Bawˇtsahˬ 15:5 - Akha

⁵ Yawˇ nyehꞈ-awˇ, miˬ dzaˬ dzah puiˆ-awˇ lawˇ-eu jeˬ lawˇ ngeh, aˬ gaꞈ dzaˇ uiˇ maˇ tsaꞈ tiˬ tsaꞈ ya lehˬ hmˬ meh.

Bawˇtsahˬ 15:5 Referans Kwoze

Bawˇtsahˬ 28:14

Aˬ gaꞈ dzaˇ uiˇ lawˇ-eu jeˬ-ahˇ heu loꞈ-ehˇ ya lawˇ meh. Mawˇ neˇ mawˇ gaw aˬ yawꞈ mawˇ yawꞈ nehˬ-ehˇ aˬ gaꞈ dzaˇ uiˇ maˇ tsaꞈ nyiˬ tsaꞈ, yawˇ aˬ buˬ aˬ yawꞈ mawˇ yawꞈ nehˬ-ehˇ maˇ tsaꞈ tiˬ tsaꞈ uˬ taꞈ tiˬ kʼoeˆ, yawˇ zaˬ aˬ yawꞈ mawˇ yawꞈ nehˬ-ehˇ maˇ tsaꞈ tiˬ tsaꞈ ya lawˇ ahˇ meh. Heu-aˬ, kʼoꞈ kʼoꞈ lah ni, la shuiꞈ ngeh nah ya lawˇ-eu miˬ dzaˬ dzah puiˆ-awˇ lawˇ-eu zahˇ sahˇ kʼoꞈ pyeuꞈ-eu meh.

Bawˇtsahˬ 28:7

Yaw beh lawˇ-euˬ yawˇ zaˬ kʼoeˇ mawˇ nehˬ-ehˇ, lawˇ duˬ kʼoeˇ taˆ aˬ gaꞈ dzaˇ uiˇ tiˬ tsaꞈ shehˆ daˆ-awˇ, aˬ gaꞈ dzaˇ uiˇ lawˇ-eu jeˬ lawˇ-awˬ.

2 Tiˆmoˇseˬ 4:6

Ngaˇ-aˬ, ngaˬ-euˬ gʼawˇ mawˇ ya lawˇ nehˬ-eu aˇ yamˬ keuˆ le-euˬ meh. Miˇ tsaˬ kʼoeˇ taˆ yaw dehꞈ dehꞈ-eu jeˬ-ahˇ byehˇ yaꞈ-awˇ ya gʼoꞈ leˇ-eu aˇ yamˬ nymˬ-mˇ keuˆ le taˬ-euˬ meh.

Piˇliˇpiˆ 2:17

Naw maꞈ-euˬ jah-eu jeˬ Miˬyehˇ-ahˇ lawˇ nehˬ-euˬ kʼoeˇ taˆ, ngaˬ-euˬ shiˬ ya shehˆ daˆ nehˬ law hawˇ kʼawꞈ, ngaˇ nui kʼahˇ shiˇ-awˇ, naw maꞈ dawˬ tawˆ luꞈ nehˬ-ehˇ tiˬ kawˆ loꞈ-ehˇ laˬ kʼaˬ caw cehˇ-eu ma.

Zaˬkaˬliˇ 9:17

Aˬ yawꞈ-euˬ miˇ kʼahˬ kʼoeˇ kʼahˬ-aˬ, aˇ naˆ haw muiˬ-eu miˇ kʼahˬ nga. Dzaˬ la gʼo cehˇ aˬ gaꞈ dzaˇ uiˇ, zaˬ guˬ aˬ lmˬ bi mehˇ tehꞈ-a.

Dawˬ caˇ 1:4

Ngaˬ-ahˇ sheuˬ-awˬ. Nawˬ nehˬ-ehˇ ngaˇ cehˆ kʼoeˬ ma. Ngaˬ-euˬ sahˬ paˬ geuꞈ-awˇ, nawˬ-euˬ kuˆ lawˆ-ahˇ sheuˬ ahˇ nehˬ laꞈ-awˬ. Nawˬ nehˬ-ehˇ nga maꞈ laˬ kʼaˬ cehˇ-awˇ, aˬ gaꞈ dzaˇ uiˇ naˆ maˬ tseˇ nawˬ-euˬ nui gaˬ-ahˇ ja ceuˬ-eu ma. Zaˬ miˬ zaˬ dawˬ tawˆ luꞈ nawˬ-ahˇ gaˬ-eu zahˬ leˇ duˬ maˬ jaˆ-a.

Jaceuq 116:13

Sahˬpaˬ Miˬyehˇ ka kʼoꞈ nehˬ laꞈ-euˬ guiˬ lahˬ-ahˇ noeˬ keuˆ-awˇ, aˬ yawꞈ-ahˇ aˬ gaꞈ dzaˇ uiˇ lawˇ nehˬ ma.

Yaˇ kʼaˬ daˇ 9:13

Ehˇ kʼawꞈ, aˬ gaꞈ baw duˆ ehˇ-eu, ‘Naw maꞈ-ahˇ ngaˇ uˆ lahˇ uˆ lahˇ-ehˇ jawˇ naˇ, miˬ yehˇ hawˇ-eu tsawˇ haˬ zaˬ deuˬ-ahˇ laˬ kʼaˬ bi cehˇ-eu aˬ gaꞈ dzaˇ uiˇ ngaˇ maˬ paˇ bi doˆ le nya meh’ lehˇ ehˇ-eu meh.

Uˬ duˬ 1:10

Tsawˇ haˬ tiˬ gʼaˬ na, yawˬ ha-euˬ yawˇ maˬ ehˇ, ciꞈ myehꞈ maˬ ehˇ, lawˇ mawꞈ naˇ, maˇ byawꞈ maˬ baw-eu yawˇ aˬ buˬ maˬ ngeuˇ naˇ, maˇ byawꞈ maˬ baw-eu ciꞈ myehꞈ ciꞈ buˬ ya lawˇ meh.

Uˬ duˬ 3:6

Cawˬ cawˬ taꞈ-eu lawˇ-eu jeˬ gʼaˇ duˬ, yawˇ maˬ ehˇ, ciꞈ myehꞈ maˬ ehˇ, lawˇ naˇ, aˬ buˬ kʼawꞈ muiˬ, aˬ ma kʼawꞈ muiˬ, geuꞈ nya meh. Ehˇ kʼawꞈ, maˇ byawꞈ maˬ ya bi baw-a.

Uˬ duˬ 3:7

Tsawˇ haˬ tiˬ gʼaˬ yawˇ lawˇ nehˬ naˇ,

Bawˇtsahˬ 15:6

Yawˇ aˬ buˬ lawˇ ngeh, saˬ loˬ tsiˇ maˇ tsaꞈ tiˬ tsaꞈ uˬ taꞈ tiˬ kʼoeˆ keuˬ taˬ-euˬ muiˬ-eu cehˇ meu nyiˬ pehˬ yuˇ-awˇ, dzaˬ la gʼo cehˇ lawˇ-eu jeˬ loꞈ-ehˇ ya lawˇ ahˇ meh.

Bawˇtsahˬ 15:11

“Mawˇ neˇ mawˇ gaw maˬ ehˇ, yawˇ aˬ buˬ maˬ ehˇ, yawˇ maˬ ngeuˇ naˇ ciꞈ myehꞈ maˬ ehˇ, tiˬ mawˇ na lawˇ ngeh, kʼoeˇ loꞈ-ehˇ dzaˬ la gʼo cehˇ lawˇ-eu jeˬ ya lawˇ ahˇ meh.

2 Laˬsaˬbaˬ 29:35

Piˇ ma deuˬ-aˬ, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu jeˬ ya lawˇ-eu uˬ taꞈ, tsawˇ haˬ aˇ maꞈ dzaˬ-eu gʼaˇ duˬ lawˇ-euˬ jeˬ zaˬ deuˬ-euˬ tsiˇ deuˬ ya dzah puiˆ-eu gaˇ hawˇ-eu, miˬ dzaˬ dzah puiˆ-awˇ lawˇ-euˬ jeˬ nehˬ-ehˇ lawˇ caw-eu aˬ gaꞈ dzaˇ uiˇ shehˆ sehꞈ-eu gaˇ kʼawꞈ ya mˇ-eu meh. Kʼoeˇ loꞈ-ehˇ, Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ-eu jeˬ-ahˇ aˬ yawꞈ maꞈ aˇ dahˬ paˇ beh poˆ-euˬ meh.

Doˆ-iˇ 29:40

Yaw beh lawˇ-euˬ yawˇ zaˬ kʼoeˇ mawˇ nehˬ-ehˇ, saˬ loˬ tsiˇ maˇ tsaꞈ nyiˬ tsaꞈ keuˬ taˬ-euˬ muiˬ-eu cehˇ meu tiˬ pehˬ ya lawˇ ahˇ meh. Aˬ gaꞈ dzaˇ uiˇ maˇ tsaꞈ kʼawꞈ tiˬ tsaꞈ shehˆ-awˇ ya lawˇ meh.

Uˬ duˬ 23:13

Saˬ loˬ tsiˇ keuˬ taˬ-euˬ cehˇ meu nyiˬ pehˬ yuˇ-awˇ, yawˇ kʼoeˇ mawˇ nehˬ-ehˇ tiˬ kawˆ loꞈ-ehˇ, dzaˬ dzaˬ dawˇ dawˇ lawˇ-eu jeˬ naw maꞈ ya lawˇ meh. Kʼoeˇ loꞈ-ehˇ lawˇ-euˬ yaw saꞈ-ahˇ Sahˬpaˬ Miˬyehˇ nui ma tsaˬ-eu meh. Aˬ gaꞈ dzaˇ uiˇ maˇ tsaꞈ tiˬ tsaꞈ dzehˬ ni naw maꞈ ya lawˇ ahˇ meh.

Eˇzaˬlaˬ 7:17

“Pyuˇ kʼoeˇ deuˬ-ahˇ nawˇ saˇ jaˇ taˬ-awˇ zmˬ-eu laꞈ kʼoeˇ, mawˇ neˇ deuˬ, yawˇ deuˬ, yawˇ zaˬ deuˬ, cehˇ deuˬ hawˇ-eu aˬ gaꞈ dzaˇ uiˇ zeuˇ-awˇ, Yeˬluˇsaˬlehˬ meuˬ-euˬ Uˬ duˬ tahˬ nymˇ nymˇ ma-ahˇ jaˆ-eu lawˇ duˬ kʼoeˇ taˆ ya lawˇ meh.