Bawˇtsahˬ 16:48 - Akha

⁴⁸ Aˬ yawꞈ kʼoeˇ loꞈ-ehˇ jahˇ ngeh, luˬ-iˇ seˇ-iˇ-eu jeˬ maˬ paˇ keuˆ le ni naˬ leˇ-awˇ, shiˇ taˬ-euˬ deuˬ hawˇ-eu dehꞈ luꞈ-eu deuˬ yaw kaˬ-ahˇ aˬ yawꞈ yawꞈ luꞈ-eu meh.

Bawˇtsahˬ 16:48 Referans Kwoze

2 Saˬmeuˬlaˆ 24:25

Sahˬpaˬ Miˬyehˇ gʼaˇ duˬ lawˇ duˬ tiˬ tsahˇ aˬ yawꞈ gawˬ-awˇ, miˬ dzaˬ dzah puiˆ-awˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu je lawˇ nehˬ-euˬ meh. Kʼoeˇ ngeh, aˬ yawꞈ-euˬ shaˇ dawˬ-ahˇ Sahˬpaˬ Miˬyehˇ naˇ haˬ geuꞈ nehˬ-awˇ, Iˇsaˬleˬlaˆ tsawˇ haˬ deuˬ-euˬ kʼoeˇ taˆ bi keuˆ le-euˬ yaw jaw naˇ-eu naˇ gawˇ kʼoeˇ byoˆ-iˇ-euˬ meh.

Yaˬkoˆ 5:16

Kʼoeˇ miˇ neh, naw maꞈ naˇ-eu gawˇ-eu taˬ leˇ nya ni tiˬ gʼaˬ tiˇ gʼaˬ iˬ baˇ ja doˆ-awˇ, tiˬ gʼaˬ tiˇ gʼaˬ guiˬ lahˬ shaˇ nehˬ-awˬ. Yaw tsaˬ yaw dawˇ tsawˇ haˬ tiˬ gʼaˬ neh guiˬ lahˬ shaˇ-euˬ-aˬ, baoˬ jaˆ-eu meh.

1 Teˇsaˬloˇni 1:10

Miˬyehˇ neh shiˇ-euˬ gaˇ bi gʼoꞈ dehꞈ laˇ-euˬ gʼaˬ pyeuꞈ-awˇ, aˬ dui kʼoeˇ taˆ keuˆ le-eu lehˇ gʼeh-eu Miˬyehˇ-euˬ nui ma pehˇ-eu jeˬ laꞈ kʼoeˇ aˬ dui-ahˇ ka kʼoꞈ nehˬ laꞈ-euˬ gʼaˬ pyeuꞈ-eu aˬ yawꞈ -euˬ Zaˬmaˇ Yeˬsuˇ mˬ kʼoeˇ taˆ neh zaꞈ ka le gaˇ naw maꞈ aˬ joˆ-ehˇ noeˬ tmˬ luꞈ-eu gaˇ kawˆ, aꞈ yawꞈ maꞈ ja luꞈ-eu meh.

Yoˇhaˬ 5:14

Kʼoeˇ naˇ kʼah, Uˬ duˬ tahˬ nymˇ nymˇ ma-euˬ lahˇ laꞈ kʼoeˇ tsawˇ haˬ kʼoeˇ gʼaˬ-ahˇ Yeˬsuˇ paˇ tahˬ puˬ-awˇ ehˇ nehˬ-eu, “Naˇ haˬ sheˇ. Nymˬ-mˇ nawˇ jawˇ saˇ doˆ laˇ-euˬ meh. Teu miˇ neh iˬ baˇ taˬ paˇ mˇ. Maˬ ngeuˇ naˇ yaw beh naˆ maˬ tseˇ nawˇ paˇ ya shaˬ tehꞈ-a.”

Jaceuq 106:30

Ehˇ kʼawꞈ Piˇnaˬhaˇ tuˇ laˇ-awˇ iˬ baˇ ahˇ-eu deuˬ-ahˇ kʼehˬ ngeh, naˇ gawˇ byoˆ-iˇ-euˬ meh.

Bawˇtsahˬ 16:35

Kʼoeˇ naˇ, Sahˬpaˬ Miˬyehˇ miˬ dzaˬ pyehˬ gʼeh leꞈ-awˇ, yaw saw jeˬ lawˇ luꞈ-eu tsawˇ haˬ kʼoeˇ nyiˬ yaˇ ngaˬ tseˇ gʼaˬ-ahˇ puiˆ-eu meh.

Bawˇtsahˬ 16:18

Kʼoeˇ naˇ, yawˬ gʼaˬ na luꞈ yawˬ ha-euˬ miˬ dzaˬ miˬ jiˆ pehˆ ahˇ-eu guiˬ gʼawˆ yuˇ-awˇ, doꞈ luꞈ-eu miˬ dzaˬ miˬ jiˆ hawˇ-eu yaw saw jeˬ dawˆ ahˇ-awˇ, Moˇseˬ hawˇ-eu Aˬloˬ nehˬ-ehˇ Sehˬ gʼawˆ mehˬ shi yawꞈ-euˬ meh .

Bawˇtsahˬ 16:47

Aˬloˬ gʼeh Moˇseˬ kʼaˇ ehˇ-eu loꞈ-ehˇ miˬ jiˆ pehˆ ahˇ-eu guiˬ gʼawˆ yuˇ-awˇ, tsawˇ haˬ aˇ maꞈ-euˬ yaw kaˬ-ahˇ cehˆ coeˬ coeˬ gʼeh-euˬ meh. Luˬ-iˇ seˇ-iˇ-eu jeˬ keuˆ le taˬ-eu gaˇ aˬ yawꞈ ya mawˇ ngeh, miˬ jiˆ kʼoeˇ taˆ yaw saw jeˬ dawˆ puiˆ-awˇ, tsawˇ haˬ kʼoeˇ deuˬ bi shawˇ laˇ-eu zahˇ jahˇ-euˬ meh.

Bawˇtsahˬ 16:49

Kawˇlaˆ puiˬ ngeh poˆ shiˇ-euˬ deuˬ maˬ gui ahˇ-ehˇ, kʼoeˇ gaˇ shiˇ taˬ-euˬ tsawˇ haˬ deuˬ tiˬ muiˇ oeˬ heˇ shiꞈ yaˇ gʼaˬ byah-eu meh.