Bawˇtsahˬ 20:15 - Akha

¹⁵ Nga maꞈ-euˬ aˬ poeˬ aˬ bawˇ deuˬ Iˇjiˇtuˆ miˇ kʼahˬ-ahˇ aˬ joˆ-ehˇ iˇ-euˬ gaˇ kawˆ maˬ ehˇ, kʼoeˇ gaˇ nga maꞈ gʼawˬ mya kʼoꞈ jawˇ yaꞈ-euˬ gaˇ kawˆ maˬ ehˇ, nga maꞈ-euˬ aˬ poeˬ aˬ bawˇ deuˬ hawˇ-eu nga maꞈ-ahˇ Iˇjiˇtuˆ tsawˇ haˬ deuˬ aˬ joˆ-ehˇ kʼehˬ nehˬ kʼaˆ nehˬ laꞈ-euˬ gaˇ kawˆ maˬ ehˇ,

Bawˇtsahˬ 20:15 Referans Kwoze

Dawˬmehˬ 26:6

Iˇjiˇtuˆ tsawˇ haˬ deuˬ nga maꞈ-ahˇ kʼehˬ-awˇ, zaˬ kʼaˆ loꞈ-ehˇ gaˇ bi mˇ laꞈ-euˬ meh.

Doˆ-iˇ 12:40

Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ oeˬ yaˇ smˬ tseˇ kʼoꞈ jawˇ byah-euˬ meh.

Aˇ dahˬ 46:6

Kaˬnaˬ miˇ kʼahˬ-ahˇ jawˇ ngeh jaˆ le-euˬ aˬ yawꞈ maꞈ-euˬ pyuˇ shuiˇ myawˬ gahˬ hawˇ-eu jeˬ zaˬ dawˬ tawˆ luꞈ, aˬ yawꞈ maꞈ nehˬ-ehˇ yuˇ gʼeh-euˬ meh. Yaˬkoˆ-aˬ, aˬ yawꞈ-euˬ o neh jeuˬ le o le-euˬ tsawˇ haˬ dawˬ tawˆ luꞈ-ahˇ sheuˬ ka gʼeh-euˬ meh.

Gʼaˬkʼehˇ 7:15

Iˇjiˇtuˆ miˇ kʼahˬ-ahˇ Yaˬkoˆ jawˇ-iˇ-awˇ, aˬ yawꞈ hawˇ-eu aˬ yawꞈ-euˬ aˬ li dawˬ tawˆ luꞈ, kʼoeˇ gaˇ ziˇ dehꞈ jiˇ-euˬ meh.

Aˇ dahˬ 15:13

Aˬ yawꞈ-ahˇ Sahˬpaˬ Miˬyehˇ ehˇ nehˬ-eu, “Nawˬ-euˬ zaˬ nawˬ-euˬ uˆ deuˬ, aˬ cawˬ miˇ kʼahˬ laꞈ kʼoeˇ boeˇ miˬ siˬ kʼaˬ loꞈ-ehˇ ya jawˇ tehꞈ-a. Oeˬ yaˇ kʼoꞈ keuˆ ni aˬ yawꞈ maꞈ aˬ cawˬ zaˬ kʼaˆ ya geuꞈ-awˇ, aˬ cawˬ kʼehˬ nehˬ kʼaˆ nehˬ gaˇ ya daˬ tehꞈ-a.

Gʼaˬkʼehˇ 7:19

Aˬ yawꞈ-aˬ, aˬ dui-euˬ aˬ poeˬ aˬ bawˇ kʼoeˇ deuˬ-ahˇ tsawˇ gahˇ gahˇ-euˬ uˬ taꞈ, gʼawˬ shaˬ tiˬ pawꞈ-iˬ maˬ gaˬ-aˬ. Zaˬ nahˬ deuˬ bi shiˇ jiˇ-eu gʼaˇ duˬ, iˇ kahˇ laꞈ kʼoeˇ maˬ bi jawˇ ni, laꞈ nyiˇ bi ciˬ dzeh-euˬ meh.

Bawˇtsahˬ 16:13

Nga maꞈ-ahˇ bawˇ tsahˬ bawˇ dahˇ laꞈ kʼoeˇ bi shiˇ-eu lehˇ, miˇ tsaˬ miˇ muiˬ muiˬ dui dui-awˇ baw le za le-eu Iˇjiˇtuˆ miˇ kʼahˬ laꞈ kʼoeˇ neh sheuˬ doˆ leꞈ-euˬ tehꞈ-ehˇ maˬ gʼaˬ-ehˇ, nga maꞈ kʼoeˇ taˆ nawˇ sahˬ paˬ paˇ geuꞈ mawꞈ te siˬ loˇ.

Bawˇtsahˬ 11:5

Iˇjiˇtuˆ miˇ kʼahˬ laꞈ kʼoeˇ jawˇ ngeh, kʼaˇ dzaˬ mawꞈ-eu ngaˬ shaˬ deuˬ aˇ poeˬ maˬ jiˇ ni ya dzaˬ ya dzaˬ-ehˇ jawˇ-euˬ ma. Aˬ dui neh dzaˬ yaꞈ-euˬ siˬ kʼoˬ, deh namˬ, sehˇ guˬ, sehˇ bawˬ, sehˇ puˇ, kʼoeˇ deuˬ-ahˇ noeˬ mawˇ dui dui nya.

Doˆ-iˇ 5:14

Zaˬ kʼaˆ-ahˇ uˆ lahˇ-eu tsawˇ haˬ kʼoeˇ deuˬ, zaˬ kʼaˆ deuˬ gaˇ mˇ gaˇ bi haw-euˬ Iˇsaˬleˬlaˆ tsawˇ haˬ deuˬ-ahˇ, “Dzeuˇ laˇ ngeh naw maꞈ tsaˬ byaˆ tehˆ doˆ-euˬ myaˆ ni nymˬ-mˇ aˬ jeˬ miˇ neh maˬ tehˆ doˆ nya ta” lehˇ ehˇ-awˇ diˬ-euˬ meh.

Doˆ-iˇ 1:22

Kʼoeˇ naˇ, “Kʼaˇ dehꞈ le-euˬ Heˬbyehˇ tsawˇ jeuˬ aˬ li deuˬ-ahˇ Niˬlaˇ lawˇ baˬ laꞈ kʼoeˇ biˬ puꞈ-awˬ. Ehˇ kʼawꞈ, aˬ buˇ deuˬ bi dehꞈ-awˬ” lehˇ, aˬ yawꞈ-euˬ tsawˇ haˬ deuˬ-ahˇ sahˬ paˬ dawˬ biꞈ-euˬ meh.

Doˆ-iˇ 1:16

“Heˬbyehˇ tsawˇ haˬ zaˬ miˬ zaˬ deuˬ aˬ nyiˇ ciˬ gaˇ naw nyaꞈ laˆ saˆ ngeh, aˬ li dehꞈ le naˇ laˆ sehꞈ-awˬ. Ehˇ kʼawꞈ, aˬ buˇ dehꞈ le naˇ, maˬ laˆ sehꞈ ni bi buˬ-iˇ-awˬ” lehˇ, zaˬ miˬ zaˬ kʼoeˇ nyiˬ gʼaˬ-ahˇ sahˬ paˬ ehˇ nehˬ-euˬ meh.

Bawˇtsahˬ 20:14

Kaˬdeˬshaˇ meuˬ-ahˇ Eˬdoˬ sahˬ paˬ jawˇ gaˇ Moˇseˬ tsawˇ haˬ pyehˬ gʼeh-awˇ, heu loꞈ-ehˇ bi tsaꞈ-iˇ-euˬ meh. “Nawˬ-euˬ aˬ yuiꞈ aˬ nyiˇ pyeuꞈ-eu Iˇsaˬleˬlaˆ tsawˇ haˬ deuˬ heu loꞈ-ehˇ dawˬ tsaꞈ tsaꞈ ahˇ leꞈ-eu ma. Nga maꞈ ya tahˬ puˬ-eu shaˬ-euˬ zahˬ-eu jeˬ dawˬ tawˆ luꞈ-ahˇ nawˇ siˬ nya meh.

Bawˇtsahˬ 20:16

caw ba le-awˬ lehˇ Sahˬpaˬ Miˬyehˇ-ahˇ nga maꞈ guˇ guˇ-ehˇ shaˇ-euˬ gaˇ kawˆ maˬ ehˇ, nga maꞈ-euˬ shaˇ dawˬ-ahˇ aˬ yawꞈ naˇ haˬ-awˇ, mˬ taˆ gʼaˬ kʼehˇ tiˬ gʼaˬ pyehˬ gʼeh leꞈ-euˬ laꞈ kʼoeˇ nga maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh bi sheuˬ doˆ nehˬ laꞈ-euˬ gaˇ kawˆ maˬ ehˇ, nawˇ siˬ nya jiˇ meh. Nawˬ-euˬ miˇ kʼahˬ laꞈ kʼoeˇ jaˆ-eu Kaˬdeˬshaˇ meuˬ-ahˇ nymˬ-mˇ nga maꞈ jawˇ luꞈ-eu ma.

Aˇ dahˬ 46:7

Aˬ yawꞈ-euˬ aˬ buˇ aˬ li deuˬ hawˇ-eu, oeˬ paˬ oeˬ ma dawˬ tawˆ luꞈ sheuˬ ka gʼeh-euˬ meh.

2 Saˬmeuˬlaˆ 12:18

Tiˬ jaw byah laˇ ngeh, aˬ li kʼoeˇ li shiˇ-awˇ aˬ yawꞈ-euˬ gaˇ mˇ-eu yaw huiˬ yaw mahˇ deuˬ aˬ yawꞈ-ahˇ maˬ ehˇ nehˬ peuˬ ni jawˇ-euˬ meh. Aˬ yawꞈ maꞈ ehˇ-eu, “Aˬ li heu li maˬ shiˇ mi naˆ-ehˇ kʼawꞈ, aˬ dui aˬ yawꞈ-ahˇ dawˬ ngehˬ cawˬ nehˬ ngeh, aˬ yawꞈ dawˬ maˬ ngehˬ cawˬ laˇ-a. Nymˬ-mˇ poˆ jawˇ aˬ li heu li shiˇ-euˬ-aˬ, aˬ yawꞈ-ahˇ aˬ dui aˬ joˆ-ehˇ dawˬ ngehˬ cawˬ leˇ nmˇ. Aˬ yawˇ yawꞈ laˆ tahˬ laˆ naˇ-eu jeˬ mˇ doˆ laꞈ gaˇ guˆ nya.”