52 Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.
Iˇsaˬleˬlaˆ tsawˇ haˬ dawˬ tawˆ luꞈ, koꞈ seh tiˬ heˇ shiꞈ yaˇ smˬ tseˇ gʼaˬ byah-eu meh.
“Tsawˇ haˬ aˇ gʼaˬ yaw myaˬ yaw cuiˆ-ahˇ haw-awˇ, tsawˇ jeuˬ heu deuˬ-ahˇ miˇ kʼahˬ biˇ nehˬ-awˬ.
Kʼoeˇ naˇ, Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-eu, “Heu-aˬ, naw maꞈ shehˆ tsaˬ tsaˬ-eu laꞈ kʼoeˇ ya biˇ geuꞈ-eu miˇ kʼahˬ meh. Tsawˇ jeuˬ gʼoeˬ jeuˬ uˬ taꞈ tiˬ paˆ-ahˇ, Sahˬpaˬ Miˬyehˇ miˇ kʼahˬ heu kʼahˬ biꞈ-eu meh.
Moˇseˬ-ahˇ Sahˬpaˬ Miˬyehˇ dawˬ biꞈ taˬ-euˬ loꞈ-ehˇ, miˇ kʼahˬ kʼoeˇ kʼahˬ kʼahˬ lah ni-ahˇ Yawˇshuˆ deuˆ gʼaˬ-euˬ meh. Miˇ kʼahˬ kʼoeˇ kʼahˬ Iˇsaˬleˬlaˆ tsawˇ haˬ deuˬ-ahˇ Yawˇshuˆ biꞈ-awˇ, tsawˇ jeuˬ aˬ yawꞈ jeuˬ yawꞈ gʼaˇ duˬ, dehˬ biˇ nehˬ-euˬ meh.
Sahˬpaˬ Miˬyehˇ neh Moˇseˬ-ahˇ dawˬ biꞈ taˬ-euˬ loꞈ-ehˇ, Iˇsaˬleˬlaˆ tsawˇ jeuˬ gʼoeˬ jeuˬ uˬ taꞈ tiˬ paˆ-ahˇ, Yawˇdaˬ lawˇ baˬ nahˇ ma ga kʼehˬ paw jaˆ-eu miˇ kʼahˬ deuˬ-ahˇ, shehˆ tsaˬ bi tsaˬ geuꞈ-euˬ meh.
