Bawˇtsahˬ 14:44 - Akha

⁴⁴ Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ hawˇ-eu Moˇseˬ-euˬ gʼawˇ mawˇ maˬ luˆ-iˇ ni jawˇ luꞈ-eu kʼawꞈ, aˬ yawꞈ maꞈ maˬ guˆ ni, gawˬ jawˬ gawˬ duˇ jaˆ-eu miˇ kʼahˬ-ahˇ le-euˬ meh.

Bawˇtsahˬ 14:44 Referans Kwoze

Dawˬmehˬ 1:43

Sahˬpaˬ Miˬyehˇ neh kʼaˇ ehˇ-euˬ loꞈ-ehˇ, naw maꞈ-ahˇ ngaˇ dzawˇ nehˬ-euˬ kʼawꞈ, naw maꞈ maˬ naˇ haˬ geuꞈ-a. Naw maꞈ Sahˬpaˬ Miˬyehˇ-euˬ ehˇ dawˬ-ahˇ puiˬ-awˇ, nui ma huiˬ-eu laꞈ kʼoeˇ, gawˬ jawˬ gawˬ duˇ-ahˇ guiˇ deuˆ leˇ-eu lehˇ le-euˬ meh.

Bawˇtsahˬ 31:6

Moˇseˬ-aˬ, tsawˇ haˬ kʼoeˇ deuˬ-ahˇ, muiˬ-eu shawˇ-eu keu ka hawˇ-eu daˇ heh yuˇ luꞈ-eu piˇ ma Eˇlaˬzaˬ-euˬ aˬ li Piˇnaˬhaˇ neh bi uˆ lahˇ-awˇ, guiˇ bi deuˆ leˇ-euˬ meh.

Bawˇtsahˬ 15:30

Ehˇ kʼawꞈ, Iˇsaˬleˬlaˆ tsawˇ haˬ tiˬ gʼaˬ na maˬ ehˇ, boeˇ miˬ siˬ kʼaˬ tiˬ gʼaˬ na maˬ ehˇ, maˇ maˇ ni iˬ baˇ mˇ ma lehˇ noeˬ-awˇ mˇ naˇ, Sahˬpaˬ Miˬyehˇ-ahˇ yehˬ bawˬ sehˇ lu-ehˇ gʼeh-eu iˬ baˇ naꞈ-eu miˇ neh, sehꞈ gaˇ ya daˬ tehꞈ-a.

Bawˇtsahˬ 10:33

Iˇsaˬleˬlaˆ tsawˇ haˬ deuˬ muiˬ-eu shawˇ-eu gawˬ jawˬ pyeuꞈ-eu Siˇnaˆ gawˬ jawˬ-ahˇ neh doˆ-iˇ ngeh, smˬ nah gaˇ ma iˇ gʼeh-euˬ meh. Aˬ yawꞈ maꞈ jawˇ naˬ-eu jawˇ duˬ mawˇ nya-eu gʼaˇ duˬ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ kʼoeˇ aˬ myah luꞈ aˬ yawꞈ maꞈ-euˬ mehˬ hu paw tehꞈ-ehˇ iˇ luꞈ-eu meh.

Bawˇtsahˬ 14:43

Aˬmaˬlehˇ tsawˇ jeuˬ hawˇ-eu Kaˬnaˬ tsawˇ jeuˬ-ahˇ naw maꞈ guiˇ deuˆ ngeh, naw maꞈ ya shiˇ jiˇ tehꞈ-a. Sahˬpaˬ Miˬyehˇ naw maꞈ nehˬ-ehˇ maˬ jawˇ-aˇ. Aˬ jeˬ miˇ neh ehˇ naˇ, naw maꞈ aˬ yawꞈ-euˬ mehˬ nah maˬ caw teh-euˬ miˇ neh meh.”