Bawˇtsahˬ 15:8 - Akha

⁸ Miˬ dzaˬ dzah puiˆ-awˇ lawˇ-eu jeˬ maˬ ehˇ, saˇ jaˇ dzaˬ-eu lawˇ-eu jeˬ maˬ ehˇ, cawˬ cawˬ taꞈ-eu lawˇ-eu jeˬ maˬ ehˇ, mawˇ neˇ mawˇ gaw tiˬ mawˇ tsahˇ-awˇ Sahˬpaˬ Miˬyehˇ-ahˇ lawˇ ngeh,

Bawˇtsahˬ 15:8 Referans Kwoze

Uˬ duˬ 3:1

Tsawˇ haˬ tiˬ gʼaˬ na, cawˬ cawˬ taꞈ-eu lawˇ-eu jeˬ gʼaˇ duˬ mawˇ neˇ lawˇ mawꞈ naˇ, maˇ byawꞈ maˬ baw-eu mawˇ gaw maˬ ngeuˇ naˇ, maˇ byawꞈ maˬ baw-eu mawˇ ma ya lawˇ meh.

Uˬ duˬ 1:3

Miˬ dzaˬ dzah puiˆ-awˇ lawˇ-eu jeˬ gʼaˇ duˬ mawˇ neˇ lawˇ mawꞈ naˇ, maˇ byawꞈ maˬ baw-eu mawˇ neˇ mawˇ gaw tiˬ mawˇ aˬ yawꞈ ya tsahˇ laꞈ meh. Aˬ yawꞈ neh lawˇ nehˬ-euˬ jeˬ-ahˇ Sahˬpaˬ Miˬyehˇ bi ha geuꞈ-eu gʼaˇ duˬ, mawˇ neˇ kʼoeˇ mawˇ-ahˇ, Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ ya tsahˇ keuˆ laꞈ meh.

Uˬ duˬ 1:9

Tsawˇ haˬ kʼoeˇ gʼaˬ tsahˬ nahˬ uˇ jiˇ deuˬ hawˇ-eu aˬ kuiˇ deuˬ ya tsiˬ shawˇ-awˇ, aˬ yuiꞈ geuꞈ-awˇ gaˇ mˇ luꞈ-eu piˇ ma gʼaˬ-aˬ, mawˇ neˇ kʼoeˇ mawˇ mawˇ lah ni lawˇ duˬ kʼoeˇ taˆ ya dzah puiˆ meh. Heu loꞈ-ehˇ lawˇ-euˬ dzaˬ dzaˬ dawˇ dawˇ lawˇ-eu yaw saꞈ kʼoeˇ-ahˇ, Sahˬpaˬ Miˬyehˇ nui ma tsaˬ-eu meh.

Uˬ duˬ 3:5

Heu deuˬ-ahˇ piˇ ma yuˇ-awˇ, miˬ dzaˬ-ahˇ dzah puiˆ-awˇ lawˇ-eu jeˬ nehˬ-ehˇ ya lawˇ keuˬ meh. Heu loꞈ-ehˇ lawˇ-euˬ dzaˬ dzaˬ dawˇ dawˇ lawˇ-eu yaw saꞈ-ahˇ, Sahˬpaˬ Miˬyehˇ nui ma tsaˬ-eu meh.

Uˬ duˬ 22:21

Tsawˇ haˬ tiˬ gʼaˬ na, saˇ jaˇ dzaˬ-eu laꞈ kʼoeˇ maˬ ehˇ, nui ma keuˆ-eu miˇ neh maˬ ehˇ, cawˬ cawˬ taꞈ-eu lawˇ-eu jeˬ lawˇ ngeh, Sahˬpaˬ Miˬyehˇ neh bi ha geuꞈ mawꞈ naˇ, maˇ byawꞈ maˬ baw-eu jeˬ zaˬ ya lawˇ meh.

Bawˇtsahˬ 8:8

Mawˇ neˇ mawˇ gaw zaˬ tiˬ mawˇ hawˇ-eu dzaˬ la gʼo cehˇ lawˇ-eu jeˬ gʼaˇ duˬ, saˬ loˬ tsiˇ keuˬ taˬ-euˬ cehˇ meu aˬ yawꞈ maꞈ ya yuˇ laꞈ-awˇ, iˬ baˇ shawˇ-eu lawˇ-eu jeˬ gʼaˇ duˬ mawˇ neˇ mawˇ gaw yawˬ mawˇ yawˬ nawˇ ya yuˇ laꞈ meh.

Bawˇtsahˬ 15:7

Kʼoeˇ nehˬ-ehˇ tiˬ kawˆ loꞈ-ehˇ, aˬ gaꞈ dzaˇ uiˇ maˇ tsaꞈ tiˬ tsaꞈ uˬ taꞈ tiˬ kʼoeˆ ya lawˇ ahˇ meh. Kʼoeˇ loꞈ-ehˇ lawˇ-euˬ yaw saꞈ-ahˇ Sahˬpaˬ Miˬyehˇ nui ma tsaˬ-eu meh.

Bawˇtsahˬ 15:9

saˬ loˬ tsiˇ maˇ tsaꞈ nyiˬ tsaꞈ keuˬ taˬ-euˬ muiˬ-eu cehˇ meuˬ smˇ pehˬ yuˇ-awˇ, dzaˬ la gʼo cehˇ lawˇ-eu jeˬ loꞈ-ehˇ ya lawˇ ahˇ meh.

Bawˇtsahˬ 15:24

Tsawˇ haˬ aˇ maꞈ aˇ muˇ dawˬ tawˆ luꞈ maˬ siˬ nya-eu laꞈ kʼoeˇ maˬ noeˬ maˬ duˇ-ehˇ mˇ lehˬ-euˬ jeˬ ngeuˇ naˇ, Sahˬpaˬ Miˬyehˇ nui ma tsaˬ ni yaw saꞈ bi le-eu gʼaˇ duˬ, mawˇ neˇ mawˇ gaw tiˬ mawˇ tsahˇ-awˇ, miˬ dzaˬ dzah puiˆ-awˇ lawˇ-eu jeˬ ya lawˇ meh. Kʼoeˇ nehˬ-ehˇ tiˬ kawˆ loꞈ-ehˇ, dzaˬ la gʼo cehˇ lawˇ-eu jeˬ hawˇ-eu aˬ gaꞈ dzaˇ uiˇ lawˇ-eu jeˬ kʼawꞈ ya lawˇ meh. Kʼoeˇ uˬ taꞈ, ciꞈ myehꞈ ciꞈ buˬ tiˬ mawˇ tsahˇ-awˇ, iˬ baˇ shawˇ-eu lawˇ-eu jeˬ aˬ yawꞈ maꞈ ya lawˇ meh.