Bawˇtsahˬ 18:11 - Akha

¹¹ “Kʼoeˇ uˬ taꞈ, Iˇsaˬleˬlaˆ tsawˇ haˬ deuˬ neh ngaˇ jawˇ gaˇ kʼaˇ yuˇ laꞈ-euˬ yaw zawˇ muiˬ-eu damˬ-eu jeˬ dawˬ tawˆ luꞈ, naw maꞈ-ahˇ oꞈ-eu shaˬ bymˇ pyeuꞈ-eu meh. Mehˬ hu paw dehꞈ daˆ leꞈ-eu aˇ yamˬ dawˬ tawˆ luꞈ laꞈ kʼoeˇ, nawˬ-ahˇ maˬ ehˇ, nawˬ li deuˬ-ahˇ maˬ ehˇ, nawˬ buˇ deuˬ-ahˇ maˬ ehˇ, kʼoeˇ deuˬ ngaˇ biꞈ ma. Zahˇ sahˇ kʼoꞈ-ahˇ tsaˬ ni shawˇ-eu tsawˇ haˬ pyeuꞈ-eu naw maꞈ-euˬ nymˇ kʼahˬ zaˬ deuˬ dawˬ tawˆ luꞈ, dzaˇ kʼoeˇ dzaˬ nya meh.

Bawˇtsahˬ 18:11 Referans Kwoze

Dawˬmehˬ 18:3

“Mawˇ neˇ maˬ ehˇ, yawˇ maˬ ehˇ kʼaˇ lawˇ ngeh, baꞈ pu, mehˬ oꞈ, tsahˬ nahˬ uˇ jiˇ, heu deuˬ-aˬ, piˇ ma deuˬ-ahˇ ya biꞈ meh.

Uˬ duˬ 10:14

Ehˇ kʼawꞈ, piˇ ma deuˬ gʼaˇ duˬ, muiˬ-eu laꞈ sawˬ hawˇ-eu muiˬ-eu damˬ-eu jeˬ loꞈ-ehˇ Sahˬpaˬ Miˬyehˇ-ahˇ damˬ nehˬ-euˬ jeˬ zaˬ-eu kʼahˬ hawˇ-eu aˬ kuiˇ deuˬ-ahˇ, nawˇ hawˇ-eu nawˬ-euˬ miˬ sawˇ zaˬ dawˬ tawˆ luꞈ dzaˬ nya meh. Shawˇ-eu jawˇ duˬ laꞈ kʼoeˇ, kʼoeˇ deuˬ-ahˇ naw maꞈ ya dzaˬ meh. Kʼoeˇ-aˬ, Iˇsaˬleˬlaˆ tsawˇ haˬ deuˬ-euˬ cawˬ cawˬ taꞈ-eu lawˇ-eu jeˬ laꞈ kʼoeˇ, nawˇ hawˇ-eu nawˬ-euˬ zaˬ deuˬ-ahˇ biꞈ taˬ-euˬ naw maꞈ-ahˇ oꞈ-eu shaˬ bymˇ meh.

Bawˇtsahˬ 18:8

Aˬloˬ-ahˇ Sahˬpaˬ Miˬyehˇ ehˇ nehˬ-eu, “Ngaˬ-ahˇ kʼaˇ damˬ-euˬ muiˬ-eu damˬ-eu jeˬ laꞈ kʼoeˇ, miˬ dzaˬ dzah puiˆ-awˇ maˬ kʼaˇ lawˇ-euˬ jeˬ nawˬ-ahˇ ngaˇ biꞈ-euˬ meh lehˇ maˬ ngehˇ ni noeˬ taˬ-awˬ. Kʼoeˇ-aˬ, aˬ myah luꞈ nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ biꞈ taˬ-euˬ shaˬ bymˇ meh.

Uˬ duˬ 7:14

Dehˬ tseˬ keuˬ-eu hawˇ-eu maˬ keuˬ-eu kaˬ muˇ tiˬ jeˬ ui cuiˆ yuˇ-awˇ, Sahˬpaˬ Miˬyehˇ-ahˇ aˬ yawꞈ ya biꞈ nehˬ meh. Jeˬ zaˬ-euˬ shiˬ yuˇ-awˇ, lawˇ duˬ-ahˇ byaˆ shehˬ-eu piˇ ma gʼaˬ, kaˬ muˇ kʼoeˇ deuˬ ya geuꞈ meh.

Bawˇtsahˬ 18:1

Aˬloˬ-ahˇ Sahˬpaˬ Miˬyehˇ ehˇ nehˬ-eu, “Ngaˇ jawˇ-eu Sehˬ gʼawˆ-ahˇ gaˇ mˇ-eu laꞈ kʼoeˇ iˬ baˇ doˆ laˇ naˇ, iˬ baˇ kʼoeˇ baˬ da neh kʼaˇ keuˆ le-eu jeˬ-ahˇ, nawˇ hawˇ-eu nawˬ-euˬ aˬ li deuˬ hawˇ-eu Leˬbiˇ tsawˇ haˬ deuˬ tehꞈ-ehˇ ya daˬ meh. Ehˇ kʼawꞈ, piˇ ma deuˬ mˇ-eu gaˇ laꞈ kʼoeˇ iˬ baˇ doˆ laˇ naˇ, nawˇ hawˇ-eu nawˬ li deuˬ tehꞈ-ehˇ ya daˬ meh.

Bawˇtsahˬ 18:10

Kʼaˬ dzeˇ zaˬ deuˬ tehꞈ-ehˇ dzaˇ kʼoeˇ deuˬ dzaˬ nya-awˇ, muiˬ-eu shawˇ-eu jawˇ duˬ laꞈ kʼoeˇ naw maꞈ ya dzaˬ meh. Dzaˇ kʼoeˇ-aˬ, muiˬ-eu shawˇ-eu dzaˇ meh lehˇ naw maꞈ siˬ nya-awˬ.

Bawˇtsahˬ 18:19

“Mehˬ hu paw dehꞈ daˆ leꞈ-eu aˇ yamˬ dawˬ tawˆ luꞈ laꞈ kʼoeˇ, Iˇsaˬleˬlaˆ tsawˇ haˬ deuˬ neh ngaˇ jawˇ gaˇ kʼaˇ yuˇ laꞈ-euˬ yaw zawˇ muiˬ-eu damˬ-eu jeˬ dawˬ tawˆ luꞈ, nawˬ-ahˇ maˬ ehˇ, nawˬ li deuˬ-ahˇ maˬ ehˇ, nawˬ buˇ deuˬ-ahˇ maˬ ehˇ, ngaˇ biꞈ-eu ma. Heu-aˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˬ neh dzaˬ taˬ-euˬ, tiˬ jawˇ-iˬ maˬ cawˆ-iˇ nya-eu dawˬ ma saˇ jaˇ pyeuꞈ-eu ma.”