Bawˇtsahˬ 3:6 - Akha

⁶ “Leˬbiˇ tsawˇ jeuˬ-ahˇ mehˬ hu paw kuˇ doˆ-awˇ, Aˬloˬ-ahˇ caw ba-eu tsawˇ haˬ deuˬ bi geuꞈ-awˬ.

Bawˇtsahˬ 3:6 Referans Kwoze

Maˬlaˬkiˇ 2:4

Kʼoeˇ ngeh jawˇ, Leˬbiˇ-euˬ zaˬ deuˬ uˆ deuˬ pyeuꞈ-eu piˇ ma deuˬ nehˬ-ehˇ dzaˬ taˬ-euˬ ngaˬ-euˬ dawˬ ma saˇ jaˇ maˬ bi byoˆ-iˇ-eu gʼaˇ duˬ, ngaˇ naw maꞈ-ahˇ heu loꞈ-ehˇ dawˬ biꞈ-euˬ gaˇ kawˆ, naw maꞈ ya siˬ duˬ tehꞈ-a.

Dawˬmehˬ 10:8

Kʼoeˇ ngeh, Dawˬ ma saˇ jaˇ Bahˬ keuˆ-ahˇ haw-eu pyaˆ-eu gʼaˇ duˬ maˬ ehˇ, piˇ ma geuꞈ-eu gʼaˇ duˬ maˬ ehˇ, Sahˬpaˬ Miˬyehˇ-euˬ tsawˇ myahˇ laꞈ kʼoeˇ aˬ cawˬ-ahˇ dawˬ ngehˬ gʼeh nehˬ-eu gʼaˇ duˬ maˬ ehˇ, Leˬbiˇ tsawˇ jeuˬ-ahˇ Sahˬpaˬ Miˬyehˇ tseˇ doˆ-euˬ meh. Iˬ nah keuˆ ni gaˇ heu deuˬ aˬ yawꞈ maꞈ tawˬ luꞈ-eu meh.

Bawˇtsahˬ 2:33

Sahˬpaˬ Miˬyehˇ neh Moˇseˬ-ahˇ dawˬ biꞈ taˬ-euˬ loꞈ-ehˇ, Leˬbiˇ tsawˇ haˬ deuˬ-ahˇ Iˇsaˬleˬlaˆ tsawˇ haˬ nui deuˬ nehˬ-ehˇ tiˬ kawˆ loꞈ-ehˇ tsawˇ myahˇ maˬ yuˇ keuˬ-aˬ.

Bawˇtsahˬ 2:17

Kʼoeˇ naˇ, mehˬ hu paw doˆ-iˇ-eu guiˇ maꞈ nyiˬ maꞈ hawˇ-eu, mehˬ nah paw cah-eu guiˇ maꞈ nyiˬ maꞈ yaw kaˬ-ahˇ, Leˬbiˇ tsawˇ jeuˬ Sehˬ gʼawˆ baꞈ-awˇ ya doˆ-iˇ meh. Aˬ yawꞈ maꞈ jawˇ naˬ ngeh, yawˬ ha-euˬ paˇ loˬ paˇ lehˇ uˬ moˆ jawˇ pyawˬ baw baw-ehˇ jawˇ-eu loꞈ-ehˇ, doˆ-iˇ ngeh kʼawꞈ kʼoeˇ loꞈ-ehˇ jawˇ duˬ tsaˬ ni ya doˆ-iˇ meh.

Bawˇtsahˬ 3:5

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

1 Laˬsaˬbaˬ 23:32

Sahˬpaˬ Miˬyehˇ jawˇ-eu Sehˬ gʼawˆ hawˇ-eu Uˬ duˬ tahˬ nymˇ nymˇ ma-ahˇ bo saˆ haw piˇ-eu gaˇ maˬ ehˇ, Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ ngeh, Aˬloˬ-euˬ zaˬ deuˬ uˆ deuˬ pyeuꞈ-eu aˬ yawꞈ maꞈ-euˬ aˬ yuiꞈ aˬ nyiˇ piˇ ma kʼoeˇ deuˬ-ahˇ caw ba nehˬ-eu gaˇ maˬ ehˇ, Leˬbiˇ tsawˇ haˬ deuˬ ya mˇ-eu gaˇ pyeuꞈ-eu meh.

2 Laˬsaˬbaˬ 29:11

Ngaˬ li deuˬ-oˇ, aˇ yamˬ yawꞈ ngehꞈ-ehˇ taˬ paˇ bi dzeuˇ-iˇ. Yaw saw jeˬ doꞈ damˬ-eu gʼaˇ duˬ maˬ ehˇ, miˇ kʼahˬ zaˬ deuˬ aˬ yawꞈ-ahˇ uˬ duˬ tahˬ gaˇ bi sheuˬ gʼeh-eu gʼaˇ duˬ maˬ ehˇ, naw maꞈ-ahˇ Sahˬpaˬ Miˬyehˇ tseˇ doˆ-euˬ meh.”

Eˇzaˬlaˬ 6:18

Moˇseˬ-euˬ sahˬ boꞈ paˇ dmˬ laꞈ kʼoeˇ mehˬ taˬ tsoˆ taˬ-euˬ jaˆ-eu loꞈ-ehˇ, Yeˬluˇsaˬlehˬ meuˬ Uˬ duˬ tahˬ nymˇ nymˇ ma laꞈ kʼoeˇ gaˇ bi mˇ-eu gʼaˇ duˬ, piˇ ma deuˬ hawˇ-eu Leˬbiˇ tsawˇ haˬ deuˬ-ahˇ aˬ yawꞈ maꞈ aˇ muˇ muˇ baw nehˬ-euˬ meh.

Bawˇtsahˬ 18:21

Sahˬpaˬ Miˬyehˇ ehˇ-eu, “Leˬbiˇ tsawˇ haˬ deuˬ-ahˇ, Iˇsaˬleˬlaˆ tsawˇ haˬ deuˬ neh kʼaˇ yuˇ laꞈ-euˬ tseˇ bymˇ tiˬ bymˇ ngaˇ biꞈ-eu ma. Heu-aˬ, ngaˇ jawˇ-eu Sehˬ gʼawˆ laꞈ kʼoeˇ gaˇ mˇ-euˬ gʼaˬ gaˇ poeˬ pyeuꞈ-eu ma.

1 Laˬsaˬbaˬ 6:33

Kʼoeˇ loꞈ-ehˇ gaˇ mˇ-eu aˇ jeuˬ aˇ ca deuˬ-euˬ tsuiꞈ-aˬ, heu loꞈ-ehˇ meh. Kawˇhaˆ aˇ jeuˬ laꞈ kʼoeˇ, kawˇ yehˬ caˇ-eu paw aˬ yuiꞈ geuꞈ-awˇ sheuˬ gʼeh-euˬ gʼaˬ-aˬ, Yawˇlaˆ-euˬ aˬ li Heˬmaˬ meh. Yaˬkoˆ-ahˇ keuˆ ni gui daˆ leꞈ-euˬ aˬ yawꞈ-euˬ tsuiꞈ daˆ-aˬ, Heˬmaˬ, Yawˇlaˆ, Saˬmoeˬlaˆ,

1 Laˬsaˬbaˬ 15:2

Kʼoeˇ naˇ, aˬ yawꞈ heu loꞈ-ehˇ ehˇ-eu meh. “Leˬbiˇ tsawˇ haˬ deuˬ tehꞈ-ehˇ Dawˬ ma saˇ jaˇ Bahˬ keuˆ ya baꞈ meh. Aˬ jeˬ miˇ neh ehˇ naˇ, Dawˬ ma saˇ jaˇ Bahˬ keuˆ baꞈ-awˇ mˬ maˬ maˬ byaˆ zaˇ ziˇ Sahˬpaˬ Miˬyehˇ-euˬ gaˇ bi mˇ-eu gʼaˇ duˬ, Leˬbiˇ tsawˇ haˬ deuˬ-ahˇ Sahˬpaˬ Miˬyehˇ neh tseˇ doˆ taˬ-euˬ meh.”

1 Laˬsaˬbaˬ 23:28

Leˬbiˇ tsawˇ haˬ deuˬ ya mˇ-eu gaˇ-aˬ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ ngeh, Aˬloˬ-euˬ zaˬ deuˬ uˆ deuˬ pyeuꞈ-eu piˇ ma deuˬ-ahˇ caw jaw-eu gaˇ maˬ ehˇ, Uˬ duˬ tahˬ nymˇ nymˇ ma-euˬ poˆ ka hawˇ-eu aˇ lawˆ deuˬ-ahˇ bo saˆ haw piˇ-eu gaˇ maˬ ehˇ, kʼaˇ muiˬ kʼaˇ shawˇ-eu mˇ myawˬ keu ka deuˬ-ahˇ maˬ ya bi jawꞈ-iˇ ni jeˬ hmˬ laˆ saˆ-eu gaˇ maˬ ehˇ,