Bawˇtsahˬ 23:19 - Akha

¹⁹ Miˬyehˇ-aˬ, dzaˬ myawꞈ myawꞈ nya-eu tsawˇ haˬ zaˬ-ahˇ maˬ duˇ-a. Aˬ yawꞈ-aˬ, nui ma poˆ laˆ paˇ nya-eu tsawˇ haˬ zaˬ maˬ ngeuˇ-a. Aˬ yawꞈ neh saˇ jaˇ dzaˬ taˬ-euˬ jeˬ aˬ yawꞈ mˇ-eu meh. Aˬ yawꞈ neh kʼaˇ ehˇ taˬ-euˬ loꞈ-ehˇ aˬ yawꞈ jahˇ jiˇ-eu meh.

Bawˇtsahˬ 23:19 Referans Kwoze

1 Saˬmeuˬlaˆ 15:29

Iˇsaˬleˬlaˆ miˇ kʼahˬ-euˬ yawˬ shehꞈ kʼahˬ sehˇ pyeuꞈ-eu Sahˬpaˬ Miˬyehˇ-aˬ, jaˬ myawꞈ maˬ myawꞈ-a. Nui ma poˆ laˆ maˬ paˇ-a.”

Yaˬkoˆ 1:17

Muiˬ-eu guiˬ lahˬ hawˇ-eu byah-eu laꞈ sawˬ dawˬ tawˆ luꞈ, mˬ paw neh yaw shehꞈ-euˬ Aˬda jawˇ gaˇ neh oe-euˬ meh. Aˬ yawꞈ laꞈ kʼoeˇ poˆ laˇ paˇ laˇ nya-eu naˇ shmˇ maˬ ahˇ-a.

Maˬlaˬkiˇ 3:6

“Ngaˇ-aˬ, noeˬ poˆ noeˬ paˇ maˬ mˇ-eu Sahˬpaˬ Miˬyehˇ ma. Kʼoeˇ miˇ neh, naw maꞈ Yaˬkoˆ-euˬ zaˬ deuˬ byoˆ jiˇ laˆ jiˇ gaˇ maˬ keuˆ-a siˬ.

HeˬByehˇ 6:18

Miˬyehˇ neh saˇ jaˇ dzaˬ-euˬ jeˬ hawˇ-eu aˬ yawꞈ neh kamˬ-euˬ heu nyiˬ jeˬ-aˬ, tiˬ jawˇ-iˬ maˬ poˆ maˬ paˇ laˇ nya-eu, Miˬyehˇ jaˬ myawꞈ maˬ myawꞈ kʼmˬ-eu jeˬ pyeuꞈ-eu meh. Kʼoeˇ miˇ neh, guˆ-eu gaˆ-eu jeˬ-ahˇ dzeuˇ-awˇ Miˬyehˇ laꞈ kʼoeˇ ya jawˇ luꞈ-eu aˬ dui-aˬ, aˬ dui mehˬ shi jaˆ-eu noeˬ tmˬ duˬ-ahˇ ziꞈ dah ni tuˆ tehˬ taˬ-eu gʼaˇ duˬ nui ma ziꞈ dah ni jaˆ-eu ma.

Tiˇtuˆ 1:2

Kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ-ahˇ noeˬ tmˬ-eu jeˬ kʼoeˇ taˆ dawˬ pehˬ taˬ taˬ-euˬ meh. Jaˬ myawꞈ maˬ myawꞈ-eu Miˬyehˇ-aˬ, aˇ yamˬ-ahˇ maˬ beh mi naˆ-ehˇ, dehꞈ-eu jeˬ kʼoeˇ aˬ dui-ahˇ biꞈ ma lehˇ saˇ jaˇ dzaˬ taˬ-euˬ meh.

Lormav 11:29

Aˬ jeˬ miˇ neh ehˇ naˇ, Miˬyehˇ-aˬ, yawˬ ha neh tseˇ doˆ-awˇ guiˬ lahˬ biꞈ taˬ-euˬ tsawˇ haˬ deuˬ kʼoeˇ taˆ nui ma maˬ poˆ maˬ paˇ laˇ-a.

Luˇkaꞈ 21:33

Mˬ hawˇ-eu miˇ maˬ jaˆ coeˇ-ehˇ byoˆ-iˇ kʼawꞈ, ngaˬ-euˬ dawˬ tiˬ jawˇ-iˬ maˬ byoˆ-iˇ-aˇ.

Haˬbaˬkuˆ 2:3

Ngaˇ pah mehˬ-eu jeˬ keuˆ le-eu, aˇ yamˬ maˬ tsaˬ laˇ-euˬ miˇ neh, boꞈ doˆ-awˇ tiˬ kʼehˬ dawˬ tawˬ siˬ. Ngaˇ pah mehˬ-eu jeˬ keuˆ le-eu, aˇ yamˬ dawˬ peh peh laˇ-euˬ meh. Yaw kawˇ maˬ keuˆ le gaˇ duˇ kʼawꞈ, tiˬ kʼehˬ dawˬ-awˇ haw tsoˆ taˬ yawˬ. Gʼawˬ myahˇ ni maˬ paˇ nyi naˬ ni, keuˆ le luꞈ-eu yaw duˬ baw meh.

Jaceuq 89:35

Ngaˬ-euˬ muiˬ-eu shawˇ-eu tsawˇ myahˇ-ahˇ gʼoeˇ-awˇ mˬ maˬ maˬ byaˆ zaˇ ziˇ saˇ jaˇ dzaˬ tsehˆ gʼaˬ-euˬ loꞈ-ehˇ, Daˬbiˇ-ahˇ ngaˇ jaˬ myawꞈ maˬ myawꞈ.

Hawˇseˬ 11:9

Ngaˬ-euˬ nui pehˇ huiˬ-eu baˬ da, nawˬ-ahˇ ngaˇ maˬ paˇ kʼehˬ nehˬ ma. Iˇsaˬleˬlaˆ-oˇ, nawˬ-ahˇ ngaˇ, tiˬ jawˇ-iˬ maˬ paˇ laˆ cawˆ ma. Aˬ jeˬ miˇ neh ehˇ naˇ, ngaˇ Miˬyehˇ ma. Tsawˇ haˬ maˬ ngeuˇ. Muiˬ-eu shawˇ-eu gʼaˬ pyeuꞈ-eu ngaˇ, naw maꞈ nehˬ-ehˇ jawˇ-eu gʼaˬ ma. Nui naꞈ nui pehˇ ahˇ-eu laꞈ kʼoeˇ, naw maꞈ jawˇ gaˇ maˬ paˇ oe ma.

Miˇkaˬ 7:20

Aˇ hu ba nga maꞈ-euˬ aˬ poeˬ aˬ bawˇ deuˬ-ahˇ saˇ jaˇ dzaˬ taˬ-euˬ jaˆ-eu loꞈ-ehˇ, Aˬbyaˬhaˬ hawˇ-eu Yaˬkoˆ-euˬ zaˬ deuˬ uˆ deuˬ pyeuꞈ-eu nawˬ-euˬ tsawˇ haˬ deuˬ-ahˇ, nawˬ-euˬ saˇ jaˇ ziꞈ-eu jeˬ hawˇ-eu maˬ tsehˆ leˇ nya-eu gʼoeˇ-eu gaˬ-eu jeˬ nawˇ bi mawˇ tehꞈ-a.

1 Laˬsaˬbaˬ 17:17

Ehˇ kʼawꞈ, kʼoeˇ naˆ ni tehꞈ-ehˇ nawˇ maˬ juˬ-ehˇ, kʼoeˇ naˆ maˬ tseˇ gʼeh-eu jeˬ ngaˬ-euˬ kʼoeˇ taˆ nawˇ paˇ mˇ nehˬ laꞈ-eu lehˇ gʼeh-eu ngaˇ. Miˬyehˇ pyeuꞈ-eu Sahˬpaˬ Miˬyehˇ-oˇ, mehˬ hu paw dehꞈ daˆ leꞈ-eu ngaˬ-euˬ zaˬ ngaˬ-euˬ uˆ deuˬ gʼaˇ duˬ nawˇ ngaˬ-ahˇ saˇ jaˇ dzaˬ-awˇ, huiˬ dui mahˇ dui dui-eu tsawˇ haˬ tiˬ gʼaˬ loꞈ-ehˇ nawˇ ngaˬ-ahˇ taˬ huiˬ taˬ mahˇ nehˬ laꞈ-euˬ meh.

Lormav 9:6

Miˬyehˇ neh saˇ jaˇ dzaˬ taˬ-euˬ loꞈ-ehˇ maˬ pyeuꞈ laˇ-aˬ lehˇ ngaˇ ehˇ-eu maˬ ngeuˇ. Miˬyehˇ neh saˇ jaˇ dzaˬ taˬ-euˬ loꞈ-ehˇ aˬ diˇ pyeuꞈ laˇ taˬ-euˬ meh. Aˬ jeˬ miˇ neh ehˇ naˇ, Miˬyehˇ neh tseˇ doˆ-euˬ tsawˇ haˬ deuˬ laꞈ kʼoeˇ, Iˇsaˬleˬlaˆ tsawˇ haˬ deuˬ tehꞈ-ehˇ maˬ ngeuˇ ni, aˬ cawˬ tsawˇ jeuˬ kʼawꞈ ahˇ-eu meh.

2 Tiˆmoˇseˬ 2:13

Aˬ dui saˇ jaˇ maˬ ziꞈ law kʼawꞈ, aˬ yawꞈ saˇ jaˇ ziꞈ dui dui meh. Aˬ jeˬ miˇ neh ehˇ naˇ, aˬ yawꞈ saˇ jaˇ ziꞈ-eu miˇ neh, yawˬ haˇ yawˬ ha maˬ byehˇ dzeh-a.”

HeˬByehˇ 7:21

Ehˇ kʼawꞈ, Yeˬsuˇ-aˬ, Miˬyehˇ neh kamˬ-awˇ piˇ ma bi pyeuꞈ laˇ-euˬ meh. Aˬ jeˬ miˇ neh ehˇ naˇ, aˬ yawꞈ-ahˇ piˇ ma ka nehˬ ngeh Miˬyehˇ heu loꞈ-ehˇ ehˇ nehˬ-euˬ meh. “Sahˬpaˬ Miˬyehˇ kamˬ tsehˆ-euˬ jeˬ, maˬ poˆ maˬ paˇ nya-a. Mˬ maˬ maˬ byaˆ zaˇ ziˇ, nawˇ piˇ ma ya geuꞈ meh.”

Yaˬkoˆ 4:5

“Miˬyehˇ neh aˬ dui-euˬ laꞈ kʼoeˇ dawˆ ahˇ nehˬ laꞈ-euˬ nui ma-aˬ, guˆ laˇ paˬ-ehˇ gʼeh-eu nui kʼahˇ tiˬ byah ni ahˇ-eu meh” lehˇ ehˇ-eu Jaˇliꞈ dawˬ kawˬ kʼoeˇ, aˬ diˇ aˬ maˇ maˬ ngeuˇ-a lehˇ taˬ noeˬ.

Aˇ dahˬ 28:15

Haw taˬ-awˬ, ngaˇ nawˬ nehˬ-ehˇ jawˇ-awˇ, nawˇ kʼaˇ iˇ kʼaˇ laˇ gaˇ nawˬ-ahˇ ngaˇ haw piˇ-eu laꞈ kʼoeˇ, miˇ kʼahˬ heu kʼahˬ-ahˇ, nawˬ-ahˇ paˇ bi gʼoꞈ keuˆ laˇ ma. Nawˬ-ahˇ ngaˇ saˇ jaˇ dzaˬ taˬ-euˬ dawˬ heu deuˬ maˬ mˇ byah jiˇ kʼoeˇ keuˆ ni, ngaˇ nawˬ-ahˇ maˬ byehˇ dzeh.”

Bawˇtsahˬ 14:35

Sahˬpaˬ Miˬyehˇ pyeuꞈ-eu ngaˇ, heu loꞈ-ehˇ ehˇ-eu ma. Ngaˬ-ahˇ puiˬ-eu lehˇ tiˬ kawˆ loꞈ-ehˇ uiˬ leˇ taˬ-euˬ haiˬ-eu tsawˇ haˬ pyeuꞈ-eu naw maꞈ-ahˇ kʼoeˇ loꞈ-ehˇ jahˇ nehˬ ma lehˇ ngaˇ kamˬ tsehˆ-eu ma. Bawˇ tsahˬ bawˇ dahˇ heu tsahˇ laꞈ kʼoeˇ naw maꞈ yawˬ gʼaˬ na luꞈ ya shiˇ jiˇ tehꞈ-a’ lehˇ ehˇ nehˬ-awˬ.”

Bawˇtsahˬ 23:18

Kʼoeˇ ngeh, Miˬyehˇ gʼaˇ duˬ ngehˬ dah-eu laꞈ kʼoeˇ, Baˬlamˬ heu loꞈ-ehˇ ehˇ-eu meh. “Ziˇpoˬ-euˬ aˬ li Baˬlehˇ-oˇ, laˇ-awˬ. Ngaˇ ehˇ gaˇ naˇ haˬ laˇ-awˬ.

Jaceuq 89:34

Dzaˬ taˬ-euˬ dawˬ ma saˇ jaˇ-ahˇ maˬ puiˬ-ehˇ, kʼaˇ dzaˬ taˬ-euˬ tiˬ jeˬ-iˬ maˬ yuˇ kʼoꞈ.

Jaceuq 110:4

Saˇ jaˇ dzaˬ gʼaˬ-euˬ dawˬ-ahˇ Sahˬpaˬ Miˬyehˇ maˬ yuˇ kʼoꞈ-a. Maˬlaˬkiˇsaˬdehˇ-euˬ aˇ yaˬ nawˇ za-awˇ, mˬ maˬ maˬ byaˆ zaˇ ziˇ piˇ ma ya geuꞈ tehꞈ-a lehˇ, aˬ yawꞈ saˇ jaˇ dzaˬ taˬ-euˬ meh.

Iˇsaˬyaˇ 21:17

Geˬdaˬ tsawˇ jeuˬ kaˆ baꞈ-eu yehˇ deuˬ-aˬ, nui ma kʼaˬ dui dui kʼawꞈ, gʼawˬ mya gʼaˬ maˬ dzeuˇ-iˇ-aˇ lehˇ, Iˇsaˬleˬlaˆ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ, ehˇ-eu ma.”

Iˇsaˬyaˇ 31:2

Ehˇ kʼawꞈ, Miˬyehˇ yawꞈ mˇ-euˬ gaˇ yawꞈ siˬ nya-awˇ, shaˬ zahˬ guˆ gaˆ bi keuˆ le nya-eu meh. Yaw haiˬ jeˬ mˇ-eu tsawˇ haˬ deuˬ hawˇ-eu, aˬ yawꞈ maꞈ-ahˇ haw piˇ nehˬ-eu deuˬ-ahˇ, aˬ yawꞈ laˆ guˆ-awˇ kʼehˬ tehꞈ-a.

Iˇsaˬyaˇ 40:8

Ngeuˇ meh. Yaˇ moꞈ nyoeˬ-iˇ-awˇ aˇ yehˆ juˬ-iˇ-eu meh. Ehˇ kʼawꞈ, aˬ dui Miˬyehˇ-euˬ dawˬ, mˬ maˬ maˬ byaˆ zaˇ ziˇ gmˬ meh.”

Iˇsaˬyaˇ 46:11

Nahˇ ma doˆ kʼehˬ paw jawˇ-eu tsawˇ haˬ tiˬ gʼaˬ-ahˇ ngaˇ kuˇ luꞈ ma. Kʼaˬ dzeˇ loꞈ-ehˇ aˬ yawꞈ byoeˇ ka leꞈ-awˇ, ngaˬ neh lehˬ hmˬ-euˬ jeˬ mˇ byah tehꞈ-a. Gaˇ kawˆ heu deuˬ dawˬ tawˆ luꞈ bi pyeuꞈ laˇ ma lehˇ, ngaˬ neh ehˇ taˬ-euˬ jaˆ-eu ma.

Iˇsaˬyaˇ 55:11

ngaˬ-euˬ kʼaˬ meh-ahˇ pyehˬ doˆ-euˬ dawˬ kʼawꞈ, ngaˬ-euˬ nui kʼahˇ mˇ byah yaꞈ-awˇ, ngaˬ neh kʼaˇ kʼehˇ-euˬ jeˬ maˬ mˇ luiˆ kʼoeˇ keuˆ ni, ngaˇ jawˇ gaˇ yawˬ ngehꞈ-ehˇ maˬ gʼoꞈ laˇ-a.

Yeˬlaˬmiˇ 4:28

Miˇ tsaˬ tahˬ kʼawˇ tsawˇ ngoeˇ ngoeˇ-awˇ, mˬ naˆ-iˇ tehꞈ-a. Sahˬpaˬ Miˬyehˇ ehˇ tsehˆ-euˬ jeˬ, laˆ poˆ laˆ paˇ maˬ mˇ nya-a. Aˬ yawꞈ neh ya noeˬ tsehˆ-euˬ jeˬ, maˬ paˇ sheu pyawˆ nya meh.

Daˬyeˬlaˇ 4:28

Kʼaˇ ehˇ taˬ-euˬ jeˬ dawˬ tawˆ luꞈ, sahˬ paˬ Neˬbuˬkaˬneˬzaˬ kʼoeˇ taˆ keuˆ le-euˬ meh.

Aˇ dahˬ 26:3

Nawˇ heu gaˇ jawˇ naˇ, nawˬ nehˬ-ehˇ ngaˇ jawˇ-awˇ nawˬ-ahˇ ngaˇ guiˬ lahˬ biꞈ nehˬ ma. Miˇ kʼahˬ heu kʼahˬ kʼahˬ lah ni nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma. Nawˬ da Aˬbyaˬhaˬ nehˬ-ehˇ ngaˬ neh dzaˬ taˬ-euˬ saˇ jaˇ-ahˇ ngaˇ mˇ byah ma.

Yawˇshuˆ 21:45

Iˇsaˬleˬlaˆ tsawˇ haˬ deuˬ-ahˇ aˬ yawꞈ neh dzaˬ taˬ-euˬ saˇ jaˇ yawˬ hmˬ na luꞈ-ahˇ, Sahˬpaˬ Miˬyehˇ ziꞈ luꞈ-eu meh.

1 Saˬmeuˬlaˆ 3:12

Eˇliˆ-euˬ nymˇ jiˇ kʼoeˇ taˆ bi keuˆ le ma lehˇ ngaˬ neh kʼaˇ ehˇ taˬ-euˬ jeˬ dawˬ tawˆ luꞈ, aˇ dahˬ beh gaˇ neh aˇ saˬ saˬ gaˇ keuˆ ni kʼoeˇ ngeh nah laꞈ kʼoeˇ bi keuˆ le jiˇ ma.

1 Sahˬpaˬ 14:11

Nawˬ-euˬ nymˇ kʼahˬ zaˬ deuˬ laꞈ kʼoeˇ, meuˬ-ahˇ shiˇ dzeh taˬ-euˬ deuˬ-ahˇ aˬ kuiˬ dzaˬ-awˇ, bawˇ tsahˬ-ahˇ kʼaˇ shiˇ-euˬ deuˬ-ahˇ jeˬ shiˇ kʼaˬ dzeˇ dzaˬ tehꞈ-a. Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma’ lehˇ ehˇ-eu meh lehˇ ehˇ nehˬ-awˬ.”

2 Sahˬpaˬ 7:2

Sahˬ paˬ-ahˇ loꞈ piˇ-eu gʼaˬ ehˇ-eu, “Kʼoeˇ loꞈ-ehˇ maˬ pyeuꞈ laˇ nya-aˇ. Sahˬpaˬ Miˬyehˇ neh cehˇ pyuˇ bi sha ha le law hawˇ kʼawꞈ, cehˇ pyuˇ aˇ poeˬ kʼoeˇ naˆ naˆ-ehˇ maˬ ga yaˇ le nya-aˇ.” Eˇliˇshehˇ ehˇ-eu, “Kʼoeˇ loꞈ-ehˇ ga yaˇ le-euˬ gaˇ nawˇ ya mawˇ tehꞈ-a. Ehˇ kʼawꞈ, nawˇ maˬ ya dzaˬ-aˇ.”

2 Sahˬpaˬ 15:12

“Nawˬ-euˬ zaˬ nawˬ-euˬ uˆ deuˬ oeˬ ziˇ keuˆ ni sahˬ paˬ ya geuꞈ tehꞈ-a” lehˇ, sahˬ paˬ Yeˬhuˇ-ahˇ Sahˬpaˬ Miˬyehˇ neh ehˇ nehˬ-euˬ dawˬ kʼoeˇ dawˬ, kʼoeˇ gaˇ byah laˇ-euˬ meh.

Jaceuq 77:9

Gʼawˬ shaˬ gaˬ-eu jeˬ-ahˇ Miˬyehˇ ngehˇ taˬ loˇ. Gʼawˬ shaˬ gaˬ-eu dah zaˇ nui ma pehˇ-eu jeˬ-ahˇ aˬ yawꞈ tuˆ tehˬ shaw taˬ loˇ.” lehˇ naˇ haˬ-euˬ ma.

Jaceuq 132:11

Daˬbiˇ-ahˇ nawˇ saˇ jaˇ ziꞈ dah ni dzaˬ-awˇ, saˇ jaˇ kʼoeˇ nawˇ maˬ puiˬ-eu saˇ jaˇ meh. Nawˬ-euˬ aˬ li tiˬ li-ahˇ ngaˇ sahˬ paˬ bi keuˆ leˇ-awˇ, nawˬ-euˬ dzoeˬ dzaˬ aˬ yawꞈ-ahˇ oꞈ tehꞈ-a.