Bawˇtsahˬ 28:4 - Akha

⁴ Uˬ shawˬ paw tiˬ mawˇ hawˇ-eu uˬ ciꞈ paw tiˬ mawˇ ya lawˇ meh.

Bawˇtsahˬ 28:4 Referans Kwoze

Daˬyeˬlaˇ 9:21

Ngaˇ kʼoeˇ loꞈ-ehˇ guiˬ lahˬ shaˇ shaˇ-ehˇ jawˇ ngeh, yaw beh yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ ngaˬ neh mawˇ-euˬ Gaˬbeˬlaˇ kʼoeˇ gʼaˬ, ngaˇ jawˇ gaˇ zaw ka gʼeh leꞈ-euˬ meh.

1 Sahˬpaˬ 18:36

Nahˇ ma nahˇ dahˬ yawˬ-iˇ-awˇ, lawˇ-eu shehˇ-eu jeˬ mˇ-eu aˇ yamˬ tsaˬ laˇ ngeh, Miˬyehˇ gʼaˇ duˬ ngehˬ dah-eu Eˇliˇyaˆ gʼaˬ lawˇ duˬ dawˬ peh le-awˇ, heu loꞈ-ehˇ guiˬ lahˬ shaˇ-euˬ meh. “Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ-aˬ, Iˇsaˬleˬlaˆ-euˬ Miˬyehˇ pyeuꞈ-awˇ, ngaˇ nawˬ-ahˇ uˬ duˬ tahˬ-awˇ, nawˬ neh kʼaˇ bi mˇ-euˬ loꞈ-ehˇ nymˬ-mˇ ngaˇ mˇ luꞈ-eu gaˇ kawˆ bi siˬ bi mawˇ-awˬ.

1 Sahˬpaˬ 18:29

Nah loˆ ceh laˇ ngeh keuˆ ni aˬ yawꞈ maꞈ toˇ toˇ-ehˇ jawˇ-eu kʼawꞈ, aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-eu gʼaˬ maˬ jawˇ-a.

Bawˇtsahˬ 9:3

Ba la heu siˬ tseˇ oeˬ nah uˬ ciꞈ uˬ taw paw aˇ dahˬ beh-awˇ, zahˇ sahˇ kʼoꞈ kʼaˇ jaˆ-eu loꞈ-ehˇ Iˇsaˬleˬlaˆ tsawˇ haˬ deuˬ Baˬsaˬkaˬ Bawˬ-iˬ ya gʼeh meh.”

Doˆ-iˇ 12:6

Ba la heu siˬ tseˇ oeˬ nah uˬ ciꞈ uˬ taw paw, Iˇsaˬleˬlaˆ tsawˇ haˬ dawˬ tawˆ luꞈ jeˬ zaˬ ya sehꞈ meh.

Jaceuq 141:2

Tsiˇ yaw saw doꞈ damˬ-euˬ gaˇ ha geuꞈ-eu loꞈ-ehˇ, ngaˬ-euˬ shaˇ dawˬ-ahˇ ha geuꞈ nehˬ laꞈ-awˬ. Uˬ ciꞈ uˬ taw paw lawˇ-euˬ jeˬ-ahˇ ha geuꞈ-eu loꞈ-ehˇ, ngaˇ aˬ laꞈ baꞈ diˇ taˬ gaˇ ha geuꞈ nehˬ laꞈ.

Uˬ duˬ 3:7

Tsawˇ haˬ tiˬ gʼaˬ yawˇ lawˇ nehˬ naˇ,

Bawˇtsahˬ 28:3

Heu-aˬ, Sahˬpaˬ Miˬyehˇ-ahˇ ya lawˇ-eu dzaˬ dzaˬ dawˇ dawˇ lawˇ-eu jeˬ pyeuꞈ-eu meh. Aˬ yawꞈ nah yawꞈ ya lawˇ-eu miˬ dzaˬ dzah puiˆ-awˇ lawˇ-eu jeˬ gʼaˇ duˬ, tiˬ myaˇ byah laˇ-euˬ maˇ byawꞈ maˬ baw-eu yawˇ zaˬ aˬ buˬ nyiˬ mawˇ ya lawˇ meh.

Bawˇtsahˬ 28:5

Aˬ yawꞈ mawˇ yawꞈ lawˇ ngeh, muiˬ dui dui-eu saˬ loˬ tsiˇ maˇ tsaꞈ tiˬ tsaꞈ keuˬ taˬ-euˬ cehˇ meu tiˬ pehˬ ya lawˇ ahˇ meh.

1 Laˬsaˬbaˬ 16:40

Sahˬpaˬ Miˬyehˇ neh Iˇsaˬleˬlaˆ tsawˇ jeuˬ-ahˇ biꞈ taˬ-euˬ zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ loꞈ-ehˇ, yawˬ shawˬ yawˬ miˇ na luꞈ, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu jeˬ aˬ yawꞈ maꞈ ya lawˇ-eu meh.

Yawˇlaˆ 1:13

Lawˇ duˬ-ahˇ jawˇ-eu piˇ ma deuˬ guˬ daˇ pehˇ zeuˇ dm-awˇ ngoeˇ-awˬ. Uˬ duˬ tahˬ nymˇ nymˇ ma laꞈ kʼoeˇ, uˬ ciꞈ miˇ lah-ehˇ ngoeˇ leˇ-awˬ. Naw maꞈ-euˬ Miˬyehˇ-ahˇ damˬ-eu, aˬ gaꞈ dzaˇ uiˇ hawˇ-eu cehˇ pyuˇ, laˬ doˆ-iˇ kʼaˇ maˬ paˇ za meh.