Bawˇtsahˬ 14:2 - Akha

² Aꞈ yawꞈ maꞈ nui ma cawˆ-eu laꞈ kʼoeˇ, Moˇseˬ hawˇ-eu Aˬloˬ-ahˇ iˬ baˇ taˬ-awˇ ehˇ-eu, “Iˇjiˇtuˆ miˇ kʼahˬ laꞈ kʼoeˇ ya shiˇ law nmˇ-aˬ muiˬ dzehˬ tehꞈ-a. Heu gaˇ, bawˇ tsahˬ bawˇ dahˇ heu tsahˇ laꞈ kʼoeˇ ya shiˇ law nmˇ kʼawꞈ, zaˬ dzehˬ tehꞈ-a.

Bawˇtsahˬ 14:2 Referans Kwoze

Doˆ-iˇ 15:24

Iˇsaˬleˬlaˆ tsawˇ haˬ kʼoeˇ deuˬ nui ma cawˆ-eu laꞈ kʼoeˇ, “Nga maꞈ aˬ jeˬ dawˇ nmˇ” lehˇ, Moˇseˬ-ahˇ ehˇ nehˬ-euˬ meh.

Bawˇtsahˬ 16:41

Yawˬ nah yawˬ, Iˇsaˬleˬlaˆ tsawˇ haˬ aˇ maꞈ deuˬ Moˇseˬ hawˇ-eu Aˬloˬ-ahˇ iˬ baˇ taˬ-awˇ, “Sahˬpaˬ Miˬyehˇ-euˬ tsawˇ haˬ tiˬ paˆ na deuˬ-ahˇ naw nyaꞈ sehꞈ-euˬ meh” lehˇ ehˇ-eu meh.

Doˆ-iˇ 17:3

Ehˇ kʼawꞈ, tsawˇ haˬ kʼoeˇ deuˬ iˇ cuꞈ mehꞈ-eu miˇ neh, Moˇseˬ-ahˇ iˬ baˇ taˬ-eu maˬ tsehˆ leˇ-a. “Aˬ jeˬ miˇ neh nga maꞈ-ahˇ nawˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ laꞈ teˬ. Nga maꞈ hawˇ-eu nga maꞈ-euˬ zaˬ deuˬ maˬ ehˇ, nga maꞈ-euˬ jeˬ zaˬ deuˬ maˬ ehˇ, bi shiˇ jiˇ-eu lehˇ sheuˬ doˆ laꞈ teˬ loˇ” lehˇ aˬ yawꞈ maꞈ ehˇ-euˬ meh.

Yuˇdaˆ 1:16

Tsawˇ haˬ kʼoeˇ deuˬ-aˬ, aˬ myah luꞈ aˬ cawˬ-ahˇ toˇ toˇ-ehˇ iˬ baˇ taˬ-eu meh. Yawˬ ha-euˬ maˬ muiˬ maˬ jaˬ-eu nui kʼahˇ mehˬ nah caw teh-eu meh. Yawˬ ha-euˬ gaˇ kawˆ kʼahˬ sehˇ jehˆ-awˇ, yawˬ ha-ahˇ muiˬ laˇ ni aˬ cawˬ-ahˇ ja poeˬ nehˬ nya-eu meh.

1 Gawˇliˬtu 10:10

Aˬ yawꞈ maꞈ tiˬ paˆ na deuˬ Miˬyehˇ-ahˇ toˇ-euˬ loꞈ-ehˇ aˬ dui maˬ ya toˇ-a.‘ Aˬ yawꞈ maꞈ kʼoeˇ loꞈ-ehˇ toˇ-euˬ miˇ neh, shiˇ-eu jeˬ-euˬ mˬ taˆ gʼaˬ kʼehˇ neh bi laˆ cawˆ-euˬ meh.

Yawˇnaˆ 4:8

Nahˇ ma goˇ laˇ ngeh, nahˇ ma doˆ kʼehˬ paw-euˬ lahˇ dui dui-eu jaˬ lehˇ-ahˇ Miˬyehˇ pyehˬ gʼeh laꞈ-euˬ miˇ neh, Yawˇnaˆ-euˬ uˬ duˬ-ahˇ nahˇ tsaˇ zaw dui dui leˇ-awˇ, myaꞈ leˇ paˬ-ehˇ pyeuꞈ-iˇ-euˬ meh. Kʼoeˇ ngeh, ya shiˇ law nmˇ-aˬ gʼaˬ miˇ-a lehˇ aˬ yawꞈ noeˬ-awˇ, “Dehꞈ-eu naˆ maˬ tseˇ shiˇ-eu-aˬ ngaˬ-euˬ gʼaˇ duˬ zaˬ miˇ-a” lehˇ ehˇ-eu meh.

Yawˇnaˆ 4:3

Sahˬpaˬ Miˬyehˇ-oˇ, ngaˬ-ahˇ bi shiˇ laꞈ-awˬ. Dehꞈ-eu naˆ maˬ tseˇ shiˇ-eu-aˬ, ngaˬ-euˬ gʼaˇ duˬ zaˬ dzehˬ miˇ-a.”

Jaceuq 106:24

Miˬyehˇ-euˬ saˇ jaˇ-ahˇ maˬ jah-euˬ miˇ neh, nui saˇ oꞈ-eu miˇ kʼahˬ maˬ ya geuꞈ-aˬ.

Dawˬmehˬ 1:27

Iˬ baˇ taˬ-eu dawˬ ngehˬ-eu laꞈ kʼoeˇ naw maꞈ ehˇ-eu, ‘Sahˬpaˬ Miˬyehˇ aˬ dui-ahˇ bye-eu miˇ neh, Iˇjiˇtuˆ miˇ kʼahˬ laꞈ kʼoeˇ neh sheuˬ doˆ laꞈ-awˇ, Aˬmoˬ tsawˇ haˬ heu deuˬ neh bi sehꞈ-eu lehˇ, aˬ dui-ahˇ heu gaˇ sheuˬ laꞈ-euˬ ngaˇ.

Bawˇtsahˬ 11:15

Heu loꞈ-ehˇ tehꞈ-ehˇ ngaˬ-ahˇ bi mˇ te lehˇ ngeuˇ naˇ, ngaˬ-ahˇ gʼawˬ shaˬ gaˬ-eu laꞈ kʼoeˇ nymˬ-mˇ mi naˆ-ehˇ bi shiˇ nehˬ laꞈ-awˬ. Nawˇ kʼehˬ nehˬ kʼaˆnehˬ laꞈ-eu heu-ahˇ ngaˇ maˬ paˇ ya daˬ-aˇ.”

Bawˇtsahˬ 11:1

Iˇsaˬleˬlaˆ tsawˇ haˬ deuˬ yawˬ ha ya shaˬ ya zahˬ-eu gaˇ kawˆ, Sahˬpaˬ Miˬyehˇ mehˬ shi toˇ-eu meh. Aˬ yawꞈ maꞈ kʼoeˇ loꞈ-ehˇ toˇ-eu Sahˬpaˬ Miˬyehˇ ya gaˬ ngeh nui ma pehˇ laˇ-awˇ, Iˇsaˬleˬlaˆ tsawˇ haˬ deuˬ kʼoeˇ taˆ miˬ dzaˬ pyehˬ gʼeh leꞈ-eu meh. Miˬ dzaˬ kʼoeˇ aˬ yawꞈ maꞈ jawˇ gaˇ doꞈ laˇ-awˇ, taˆ-euˬ gaˇ dzeˇ dzeˇ saˬ paw jawˇ-eu tsawˇ haˬ tiˬ paˆ na deuˬ bi puiˆ sehꞈ-euˬ meh.

Jaceuq 106:45

Aˬ yawꞈ maꞈ-euˬ gʼaˇ duˬ dawˬ ma saˇ jaˇ-ahˇ noeˬ keuˆ nehˬ-awˇ, aˬ yawꞈ-euˬ huiˬ-eu gʼoeˇ-eu gaˬ-eu jeˬ baˬ da neh, aˬ yawꞈ nui ma juˆ-iˇ-eu laꞈ kʼoeˇ,

Yawˇbaˆ 3:11

“Ngaˬ ma-euˬ uˬ maˆ laꞈ kʼoeˇ neh shiˇ-euˬ law nmˇ-aˬ gʼaˬ miˇ-a. Maˬ ngeuˇ naˇ kʼawꞈ, dehꞈ le-euˬ nehˬ-ehˇ shiˇ-euˬ law nmˇ-aˬ shaw miˇ-a.

1 Sahˬpaˬ 19:4

Kʼoeˇ naˇ, nah ga-ehˇ bawˇ tsahˬ bawˇ dahˇ paw aˬ yawꞈ le gʼeh leꞈ-euˬ meh. Aˇ bawˇ naˇ shmˇ dawˬ pehˬ-ahˇ aˬ yawꞈ gʼaˬ naˬ naˬ-awˇ nuiˇ-eu laꞈ kʼoeˇ, yaw dehꞈ dehꞈ-awˇ maˬ paˇ jawˇ mawꞈ-eu miˇ neh, “Sahˬpaˬ Miˬyehˇ-oˇ, gʼaˬ dzaˬ gʼaˬ dawˇ miˇ-a. Ngaˬ-euˬ saꞈ laˇ yuˇ kʼoꞈ nehˬ laꞈ-awˬ. Ngaˇ yaw dehꞈ maˬ paˇ dehꞈ mawꞈ miˇ-a” lehˇ guiˬ lahˬ shaˇ-euˬ meh.

HeˬByehˇ 3:16

Miˬyehˇ-euˬ dawˬ ya gaˬ-awˇ Miˬyehˇ-ahˇ puiˬ-euˬ tsawˇ haˬ deuˬ aˬ suˇ gʼaˬ-a. Iˇjiˇtuˆ miˇ kʼahˬ laꞈ kʼoeˇ Moˇseˬ neh sheuˬ doˆ nehˬ-euˬ tsawˇ haˬ kʼoeˇ deuˬ dawˬ tawˆ luꞈ maˬ ngeuˇ-a loˇ.

Bawˇtsahˬ 11:5

Iˇjiˇtuˆ miˇ kʼahˬ laꞈ kʼoeˇ jawˇ ngeh, kʼaˇ dzaˬ mawꞈ-eu ngaˬ shaˬ deuˬ aˇ poeˬ maˬ jiˇ ni ya dzaˬ ya dzaˬ-ehˇ jawˇ-euˬ ma. Aˬ dui neh dzaˬ yaꞈ-euˬ siˬ kʼoˬ, deh namˬ, sehˇ guˬ, sehˇ bawˬ, sehˇ puˇ, kʼoeˇ deuˬ-ahˇ noeˬ mawˇ dui dui nya.

Bawˇtsahˬ 14:1

Iˇsaˬleˬlaˆ tsawˇ haˬ deuˬ nui ma cawˆ-eu laꞈ kʼoeˇ, uˬ ciꞈ miˇ lah-ehˇ guˇ guˇ-ehˇ ngoeˇ-euˬ meh.

Bawˇtsahˬ 14:22

tsawˇ haˬ heu deuˬ laꞈ kʼoeˇ tiˬ gʼaˬ-iˬ miˇ kʼahˬ kʼoeˇ kʼahˬ laꞈ kʼoeˇ uˇ keuˆ leˇ ngeh keuˆ ni maˬ ya dehꞈ keuˆ-eu jeˬ kʼawꞈ, yaw duˬ baw tehꞈ-a. Ngaˬ-euˬ yaw shehꞈ kʼahˬ sehˇ laꞈ kʼoeˇ ngaˇ jawˇ luꞈ-eu jeˬ-ahˇ maˬ ehˇ, Iˇjiˇtuˆ miˇ kʼahˬ laꞈ kʼoeˇ hawˇ-eu bawˇ tsahˬ bawˇ dahˇ laꞈ kʼoeˇ ngaˬ neh mˇ-euˬ zahˬ leˇ paˬ-ehˇ gʼeh-eu jeˬ-ahˇ maˬ ehˇ, aˬ yawꞈ maꞈ ya mawˇ gʼaˬ-euˬ kʼawꞈ, ngaˬ-euˬ oˇ oꞈ nya-eu nui ma-ahˇ aˬ yawꞈ maꞈ tiˬ poˆ saˇ-iˬ tiˬ poˆ lawˬ haw-awˇ, ngaˬ-euˬ ehˇ dawˬ-ahˇ maˬ naˇ haˬ geuꞈ-a.

Bawˇtsahˬ 16:13

Nga maꞈ-ahˇ bawˇ tsahˬ bawˇ dahˇ laꞈ kʼoeˇ bi shiˇ-eu lehˇ, miˇ tsaˬ miˇ muiˬ muiˬ dui dui-awˇ baw le za le-eu Iˇjiˇtuˆ miˇ kʼahˬ laꞈ kʼoeˇ neh sheuˬ doˆ leꞈ-euˬ tehꞈ-ehˇ maˬ gʼaˬ-ehˇ, nga maꞈ kʼoeˇ taˆ nawˇ sahˬ paˬ paˇ geuꞈ mawꞈ te siˬ loˇ.

Bawˇtsahˬ 20:3

Aˬ yawꞈ maꞈ Moˇseˬ-ahˇ iˬ baˇ taˬ-eu laꞈ kʼoeˇ ehˇ-eu, “Nga maꞈ-euˬ cawˬ Iˇsaˬleˬlaˆ tsawˇ haˬ kʼoeˇ deuˬ nehˬ-ehˇ Sahˬpaˬ Miˬyehˇ-euˬ Sehˬ gʼawˆ mehˬ shi shiˇ yaꞈ law nmˇ-aˬ, zaˬ dzehˬ law hawˇ miˇ-a.

Bawˇtsahˬ 20:4

Aˬ jeˬ miˇ neh nawˇ nga maꞈ-ahˇ bawˇ tsahˬ bawˇ dahˇ heu hmˬ laꞈ kʼoeˇ sheuˬ ahˇ nehˬ laꞈ teˬ. Nga maꞈ hawˇ-eu nga maꞈ-euˬ jeˬ zaˬ tiˬ gaˇ bi shiˇ-eu lehˇ sheuˬ ahˇ nehˬ laꞈ te loˇ.

Bawˇtsahˬ 21:5

Miˬyehˇ hawˇ-eu Moˇseˬ-ahˇ iˬ baˇ taˬ-euˬ meh. Aˬ yawꞈ maꞈ ehˇ-eu, “Iˇ cuꞈ hawˇ-eu dzaˇ maˬ jaˆ-eu bawˇ tsahˬ-ahˇ bi shiˇ-eu lehˇ, Iˇjiˇtuˆ miˇ kʼahˬ laꞈ kʼoeˇ neh nga maꞈ-ahˇ nawˇ aˬ jeˬ gʼeh sheuˬ doˆ laꞈ te. Dzaˇ heu deuˬ-ahˇ nga maꞈ maˬ paˇ dzaˬ nahˇ miˇ-a.”

Jaceuq 106:25

Sehˬ gʼawˆ-ahˇ uˇ-awˇ toˇ toˇ-ehˇ jawˇ-eu laꞈ kʼoeˇ, Sahˬpaˬ Miˬyehˇ-euˬ ehˇ dawˬ maˬ naˇ haˬ-a.

Doˆ-iˇ 14:11

Aˬ yawꞈ maꞈ Moˇseˬ-ahˇ ehˇ-eu, “Iˇjiˇtuˆ miˇ kʼahˬ-ahˇ lmˬ bymˇ maˬ jaˆ-eu miˇ neh, bawˇ tsahˬ bawˇ dahˇ laꞈ kʼoeˇ bi shiˇ-eu lehˇ, nga maꞈ-ahˇ nawˇ heu gaˇ sheuꞈ leꞈ teˬ loˇ. Nga maꞈ-ahˇ nawˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ leꞈ-euˬ miˇ neh aˬ jeˬ keuˆ le-euˬ nga lehˇ haw sheˇ.

Bawˇtsahˬ 17:6

Kʼoeˇ naˇ, Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-awˇ, tsawˇ jeuˬ aˬ yawꞈ jeuˬ yawꞈ kʼoeˇ taˆ aˬ yuiꞈ geuꞈ-eu deuˬ gawˬ yoeˬ tiˬ gʼaˬ tiˬ yoeˬ yuˇ laꞈ-euˬ meh. Gawˬ yoeˬ dawˬ tawˆ luꞈ tseˇ nyiꞈ yoeˬ byah-awˇ, Aˬloˬ-euˬ gawˬ yoeˬ kʼawꞈ keuˬ-eu meh.

Bawˇtsahˬ 20:2

Aˬ yawꞈ maꞈ jawˇ naˬ-euˬ jawˇ duˬ kʼoeˇ tsahˇ iˇ cuꞈ maˬ jaˆ-eu miˇ neh, Moˇseˬ hawˇ-eu Aˬloˬ jawˇ gaˇ Iˇsaˬleˬlaˆ tsawˇ haˬ deuˬ uiˬ leˇ-euˬ meh.

Dawˬmehˬ 9:23

Kʼoeˇ naˇ, aˬ yawꞈ neh naw maꞈ-ahˇ biꞈ-euˬ miˇ kʼahˬ-ahˇ jawˇ leˇ-awˬ lehˇ, Kaˬdeˬshaˇ Baˬneˬ lehˇ kuˇ-eu jawˇ duˬ-ahˇ neh naw maꞈ-ahˇ bi le ngeh kʼawꞈ, naw maꞈ aˬ yawꞈ-ahˇ puiˬ-euˬ meh.