Bawˇtsahˬ 23:21 - Akha

²¹ Iˇsaˬleˬlaˆ tsawˇ haˬ deuˬ mehˬ hu paw dehꞈ daˆ leꞈ-eu gaˇ kawˆ ngaˇ heu loꞈ-ehˇ mawˇ-euˬ ma. Guiˬ lahˬ doeˇ-eu jeˬ hawˇ-eu shaˬ-eu zahˬ-eu jeˬ, aˬ yawꞈ maꞈ kʼoeˇ taˆ maˬ paˇ keuˆ le meh. Aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ, aˬ yawꞈ maꞈ nehˬ-ehˇ jawˇ-eu meh. Aˬ yawꞈ-aˬ, aˬ yawꞈ maꞈ-euˬ sahˬ paˬ ma lehˇ, aˬ yawꞈ maꞈ guˇ-eu meh.

Bawˇtsahˬ 23:21 Referans Kwoze

Jaceuq 23:4

Shiˇ-eu naˇshmˇlawˇkʼmˬlawˇgawˆ, nyiˬtsehˆ-ehˇngaˇya iˇgʼeh kʼawꞈ, yaw haiˬlaˆcawˆlaˇgaˇmaˬguˆ. Nawˇngaˬnehˬ-ehˇjawˇ-eu laꞈkʼoeˇ, nawˬ-euˬgawˬyoeˬhawˇ-eu daˇcuiˇ, ngaˬ-ahˇnui saˇ bi za-eu meh.

Maꞈtehˬ 1:23

“Zaˬ miˬ yaw shawˇ tiˬ gʼaˬ zaˬ tsehˆ leˇ-awˇ, aˬ li tiˬ li ciˬ tehꞈ-a. Aˬ li kʼoeˇ li-ahˇ Eˇmaˬnoeˬlaˇ lehˇ myahˇ tehꞈ-a” lehˇ ehˇ taˬ-euˬ dawˬ jaˆ-eu meh. “Eˇmaˬnoeˬlaˇ” lehˇ ehˇ-eu dawˬ tsuiꞈ-aˬ, “Miˬyehˇ aˬ dui nehˬ-ehˇ jawˇ meh” lehˇ ehˇ mawꞈ-eu meh.

Yeˬlaˬmiˇ 50:20

Aˇ yamˬ kʼoeˇ yamˬ keuˆ laˇ ngeh, Iˇsaˬleˬlaˆ miˇ kʼahˬ laꞈ kʼoeˇ iˬ baˇ maˬ poˆ mawˇ nya ehˇ, Yuˇdaˆ miˇ kʼahˬ laꞈ kʼoeˇ yaw haiˬ jeˬ maˬ jaˆ ni pyeuꞈ-iˇ tehꞈ-a. Aˬ jeˬ miˇ neh ehˇ naˇ, ngaˬ neh bi buˬ bi law-iˇ-euˬ tsawˇ haˬ kʼoeˇ deuˬ-ahˇ ngaˇ iˬ baˇ pyehˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Iˇsaˬyaˇ 38:17

Ngaˇ nui ma naˇ luꞈ-eu saˇ laˇ miˇ-a. Guˆ-eu gaˆ-eu jeˬ dawˬ tawˆ luꞈ laꞈ kʼoeˇ, ngaˬ-euˬ saꞈ laˇ-ahˇ nawˇ ka kʼoꞈ doˆ nehˬ laꞈ-awˇ, ngaˬ-euˬ iˬ baˇ dawˬ tawˆ pyehˬ dzeh nehˬ laꞈ-euˬ meh.

Jaceuq 46:11

Baoˬ huiˬ-eu Sahˬpaˬ Miˬyehˇ aˬ dui nehˬ-ehˇ jawˇ-eu meh. Yaˬkoˆ-euˬ Miˬyehˇ-aˬ, aˬ dui-euˬ gʼoe duˬ pyeuꞈ-eu meh.

Iˇsaˬyaˇ 33:22

Sahˬpaˬ Miˬyehˇ aˬ dui kʼoeˇ taˆ uˆ lahˇ-eu meh. Sahˬpaˬ Miˬyehˇ aˬ dui-ahˇ zahˇ dawˬ kʼoꞈ dawˬ biꞈ laꞈ-awˇ, Sahˬpaˬ Miˬyehˇ aˬ dui-euˬ sahˬ paˬ meh. Aˬ dui-ahˇ aˬ yawꞈ ka kʼoꞈ laꞈ-eu meh.

Iˇsaˬyaˇ 8:10

Tiˬ kawˆ loꞈ-ehˇ uiˬ leˇ-awˇ mehˬ bawˬ mˇ-awˬ. Ehˇ kʼawꞈ, tiˬ jeˬ-iˬ gaˇ dahˇ maˬ tsoeˬ-aˇ. Kʼaˇ ja mawꞈ-eu jeˬ ja doe-awˇ bawˬ dzaˬ-awˬ. Ehˇ kʼawꞈ, tiˬ jeˬ-iˬ maˬ deuˬ leˇ-aˇ. Aˬ jeˬ miˇ neh ehˇ naˇ, Miˬyehˇ nga maꞈ nehˬ-ehˇ jawˇ-eu ma.

Iˇsaˬyaˇ 1:18

Sahˬpaˬ Miˬyehˇ ehˇ-eu, “Laˇ-awˬ tiˬ kawˆ loꞈ-ehˇ shaˇ noeˬ shaˇ sawˇ ma. Naw maꞈ-euˬ iˬ baˇ neˇ tseuˆ ni gʼeh kʼawꞈ, saˬ laˬ naˆ maˬ tseˇ pyuˇ laˇ tehꞈ-a. Naw maꞈ-euˬ iˬ baˇ shiˬ loꞈ-ehˇ neˇ kʼawꞈ, yawˇ zaˬ caꞈ hm loꞈ-ehˇ bi ba laˇ ma.

Lormav 6:14

Iˬ baˇ neh naw maꞈ-ahˇ taˬ paˇ bi uˆ lahˇ. Aˬ jeˬ miˇ neh ehˇ naˇ, zahˇ dawˬ kʼoꞈ dawˬ uˬ moˆ naw maꞈ maˬ paˇ jawˇ-ehˇ, Miˬyehˇ-euˬ guiˬ lahˬ yaw dzahˇ uˬ moˆ jawˇ luꞈ-eu meh.

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Jaceuq 118:15

Sahˬpaˬ Miˬyehˇ-euˬ tsawˇ haˬ deuˬ-euˬ sehˬ gʼawˆ-ahˇ, guiˇ deuˆ gʼaˬ-awˇ guˇ luꞈ gaˇ naˇ haˬ sheˇ. Sahˬpaˬ Miˬyehˇ-euˬ baoˬ neh deuˆ gʼaˬ-euˬ meh.

Jaceuq 97:1

Sahˬpaˬ Miˬyehˇ sahˬ paˬ pyeuꞈ-eu meh. miˇ tsaˬ tahˬ kʼawˇ laˬ kʼaˬ cehˇ-awˬ. Iˬ ma laˆ shaˆ iˇ jaw lahˇ deuˬ kʼawꞈ laˬ kʼaˬ cehˇ-awˬ.

Dawˬmehˬ 33:5

Iˇsaˬleˬlaˆ tsawˇ jeuˬ dawˬ tawˆ, uiˬ leˇ bymˇ leˇ taˬ-euˬ kʼoeˇ taˆ, Sahˬpaˬ Miˬyehˇ dzoeˬ dzaˬ-euˬ meh.

Yeˬsaˬgeˬlaˇ 48:35

Meuˬ meuˬ lahˇ tiˬ jawˬ oeˬ heˇ ngaˬ yaˇ lmˇ byah-eu meh. Aˬ kaˇ naˇ, meuˬ kʼoeˇ meuˬ-euˬ tsawˇ myahˇ-aˬ, “ Sahˬpaˬ Miˬyehˇ heu gaˇ jawˇ meh” lehˇ ya kuˇ paˇ tehꞈ-a.

Jaceuq 103:12

Aˬ dui-euˬ iˬ baˇ-ahˇ, mˬ dzeˇ miˇ dzehˇ sha dzeh-eu meh.

Jaceuq 46:7

Baoˬ huiˬ-eu Sahˬpaˬ Miˬyehˇ aˬ dui nehˬ-ehˇ jawˇ-eu meh. Yaˬkoˆ-euˬ Miˬyehˇ-aˬ, aˬ dui-euˬ gʼoe duˬ pyeuꞈ-eu meh.

Jaceuq 32:5

Kʼoeˇnaˇ yaw lehˬmaˬpaˇzaꞈni, ngaˬ-euˬ iˬbaˇja doˆ-euˬma. “Iˬbaˇkʼaˇmˇtaˬ-euˬdawˬtawˆ, SahˬpaˬMiˬyehˇ-ahˇdzawˇma” lehˇ, yawˬhaˇyawˬha ngaˇehˇngeh jawˇ, nawˇiˬbaˇpyehˬnehˬlaꞈ-euˬmeh.

Jaceuq 32:2

SahˬpaˬMiˬyehˇyaw lehˬmaˬno, jaˬmyawꞈmehˇshuiˇlaw-eu tsawˇhaˬ, guiˬlahˬhuiˬ-eu tsawˇhaˬmeh.

2 Laˬsaˬbaˬ 13:12

Miˬyehˇ aˬ yawꞈ-euˬ gʼawˇ mawˇ nga maꞈ kʼoeˇ taˆ aˬ yuiꞈ geuꞈ luꞈ-awˇ, aˬ yawꞈ-euˬ piˇ ma deuˬ kʼawꞈ daˇ heh yuˇ-awˇ heu gaˇ jawˇ luꞈ-eu laꞈ kʼoeˇ, nga maꞈ naw maꞈ-ahˇ guiˇ deuˆ-eu gʼaˇ duˬ daˇ heh baw gaˬ-eu lehˇ lehˬ hmˬ taˬ-euˬ meh. Iˇsaˬleˬlaˆ tsawˇ haˬ deuˬ-oˇ, naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˇ deuˆ-eu lehˇ taˬ leh jeh. Naw maꞈ maˬ deuˆ gʼaˬ nya-a.”

Yaˇ kʼaˬ daˇ 6:13

Aˬ yawꞈ-ahˇ Giˇdoˬ ehˇ nehˬ-eu, “Ngaˇ heu loꞈ-ehˇ naˇ haˬ mawꞈ nya. Sahˬpaˬ Miˬyehˇ nga maꞈ nehˬ-ehˇ jawˇ-eu jeˬ maˇ-iˬ, aˬ jeˬ miˇ neh heu loꞈ-ehˇ pyeuꞈ laˇ ta. Aˬ yawꞈ neh nga maꞈ-euˬ aˬ da deuˬ-ahˇ Iˇjiˇtuˆ miˇ kʼahˬ-ahˇ neh sheuˬ doˆ nehˬ laꞈ-euˬ gaˇ kawˆ hawˇ-eu, aˬ yawꞈ neh mˇ mehˬ nehˬ-euˬ zahˬ leˇ paˬ-ehˇ gʼeh-eu gaˇ deuˬ, nga maꞈ-euˬ aˬ da deuˬ nga maꞈ-ahˇ dzawˇ mehˬ nehˬ laꞈ-euˬ gaˇ kawˆ kʼoeˇ deuˬ aˬ gaˇ iˇ byoˆ jiˇ-euˬ ta. Sahˬpaˬ Miˬyehˇ nga maꞈ-ahˇ byehˇ dzeh-awˇ, Miˇdiˬyaˬ tsawˇ haˬ deuˬ-euˬ aˬ laꞈ laꞈ kʼoeˇ a nehˬ-euˬ meh.”

Doˆ-iˇ 34:9

Aˬ yawꞈ ehˇ-eu, “Sahˬpaˬ Miˬyehˇ-oˇ, nawˇ ngaˬ-ahˇ aˬ diˇ aˬ maˇ nui ma tsaˬ naˇ, nga maꞈ nehˬ-ehˇ tiˬ kawˆ loꞈ-ehˇ le nehꞈ laꞈ lehˇ shaˇ-eu ma. Tsawˇ haˬ heu deuˬ-aˬ, nui ma gʼahˇ dui dui-eu meh. Ehˇ kʼawꞈ, nga maꞈ-euˬ maˬ muiˬ maˬ jaˬ-eu jeˬ hawˇ-eu mˇ lehˬ laˆ lehˬ-euˬ deuˬ-ahˇ iˬ baˇ pyehˬ nehˬ laꞈ-awˇ, nawˬ-euˬ tsawˇ haˬ loꞈ-ehˇ nga maꞈ-ahˇ ha geuꞈ nehˬ laꞈ-awˬ.”

Doˆ-iˇ 13:21

Uˬ ciꞈ nah gʼahˇ maˬ-ehˇ, aˬ yawꞈ maꞈ gaˇ ma doˆ-iˇ nya ni, nah gʼahˇ paw aˬ yawꞈ maꞈ-ahˇ gaˇ ma mehˬ-eu gʼaˇ duˬ, mˬ dmˇ kʼawˇ zeuˇ laꞈ kʼoeˇ, Sahˬpaˬ Miˬyehˇ aˬ yawꞈ maꞈ-euˬ mehˬ hu iˇ-awˇ, uˬ ciꞈ paw miˬ dzaˬ kʼawˇ zeuˇ laꞈ kʼoeˇ aˬ yawꞈ maꞈ-euˬ meh hu aˬ yawꞈ iˇ-eu laꞈ kʼoeˇ, aˬ yawꞈ maꞈ-ahˇ yaw shehꞈ bya nehˬ-euˬ meh.

2 Gawˇliˬtu 6:16

Miˬyehˇ-euˬ uˬ duˬ tahˬ nymˇ hawˇ-eu lawˇ ciꞈ zaˬ-euˬ tahˬ pahˬ aˬ ma mawˇ kawˇ aˬ joˆ-ehˇ tiˬ gaˇ jaˆ nya nmˇ. Aˬ dui-aˬ, dehꞈ luꞈ-eu Miˬyehˇ-euˬ uˬ duˬ tahˬ nymˇ pyeuꞈ-eu ma. Jaˇliꞈ laꞈ kʼoeˇ Miˬyehˇ heu loꞈ-ehˇ ehˇ taˬ-euˬ meh. “Ngaˬ-euˬ tsawˇ haˬ nehˬ-ehˇ jawˇ-awˇ, yawꞈ maꞈ nehˬ-ehˇ cah ma. Ngaˇ yawꞈ maꞈ-euˬ Miˬyehˇ geuꞈ-awˇ, yawꞈ maꞈ ngaˬ-euˬ tsawˇ haˬ geuꞈ ma.”

2 Gawˇliˬtu 5:19

Nga maꞈ ehˇ mawꞈ-eu-aˬ, miˇ tsaˬ zaˬ dawˬ tawˆ luꞈ Miˬyehˇ-ahˇ tsaˬ leˇ tsahˇ leˇ nya ni, Ka li-ahˇ gʼoe-awˇ Miˬyehˇ mˇ luꞈ-eu meh. Aˬ yawꞈ maꞈ-euˬ iˬ baˇ-ahˇ Miˬyehˇ maˬ juiˇ uiˬ taˬ ni, aˬ yawꞈ maꞈ aˬ yawꞈ-ahˇ tsaˬ leˇ tsahˇ leˇ nya ni mehˬ nehˬ-iˇ-eu gʼaˇ duˬ, aˬ yawꞈ-euˬ dawˬ nga maꞈ-ahˇ biꞈ laꞈ-euˬ meh.

2 Gawˇliˬtu 2:14

Ehˇ kʼawꞈ, Miˬyehˇ-euˬ guiˬ lahˬ-ahˇ ja ceuˬ-eu ma. Aˬ jeˬ miˇ neh ehˇ naˇ, Ka li laꞈ kʼoeˇ aˬ dui gʼaˬ leˇ nya ni aˬ yawꞈ sheuˬ gʼeh nehˬ laꞈ-awˇ, tsiˇ yaw saw jeˬ yawˬ gaˇ na luꞈ saw keuˆ-iˇ-eu loꞈ-ehˇ, Ka li-ahˇ siˬ nya-eu jeˬ yawˬ gaˇ na luꞈ byah-iˇ ni nga maꞈ-ahˇ aˬ yawꞈ zmˬ nehˬ laꞈ-euˬ meh.

Lormav 8:1

Kʼoeˇ miˇ neh, Yeˬsuˇ Ka li laꞈ kʼoeˇ jawˇ luꞈ-eu tsawˇ haˬ deuˬ-aˬ, nymˬ-mˇ yaˇ kʼaˬ daˇ nehˬ-eu jeˬ-ahˇ maˬ ya daˬ-a.

Iˇsaˬyaˇ 12:6

Ziˇoˬ meuˬ-ahˇ kʼaˇ jawˇ-eu deuˬ, laˬ kʼaˬ tiˬ cehˇ guˇ-awˇ caˇ-awˬ. Iˇsaˬleˬlaˆ Miˬyehˇ huiˬ dui mahˇ dui dui-awˇ, aˬ yawꞈ-euˬ tsawˇ haˬ deuˬ nehˬ-ehˇ jawˇ meh.”

Doˆ-iˇ 3:12

Miˬyehˇ ehˇ-eu, “Ngaˇ nawˬ nehˬ-ehˇ jawˇ ma. Iˇsaˬleˬlaˆ tsawˇ haˬ deuˬ-ahˇ, Iˇjiˇtuˆ miˇ kʼahˬ laꞈ kʼoeˇ neh nawˇ sheuˬ doˆ laꞈ ngeh, gawˬ jawˬ heu jawˬ kʼoeˇ taˆ, ngaˬ-ahˇ uˬ duˬ ya tahˬ tehꞈ-a. Heu-aˬ, ngaˬ neh nawˬ-ahˇ kʼehˇ gʼeh-euˬ gaˇ kawˆ, bi siˬ bi mawˇ-eu jeˬ pyeuꞈ tehꞈ-a.”

Bawˇtsahˬ 14:18

‘Sahˬpaˬ Miˬyehˇ pyeuꞈ-eu ngaˇ-aˬ, yaw awˇ laꞈ-ehˇ nui ma maˬ pehˇ. Ngaˇ-aˬ, gʼoeˇ-eu gaˬ-eu jeˬ tiˬ byah ni ahˇ-awˇ, saˇ jaˇ ziꞈ dui dui-eu uˬ taꞈ, iˬ baˇ ahˇ-eu tsawˇ haˬ deuˬ hawˇ-eu ngaˬ-ahˇ puiˬ-eu tsawˇ haˬ deuˬ-ahˇ iˬ baˇ pyehˬ nehˬ-eu ma. Ehˇ kʼawꞈ, aˬ ma aˬ da aˬ piˬ aˬ bawˇ deuˬ-euˬ iˬ baˇ baˬ da neh, aˬ yawꞈ maꞈ-euˬ aˬ buˇ aˬ li hawˇ-eu oeˬ paˬ oeˬ maˬ deuˬ-ahˇ, smˬ ziˇ oeˬ ziˇ keuˆ ni maˬ bi dzeuˇ-iˇ ni ngaˇ kʼehˬ nehˬ ma’ lehˇ nawˇ ehˇ taˬ-euˬ jaˆ-eu meh.

Bawˇtsahˬ 14:19

Sahˬpaˬ Miˬyehˇ-oˇ, tiˬ jawˇ-iˬ maˬ paˇ laˇ nya-eu nawˬ-euˬ gʼoeˇ-eu gaˬ-eu jeˬ huiˬ dui dui-eu baˬ da neh, Iˇjiˇtuˆ miˇ kʼahˬ laꞈ kʼoeˇ neh doˆ le ngeh tiˬ nah neh, tsawˇ haˬ heu deuˬ-euˬ iˬ baˇ nawˇ pyehˬ nehˬ luꞈ-eu loꞈ-ehˇ, nymˬ-mˇ kʼawꞈ aˬ yawꞈ maꞈ-euˬ iˬ baˇ pyehˬ nehˬ-awˬ lehˇ nawˬ-ahˇ ngaˇ guiˬ lahˬ shaˇ-eu ma.”

Dawˬmehˬ 9:24

Aˬ yawꞈ-ahˇ naw maꞈ maˬ jah-ehˇ, aˬ yawꞈ-euˬ ehˇ dawˬ-ahˇ naw maꞈ maˬ naˇ haˬ-aˬ. Naw maꞈ-ahˇ ngaˇ siˬ nya ngeh tiˬ nah neh, Sahˬpaˬ Miˬyehˇ-ahˇ naw maꞈ puiˬ luꞈ-eu meh.

Dawˬmehˬ 31:23

Kʼoeˇ naˇ, Nuˬ-eu aˬ li Yawˇshuˆ-ahˇ Sahˬpaˬ Miˬyehˇ dawˬ ngehˬ-awˇ ehˇ nehˬ-eu, “Yaw haˇ yawˬ ha nui jah ahˇ-awˇ, nui ma kʼaˬ duˬ ni taˬ-awˬ. Ngaˬ neh saˇ jaˇ dzaˬ taˬ-euˬ miˇ kʼahˬ laꞈ kʼoeˇ Iˇsaˬleˬlaˆ tsawˇ haˬ deuˬ-ahˇ nawˇ ya sheuˬ uˇ gʼeh tehꞈ-a. Nawˬ nehˬ-ehˇ ngaˇ jawˇ ma.”

Dawˬmehˬ 32:5

Yawꞈ-euˬ mehˬ shi naw maꞈ dehꞈ-eu, yawꞈ-ahˇ saˇ jaˇ puiˬ-euˬ miˇ neh, yaw lehˬ yaw ca myaˬ-eu naw maꞈ, yawꞈ-euˬ zaˬ lehˇ maˬ kuˇ geuˇ-a.

Uˬ duˬ 9:24

Ja pyuˬ ni, Sahˬpaˬ Miˬyehˇ miˬ dzaˬ pyehˬ gʼeh leꞈ-awˇ, miˬ dzaˬ dzah puiˆ-awˇ lawˇ-eu jeˬ-ahˇ maˬ ehˇ, lawˇ duˬ kʼoeˇ taˆ tsiˇ kʼaˇ lehꞈ-eu tsahˇ-ahˇ maˬ ehˇ, miˬ dzaˬ doꞈ leˇ-euˬ meh. Iˇsaˬleˬlaˆ tsawˇ haˬ deuˬ kʼoeˇ gaˇ ya mawˇ ngeh, aˬ yawꞈ maꞈ dawˬ tawˆ luꞈ guˇ-awˇ, baˬ ba miˇ tsaˬ-ahˇ tuˆ ni awˆ byaˆ jiˇ-euˬ meh.

Bawˇtsahˬ 9:22

Nyiˬ nah myahˇ-eu maˬ ehˇ, ba la tiˬ siˬ myahˇ-eu maˬ ehˇ, tiˬ kʼoꞈ myahˇ-eu maˬ ehˇ, kʼoeˇ myah maˬ tseˇ myahˇ-eu maˬ ehˇ, mˬ dmˇ kʼoeˇ Sehˬ gʼawˆ kʼoeˇ taˆ kʼaˇ naˬ luꞈ kʼoeˇ keuˆ ni, aˬ yawꞈ maꞈ maˬ luˆ-iˇ ni jawˇ-euˬ meh. Ehˇ kʼawꞈ, mˬ dmˇ kʼoeˇ kʼaˇ daˆ leˇ ngeh aˬ yawꞈ maꞈ luˆ-iˇ-euˬ meh.

Bawˇtsahˬ 16:3

Moˇseˬ hawˇ-eu Aˬloˬ aˬ nyaꞈ-euˬ mehˬ shi aˬ yawꞈ maꞈ uiˬ leˇ-awˇ, aˬ yawꞈ nyaꞈ-ahˇ ehˇ nehˬ-eu, “Naw nyaꞈ yawˬ haˇ yawˬ ha aˇ dzehˬ noeˬ huiˬ dzeuˇ-eu nga. Iˇsaˬleˬlaˆ tsawˇ haˬ aˇ maꞈ aˇ muˇ laꞈ kʼoeˇ kʼaˇ jawˇ-eu tsawˇ haˬ yawˬ gʼaˬ na luꞈ Sahˬpaˬ Miˬyehˇ-euˬ tsawˇ haˬ pyeuꞈ-awˇ, dawˬ tawˆ luꞈ nehˬ-ehˇ Sahˬpaˬ Miˬyehˇ jawˇ-eu meh. Moˇseˬ nawˇ aˬ jeˬ miˇ neh Sahˬpaˬ Miˬyehˇ-euˬ tsawˇ haˬ aˇ maꞈ aˇ muˇ kʼoeˇ taˆ, yawˬ haˇ yawˬ ha teu naˆ naˆ-ehˇ taˬ huiˬ taˬ mahˇ te.”

1 Saˬmeuˬlaˆ 25:28

Ngaˬ neh mˇ-euˬ yaw lehˬ jeˬ jaˆ naˇ kʼawꞈ, iˬ baˇ pyehˬ nehˬ laꞈ-awˬ. Sahˬpaˬ Miˬyehˇ-aˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ sahˬ paˬ bi geuꞈ tehꞈ-a. Aˬ jeˬ miˇ neh ehˇ naˇ, aˬ yawꞈ gʼaˇ duˬ nawˇ guiˇ deuˆ luꞈ-awˇ, yaw dehꞈ kʼaˇ dehꞈ kʼoeˇ keuˆ ni yaw haiˬ jeˬ maˬ mˇ ni nawˇ jawˇ tehꞈ-a.

Jaceuq 99:2

Ziˇoˬ meuˬ laꞈ kʼoeˇ Sahˬpaˬ Miˬyehˇ baoˬ huiˬ dui dui-awˇ, tsawˇ jeuˬ dawˬ tawˆ luꞈ kʼoeˇ taˆ uˆ lahˇ-eu meh.

Jaceuq 135:21

Ziˇoˬ gawˬ jawˬ kʼoeˇ taˆ aˬ yawꞈ-ahˇ ja ceuˬ-awˬ. Aˬ yawꞈ-euˬ nymˇ pyeuꞈ-eu Yeˬluˇsaˬlehˬ meuˬ laꞈ kʼoeˇ, aˬ yawꞈ-ahˇ ja ceuˬ-awˬ. Sahˬpaˬ Miˬyehˇ-ahˇ ja ceuˬ-awˬ.

Iˇsaˬyaˇ 33:21

Sahˬpaˬ Miˬyehˇ-euˬ yaw shehꞈ kʼahˬ sehˇ, aˬ dui-ahˇ bi mawˇ nehˬ laꞈ tehꞈ-a. Muiˇ-eu deuˬ-euˬ saˇ baoˬ maˬ laˇ nya-eu, jeˇ lo ni gʼeh-eu lawˇ baˬ deuˬ dawˬ peh, aˬ dui jawˇ duˬ ya dah tehꞈ-a.

Yawˇlaˆ 2:27

Kʼoeˇ ngeh jawˇ Iˇsaˬleˬlaˆ-oˇ, naw maꞈ-euˬ gʼahˇceh ngaˇjawˇ-awˇ, Sahˬpaˬ Miˬyehˇ pyeuꞈ-eu ngaˇ-aˬ, naw maꞈ-euˬ Miˬyehˇ pyeuꞈ-awˇ, miˬyehˇ nui gʼaˬ maˬ jawˇ-a lehˇ, naw maꞈ-ahˇ siˬ duˬ leˇ tehꞈ-a. Aˬ cawˬ ja bu ja doeˇ-eu jeˬ, ngaˬ-euˬ tsawˇ haˬ heu deuˬ kʼoeˇ taˆ, tiˬ jawˇ-iˬ maˬ paˇ keuˆ le meh.