Bawˇtsahˬ 16:22 - Akha

²² Ehˇ kʼawꞈ, Moˇseˬ hawˇ-eu Aˬloˬ aˬ nyaꞈ myaˆ pyawˬ miˇ tsa tuˆ ni awˆ byaˆ-awˇ, “Miˬyehˇ-oˇ, nawˇ-aˬ yaw dehꞈ kʼaˇ dehꞈ-eu jeˬ dawˬ tawˆ luꞈ-euˬ yaw sahˇ pyeuꞈ-eu meh. Tsawˇ haˬ tiˬ gʼaˬ iˬ baˇ mˇ-euˬ baˬ da neh tsawˇ haˬ aˇ maꞈ aˇ muˇ dawˬ tawˆ luꞈ-ahˇ nawˇ nui ma pehˇ te loˇ.”

Bawˇtsahˬ 16:22 Referans Kwoze

Bawˇtsahˬ 27:16

“Yaw dehꞈ kʼaˇ dehꞈ-eu jeˬ dawˬ tawˆ luꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, Iˇsaˬleˬlaˆ tsawˇ haˬ-ahˇ sheuˬ gʼeh nehˬ nya-eu tsawˇ haˬ tiˬ gʼaˬ tseˇ doˆ-awˬ lehˇ nawˬ-ahˇ ngaˇ shaˇ-eu ma.

Zaˬkaˬliˇ 12:1

Heu-aˬ, mˬ toˆ pyeh-awˇ, miˇ tsaˬ tahˬ kʼawˇ beh-awˇ, tsawˇ haˬ zaˬ-ahˇ dehꞈ-eu saꞈ laˇ biꞈ-euˬ gʼaˬ pyeuꞈ-eu Sahˬpaˬ Miˬyehˇ-euˬ dawˬ meh. Iˇsaˬleˬlaˆ miˇ kʼahˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh.

Yawˇbaˆ 12:10

Yaw dehꞈ kʼaˇ dehꞈ-eu jeˬ dawˬ tawˆ luꞈ-euˬ saꞈ laˇ Miˬyehˇ-euˬ aˬ laꞈ laꞈ kʼoeˇ jaˆ-awˇ, tsawˇ haˬ aˬ yawꞈ gʼaˬ yawꞈ-euˬ saꞈ laˇ kʼawꞈ aˬ yawꞈ-euˬ baoˬ laꞈ kʼoeˇ jaˆ jiˇ-eu meh.

HeˬByehˇ 12:9

Aˬ dui-euˬ zaˬ baw aˬ da deuˬ kʼawꞈ, aˬ dui-ahˇ diˬ laˇ-eu meh. Ehˇ kʼawꞈ, yawˬ ha-euˬ aˬ da-ahˇ aˬ dui yaw zeu baw-eu ma. Toˆ-ehˇ ngeuˇ naˇ, mˬ kʼoeˇ taˆ jawˇ-eu aˬ dui-euˬ Aˬ da pyeuꞈ-eu Miˬyehˇ-ahˇ aˬ dui aˇ naˆ ni yaw zeu baw-awˇ dehꞈ paˬ nga.

Dawˬ tsoˆ 12:7

Aˬ dui-euˬ gʼawˇ mawˇ miˇ tsaˬ-ahˇ gʼoꞈ kʼoꞈ-iˇ-awˇ, aˬ duiˬ-euˬ saꞈ laˇ-aˬ, dehꞈ-eu saꞈ laˇ biꞈ-eu yaw sahˇ pyeuꞈ-eu Miˬyehˇ jawˇ gaˇ gʼoꞈ leˇ tehꞈ-a. Aˇ yamˬ kʼoeˇ yamˬ maˬ keuˆ le mi naˆ-ehˇ, Miˬyehˇ-euˬ guiˬ lahˬ-ahˇ noeˬ keuˆ-awˬ.

Lormav 5:18

Tsawˇ haˬ zaˬ tiˬ gʼaˬ neh mˇ-euˬ iˬ baˇ baˬ da neh tsawˇ haˬ zaˬ dawˬ dawˆ luꞈ yaˇ kʼaˬ daˇ nehˬ gaˇ ya daˬ-eu loꞈ-ehˇ, tsawˇ haˬ zaˬ tiˬ gʼaˬ neh mˇ-euˬ yaw tsaˬ yaw dawˇ jeˬ baˬ da neh tsawˇ haˬ zaˬ dawˬ tawˆ luꞈ-ahˇ bi buˬ bi law-iˇ-awˇ, yaw dehꞈ bi dehꞈ-eu meh.

Iˇsaˬyaˇ 57:16

Ngaˬ-euˬ tsawˇ haˬ deuˬ-ahˇ dehꞈ-eu saꞈ laˇ biꞈ-awˇ, aˬ yawꞈ maꞈ-ahˇ ngaˇ maˬ paˇ noeˬ doeˇ-ehˇ, tiˬ jawˇ-iˬ nui ma maˬ pehˇ ma.

2 Saˬmeuˬlaˆ 24:17

Iˇsaˬleˬlaˆ tsawˇ haˬ deuˬ-ahˇ laˆ luˬ laˆ seˇ luꞈ-eu mˬ taˆ gʼaˬ kʼehˇ kʼoeˇ gʼaˬ-ahˇ Daˬbiˇ mawˇ-awˇ, Sahˬpaˬ Miˬyehˇ-ahˇ heu loꞈ-ehˇ ehˇ nehˬ-euˬ meh. “Ngaˇ iˬ baˇ ahˇ-eu ngeuˇ ma. Yaw lehˬ jeˬ mˇ-euˬ gʼaˬ-aˬ, ngaˇ ma. Tsawˇ haˬ heu deuˬ aˬ jeˬ mˇ lehˬ taˬ-eu jaˆ ta. Ngaˇ hawˇ-eu ngaˬ-euˬ nymˇ jiˇ-ahˇ tehꞈ-ehˇ nawˇ kʼehˬ nehˬ laꞈ-eu tsaˬ meh.”

Bawˇtsahˬ 16:45

“Tsawˇ haˬ heu deuˬ-euˬ dawˬ peh maˬ jawˇ ni cehˆ-awˬ. Aˬ yawꞈ maꞈ-ahˇ maˬ bi luˆ-iˇ ni tiˬ poˆ tehꞈ-ehˇ ngaˇ laˆ luˬ laˆ seˇ nehˬ ma.” Kʼoeˇ ngeh, Moˇseˬ hawˇ-eu Aˬloˬ aˬ nyaꞈ myaˆ pyawˬ miˇ tsa tuˆ ni awˆ byaˆ-euˬ meh.

Bawˇtsahˬ 14:5

Kʼoeˇ naˇ, Iˇsaˬleˬlaˆ tsawˇ haˬ dawˬ tawˆ luꞈ mehˬ shi, Moˇseˬ hawˇ-eu Aˬloˬ aˬ nyaꞈ miˇ tsaˬ-ahˇ awˆ byaˆ-euˬ meh.

Aˇ dahˬ 18:32

“Sahˬpaˬ Miˬyehˇ-oˇ, nui ma taˬ pehˇ nehˬ laꞈ siˬ. Ngaˇ heu loꞈ-ehˇ tiˬ dawˬ paˇ naˇ haˬ la siˬ. Tseˇ gʼaˬ tehꞈ-ehˇ jawˇ naˇ aˬ joˆ-ehˇ jahˇ nehˬ nmˇ” lehˇ, Aˬbyaˬhaˬ paˇ naˇ haˬ ngeh, “Iˬ baˇ maˬ mˇ-eu tsawˇ haˬ tseˇ gʼaˬ tehꞈ-ehˇ jawˇ lawˬ naˇ kʼawꞈ, meuˬ kʼoeˇ meuˬ-ahˇ ngaˇ maˬ laˆ cawˆ” lehˇ, Sahˬpaˬ Miˬyehˇ ehˇ kʼoꞈ nehˬ-euˬ meh.

1 Gawˇliˬtu 13:7

Gʼoeˇ-eu gaˬ-eu jeˬ-aˬ, dawˬ tawˆ luꞈ-ahˇ daˬ coeˇ-eu meh. Dawˬ tawˆ luꞈ-ahˇ jah coeˇ-eu meh. Dawˬ tawˆ luꞈ-ahˇ noeˬ tmˬ coeˇ-eu meh. Dawˬ tawˆ luꞈ-ahˇ oˇ coeˇ-eu meh.

2 Saˬmeuˬlaˆ 24:1

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ laˇ-awˇ, Daˬbiˇ-ahˇ gʼoe-eu laꞈ kʼoeˇ, Iˇsaˬleˬlaˆ tsawˇ haˬ deuˬ kʼoeˇ taˆ shaˬ-eu zahˬ-eu jeˬ bi keuˆ le-euˬ meh.

Bawˇtsahˬ 16:4

Dawˬ kʼoeˇ dawˬ-ahˇ Moˇseˬ ya gaˬ ngeh, Miˇ tsaˬ-ahˇ ga lah-awˇ guiˬ lahˬ shaˇ-euˬ meh.

Uˬ duˬ 4:3

Piˇ ma yaw huiˬ gʼaˬ iˬ baˇ mˇ-awˇ, Iˇsaˬleˬlaˆ tsawˇ haˬ deuˬ kʼoeˇ taˆ iˬ baˇ keuˆ le naˇ, maˇ byawꞈ maˬ baw-eu mawˇ neˇ mawˇ gaw zaˬ tiˬ mawˇ aˬ yawꞈ tsahˇ laꞈ-awˇ, aˬ yawꞈ-euˬ iˬ baˇ gʼaˇ duˬ, Sahˬpaˬ Miˬyehˇ-ahˇ ya lawˇ meh.

Uˬ duˬ 10:6

Aˬloˬ hawˇ-eu aˬ yawꞈ-euˬ aˬ li Eˇlaˬzaˬ hawˇ-eu Iˇdaˬmaˬ-ahˇ Moˇseˬ ehˇ nehˬ-eu, “Naw maꞈ noeˬ shaˬ-eu laꞈ kʼoeˇ tsawˇ ngoeˇ ngoeˇ luꞈ-eu gaˇ kawˆ bi siˬ bi mawˇ-eu gʼaˇ duˬ, uˬ duˬ tsehˇ kahˇ maˬ kaˆ juˇ ni jawˇ-eu maˬ ehˇ, mehˬ tsoeˬ cehˬ pyaˬ-eu maˬ ehˇ, taˬ jahˇ. Kʼoeˇ loꞈ-ehˇ jahˇ naˇ, naw maꞈ ya shiˇ-awˇ, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ-ahˇ Sahˬpaˬ Miˬyehˇ nui ma pehˇ tehꞈ-a. Ehˇ kʼawꞈ, naw maꞈ-euˬ cawˬ Iˇsaˬleˬlaˆ tsawˇ haˬ deuˬ-aˬ, Sahˬpaˬ Miˬyehˇ neh pyehˬ gʼeh leꞈ-euˬ miˬ dzaˬ baˬ da neh ya shiˇ-euˬ jeˬ gʼaˇ duˬ, tsawˇ ngoeˇ ngoeˇ nehˬ nya tehꞈ-a.

Bawˇtsahˬ 16:23

Moˇseˬ-ahˇ Sahˬpaˬ Miˬyehˇ heu loꞈ-ehˇ paˇ ehˇ nehˬ-euˬ meh.

Yawˇshuˆ 22:18

Naw maꞈ Sahˬpaˬ Miˬyehˇ mehˬ nah maˬ caw teh ni byehˇ-eu lehˇ gʼeh te loˇ. Iˬ nah naw maꞈ Sahˬpaˬ Miˬyehˇ-ahˇ puiˬ te lehˇ ngeuˇ naˇ, ni shawˬ nah Iˇsaˬleˬlaˆ tsawˇ haˬ dawˬ tawˆ luꞈ-ahˇ Sahˬpaˬ Miˬyehˇ nui ma pehˇ tehꞈ-a.

Yeˬlaˬmiˇ 32:27

“Ngaˇ-aˬ, miˇ tsaˬ zaˬ dawˬ tawˆ luꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Ngaˇ maˬ mˇ nya-eu tiˬ jeˬ-iˬ maˬ jaˆ.

Yeˬlaˬmiˇ 38:16

Kʼoeˇ ngeh, sahˬ paˬ Zeˬdaˬkiˇ ngaˬ-ahˇ ciˬ cuˇ ni kʼoeˬ saˆ-awˇ, “Nawˬ-ahˇ ngaˇ maˬ sehꞈ-eu uˬ taꞈ, nawˬ-ahˇ sehꞈ mawꞈ-eu deuˬ-euˬ laꞈ-ahˇ kʼawꞈ maˬ bi ahˇ leˇ lehˇ, aˬ dui-ahˇ dehꞈ-eu saꞈ laˇ biꞈ laꞈ-euˬ Miˬyehˇ pyeuꞈ-eu, dehꞈ luꞈ-eu Miˬyehˇ mehˬ shi ngaˇ kamˬ-eu ma.”

Yeˬsaˬgeˬlaˇ 18:4

Tsawˇ haˬ yawˬ gʼaˬ na luꞈ-eu saꞈ laˇ ngaˬ-euˬ tehꞈ ma. Aˬ da aˬ ma deuˬ-euˬ saꞈ laˇ maˬ ehˇ, zaˬ deuˬ-euˬ saꞈ laˇ maˬ ehˇ, ngaˬ-euˬ tehꞈ ma. Iˬ baˇ mˇ-eu tsawˇ haˬ aˬ yawꞈ gʼaˬ ya shiˇ tehꞈ-a.

Jaceuq 99:6

Moˇseˬ hawˇ-eu Aˬloˬ aˬ yawꞈ-euˬ piˇ ma pyeuꞈ-awˇ, Saˬmeuˬlaˆ-aˬ, aˬ yawꞈ-ahˇ guiˬ lahˬ shaˇ-eu gʼaˬ meh. Aˬ yawꞈ maꞈ Sahˬpaˬ Miˬyehˇ-ahˇ kuˇ ngeh, aˬ yawꞈ naˇ haˬ nehˬ-euˬ meh.