Bawˇtsahˬ 24:2 - Akha

² Kʼoeˇ ngeh, Iˇsaˬleˬlaˆ tsawˇ jeuˬ aˬ yawꞈ jeuˬ yawꞈ, yawˬ ha-euˬ jawˇ duˬ-ahˇ yawˬ ha jawˇ naˬ luꞈ gaˇ Baˬlamˬ ya mawˇ-euˬ meh. Miˬyehˇ-euˬ yaw sahˇ aˬ yawꞈ-ahˇ uˆ lahˇ le-awˇ,

Bawˇtsahˬ 24:2 Referans Kwoze

1 Saˬmeuˬlaˆ 19:20

Kʼoeˇ ngeh, Daˬbiˇ-ahˇ bi nyehꞈ-iˇ-eu gʼaˇ duˬ, Sawˇluˆ tsawˇ haˬ pyehˬ gʼeh-euˬ meh. Saˬmeuˬlaˆ aˬ yuiꞈ geuꞈ-awˇ, Miˬyehˇ gʼaˇ duˬ ngehˬ dah-eu tsawˇ haˬ tiˬ deuˬ uiˬ leˇ-awˇ gaˇ nyeh nyeh nyeh-ehˇ guˇ luꞈ gaˇ, Sawˇluˆ neh pyehˬ gʼeh-euˬ tsawˇ haˬ kʼoeˇ deuˬ ya mawˇ-euˬ meh. Aˬ yawꞈ maꞈ-ahˇ kʼawꞈ, Miˬyehˇ-euˬ yaw sahˇ uˆ lahˇ le-awˇ, aˬ yawꞈ maꞈ kʼawꞈ guˇ guˇ-ehˇ gaˇ nyeh nyeh-euˬ meh.

2 Laˬsaˬbaˬ 15:1

Miˬyehˇ-euˬ Yaw sahˇ Awˇdehˇ-euˬ aˬ li Aˬzaˬyiˇ kʼoeˇ taˆ keuˆ le-euˬ meh.

1 Saˬmeuˬlaˆ 19:23

Aˬ yawꞈ kʼoeˇ gaˇ iˇ luꞈ ngeh, aˬ yawꞈ-ahˇ kʼawꞈ Miˬyehˇ-euˬ yaw sahˇ uˆ lahˇ le-awˇ, Naˬiˇyoˆ pu-ahˇ iˇ-eu gaˇ ma law caw guˇ guˇ-ehˇ, gaˇ nyeh nyeh nyeh-ehˇ iˇ gʼeh-euˬ meh.

1 Saˬmeuˬlaˆ 10:10

Sawˇluˆ hawˇ-eu aˬ yawꞈ-euˬ zaˬ kʼaˆ Giˇbyoˬ meuˬ-ahˇ le keuˆ ngeh, Miˬyehˇ gʼaˇ duˬ ngehˬ dah-eu deuˬ-ahˇ tahˬ puˬ-euˬ meh. Miˬyehˇ-euˬ yaw sahˇ Sawˇluˆ-ahˇ ja pyuˬ ni uˆ lahˇ le-awˇ, aˬ yawꞈ maꞈ nehˬ-ehˇ aˬ yawꞈ cehˆ gawꞈ leˇ-awˇ, gaˇ nyeh nyeh-awˇ guˇ-euˬ meh.

Luˇkaꞈ 10:20

Ehˇ kʼawꞈ, nehꞈ deuˬ naw maꞈ-euˬ dawˬ-ahˇ naˇ haˬ gaˇ laˬ kʼaˬ taˬ cehˇ. Mˬ kʼoeˇ taˆ naw maꞈ-euˬ tsawˇ myahˇ boꞈ ahˇ taˬ-euˬ gaˇ laˬ kʼaˬ cehˇ-awˬ.”

Maꞈtehˬ 10:8

Naˇ-eu tsawˇ haˬ deuˬ-ahˇ laˆ taˬ nehˬ-awˇ, shiˇ-euˬ tsawˇ haˬ deuˬ-ahˇ laˆ dehꞈ nehˬ-awˬ. Coiˬ doi naˇ-eu tsawˇ haˬ deuˬ-ahˇ bi shawˇ laˇ-awˇ , nehꞈ uˇ-eu tsawˇ haˬ deuˬ-ahˇ nehꞈ teh doˆ nehˬ-awˬ. Kʼoeˇ loꞈ-ehˇ mˇ nya-eu baoˬ naw maꞈ aˇ poeˬ maˬ biꞈ ni za-euˬ loꞈ-ehˇ, aˇ poeˬ maˬ yuˇ ni yawꞈ ngehꞈ-ehˇ caw ba nehˬ-awˬ.

Maꞈtehˬ 10:4

Kaˬnaˬniˇ aˇ muˇ -ahˇ taꞈ-eu Siˇmoˬ hawˇ-eu, aˇ nah Yeˬsuˇ-ahˇ ahˬ dzaˬ-euˬ gʼaˬ pyeuꞈ-eu YuˇdaˆIˇsaˬgaˬliˬoˆ heu deuˬ meh.

Maꞈtehˬ 7:22

Yaˇ kʼaˬ daˇ-eu aˇ nah keuˆ le ngeh, ‘Sahˬ paˬ-oˇ, Sahˬ paˬ-oˇ, nga maꞈ nawˬ-euˬ tsawˇ myahˇ-ahˇ gʼoe-awˇ Miˬyehˇ-euˬ dawˬ mehˬ-euˬ maˬ ngeuˇ-a loˇ. Nawˬ-euˬ tsawˇ myahˇ-ahˇ gʼoe-eu laꞈ kʼoeˇ nehꞈ teh doˆ-awˇ, zahˬ leˇ paˬ-ehˇ gʼeh-eu jeˬ kʼawꞈ mˇ-euˬ maˬ ngeuˇ-a loˇ’ lehˇ, tsawˇ haˬ gʼawˬ mya gʼaˬ ehˇ tehꞈ-a.

Dawˬ caˇ 6:10

Uˬ bya bya laˇ-eu loꞈ-ehˇ bya cehˆ ni gʼeh-eu teu gʼaˬ aˬ suˇ gʼaˬ-a. Aˬ yawꞈ ba la loꞈ-ehˇ muiˬ-awˇ, nahˇ ma loꞈ-ehˇ yaw shehꞈ bya-eu meh. Paˇ loˬ paˇ lehˇ baꞈ-awˇ cah-eu guiˇ guiˇ maꞈ loꞈ-ehˇ haw muiˬ-eu meh.

Dawˬ caˇ 6:4

Ngaˬ-euˬ zaˬ kʼaˬ-oˇ, nawˇ-aˬ Yeˬluˇsaˬlehˬ meuˬ loꞈ-ehˇ aˇ gʼehˇ muiˬ-awˇ, Teuˇzaˬ meuˬ loꞈ-ehˇ mawꞈ leˇ paˬ-ehˇ gʼeh-eu uˬ taꞈ, paˇ loˬ paˇ lehˇ baꞈ-awˇ cah-eu guiˇ guiˇ maꞈ loꞈ-ehˇ, maˬ haw dehˆ coeˇ ni gʼeh-eu meh.

Bawˇtsahˬ 24:5

Iˇsaˬleˬlaˆ tsawˇ haˬ-euˬ sehˬ gʼawˆ deuˬ muiˬ dui dui-awˇ,

Panmaeq 1:10

Sahˬpaˬ Miˬyehˇ-euˬ aˇ nah -ahˇ, Yaw sahˇ Miˬyehˇ ngaˬ-ahˇ uˆ lahˇ le-awˇ, kʼaˆ dui dui-eu teˇ saˇ tiˬ saˇ-ahˇ ngaˇ ya gaˬ-euˬ ma. Teˇ saˇ kʼoeˇ-aˬ, daˇ heh baw-eu teˇ saˇ-ahˇ duˇ-awˇ, ngaˬ-euˬ naˇ kʼah paw dawˬ ngehˬ luꞈ-eu meh.

Yaˇ kʼaˬ daˇ 3:10

Sahˬpaˬ Miˬyehˇ-euˬ yaw sahˇ aˬ yawꞈ kʼoeˇ taˆ zaꞈ le-awˇ, Iˇsaˬleˬlaˆ tsawˇ jeuˬ-euˬ aˬ yuiꞈ aˬ tsu bi pyeuꞈ laˇ-euˬ meh. Awˇdaˬneˬlaˇ guiˇ deuˆ-iˇ-awˇ, Sahˬpaˬ Miˬyehˇ neh aˬ yawꞈ-ahˇ, Maˬsoˬpoˬtaˬmiˇ sahˬ paˬ-ahˇ bi gʼaˬ leˇ-euˬ meh.