Bawˇtsahˬ 34:12 - Akha

¹² Kʼoeˇ gaˇ neh naˇ, Yawˇdaˬ lawˇ baˬ caw caw-ehˇ iˇ ka-awˇ, Shiˇ-eu Iˬ ma laˆ shaˆ-ahˇ dahˬ-iˇ-eu meh. “Heu-aˬ, oeˬ paw oeˬ coeˇ-ahˇ jaˆ-eu naw maꞈ-euˬ miˇ kaˬ meh lehˇ ehˇ nehˬ-awˬ.”

Bawˇtsahˬ 34:12 Referans Kwoze

Bawˇtsahˬ 34:3

Naw maꞈ miˇ kʼahˬ laꞈ oˆ paw pyawˬ-euˬ miˇ kaˬ-aˬ, Ziˇnaˆ bawˇ tsahˬ bawˇ dahˇ-ahˇ neh Eˬdoˬ miˇ kʼahˬ-euˬ miˇ kaˬ-ahˇ keuˆ ni meh. Laꞈ oˆ paw pyawˬ miˇ kaˬ kʼoeˇ-aˬ, Shiˇ-eu Iˬ ma laˆ shaˆ lah dahˬ paw coeˇ-ahˇ neh aˇ dahˬ beh-eu meh.

Aˇ dahˬ 14:3

Sahˬ paˬ heu ngaˬ gʼaˬ gm leˇ-awˇ, Siˇdmˬ deh ga ga ma-ahˇ, aˬ yawꞈ maꞈ-euˬ guiˇ maꞈ deuˬ-ahˇ tiˬ gaˇ tehꞈ-ehˇ kuˇ uiˬ taˬ-euˬ meh. Kʼoeˇ ngeh yamˬ-ahˇ, Siˇdmˬ deh ga ga ma-aˬ, nymˬ-mˇ Shiˇ-euˬ iˬ ma laˆ shaˆ jaˆ luꞈ-eu kʼoeˇ tsahˇ nyiˬ paˆ-ehˇ jaˆ-euˬ meh.

Aˇ dahˬ 13:10

Miˇ kʼahˬ kʼoeˇ kʼahˬ doe doe-ehˇ Lawˇtaˬ jawˇ duˬ nawˬ haw-iˇ ngeh, Zoˇlaˆ meuˬ-ahˇ le-eu gaˇ ma kahˇ li jaˆ-eu Yawˇdaˬ lawˇ baˬ lawˇ deh kʼoeˇ baˬ ma baˬ dawˬ tawˆ luꞈ, Sahˬpaˬ Miˬyehˇ-euˬ yaˇ kmˇ loꞈ-ehˇ maˬ ehˇ, Iˇjiˇtuˆ miˇ kʼahˬ loꞈ-ehˇ maˬ ehˇ, iˇ cuꞈ jaˆ loꞈ-eu jawˇ duˬ pyeuꞈ gaˇ ya mawˇ-euˬ meh. (Aˇ yamˬ kʼoeˇ yamˬ laꞈ kʼoeˇ, Sawˇdoˬ meuˬ hawˇ-eu Gawˇmawˇlaˆ meuˬ-ahˇ Sahˬpaˬ Miˬyehˇ maˬ laˆ cawˆ-aˬ siˬ.)

Bawˇtsahˬ 34:11

Sheˬpamˬ-ahˇ neh naˇ, laꞈ oˆ paw Aˬiˇnaˆ meuˬ-euˬ nahˇ ma doˆ kʼehˬ paw jaˆ-eu Haˬlaˬbeˬlaˇ meuˬ-ahˇ keuˆ ni iˇ gʼeh-awˇ, Gaˬliˬlehˇ lah-euˬ nahˇ ma doˆ kʼehˬ paw jaˆ-eu gawˬ jawˬ deuˬ-ahˇ daˆ doˆ leˇ-eu meh.

Bawˇtsahˬ 34:13

Kʼoeˇ naˇ, Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-eu, “Heu-aˬ, naw maꞈ shehˆ tsaˬ tsaˬ-eu laꞈ kʼoeˇ ya biˇ geuꞈ-eu miˇ kʼahˬ meh. Tsawˇ jeuˬ gʼoeˬ jeuˬ uˬ taꞈ tiˬ paˆ-ahˇ, Sahˬpaˬ Miˬyehˇ miˇ kʼahˬ heu kʼahˬ biꞈ-eu meh.

Doˆ-iˇ 23:31

Naw maꞈ miˇ kʼahˬ-euˬ miˇ kaˬ-aˬ, Aˬgaˬbaˬ Iˬ ma laˆ shaˆ lahˇ gʼoꞈ-ahˇ neh, Uˇpaˬlaˇ lawˇ baˬ-ahˇ keuˆ ni hawˇ-eu, Gʼahˇ ceh-euˬ Iˬ ma laˆ shaˆ-ahˇ neh, bawˇ tsahˬ bawˇ dahˇ kʼaˇ suiꞈ deh yaˇ-ahˇ keuˆ ni meh. Miˇ kʼahˬ kʼoeˇ kʼahˬ-ahˇ jawˇ-eu tsawˇ haˬ deuˬ kʼoeˇ taˆ, naw maꞈ-ahˇ ngaˇ baoˬ bi huiˬ dzehˬ-awˇ, naw maꞈ iˇ ngeh, aˬ yawꞈ maꞈ-ahˇ naw maꞈ teh doˆ gʼeh tehꞈ-a.

Yawˇshuˆ 13:1

Yawˇshuˆ tsawˇ mawˬ mawˬ dui dui le-euˬ meh. Sahˬpaˬ Miˬyehˇ aˬ yawꞈ-ahˇ ehˇ nehˬ-eu, “Nawˇ tsawˇ mawˬ mawˬ dui dui le-euˬ meh. Ehˇ kʼawꞈ, za paˬ-ehˇ gʼeh-eu miˇ kʼahˬ gʼawˬ mya ni jaˆ-a siˬ.

Yawˇshuˆ 15:5

Nahˇ ma doˆ kʼehˬ paw-euˬ miˇ kaˬ-aˬ, Shiˇ-eu iˬ ma laˆ shaˆ caw caw-ehˇ, Yawˇdaˬ lawˇ baˬ yoeˇ ahˇ le gaˇ keuˆ ni meh. Laꞈ taˆ paw pyawˬ miˇ kaˬ-aˬ, kʼoeˇ gaˇ neh aˇ dahˬ beh-awˇ,

Yeˬsaˬgeˬlaˇ 47:13

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ jeuˬ tseˇ nyiˬ jeuˬ ya biˇ geuꞈ-eu miˇ kʼahˬ kʼoeˇ kʼahˬ-euˬ miˇ kaˬ-aˬ, heu loꞈ-ehˇ meh. Yoˇsehˆ tsawˇ jeuˬ-ahˇ miˇ tsaˬ nyiˬ tsahˇ oꞈ-eu meh.