Bawˇtsahˬ 28:6 - Akha

⁶ Heu-aˬ, aˬ yawꞈ nah yawꞈ ya lawˇ-eu dawˬ tawˆ luꞈ miˬ dzaˬ-ahˇ ya bi puiˆ dzaˬ jiˇ-eu lawˇ-eu jeˬ pyeuꞈ-eu meh. Heu loꞈ-ehˇ lawˇ-eu jeˬ-ahˇ, dzaˬ dzaˬ dawˇ dawˇ lawˇ-eu jeˬ loꞈ-ehˇ Siˇnaˆ gawˬ jawˬ-ahˇ lawˇ beh beh-euˬ meh. Kʼoeˇ-euˬ yaw saꞈ-ahˇ Sahˬpaˬ Miˬyehˇ nui ma tsaˬ-eu meh.

Bawˇtsahˬ 28:6 Referans Kwoze

Aˬmoˆ 5:25

“Iˇsaˬleˬlaˆ tsawˇ haˬ deuˬ-oˇ, ngaˇ naw maꞈ-ahˇ bawˇ tsahˬ bawˇ dahˇ laꞈ kʼoeˇ sheuˬ sheuˬ-ehˇ cah-euˬ aˇ yamˬ kʼoeˇ oeˬ tseˇ kʼoꞈ laꞈ kʼoeˇ, ngaˬ-ahˇ lawˇ-awˬ shehˇ-awˬ lehˇ naw maꞈ-ahˇ ngaˇ maˬ kʼehˇ-aˬ.

Yeˬsaˬgeˬlaˇ 46:14

Cehˇ meu koꞈ bymˇ tiˬ bymˇ eˇpaˬ-ahˇ1/6 eˇpaˬ-aˬ, tiˬ ciˇ loˇ ehˇ gʼaˬ ni byah-eu meh.* saˬ loˬ tsiˇ smˬ bymˇ tiˬ bymˇ heˬ1/3 heˬ-aˬ, tiˬ liˆ ehˇ gʼaˬ ni byah-eu meh.* keuˬ-awˇ dzaˬ la gʼo cehˇ lawˇ-eu jeˬ, yawˬ shawˬ na luꞈ ya lawˇ meh. Sahˬpaˬ Miˬyehˇ-ahˇ kʼoeˇ loꞈ-ehˇ lawˇ-eu jeˬ tiˬ jawˇ-iˬ gʼaˬ maˬ ya bi baˬ-iˇ-a.

Jaceuq 50:8

Naw maꞈ ngaˬ-ahˇ lawˇ-eu shehˇ-eu jeˬ mˇ-awˇ, miˬ dzaˬ dzah puiˆ-awˇ lawˇ-eu jeˬ aˬ myah luꞈ lawˇ luꞈ-eu miˇ neh, naw maꞈ-ahˇ iˬ baˇ maˬ taˬ.

Eˇzaˬlaˬ 3:4

Zahˇ sahˇ kʼoꞈ jaˆ-eu loꞈ-ehˇ, Sehˬ gʼawˆ-euˬ bawˬ-iˬ aˬ yawꞈ maꞈ gʼeh-awˇ, aˬ yawꞈ nah yawꞈ ya lawˇ-eu jeˬ lawˇ-euˬ meh.

2 Laˬsaˬbaˬ 31:3

Yawˬ shawˬ yawˬ miˇ na luꞈ ya lawˇ-eu miˬ dzaˬ-ahˇ dzah puiˆ-awˇ lawˇ-eu jeˬ gʼaˇ duˬ maˬ ehˇ, jawˇ nah ngeh nah lawˇ-eu jeˬ gʼaˇ duˬ maˬ ehˇ, La shuiꞈ lah-eu Bawˬ-iˬ jahˇ ngeh lawˇ-eu gʼaˇ duˬ maˬ ehˇ, Sahˬpaˬ Miˬyehˇ-euˬ zahˇ dawˬ kʼoꞈ dawˬ laꞈ kʼoeˇ ahˇ-eu bawˬ-iˬ nui deuˬ gʼeh-eu gʼaˇ duˬ maˬ ehˇ, kʼaˇ loˬ-eu jeˬ zaˬ deuˬ gʼaˇ duˬ, sahˬ paˬ Heˬsaˬgiˇ aˬ yawꞈ neh cu taˬ-euˬ jeˬ zaˬ biꞈ-awˇ bi lawˇ-euˬ meh.

2 Laˬsaˬbaˬ 2:4

Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ taˬ mahˇ-eu laꞈ kʼoeˇ, uˬ duˬ tahˬ nymˇ tiˬ nymˇ ngaˇ tsoˆ luꞈ-eu ma. Kʼoeˇ-aˬ, ngaˇ hawˇ-eu ngaˬ-euˬ tsawˇ haˬ deuˬ yaw saw jeˬ doꞈ damˬ-eu laꞈ kʼoeˇ, aˬ yawꞈ-ahˇ uˬ duˬ tahˬ-eu muiˬ-eu shawˇ-eu jawˇ duˬ pyeuꞈ tehꞈ-a. Kʼoeˇ gaˇ, muiˬ-eu shawˇ-eu kaˬ muˇ deuˬ maˬ tsehˆ leˇ ni aˬ yawꞈ-ahˇ nga maꞈ lawˇ nehˬ-awˇ, yawˬ shawˬ yawˬ miˇ na luꞈ maˬ ehˇ, Jawˇ nah-ahˇ maˬ ehˇ, La loˆ lah-eu bawˬ-iˬ jahˇ ngeh maˬ ehˇ, muiˬ-eu shawˇ-eu aˇ nah deuˬ-ahˇ maˬ ehˇ, nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ taˬ mahˇ-eu laꞈ kʼoeˇ, miˬ dzaˬ dzah puiˆ-awˇ lawˇ-eu jeˬ nga maꞈ lawˇ ma. Mˬ maˬ maˬ byaˆ zaˇ ziˇ Iˇsaˬleˬlaˆ tsawˇ jeuˬ kʼoeˇ loꞈ-ehˇ mˇ ni aˬ yawꞈ dawˬ biꞈ taˬ-eu jaˆ-eu meh.

Uˬ duˬ 6:9

Miˬ dzaˬ-ahˇ dzah puiˆ-awˇ lawˇ-eu jeˬ ahˇ taꞈ leˇ-eu zahˇ sahˇ kʼoꞈ heu deuˬ, Aˬloˬ hawˇ-eu aˬ yawꞈ-euˬ aˬ li deuˬ-ahˇ biꞈ-awˬ. Miˬ dzaˬ dzah puiˆ-awˇ lawˇ-eu jeˬ kʼoeˇ, lawˇ duˬ kʼoeˇ taˆ uˬ ciꞈ miˇ lah-ehˇ bi jaˆ-awˇ miˬ dzaˬ maˬ ya bi miˆ tsehˆ-a.

Doˆ-iˇ 31:18

Siˇnaˆ gawˬ jawˬ kʼoeˇ taˆ, Moˇseˬ-ahˇ Miˬyehˇ dawˬ ngehˬ cawˬ gʼaˬ ngeh, Miˬyehˇ neh zahˇ dawˬ kʼoꞈ dawˬ boꞈ ahˇ taˬ-euˬ kʼaˬ lo teˇ byaꞈ nyiˬ byaꞈ Moˇseˬ-ahˇ Miˬyehˇ biꞈ nehˬ-euˬ meh.

Doˆ-iˇ 24:18

Gawˬ jawˬ-ahˇ Moˇseˬ daˆ leˇ-awˇ, mˬ dmˇ laꞈ kʼoeˇ le uˇ leꞈ-euˬ meh. Oeˬ tseˇ nah oeˬ tseˇ miˇ keuˆ ni, aˬ yawꞈ kʼoeˇ gaˇ jawˇ-euˬ meh.

Piˇliˇpiˆ 2:17

Naw maꞈ-euˬ jah-eu jeˬ Miˬyehˇ-ahˇ lawˇ nehˬ-euˬ kʼoeˇ taˆ, ngaˬ-euˬ shiˬ ya shehˆ daˆ nehˬ law hawˇ kʼawꞈ, ngaˇ nui kʼahˇ shiˇ-awˇ, naw maꞈ dawˬ tawˆ luꞈ nehˬ-ehˇ tiˬ kawˆ loꞈ-ehˇ laˬ kʼaˬ caw cehˇ-eu ma.

Bawˇtsahˬ 28:5

Aˬ yawꞈ mawˇ yawꞈ lawˇ ngeh, muiˬ dui dui-eu saˬ loˬ tsiˇ maˇ tsaꞈ tiˬ tsaꞈ keuˬ taˬ-euˬ cehˇ meu tiˬ pehˬ ya lawˇ ahˇ meh.

Bawˇtsahˬ 28:7

Yaw beh lawˇ-euˬ yawˇ zaˬ kʼoeˇ mawˇ nehˬ-ehˇ, lawˇ duˬ kʼoeˇ taˆ aˬ gaꞈ dzaˇ uiˇ tiˬ tsaꞈ shehˆ daˆ-awˇ, aˬ gaꞈ dzaˇ uiˇ lawˇ-eu jeˬ lawˇ-awˬ.

Yeˬsaˬgeˬlaˇ 46:15

Yawˇ zaˬ, cehˇ meu hawˇ-eu saˬ loˬ tsiˇ heu deuˬ, mˬ maˬ maˬ byaˆ zaˇ ziˇ, Sahˬpaˬ Miˬyehˇ-ahˇ aˬ yawꞈ shawˬ yawꞈ ya lawˇ meh.”

Uˬ duˬ 27:34

Heu deuˬ-a, Iˇsaˬleˬlaˆ tsawˇ haˬ deuˬ gʼaˇ duˬ, Siˇnaˆ gawˬ jawˬ kʼoeˇ taˆ Moˇseˬ-ahˇ Sahˬpaˬ Miˬyehˇ biꞈ nehˬ-euˬ zahˇ dawˬ kʼoꞈ dawˬ deuˬ pyeuꞈ-eu meh.