Bawˇtsahˬ 16:9 - Akha

⁹ Sahˬpaˬ Miˬyehˇ dawˬ peh naw maꞈ le-awˇ, Sahˬpaˬ Miˬyehˇ-euˬ Sehˬ gʼawˆ laꞈ kʼoeˇ gaˇ mˇ-eu laꞈ kʼoeˇ, tsawˇ haˬ aˇ maꞈ aˇ muˇ mehˬ shi yawꞈ-awˇ aˬ yawꞈ maꞈ gʼaˇ duˬ bi mˇ-eu lehˇ, tsawˇ haˬ heu myaˆ ni gʼeh-eu laꞈ kʼoeˇ, naw maꞈ-ahˇ biˇ paˆ doˆ-awˇ tseˇ doˆ taˬ-eu heu, dehˬ nyi-ehˇ gʼeh-eu gaˇ meh lehˇ naw maꞈ noeˬ te loˇ.

Bawˇtsahˬ 16:9 Referans Kwoze

Iˇsaˬyaˇ 7:13

Iˇsaˬyaˇ ehˇ-eu, “Sahˬ paˬ Daˬbiˇ-euˬ shiˬ shaˬ pyeuꞈ-eu gʼaˬ-oˇ, naˇ haˬ-awˬ. Tsawˇ haˬ zaˬ maˬ oˇ coeˇ laˇ ni jahˇ-euˬ tehꞈ-ehˇ maˬ juˬ ni, Miˬyehˇ maˬ oˇ coeˇ-ehˇ pyeuꞈ laˇ ni paˇ jahˇ-eu gʼeh te loˇ.

Dawˬmehˬ 10:8

Kʼoeˇ ngeh, Dawˬ ma saˇ jaˇ Bahˬ keuˆ-ahˇ haw-eu pyaˆ-eu gʼaˇ duˬ maˬ ehˇ, piˇ ma geuꞈ-eu gʼaˇ duˬ maˬ ehˇ, Sahˬpaˬ Miˬyehˇ-euˬ tsawˇ myahˇ laꞈ kʼoeˇ aˬ cawˬ-ahˇ dawˬ ngehˬ gʼeh nehˬ-eu gʼaˇ duˬ maˬ ehˇ, Leˬbiˇ tsawˇ jeuˬ-ahˇ Sahˬpaˬ Miˬyehˇ tseˇ doˆ-euˬ meh. Iˬ nah keuˆ ni gaˇ heu deuˬ aˬ yawꞈ maꞈ tawˬ luꞈ-eu meh.

Neˬhaˬmiˇ 12:44

Aˇ yamˬ kʼoeˇ yamˬ laꞈ kʼoeˇ, tseˇ bymˇ tiˬ bymˇ hawˇ-eu keuˆ beh beh le-euˬ dzaˬ la gʼo cehˇ hawˇ-eu aˇ siˬ aˇ lu deuˬ ahˇ leˇ-ehˇ, Uˬ duˬ tahˬ nymˇ nymˇ ma-ahˇ kʼaˇ damˬ-euˬ yawˬ jeˬ na luꞈ jeˬ hmˬ-eu aˇ lawˆ deuˬ-ahˇ tsawˇ haˬ tseˇ doˆ-awˇ bi haw bi pyaˆ-euˬ meh. Tsawˇ haˬ kʼoeˇ deuˬ-aˬ, meuˬ yawˬ meuˬ na luꞈ dawˬ peh deh ma deh yaˇ kʼaˇ jaˆ gaˇ iˇ-awˇ zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ piˇ ma deuˬ hawˇ-eu Leˬbiˇ tsawˇ haˬ deuˬ-ahˇ kʼaˇ damˬ nehˬ-euˬ jeˬ ya taꞈ uiˬ-eu meh. Yuˇdaˆ miˇ kʼahˬ zaˬ dawˬ tawˆ luꞈ piˇ ma deuˬ hawˇ-eu Leˬbiˇ tsawˇ haˬ deuˬ-ahˇ nui kʼahˇ shiˇ-eu meh.

1 Saˬmeuˬlaˆ 18:23

Gaˇ kawˆ kʼoeˇ Daˬbiˇ-ahˇ aˬ yawꞈ maꞈ ehˇ nehˬ ngeh, “Ngaˇ loꞈ-ehˇ gʼeh-eu teˬ dui dui-eu yaw shaˬ zaˬ tiˬ gʼaˬ, sahˬ paˬ-euˬ zaˬ miˬ yuˇ-eu gʼaˇ duˬ maˬ awˬ-a” lehˇ Daˬbiˇ ehˇ-eu meh.

Bawˇtsahˬ 16:13

Nga maꞈ-ahˇ bawˇ tsahˬ bawˇ dahˇ laꞈ kʼoeˇ bi shiˇ-eu lehˇ, miˇ tsaˬ miˇ muiˬ muiˬ dui dui-awˇ baw le za le-eu Iˇjiˇtuˆ miˇ kʼahˬ laꞈ kʼoeˇ neh sheuˬ doˆ leꞈ-euˬ tehꞈ-ehˇ maˬ gʼaˬ-ehˇ, nga maꞈ kʼoeˇ taˆ nawˇ sahˬ paˬ paˇ geuꞈ mawꞈ te siˬ loˇ.

Bawˇtsahˬ 3:6

“Leˬbiˇ tsawˇ jeuˬ-ahˇ mehˬ hu paw kuˇ doˆ-awˇ, Aˬloˬ-ahˇ caw ba-eu tsawˇ haˬ deuˬ bi geuꞈ-awˬ.

Bawˇtsahˬ 1:53

Ehˇ kʼawꞈ, ngaˇ nui ma pehˇ-eu jeˬ Iˇsaˬleˬlaˆ tsawˇ haˬ aˇ maꞈ aˇ muˇ kʼoeˇ taˆ maˬ ya bi keuˆ le-eu gʼaˇ duˬ, ngaˇ jawˇ-eu Sehˬ gʼawˆ dawˬ peh tsawˇ haˬ tiˬ gʼaˬ-iˬ maˬ ya laˇ ni, Leˬbiˇ tsawˇ haˬ deuˬ Sehˬ gʼawˆ jawˬ jawˬ-ehˇ yawˬ ha-euˬ sehˬ gʼawˆ gʼawˆ-awˇ jawˇ-eu laꞈ kʼoeˇ ya loꞈ piˇ meh.”

Yeˬsaˬgeˬlaˇ 34:18

Naw maꞈ tiˬ paˆ na deuˬ muiˬ dui dui-eu yaˇ moꞈ ya dzaˬ luꞈ-eu tehꞈ-ehˇ maˬ gʼaˬ ni, naw maꞈ maˬ dzaˬ nahˇ-eu yaˇ moꞈ deuˬ-ahˇ nawˬ pahˬ nehˬ-eu meh. Shawˇ jehˆ ni gʼeh-eu iˇ cuꞈ naw maꞈ dawˇ-awˇ, naw maꞈ maˬ dawˇ-eu iˇ cuꞈ-ahˇ iˇ neˇ laˆ neˇ-eu meh.

2 Laˬsaˬbaˬ 35:3

Iˇsaˬleˬlaˆ tsawˇ haˬ deuˬ-ahˇ mehˬ nehˬ tsoˆ nehˬ-eu deuˬ pyeuꞈ-eu Sahˬpaˬ Miˬyehˇ-ahˇ gʼawˇ mawˇ a nehˬ taˬ-euˬ Leˬbiˇ tsawˇ haˬ deuˬ-ahˇ kʼawꞈ, aˬ yawꞈ heu loꞈ-ehˇ mehˬ nehˬ tsoˆ nehˬ-euˬ meh. “Muiˬ-eu shawˇ-eu Dawˬ ma saˇ jaˇ Bahˬ keuˆ-ahˇ, Daˬbiˇ-euˬ aˬ li sahˬ paˬ Sawˇlaˬmoˬ neh tsoˆ-euˬ Uˬ duˬ tahˬ nymˇ nymˇ ma laꞈ kʼoeˇ baꞈ taˬ-euˬ meh. Naw maꞈ-aˬ, bahˬ keuˆ kʼoeˇ-ahˇ doe doe-ehˇ baꞈ baꞈ-ehˇ maˬ paˇ ya cah ni, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ hawˇ-eu aˬ yawꞈ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ gʼaˇ duˬ gaˇ ya mˇ meh.

2 Saˬmeuˬlaˆ 7:19

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, kʼoeˇ naˆ tehꞈ-ehˇ nawˇ maˬ juˬ-ehˇ, kʼoeˇ naˆ maˬ tseˇ gʼeh-eu jeˬ ngaˬ-euˬ kʼoeˇ taˆ nawˇ paˇ mˇ nehˬ-eu lehˇ gʼeh-eu meh. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, mehˬ hu paw dehꞈ daˆ leꞈ-eu ngaˬ-euˬ zaˬ ngaˬ-euˬ uˆ deuˬ gʼaˇ duˬ, nawˇ ngaˬ-ahˇ saˇ jaˇ dzaˬ-awˇ, aˬ kaˇ pyeuꞈ laˇ-eu gaˇ kawˆ deuˬ nawˇ ngaˬ-ahˇ bi siˬ bi mawˇ laꞈ-euˬ meh.

Aˇ dahˬ 30:15

“Ngaˬ-euˬ kʼaˬ dzeˇ zaˬ-ahˇ sheuˬ geuꞈ-euˬ tehꞈ-ehˇ maˬ juˬ ni, ngaˬ li-euˬ zaˬ jawˇ lehˬ oꞈ aˇ siˬ gʼeh paˇ yuˇ-eu gʼeh te loˇ” lehˇ, Leˇaˬ ehˇ-eu meh. “Nawˬ li-euˬ zaˬ jawˇ lehˬ oꞈ aˇ siˬ kʼoeˇ ngaˬ-ahˇ biꞈ laꞈ naˇ, nymˇ ciꞈ nawˬ-ahˇ Yaˬkoˆ nehˬ-ehˇ bi yuꞈ taꞈ ma” lehˇ, Leˇaˬ-ahˇ Laˬkeˬlaˇ paˇ ehˇ nehˬ-euˬ meh.

1 Gawˇliˬtu 4:3

Naw maꞈ maˬ ehˇ, aˬ cawˬ maˬ ehˇ, ngaˬ-ahˇ yaw lehˬ poˆ gaˇ ngaˇ kʼahˬ maˬ lahˇ. Ngaˇ yawˬ haˇ yawˬ ha kʼawꞈ yaw lehˬ maˬ poˆ.

Gʼaˬkʼehˇ 13:2

Aˬ yawꞈ maꞈ maˬ dzaˬ-eu zahˇ jahˇ-awˇ Sahˬpaˬ Miˬyehˇ-ahˇ uˬ duˬ tahˬ tahˬ-ehˇ jawˇ ngeh, Muiˬ-eu shawˇ-eu Yaw sahˇ Miˬyehˇ aˬ yawꞈ maꞈ-ahˇ ehˇ-eu, “Ngaˬ neh a yawꞈ nyaꞈ-ahˇ bi mˇ-eu lehˇ kuˇ-euˬ gaˇ deuˬ-ahˇ bi mˇ-eu gʼaˇ duˬ, Baˬnaˬbaˇ hawˇ-eu Sawˇluˆ aˬ ha nyaꞈ-ahˇ tseˇ doˆ-awˇ bi jawˇ-awˬ.”

Bawˇtsahˬ 3:9

Leˬbiˇ tsawˇ haˬ deuˬ-euˬ gaˇ-aˬ, Aˬloˬ hawˇ-eu aˬ yawꞈ-euˬ aˬ li deuˬ-ahˇ caw ba-eu gaˇ kʼoeˇ tiˬ jeˬ tehꞈ meh.

Bawˇtsahˬ 16:8

Kawˇlaˆ-ahˇ Moˇseˬ paˇ ehˇ nehˬ-eu, “Naw maꞈ Leˬbiˇ tsawˇ haˬ deuˬ naˇ haˬ sheˇ.

Yeˬsaˬgeˬlaˇ 44:16

Aˬ yawꞈ maꞈ-ahˇ tehꞈ-ehˇ ngaˬ-euˬ Uˬ duˬ tahˬ nymˇ nymˇ ma laꞈ kʼoeˇ bi uˇ laˇ-awˇ, lawˇ duˬ-ahˇ lawˇ-eu shehˇ-eu gaˇ hawˇ-eu, uˬ duˬ tahˬ gaˇ sheuˬ gʼeh-eu gaˇ bi mˇ ma.