ pyeuꞈ-eu mˇ myawˬ keu ka heu deuˬ dawˬ tawˆ luꞈ-ahˇ, sahˬ paˬ Sawˇlaˬmoˬ neh dawˬ biꞈ taˬ-eu loꞈ-ehˇ, guiˇ nyiˬ ni gʼeh-eu guiˬ shuiˇ neh Huˇlamˬ kʼaˇ-euˬ meh.

2 Laˬsaˬbaˬ 4:11

Huˇlamˬ-aˬ, oeˬ lahˬ deuˬ, ni ceuˆ deuˬ hawˇ-eu, naˬ bo deuˬ kʼawꞈ kʼaˇ-euˬ meh. Kʼoeˇ loꞈ-ehˇ, sahˬ paˬ Sawˇlaˬmoˬ-ahˇ aˬ yawꞈ mˇ nehˬ ma lehˇ saˇ jaˇ dzaˬ taˬ-euˬ yawˬ jeˬ na luꞈ mˇ gʼaˬ shaˇ gʼaˬ jiˇ-euˬ meh. Aˬ yawꞈ neh jahˇ-euˬ deuˬ-aˬ, heu deuˬ meh.

Bawˇtsahˬ 4:9

Tsiˇ kʼmˬ doꞈ taˬ duˬ, tsiˇ kʼmˬ, ciˆ nyawˆ, kʼaˬ lehˇ tawˆ ahˇ duˬ hawˇ-eu saˬ loˬ tsiˇ dawˆ ahˇ-eu mui deuˇ oeˬ lahˬ heu deuˬ kʼoeˇ taˆ, nyoeˇ leuˬ leuˬ-eu saˬ paˇ tiˬ dzeh yuˇ-awˇ ya dehˬ kaˬ meh.

Bawˇtsahˬ 4:7

Sahˬpaˬ Miˬyehˇ-ahˇ kaˬ muˇ damˬ nehˬ duˬ hawˬ jeh kʼoeˇ taˆ, nyoeˇ leuˬ leuˬ-eu saˬ paˇ aˬ yawꞈ maꞈ kʼawˬ-awˇ, kʼmˬ maˬ, yaw saw jeˬ dawˆ ahˇ-eu naˬ bo, damˬ nehˬ ngeh zmˬ-eu iˇ cuꞈ naˬ bo, aˬ gaꞈ dzaˇ uiˇ damˬ ngeh geuꞈ-eu mui deuˇ oeˬ lahˬ, heu deuˬ-ahˇ hawˬ jeh kʼoeˇ taˆ ya ciˬ daˆ meh. Hawˬ jeh kʼoeˇ taˆ kaˬ muˇ aˬ myah luꞈ ya bi jaˆ meh.

Bawˇtsahˬ 3:8

Sehˬ gʼawˆ laꞈ kʼoeˇ jaˆ-eu keu ka dawˬ tawˆ luꞈ-ahˇ aˬ yawꞈ maꞈ ya haw ya pyaˆ-awˇ, Iˇsaˬleˬlaˆ tsawˇ haˬ deuˬ gʼaˇ duˬ mˇ paˬ-ehˇ gʼeh-eu jeˬ ya mˇ meh.

Doˆ-iˇ 31:10

Aˬloˬ hawˇ-eu aˬ yawꞈ-euˬ aˬ li deuˬ piˇ ma geuꞈ-awˇ gaˇ mˇ ngeh dm-eu gʼaˇ duˬ, haw muiˬ dui dui-eu dm gʼaˬ dm lmˇ deuˬ maˬ ehˇ,

Doˆ-iˇ 25:9

Sehˬ gʼawˆ hawˇ-eu, sehˬ gʼawˆ laꞈ kʼoeˇ bi jaˆ-eu keu ka deuˬ-ahˇ, ngaˇ nawˬ-ahˇ mehˬ nehˬ-eu loꞈ-ehˇ tsoˆ-awˬ.

Doˆ-iˇ 25:5

naˬ yawˬ neˇ taˬ-euˬ yawˇ aˬ buˬ-euˬ baˆ kʼoˆ, aˬkaˬshaˇ daˇ kawˬ,

Bawˇtsahˬ 4:6

Kʼoeˇ-euˬ kʼoeˇ taˆ shawˇ jehˆ ni gʼeh-eu shaˬ kʼoˆ paˇ dehˬ kaˬ-awˇ, nyoeˇ leuˬ leuˬ-eu saˬ paˇ ya sheu kaˬ meh. Kʼoeˇ naˇ, kʼaˆ baꞈ kawˬ deuˬ ya cawˬ ahˇ meh.

Bawˇtsahˬ 4:11

Shuiˇ neh jahˇ taˬ-euˬ lawˇ duˬ kʼoeˇ taˆ, nyoeˇ leuˬ leuˬ-eu saˬ paˇ kʼawˬ-awˇ, shawˇ jehˆ ni gʼeh-eu shaˬ kʼoˆ dehˬ kaˬ-awˇ, baꞈ kawˬ ya cawˬ ahˇ taˬ meh.

Bawˇtsahˬ 4:13

Guiˬ shuiˇ neh jahˇ taˬ-euˬ lawˇ duˬ kʼoeˇ taˆ jaˆ-eu tsiˇ lehꞈ-eu kʼaˬ lehˇ aˬ yawꞈ maꞈ ya tawˆ dzeh-awˇ, lawˇ duˬ kʼoeˇ-euˬ kʼoeˇ taˆ neˇ naˆ naˆ-eu saˬ paˇ ya kʼawˬ meh.

1 Laˬsaˬbaˬ 9:28

Leˬbiˇ tsawˇ haˬ nui deuˬ-aˬ, uˬ duˬ tahˬ ngeh zmˬ-eu mˇ myawˬ keu ka deuˬ-ahˇ ya haw piˇ-eu meh. Mˇ myawˬ keu ka kʼoeˇ deuˬ-ahˇ zmˬ-eu lehˇ kʼaˇ yuˇ doˆ gʼeh ngeh maˬ ehˇ, kʼaˇ yuˇ kʼoꞈ taˬ leˇ ngeh maˬ ehˇ, aˬ yawꞈ maꞈ yaw muiˬ paˬ-ehˇ ya pyehˆ tseˇ haw-eu meh.