Bawˇtsahˬ 13:32 - Akha

³² Kʼoeˇ naˇ, aˬ yawꞈ maꞈ neh pyehˆ tseˇ leˇ-euˬ miˇ kʼahˬ gaˇ kawˆ, Iˇsaˬleˬlaˆ tsawˇ haˬ deuˬ-ahˇ maˬ ngeuˇ-eu jeˬ-ehˇ aˬ yawꞈ maꞈ ja byah gʼeh-euˬ meh. Aˬ yawꞈ maꞈ ehˇ-eu, “Kʼoeˇ gaˇ jawˇ-eu tsawˇ haˬ deuˬ dzaˬ loꞈ ni tehꞈ-ehˇ kʼawꞈ, miˇ kʼahˬ kʼoeˇ kʼahˬ laꞈ kʼoeˇ dzaˬ dzaˬ dawˇ dawˇ maˬ jaˆ-a. Nga maꞈ neh mawˇ yaꞈ-euˬ tsawˇ haˬ yawˬ gʼaˬ na luꞈ, caˇ gawˬ goˇ dui dui-eu meh.

Bawˇtsahˬ 13:32 Referans Kwoze

Aˬmoˆ 2:9

“Ehˇ kʼawꞈ, ngaˬ-euˬ tsawˇ haˬ deuˬ-oˇ, shuˬ liˇ aˇ bawˇ loꞈ-ehˇ goˇ-awˇ tsuiꞈ kaˆ aˇ bawˇ loꞈ-ehˇ deuˇ-eu Aˬmawˇliˆ tsawˇ haˬ deuˬ-ahˇ, naw maꞈ gʼaˇ duˬ ngaˇ laˆ luˬ laˆ seˇ nehˬ jiˇ-euˬ ma.

Maꞈtehˬ 23:13

“Awꞈ-aꞈ tahˬ kʼoˬ-ahˇ duˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, tsawˇ haˬ zaˬ-euˬ mehˬ shi, Mˬtaˆ Miˇkʼahˬ-ahˇ uˇ leˇ-eu laˇ gʼoˆ-ahˇ naw maꞈ gʼoˆ sehˬ sehˬ taˬ-awˇ, yawˬ ha maˬ uˇ leˇ-eu uˬ taꞈ, uˇ leˇ-eu lehˇ leh jeh-eu tsawˇ haˬ deuˬ-ahˇ kʼawꞈ, naw maꞈ maˬ bi uˇ leˇ-a.

1 Laˬsaˬbaˬ 20:6

Piˇliˇtiˆ tsawˇ haˬ deuˬ nehˬ-ehˇ Gaˬdaˇ meuˬ-ahˇ guiˇ tiˬ poˆ paˇ deuˆ-awˇ, kʼoeˇ ngeh poˆ-aˬ, aˬ laꞈ nyiˬ laꞈ luꞈ laꞈ noeˇ koꞈ noeˇ tsoꞈ-awˇ, aˬ kuiˇ nyiˬ kuiˇ luꞈ kuiˇ noeˇ koꞈ noeˇ tsoꞈ-eu huiˬ dui goˇ dui dui-eu tsawˇ haˬ tiˬ gʼaˬ ahˇ-eu meh. Aˬ yawꞈ-aˬ, aˇ hu dehꞈ-euˬ tsawˇ haˬ tsawˇ ma deuˬ-euˬ aˇ jeuˬ meh.

2 Saˬmeuˬlaˆ 21:20

Kʼoeˇ naˇ, Gaˬdaˇ meuˬ-ahˇ guiˇ tiˬ poˆ paˇ deuˆ-euˬ meh. Meuˬ kʼoeˇ meuˬ laꞈ kʼoeˇ, guiˇ deuˆ-eu nui ma ahˇ dui dui-eu tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, huiˬ dui goˇ dui dui-eu tsawˇ haˬ tiˬ gʼaˬ pyeuꞈ-awˇ, aˬ laꞈ nyiˬ laꞈ luꞈ laꞈ noeˇ koꞈ noeˇ tsoꞈ-awˇ, aˬ kuiˇ nyiˬ kuiˇ luꞈ kuiˇ noeˇ koꞈ noeˇ tsoꞈ-eu meh.

Dawˬmehˬ 1:28

Aˬ jeˬ miˇ neh kʼoeˇ gaˇ le-eu ehˇ te. Nga maꞈ guˆ dui dui nya. Kʼoeˇ gaˇ jawˇ-eu tsawˇ haˬ deuˬ-aˬ, aˬ dui maꞈ naˆ maˬ tseˇ goˇ dzehˬ-awˇ, gʼaˬ kʼaˆ dzehˬ-eu uˬ taꞈ, mˬ-ahˇ tuˆ ni meuˬ meuˬ lahˇ gawˬ taˬ-euˬ meuˬ deuˬ laꞈ kʼoeˇ jawˇ-eu meh lehˇ, aˬ dui maꞈ neh bi kʼoeˬ sho haw leˇ-euˬ tsawˇ haˬ deuˬ tsaꞈ gaˬ le-euˬ maˬ ngeuˇ-a loˇ. Huiˬ dui goˇ dui dui-eu tsawˇ haˬ deuˬ-ahˇ aˬ yawꞈ maꞈ mawˇ yaꞈ-euˬ ma lehˇ ehˇ-eu maˬ ngeuˇ-a loˇ’ lehˇ naw maꞈ ehˇ-eu meh.

Bawˇtsahˬ 13:28

Ehˇ kʼawꞈ, kʼoeˇ gaˇ jawˇ-eu tsawˇ haˬ deuˬ gʼaˬ kʼaˆ dui dui-awˇ, aˬ yawꞈ maꞈ-euˬ meuˬ deuˬ kʼawꞈ, huiˬ dui dui-awˇ, meuˬ meuˬ lahˇ yaw muiˬ paˬ-ehˇ gawˬ ziꞈ taˬ-euˬ meh. Kʼoeˇ naˆ tehꞈ-ehˇ maˬ ngeuˇ ni, huiˬ dui goˇ dui dui-eu tsawˇ haˬ deuˬ-euˬ zaˬ deuˬ uˆ deuˬ kʼawꞈ kʼoeˇ gaˇ jawˇ luꞈ gaˇ ya mawˇ-euˬ ma.

Jaceuq 106:24

Miˬyehˇ-euˬ saˇ jaˇ-ahˇ maˬ jah-euˬ miˇ neh, nui saˇ oꞈ-eu miˇ kʼahˬ maˬ ya geuꞈ-aˬ.

Yeˬsaˬgeˬlaˇ 36:12

Ngaˬ-euˬ tsawˇ jeuˬ pyeuꞈ-eu naw maꞈ Iˇsaˬleˬlaˆ tsawˇ haˬ deuˬ-ahˇ, miˇ kʼahˬ heu kʼahˬ-ahˇ paˇ bi jawˇ kʼoꞈ laˇ-awˇ, miˇ kʼahˬ heu kʼahˬ naw maꞈ-euˬ pyeuꞈ tsehˆ tehꞈ-a. Miˇ kʼahˬ heu kʼahˬ naw maꞈ-euˬ zaˬ deuˬ uˆ deuˬ-ahˇ tiˬ jawˇ-iˬ maˬ paˇ bi mehꞈ bi shuꞈ-aˇ.

Aˬmoˆ 2:10

Naw maꞈ-ahˇ ngaˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ laꞈ-awˇ, bawˇ tsahˬ bawˇ dahˇ laꞈ kʼoeˇ oeˬ tseˇ kʼoꞈ sheuˬ sheuˬ-ehˇ cah-awˇ, Aˬmawˇliˆ tsawˇ jeuˬ-euˬ miˇ kʼahˬ naw maꞈ-ahˇ biꞈ-euˬ ma.