Bawˇtsahˬ 19:3 - Akha

³ piˇ ma Eˇlaˬzaˬ-ahˇ tsahˇ nehˬ-awˬ. Mawˇ neˇ kʼoeˇ mawˇ-ahˇ pu pu dzeˇ tsahˇ doˆ gʼeh-awˇ ya sehꞈ meh.

Bawˇtsahˬ 19:3 Referans Kwoze

Uˬ duˬ 4:12

Sehˬ gʼawˆ-euˬ laꞈ nyiˇ paw kʼaˬ lehˇ tawˆ dzeh-eu muiˬ-eu shawˇ-eu jawˇ duˬ-ahˇ aˬ yawꞈ yuˇ gʼeh-awˇ, miˬ dzaˬ ya dzah puiˆ meh.

Uˬ duˬ 4:21

Kʼoeˇ naˇ, aˬ yawꞈ-euˬ iˬ baˇ gʼaˇ duˬ lawˇ-euˬ mawˇ neˇ mawˇ gaw kʼoeˇ mawˇ-ahˇ dzah puiˆ-euˬ loꞈ-ehˇ, heu mawˇ-ahˇ kʼawꞈ, Sehˬ gʼawˆ laꞈ nyiˇ yuˇ doˆ-awˇ, ya dzah puiˆ meh. Heu-aˬ, Iˇsaˬleˬlaˆ tsawˇ haˬ aˇ maꞈ aˇ muˇ deuˬ-euˬ iˬ baˇ yuˇ dzeh-eu gʼaˇ duˬ lawˇ-eu jeˬ pyeuꞈ-eu meh.

Bawˇtsahˬ 15:36

Kʼoeˇ ngeh, Sahˬpaˬ Miˬyehˇ neh dawˬ biꞈ-euˬ loꞈ-ehˇ, aˬ yawꞈ-ahˇ pu pu dzeˇ sheuˬ doˆ gʼeh-awˇ, tsawˇ haˬ aˇ maꞈ aˇ muˇ dawˬ tawˆ luꞈ gʼeh-awˇ, kʼaˬ lo neh biˬ sehꞈ-euˬ meh.

Bawˇtsahˬ 5:2

“Shaˬ jiˇ baˆ kʼoˆ-ahˇ nyawˬ leˇ nya-eu maˇ naˇ naˇ-eu tsawˇ haˬ maˬ ehˇ, gʼawˇ mawˇ-ahˇ maˇ uiˇ doˆ-eu tsawˇ haˬ maˬ ehˇ, shiˇ taˬ-euˬ jeˬ-ahˇ toeˬ ciˆ-euˬ miˇ neh maˬ shawˇ-eu tsawˇ haˬ deuˬ maˬ ehˇ, pu laꞈ nyiˇ paw teh dzeh nehˬ-awˬ lehˇ Iˇsaˬleˬlaˆ tsawˇ haˬ deuˬ-ahˇ dawˬ biꞈ nehˬ-awˬ.

Bawˇtsahˬ 3:4

Ehˇ kʼawꞈ, Naˬdehˇ hawˇ-eu Aˬbiˇhuˬ-aˬ, Siˇnaˆ bawˇ tsahˬ bawˇ dahˇ laꞈ kʼoeˇ, Sahˬpaˬ Miˬyehˇ-ahˇ maˬ muiˬ maˬ shawˇ-eu miˬ dzaˬ lawˇ nehˬ ngeh, sehꞈ gaˇ ya daˬ-euˬ meh. Aˬ yawꞈ nyaꞈ zaˬ maˬ jawˇ-a. Kʼoeˇ miˇ neh, Aˬloˬ yaw dehꞈ dehꞈ luꞈ ngeh, Eˇlaˬzaˬ hawˇ-eu Iˇdaˬmaˬ aˬ nyaꞈ nmˇ piˇ ma geuꞈ-euˬ meh.

Uˬ duˬ 24:14

“Tsawˇ haˬ kʼoeˇ gʼaˬ-ahˇ pu laꞈ nyiˇ sheuˬ doˆ gʼeh-awˬ. Tsawˇ haˬ kʼoeˇ gʼaˬ iˬ baˇ ahˇ-eu saˇ kiˇ pyeuꞈ-eu gʼaˇ duˬ, aˬ yawꞈ yaˬ kʼehˇ yaˬ-euˬ gaˇ kʼaˇ ya gaˬ-euˬ tsawˇ haˬ deuˬ aˬ yawꞈ-euˬ uˬ duˬ-ahˇ aˬ laꞈ baꞈ daˆ-awˇ, tsawˇ haˬ aˇ maꞈ dawˬ tawˆ luꞈ, tsawˇ haˬ kʼoeˇ gʼaˬ-ahˇ kʼaˬ lo ya biˬ sehꞈ meh.

Uˬ duˬ 16:27

Iˬ baˇ shawˇ-eu lawˇ-eu jeˬ gʼaˇ duˬ maˬ ehˇ, Muiˬ dui Shawˇ dui dui-eu Jawˇ duˬ-ahˇ shiˬ yuˇ ahˇ gʼeh-eu gʼaˇ duˬ maˬ ehˇ, sehꞈ-euˬ mawˇ neˇ mawˇ gaw hawˇ-eu ciꞈ myehꞈ-ahˇ pu pu dzeˇ baꞈ doˆ-awˇ, ya dzah puiˆ dzeh meh. Baˆ kʼoˆ maˬ ehˇ, shaˬ jiˇ maˬ ehˇ, baw uˇ baw ma dawˬ tawˆ luꞈ maˬ ehˇ, ya dzah puiˆ dzeh meh.

Uˬ duˬ 4:11

Ehˇ kʼawꞈ, mawˇ neˇ kʼoeˇ mawˇ-euˬ baˆ kʼoˆ, shaˬ jiˇ, uˬ duˬ, aˬ kuiˇ aˬ laꞈ, tsahˬ nahˬ uˇ jiˇ hawˇ-eu baw uˇ baw ma dawˬ tawˆ luꞈ-ahˇ,

Bawˇtsahˬ 19:9

Zahˇ sahˇ kʼoꞈ-ahˇ tsaˬ ni shawˇ-eu tsawˇ haˬ tiˬ gʼaˬ mawˇ neˇ kʼoeˇ mawˇ puiˆ-euˬ kʼaˬ lehˇ kʼoeˇ tawˆ-awˇ, pu pu dzeˇ, jawˇ duˬ yaw shawˇ tiˬ tsahˇ-ahˇ ya tawˆ taˬ meh. Iˇsaˬleˬlaˆ tsawˇ haˬ aˇ maꞈ aˇ muˇ gʼaˇ duˬ, kʼaˬ lehˇ kʼoeˇ, kʼoeˇ tsahˇ-ahˇ bi jaˆ-awˇ, iˬ baˇ shawˇ-eu zahˇ jahˇ gaˇ geuꞈ-eu iˇ cuꞈ lehˬ hmˬ ngeh ya zmˬ meh.