Bawˇtsahˬ 25:2 - Akha

² Mawˇbaˆ miˬ yehˇ-ahˇ uˬ duˬ tahˬ-eu lawˇ-eu shehˇ-eu bawˬ-iˬ gʼeh gaˇ, zaˬ miˬ zaˬ kʼoeˇ deuˬ aˬ yawꞈ maꞈ-ahˇ sheuˬ gʼeh-euˬ meh. Iˇsaˬleˬlaˆ tsawˇ haˬ deuˬ aˬ cawˬ tsawˇ jeuˬ-euˬ dzaˇ dzaˬ-awˇ, aˬ cawˬ tsawˇ jeuˬ-euˬ miˬ yehˇ-ahˇ uˬ duˬ tahˬ-euˬ meh.

Bawˇtsahˬ 25:2 Referans Kwoze

1 Gawˇliˬtu 10:20

Maˬ ngeuˇ. Lawˇ ciꞈ za deuˬ-euˬ lawˇ duˬ kʼoeˇ taˆ lawˇ-euˬ jeˬ-aˬ, Miˬyehˇ-ahˇ lawˇ nehˬ-euˬ maˬ ngeuˇ-ehˇ, nehꞈ-ahˇ lawˇ nehˬ-euˬ meh lehˇ ngaˇ ehˇ mawꞈ-eu ma. Naw maꞈ nehꞈ-ahˇ maˬ bi taꞈ leˇ mawꞈ nya.

Doˆ-iˇ 20:5

Tahˬ pahˬ aˬ ma mawˇ kawˇ mehˬ shi nawˇ maˬ ya awˆ byaˆ-a. Uˬ duˬ maˬ ya tahˬ-a. Aˬ jeˬ miˇ neh ehˇ naˇ, ngaˇ-aˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-awˇ, myaˆ naˆ-eu Miˬyehˇ tiˬ gʼaˬ pyeuꞈ-eu ma. Ngaˬ-ahˇ bye-eu tsawˇ haˬ deuˬ-ahˇ ngaˇ kʼehˬ nehˬ-awˇ, aˬ yawꞈ maꞈ-euˬ zaˬ ziˇ oeˬ ziˇ keuˆ ni ngaˇ kʼehˬ nehˬ ma.

Hawˇseˬ 9:10

Sahˬpaˬ Miˬyehˇ ehˇ-eu dawˬ-aˬ, “Iˇsaˬleˬlaˆ tsawˇ haˬ deuˬ-ahˇ, yaw beh poˆ ngaˇ mawˇ dahˬ beh ngeh, kʼaˇ shuiꞈ deh ga gʼahˇ ceh dehꞈ-eu, aˬ gaꞈ baw duˆ-ahˇ duˇ-eu meh. Naw maꞈ-euˬ aˬ poeˬ aˬ piˬ deuˬ, yaw beh poˆ ngaˇ mawˇ dahˬ beh ngeh, awꞈ beh beh laˇ-awˇ siˬ luꞈ-eu, siˬ guˬ aˇ siˬ-ahˇ duˇ-eu meh. Ehˇ kʼawꞈ, Peˬoˇlaˬ gawˬ jawˬ-ahˇ laˇ ngeh, Baˬlaˇ-ahˇ uˬ duˬ tahˬ paˇ-awˇ, yawꞈ maꞈ gaˬ-eu miˬyehˇ loꞈ-ehˇ, jawꞈ dui dui gaˇ ya mawˇ-euˬ ma.

Jaceuq 106:28

Miˬyehˇ-euˬ tsawˇ haˬ deuˬ Peˬoˇ meuˬ-ahˇ, Baˬlaˇ miˬ yehˇ-ahˇ uˬ duˬ tahˬ-awˇ, yaw dehꞈ maˬ dehꞈ-eu miˬ yehˇ-ahˇ lawˇ-euˬ dzaˇ, aˬ yawꞈ maꞈ dzaˬ-euˬ meh.

Yawˇshuˆ 22:17

Peˬoˇ lehˇ kuˇ-eu jawˇ duˬ-ahˇ, aˬ dui-euˬ iˬ baˇ baˬ da neh aˬ yawꞈ-euˬ tsawˇ haˬ deuˬ kʼoeˇ taˆ luˬ-iˇ seˇ-iˇ-eu jeˬ Sahˬpaˬ Miˬyehˇ bi keuˆ le-euˬ gaˇ kawˆ shaˇ noeˬ haw sheˇ. Kʼoeˇ baˬ da neh iˬ nah keuˆ ni aˬ dui maꞈ ya daˬ luꞈ-eu maˬ ngeuˇ-a loˇ. Iˬ baˇ kʼoeˇ maˬ gʼaˬ-a siˬ loˇ.

Panmaeq 2:14

Ehˇ kʼawꞈ, ngaˇ nawˬ-ahˇ heu myaˆ jeˬ iˬ baˇ taˬ kʼaˇ za-eu ma. Iˇsaˬleˬlaˇ tsawˇ haˬ deuˬ tahˬ pahˬ aˬ ma mawˇ kawˇ-ahˇ lawˇ nehˬ-euˬ lawˇ dzaˇ dzaˬ-awˇ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu ni mehˇ shuiˇ shuiˇ-awˇ aˬ joˆ-ehˇ ya sheuˬ pyawˇ-eu gaˇ kawˆ, Baˬlehˇ-ahˇ mehˬ nehˬ-euˬ gʼaˬ pyeuꞈ-eu Baˬlamˬ neh mehˬ-euˬ tsoˆ-euˬ dawˬ deuˬ-ahˇ, nawˬ-euˬ tsawˇ haˬ tiˬ paˆ na deuˬ caw teh luꞈ-eu meh.

1 Sahˬpaˬ 19:18

Ehˇ kʼawꞈ, ngaˬ-ahˇ saˇ jaˇ ziꞈ-awˇ, Baˬlaˇ miˬ yehˇ mehˬ shi maˬ awˆ byaˆ-ehˇ, Baˬlaˇ miˬ yehˇ-euˬ tahˬ pahˬ aˬ ma mawˇ kawˇ-ahˇ mehˬ cuˇ maˬ cuˇ-euˬ tsawˇ haˬ shiꞈ heˇ gʼaˬ-ahˇ, Iˇsaˬleˬlaˆ miˇ kʼahˬ laꞈ kʼoeˇ ngaˇ bi dehꞈ yaꞈ ma.”

Yawˇshuˆ 23:16

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ dawˬ ma saˇ jaˇ laꞈ kʼoeˇ naw maꞈ maˬ ziꞈ-ehˇ, miˬ yehˇ nui deuˬ-ahˇ naw maꞈ caw teh-awˇ uˬ duˬ tahˬ naˇ, aˬ yawꞈ nui ma pehˇ-eu laꞈ kʼoeˇ naw maꞈ-ahˇ kʼehˬ nehˬ kʼaˆ nehˬ laꞈ-awˇ, tiˬ kʼehˇ laˇ kʼehˬ laꞈ kʼoeˇ tehꞈ-ehˇ, aˬ yawꞈ neh biꞈ laꞈ-euˬ muiˬ dui dui-eu miˇ kʼahˬ heu kʼahˬ laꞈ kʼoeˇ naw maꞈ tiˬ gʼaˬ-iˬ maˬ jawˇ-ehˇ piˬ-iˇ byoˆ-iˇ jiˇ tehꞈ-a.”

Yawˇshuˆ 23:7

Kʼoeˇ tehꞈ-ehˇ maˬ ngeuˇ ni, naw maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ heu deuˬ nehˬ-ehˇ cawˬ maˬ cawˬ taꞈ ni jawˇ-awˇ, aˬ yawꞈ maꞈ-euˬ miˬ yehˇ deuˬ-euˬ tsawˇ myahˇ-ahˇ maˬ kuˇ-ehˇ, miˬ yehˇ kʼoeˇ deuˬ-euˬ tsawˇ myahˇ uˬ moˆ saˇ jaˇ maˬ dzaˬ taꞈ-eu uˬ taꞈ, aˬ yawꞈ maꞈ-ahˇ uˬ duˬ maˬ tahˬ ni dehꞈ-awˬ.

Dawˬmehˬ 32:38

‘Muiˬ-eu lawˇ dzaˇ tsiˇ byuˬ lawˇ-awˇ, aˬ gaꞈ dzaˇ uiˇ lawˇ nehˬ-euˬ-aˬ, nymˬ-mˇ cehˆ coeˬ bi coeˬ leꞈ-awˇ, naw maꞈ-ahˇ bi ka kʼoꞈ-awˬ tawˇ.

Doˆ-iˇ 23:24

Aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ-ahˇ naw maꞈ taˬ caw teh. Ehˇ kʼawꞈ, aˬ yawꞈ maꞈ-euˬ miˬ yehˇ deuˬ-ahˇ laˆ cawˆ-awˇ, aˬ yawꞈ maꞈ-euˬ muiˬ-eu shawˇ-eu kʼaˬ lo kʼawˇ zeuˇ deuˬ-ahˇ deh pyaˆ dzeh-awˬ.

Doˆ-iˇ 22:20

“Sahˬpaˬ Miˬyehˇ pyeuꞈ-eu ngaˬ-ahˇ maˬ ngeuˇ ni, miˬyehˇ nui gʼaˬ-ahˇ lawˇ-eu shehˇ-eu tsawˇ haˬ-ahˇ ya sehꞈ byoˆ meh.

Doˆ-iˇ 32:6

Yawˬ nah yawˬ uˬ shawˬ yaw naꞈ-ehˇ, miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ jeˬ zaˬ deuˬ maˬ ehˇ, cawˬ cawˬ taꞈ-eu lawˇ-eu jeˬ lawˇ-eu gʼaˇ duˬ jeˬ zaˬ deuˬ maˬ ehˇ, aˬ yawꞈ maꞈ yuˇ laꞈ-euˬ meh. Aˬ yawꞈ maꞈ bawˬ-iˬ gʼeh ngeh, dzaˬ yehꞈ dawˇ yehꞈ-awˇ lawꞈ gʼa-eu uˬ taꞈ, kʼaˬ miˬ sheu taꞈ-euˬ meh.

Yeˬlaˬmiˇ 40:11

Aˇ yamˬ kʼoeˇ yamˬ laꞈ kʼoeˇ Baˬbuˇloˬ sahˬ paˬ neh Iˇsaˬleˬlaˆ tsawˇ haˬ tiˬ paˆ na deuˬ-ahˇ Yuˇdaˆ miˇ kʼahˬ laꞈ kʼoeˇ jawˇ daˆ leꞈ-eu aˬ kawˬ-aˬ biꞈ-awˇ, Geˬdaˬliˇ-ahˇ aˬ yawꞈ maꞈ kʼoeˇ taˆ bi uˆ lahˇ-euˬ gaˇ kawˆ, Mawˇbaˆ miˇ kʼahˬ, Aˬmoˬ miˇ kʼahˬ hawˇ-eu Eˬdoˬ miˇ kʼahˬ laꞈ kʼoeˇ jawˇ-eu Iˇsaˬleˬlaˆ tsawˇ haˬ dawˬ tawˆ luꞈ ya gaˬ-euˬ meh.

Miˇkaˬ 6:5

Ngaˬ-euˬ tsawˇ haˬ deuˬ-oˇ, Mawˇbaˆ sahˬ paˬ Baˬlehˇ naw maꞈ-ahˇ aˬ joˆ-ehˇ jahˇ nehˬ-eu lehˇ gʼeh-euˬ gaˇ kawˆ hawˇ-eu, Beˬyoˇ-euˬ aˬ li Baˬlamˬ neh aˬ yawꞈ-ahˇ aˬ joˆ-ehˇ ehˇ kʼoꞈ nehˬ-euˬ gaˇ kawˆ-ahˇ naw maꞈ taˬ ngehˇ. Aˬkaˬshaˇ lehˇ ehˇ-eu jawˇ duˬ-ahˇ sehˬ gʼawˆ gʼawˆ-awˇ naˬ-euˬ tsahˇ-ahˇ neh Giˇlaˇgaˬlaˇ-ahˇ iˇ-eu gaˇ pehˇ-ahˇ pyeuꞈ laˇ-euˬ gaˇ kawˆ-ahˇ shaˇ noeˬ haw sheˇ. Gaˇ kawˆ heu deuˬ-ahˇ shaˇ noeˬ-awˇ, naw maꞈ-ahˇ ka kʼoꞈ-eu gʼaˇ duˬ ngaˇ aˬ jeˬ mˇ yaꞈ-euˬ gaˇ noeˬ keuˆ-awˬ.”