Bawˇtsahˬ 12:6 - Akha

⁶ Sahˬpaˬ Miˬyehˇ ehˇ-eu, “Ngaˇ ehˇ gaˇ naˇ haˬ-awˬ. Naw maꞈ laꞈ kʼoeˇ Miˬyehˇ gʼaˇ duˬ ngehˬ dah-eu deuˬ jawˇ naˇ, yaw sahˇ laꞈ kʼoeˇ aˬ yawꞈ maꞈ-ahˇ ngaˇ pah mehˬ nehˬ-awˇ, yuꞈ maˆ maˆ-eu laꞈ kʼoeˇ ngaˇ dawˬ ngehˬ cawˬ ma.

Bawˇtsahˬ 12:6 Referans Kwoze

1 Sahˬpaˬ 3:5

Kʼoeˇ ngeh miˇ aˬ yawꞈ yuꞈ maˆ maˆ-eu laꞈ kʼoeˇ, Sahˬpaˬ Miˬyehˇ aˬ yawꞈ jawˇ gaˇ doˆ le-awˇ, “Nawˇ ngaˬ-ahˇ aˬ geu jeˬ shaˇ mawꞈ te” lehˇ ehˇ le-euˬ meh.

Aˇ dahˬ 46:2

Uˬ ciꞈ keuˆ le ngeh, yaw sahˇ laꞈ kʼoeˇ Miˬyehˇ aˬ yawꞈ-ahˇ pah mehˬ le-awˇ, “Yaˬkoˆ-oˇ, Yaˬkoˆ-oˇ” lehˇ kuˇ le-euˬ meh. Yaˬkoˆ gʼeh, “Ngaˇ heu gaˇ jawˇ ma” lehˇ ehˇ kʼoꞈ nehˬ-euˬ meh.

Luˇkaꞈ 1:22

Aˬ yawꞈ gʼoꞈ doˆ le ngeh, aˬ yawꞈ maꞈ-ahˇ dawˬ maˬ ngehˬ cawˬ nya-ehˇ pyeuꞈ-iˇ-euˬ miˇ neh, Uˬ duˬ tahˬ nymˇ nymˇ ma laꞈ kʼoeˇ, yaw sahˇ laꞈ kʼoeˇ pah mehˬ le-euˬ tiˬ jeˬ paˬ-ahˇ aˬ yawꞈ ya mawˇ-euˬ ngaˇ lehˇ aˬ yawꞈ maꞈ siˬ nya-euˬ meh. Aˬ yawꞈ dawˬ maˬ ngehˬ nya-eu miˇ neh, aˬ yawꞈ maꞈ-ahˇ laꞈ dzawˇ dzawˇ nehˬ-euˬ meh.

Luˇkaꞈ 1:11

Kʼoeˇ ngeh, Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ mehˬ shi doˆ le-awˇ, yaw saw jeˬ doꞈ damˬ-eu lawˇ duˬ-euˬ aˇ maˇ paw yawꞈ luꞈ-eu meh.

Daˬyeˬlaˇ 10:8

Ngaˇ tiˬ gʼaˬ tehꞈ-ehˇ kʼoeˇ gaˇ jawˇ yaꞈ-awˇ, zahˬ dui dui leˇ paˬ-ehˇ gʼeh-eu ya siˬ ya mawˇ-eu kʼoeˇ hmˬ-ahˇ haw hawˇ-ehˇ jawˇ-euˬ ma. Ngaˇ gʼaˬ tiˬ pawꞈ-iˬ maˬ ahˇ-ehˇ pyeuꞈ-iˇ-awˇ, tsawˇ haˬ tiˬ gʼaˬ-iˬ ngaˬ-ahˇ maˬ haw siˬ nya paˬ-ehˇ, myaˆ pyawˬ pyuˇ pya ni pyeuꞈ-iˇ-euˬ ma.

Yeˬsaˬgeˬlaˇ 1:1

Aˇ kʼoꞈ smˬ tseˇ kʼoꞈ tiˬ kʼoꞈ, ba la oeˬ siˬ tiˬ siˬ, aˇ nah ngaˬ nah tiˬ nah-ahˇ, Buˇziꞈ-euˬ aˬ li pyeuꞈ-eu ngaˇ piˇ ma Yeˬsaˬgeˬlaˇ-aˬ, Baˬbuˇloˬ miˇ kʼahˬ-ahˇ bi nyehꞈ daˆ gʼeh-euˬ Yuˇdaˆ tsawˇ haˬ deuˬ nehˬ-ehˇ, Baˬbuˇloˬ miˇ kʼahˬ-ahˇ jaˆ-eu Ceˬbaˬ lawˇ baˬ dawˬ peh jawˇ luꞈ-eu ma. Mˬ pah dzeh le-awˇ, yaw sahˇ laꞈ kʼoeˇ Miˬyehˇ-ahˇ ngaˇ ya mawˇ-euˬ ma.

Gʼaˬkʼehˇ 10:11

Mˬ pah le-awˇ, aˇ bui bui ma loꞈ-ehˇ gʼeh-eu tiˬ hmˬ laꞈ coeˇ oeˬ coeˬ-ahˇ aˇ caˆ paꞈ-awˇ, miˇ tsaˬ kʼoeˇ taˆ aˬ za za-ehˇ pyehˬ ka leꞈ luꞈ gaˇ mawˇ-euˬ meh.

Maꞈtehˬ 1:20

Kʼoeˇ loꞈ-ehˇ shaˇ noeˬ luꞈ-eu aˇ yamˬ-ahˇ, aˬ yawꞈ yuꞈ maˆ maˆ-eu laꞈ kʼoeˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ jawˇ gaˇ doˆ le-awˇ, heu loꞈ-ehˇ ehˇ-eu meh. “Daˬbiˇ-euˬ aˬ li Yoˇsehˆ-oˇ, Maˬliˇ-ahˇ sheuˬ-eu gaˇ kawˆ taˬ noeˬ shaˬ. Aˬ yawꞈ zaˬ tsehˆ leˇ-euˬ-aˬ, Muiˬ-eu shawˇ-eu Yaw sahˇ Miˬyehˇ baˬ da neh meh.

Daˬyeˬlaˇ 8:2

Yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Eˇlamˬ miˇ kʼahˬ-ahˇ jaˆ-eu Suˇsaˬ meuˬ-ahˇ ngaˇ jawˇ luꞈ gaˇ ya mawˇ-euˬ ma. Kʼoeˇ gaˇ, Uˇlehˇ lawˇ baˬ dawˬ peh ngaˇ yawꞈ luꞈ-eu ma.

Maꞈtehˬ 2:19

Heˬloˆ shiˇ dzeuˇ ngeh jawˇ, Iˇjiˇtuˆ miˇ kʼahˬ-ahˇ Yoˇsehˆ yuꞈ maˆ maˆ-eu laꞈ kʼoeˇ, SahˬpaˬMiˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ jawˇ gaˇ doˆ le-awˇ ehˇ-eu,

Daˬyeˬlaˇ 7:1

Beˬlaˇshaˬzaˬ sahˬ paˬ geuꞈ-awˇ Baˬbuˇloˬ miˇ kʼahˬ-ahˇ uˆ lahˇ-euˬ yaw beh kʼoꞈ-ahˇ, Daˬyeˬlaˇ yuꞈ maˆ maˆ-awˇ aˬ yawꞈ yuꞈ kʼaˆ luꞈ ngeh yaw sahˇ laꞈ kʼoeˇ heu loꞈ-ehˇ ya mawˇ-euˬ meh. Aˬ yawꞈ neh yuꞈ maˆ maˆ mawˇ-euˬ gaˇ kawˆ, Daˬyeˬlaˇ heu loꞈ-ehˇ boꞈ doˆ taˬ-euˬ meh.

Yeˬlaˬmiˇ 23:28

Yuꞈ maˆ maˆ-awˇ Miˬyehˇ gʼaˇ duˬ ngehˬ dah-eu deuˬ-aˬ, yuꞈ maˆ gaˇ kawˆ ja luꞈ-uˇ. Ehˇ kʼawꞈ, ngaˬ-euˬ dawˬ za taˬ-eu Miˬyehˇ gʼaˇ duˬ ngehˬ dah-eu deuˬ-aˬ, saˇ jaˇ ziꞈ-eu laꞈ kʼoeˇ ngaˬ-euˬ gʼaˇ duˬ ngehˬ dah luꞈ-uˇ. Gʼo yoeˬ-aˬ, cehˇ cehˇ nmˇ-ahˇ ciˬ cehˆ haw naˇ, aˬ jeˬ gaˇ dahˇ paˇ tsoeˬ nmˇ.

Jaceuq 105:15

“Ngaˬ neh tseˇ doˆ-euˬ ngaˬ-euˬ zaˬ kʼaˆ deuˬ-ahˇ taˬ laˆ coeˬ. Ngaˬ-euˬ gʼaˇ duˬ ngehˬ dah-eu deuˬ-ahˇ taˬ laˆ ciˆ” lehˇ, aˬ yawꞈ dawˬ biꞈ-euˬ meh.

Jaceuq 89:19

Aˇ hu ba yaw sahˇ laꞈ kʼoeˇ bi siˬ bi mawˇ-eu jeˬ laꞈ kʼoeˇ, nawˬ-ahˇ saˇ jaˇ ziꞈ-eu zaˬ kʼaˆ-ahˇ nawˇ heu loꞈ-ehˇ ehˇ-euˬ meh. “Tsawˇ myahˇ doˆ-eu yehˇ tiˬ gʼaˬ-ahˇ ngaˇ caw ba nehˬ-euˬ ma. Ngaˬ neh tseˇ doˆ-euˬ gʼaˬ-ahˇ sahˬ paˬ-euˬ nuiˇ mahˬ kʼoeˇ taˆ bi nuiˇ-euˬ ma.

Yawˇbaˆ 33:15

Uˬ ciꞈ paw tsawˇ haˬ zaˬ yuꞈ kʼaˆ ngeh, yuꞈ maˆ maˆ-eu laꞈ kʼoeˇ hawˇ-eu yaw sahˇ laꞈ kʼoeˇ Miˬyehˇ dawˬ ngehˬ cawˬ-eu meh.

Yawˇbaˆ 4:13

Dawˬ kʼoeˇ ngaˇ yuꞈ luꞈ gaˇ nehꞈ zuiˆ zuiˆ-eu loꞈ-ehˇ laˆ bahˬ le-euˬ meh.

Doˆ-iˇ 7:1

Sahˬpaˬ Miˬyehˇ ehˇ-eu, “Sahˬ paˬ kʼoeˇ gʼaˬ-euˬ mehˬ shi nawˬ-ahˇ ngaˇ Miˬyehˇ loꞈ-ehˇ bi pyeuꞈ-awˇ, Aˬloˬ-aˬ Miˬyehˇ gʼaˇ duˬ ngehˬ dah-eu bawˇlawˇpeh loꞈ-ehˇ, nawˬ-eu dah zaˇ, sahˬ paˬ kʼoeˇ gʼaˬ-ahˇ dawˬ ngehˬ cawˬ tehꞈ-a.

Aˇ dahˬ 20:7

Ehˇ kʼawꞈ, nymˬ-mˇ mi naˆ-ehˇ, zaˬ miˬ zaˬ heu gʼaˬ aˬ yawꞈ-euˬ kʼaˬ dzeˇ zaˬ-ahˇ a kʼoꞈ nehˬ-awˬ. Aˬ yawꞈ-euˬ kʼaˬ dzeˇ zaˬ-aˬ, Miˬyehˇ gʼaˇ duˬ ngehˬ dah-eu tsawˇ haˬ pyeuꞈ-eu meh. Nawˇ maˬ ya shiˇ-eu gʼaˇ duˬ aˬ yawꞈ guiˬ lahˬ shaˇ nehˬ laꞈ tehꞈ-a. Ehˇ kʼawꞈ, ngaˇ nawˬ-ahˇ heu loꞈ-ehˇ ehˇ-eu ma. Zaˬ miˬ zaˬ heu gʼaˬ-ahˇ, aˬ yawꞈ-euˬ kʼaˬ dzeˇ zaˬ-euˬ aˬ laꞈ laꞈ kʼoeˇ maˬ a kʼoꞈ nehˬ naˇ, nawˇ ya shiˇ tehꞈ-a. Nawˇ hawˇ-eu nawˬ-euˬ tsawˇ haˬ dawˬ tawˆ luꞈ ya shiˇ jiˇ tehꞈ-a.”

Aˇ dahˬ 15:1

Kʼoeˇ naˇ, yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Aˬbyaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Aˬbyaˬ-oˇ, guˆ-eu nui ma taˬ bi ahˇ. Guˆ-eu gaˆ-eu jeˬ laꞈ kʼoeˇ nawˬ-ahˇ ngaˇ haw piˇ-awˇ, huiˬ dui dui-eu guiˬ lahˬ biꞈ ma.”

Panmaeq 11:10

Aˬ yawꞈ nyaꞈ shiˇ-euˬ baˬ da neh miˇ tsaˬ zaˬ deuˬ laˬ kʼaˬ cehˇ tehꞈ-a. Aˬ yawꞈ maꞈ bawˬ-iˬ gʼeh-awˇ, tiˬ gʼaˬ tiˇ gʼaˬ laꞈ sawˬ biꞈ ha tehꞈ-a. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu kʼoeˇ nyiˬ gʼaˬ neh miˇ tsaˬ zaˬ deuˬ kʼoeˇ taˆ shaˬ dui zahˬ dui dui-eu jeˬ bi keuˆ le-euˬ meh.

Panmaeq 11:3

Guˬ daˇ pehˇ zeuˇ dm luꞈ-eu saˇ kiˇ kamˬ-eu ngaˬ-euˬ tsawˇ haˬ nyiˬ gʼaˬ-ahˇ ngaˇ pyehˬ gʼeh-awˇ, aˇ nah aˇ yamˬ kʼoeˇ tiˬ heˇ nyiˬ yaˇ koꞈ tseˇ nah laꞈ kʼoeˇ, aˬ yawꞈ nyaꞈ Miˬyehˇ dawˬ kawˬ mehˬ tehꞈ-a.”

Eˇpeˇsu 4:11

“Miˇ tsaˬ zaˬ-ahˇ laꞈ sawˬ biˬ-euˬ” gʼaˬ-aˬ, aˬ yawꞈ meh. Tiˬ paˆ na deuˬ-ahˇ gʼaˬ kʼehˇ bi geuꞈ-awˇ, tiˬ paˆ na deuˬ-ahˇ Miˬyehˇ gʼaˇ duˬ ngehˬ dah-eu tsawˇ haˬ bi geuꞈ-eu gʼaˇ duˬ maˬ ehˇ, tiˬ paˆ na deuˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-eu tsawˇ haˬ bi geuꞈ-eu gʼaˇ duˬ maˬ ehˇ, tiˬ paˆ na deuˬ-ahˇ Ka li zaˬ aˇ muˇ-ahˇ sheuˬ gʼeh-eu saˬ laˬ bi geuꞈ-eu gʼaˇ duˬ maˬ ehˇ, mehˬ-eu tsoˆ-eu saˬ laˬ bi geuꞈ-eu gʼaˇ duˬ maˬ ehˇ, aˬ yawꞈ laꞈ sawˬ biꞈ-euˬ meh.

Gʼaˬkʼehˇ 10:17

Yaw sahˇ laꞈ kʼoeˇ ya mawˇ-euˬ gaˇ kawˆ kʼoeˇ-euˬ dawˬ tsuiꞈ-ahˇ Beˬtuˆluˆ zahˬ leˇ-awˆ jawˇ ngeh, Gawˬneˬliˇ neh kʼehˇ gʼeh leꞈ-euˬ tsawˇ haˬ kʼoeˇ smˇ gʼaˬ Siˇmoˬ-euˬ nymˇ-ahˇ naˇ haˬ ka leꞈ-awˇ, nymˇ gʼoˆ kʼehˬ-ahˇ oe keuˆ-awˇ yawꞈ luꞈ-eu meh.

Luˇkaꞈ 20:6

‘Tsawˇ haˬ zaˬ neh bi mˇ-euˬ meh’ lehˇ paˇ ehˇ naˇ kʼawꞈ, tsawˇ haˬ dawˬ tawˆ luꞈ aˬ dui maꞈ-ahˇ kʼaˬ lo biˬ laˇ tehꞈ-a. Aˬ jeˬ miˇ neh ehˇ naˇ, Yoˇhaˬ-aˬ, Miˬyehˇ gʼaˇ duˬ ngehˬ dah-eu tsawˇ haˬ meh lehˇ aˬ yawꞈ maꞈ jah duˬ taˬ-euˬ beu tawˇ.”

Maꞈtehˬ 23:37

“Yeˬluˇsaˬlehˬ-oˇ, Yeˬluˇsaˬlehˬ-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ nawˇ sehꞈ-awˇ, Miˬyehˇ neh kʼehˇ gʼeh leꞈ-euˬ tsawˇ haˬ deuˬ-ahˇ nawˇ kʼaˬ lo neh biˬ-euˬ meh. Ya ciˆ ya ma-euˬ aˬ dahˇ uˬ moˆ ya ciˆ ya zaˬ deuˬ-ahˇ uˆ kaˬ nehˬ-eu loꞈ-ehˇ, nawˬ-euˬ zaˬ deuˬ-ahˇ ngaˇ aˇ myaˆ poˆ uˆ kaˬ nehˬ mawꞈ-eu nga. Ehˇ kʼawꞈ, nawˇ ngaˬ-ahˇ kʼoeˇ loꞈ-ehˇ maˬ bi uˆ kaˬ nehˬ laꞈ-a.

Maꞈtehˬ 23:34

Miˬyehˇ gʼaˇ duˬ ngehˬ dah-eu deuˬ, zaˬ siˬ tsawˇ gahˇ ahˇ-eu deuˬ hawˇ-eu, saˬ laˬ deuˬ-ahˇ naw maꞈ jawˇ gaˇ bi oe ma lehˇ ngaˇ ehˇ-eu ma. Aˬ yawꞈ maꞈ tiˬ paˆ na deuˬ-ahˇ naw maꞈ sehꞈ tehꞈ-a. Tiˬ paˆ na deuˬ-ahˇ laꞈ yaꞈ kʼoeˇ taˆ taꞈ sehꞈ-awˇ, tiˬ paˆ na deuˬ-ahˇ uˬ duˬ tahˬ nymˇ laꞈ kʼoeˇ yahˬ caˆ neh juiꞈ tehꞈ-a. Meuˬ tiˬ meuˬ saˇ-iˬ tiˬ meuˬ doe ni, aˬ yawꞈ maꞈ-ahˇ naw maꞈ teh tehꞈ-a.

Maꞈtehˬ 23:31

Kʼoeˇ miˇ neh, naw maꞈ-aˬ, Miˬyehˇ gʼaˇ duˬ ngehˬ dah-eu deuˬ-ahˇ sehꞈ-euˬ tsawˇ haˬ deuˬ-euˬ zaˬ deuˬ uˆ deuˬ ma lehˇ, yawˬ haˇ yawˬ ha saˇ kiˇ kamˬ gaˇ duˇ-eu meh.

Maꞈtehˬ 27:19

Yaˇ kʼaˬ daˇ-eu nuiˇ mahˬ kʼoeˇ taˆ sahˬ paˬ Piˇlaˆ nuiˇ luꞈ ngeh, aˬ yawꞈ-euˬ nymˇ dahˬ heu loꞈ-ehˇ dawˬ tsaꞈ tsaꞈ ahˇ leꞈ-euˬ meh. “Iˬ baˇ maˬ ahˇ-eu tsawˇ haˬ kʼoeˇ gʼaˬ-ahˇ tiˬ jeˬ-iˬ taˬ jahˇ. Miˇ ciꞈ ngaˇ yuꞈ maˆ maˆ-eu laꞈ kʼoeˇ, aˬ yawꞈ baˬ da neh shaˬ zahˬ mˇ dui dui-euˬ ma.”

HeˬByehˇ 1:1

Aˇ hu ba, Miˬyehˇ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ, aˬ dui-euˬ aˬ poeˬ aˬ bawˇ deuˬ-ahˇ Miˬyehˇ gʼawˬ mya poˆ, gʼawˬ mya jeˬ dawˬ ngehˬ cawˬ-euˬ meh.

Aˇ dahˬ 28:12

Yuꞈ maˆ maˆ-eu laꞈ kʼoeˇ, mˬ hawˇ-eu miˇ-ahˇ tsoꞈ tawꞈ taˬ-euˬ dawˬ dzm dzm ma tiˬ dzm-ahˇ aˬ yawꞈ ya mawˇ-euˬ meh. Mˬ taˆ gʼaˬ kʼehˇ deuˬ dawˬ dzm kʼoeˇ dzm kʼoeˇ taˆ, mˬ hawˇ-eu miˇ yaw kaˬ-ahˇ yaˇ gaˇ gaˇ tawꞈ luꞈ-eu meh.

Bawˇtsahˬ 24:4

Miˬyehˇ-euˬ dawˬ-ahˇ gaˬ nya-eu gʼaˬ-euˬ dawˬ-aˬ, heu loꞈ-ehˇ ma. Baoˬ huiˬ-eu Miˬyehˇ neh mehˬ nehˬ laꞈ-euˬ jeˬ-ahˇ, yaw sahˇ laꞈ kʼoeˇ maˇ jawˆ ni ngaˇ mawˇ-euˬ ma.

1 Saˬmeuˬlaˆ 3:15

Saˬmeuˬlaˆ-aˬ, uˬ shawˬ uˬ bya bya laˇ ngeh keuˆ ni yuꞈ-euˬ meh. Kʼoeˇ naˇ, aˬ yawꞈ tuˇ-awˇ, Sahˬpaˬ Miˬyehˇ-euˬ nymˇ laˇ gʼoˆ pah-euˬ meh. Yaw sahˇ laꞈ kʼoeˇ aˬ yawꞈ ya siˬ ya mawˇ-euˬ je, Eˇliˆ-ahˇ aˬ yawꞈ maˬ dzawˇ nehˬ peuˬ-a.

1 Saˬmeuˬlaˆ 28:6

Kʼoeˇ miˇ neh, aˬ joˆ-ehˇ ya jahˇ-eu gaˇ kawˆ, Sahˬpaˬ Miˬyehˇ-ahˇ aˬ yawꞈ naˇ haˬ-euˬ meh. Ehˇ kʼawꞈ, yuꞈ maˆ maˆ-eu laꞈ kʼoeˇ maˬ ehˇ, Uˇleˬ hawˇ-eu Duˇmeˬ-ahˇ gʼoe-eu laꞈ kʼoeˇ maˬ ehˇ, Miˬyehˇ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ maˬ ehˇ, Sahˬpaˬ Miˬyehˇ-ahˇ aˬ yawꞈ naˇ haˬ kʼawꞈ, aˬ yawꞈ-ahˇ Sahˬpaˬ Miˬyehˇ tiˬ jeˬ-iˬ maˬ ehˇ kʼoꞈ nehˬ-a.

1 Sahˬpaˬ 3:15

Sawˇlaˬmoˬ uˬ noeˬ noeˬ laˇ ngeh, yuꞈ maˆ maˆ-eu laꞈ kʼoeˇ Miˬyehˇ aˬ yawꞈ-ahˇ dawˬ ngehˬ cawˬ le-euˬ gaˇ kawˆ siˬ duˬ-euˬ meh. Kʼoeˇ naˇ, Yeˬluˇsaˬlehˬ meuˬ-ahˇ aˬ yawꞈ iˇ-awˇ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ mehˬ shi yawꞈ-awˇ, miˬ dzaˬ dzah puiˆ-awˇ lawˇ-eu jeˬ hawˇ-eu cawˬ cawˬ taꞈ-euˬ lawˇ-eu jeˬ, Sahˬpaˬ Miˬyehˇ-ahˇ lawˇ nehˬ-euˬ meh. Kʼoeˇ naˇ, aˬ yawꞈ-euˬ gaˇ mˇ-eu yaw huiˬ yaw mahˇ dawˬ tawˆ luꞈ gʼaˇ duˬ, aˬ yawꞈ bawˬ-iˬ gʼeh nehˬ-euˬ meh.

Yeˬlaˬmiˇ 23:25

Yuꞈ maˆ maˆ-eu laꞈ kʼoeˇ aˬ yawꞈ maꞈ-ahˇ ngaˇ dawˬ biꞈ le-euˬ meh lehˇ ehˇ-awˇ, ngaˬ-euˬ tsawˇ myahˇ pi-awˇ jaˬ myawꞈ myawꞈ-eu Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ neh kʼaˇ ngehˬ-euˬ dawˬ deuˬ, ngaˇ siˬ nya jiˇ ma.

Daˬyeˬlaˇ 2:19

Kʼoeˇ ngeh miˇ, yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Daˬyeˬlaˇ-ahˇ dawˬ tsuiꞈ pah mehˬ le-euˬ meh. Kʼoeˇ ngeh, mˬ taˆ Miˬyehˇ-ahˇ Daˬyeˬlaˇ heu loꞈ-ehˇ ja ceuˬ-euˬ meh.

Aˇ dahˬ 28:16

Yaˬkoˆ uˬ noeˬ noeˬ laˇ ngeh, “Sahˬpaˬ Miˬyehˇ heu gaˇ jawˇ law hawˇ nga. Aˬ yawꞈ heu gaˇ jawˇ meh lehˇ ngaˇ maˬ siˬ nya-aˬ” lehˇ, yawˬ haˇ yawˬ ha ehˇ-euˬ meh.

Aˇ dahˬ 37:5

Tiˬ miˇ keuˆ laˇ ngeh, Yoˇsehˆ yuꞈ maˆ maˆ-awˇ, aˬ yawꞈ neh yuꞈ maˆ maˆ mawˇ-euˬ gaˇ kawˆ aˬ yawꞈ-euˬ aˇ doˆ deuˬ-ahˇ dzawˇ nehˬ ngeh, aˬ yawꞈ maꞈ aˬ yawꞈ-ahˇ paˇ bye dzehˬ laˇ-euˬ meh.

Aˇ dahˬ 37:9

Aˬ yawꞈ yuꞈ maˆ tiˬ poˆ paˇ maˆ-awˇ, aˬ yawꞈ-euˬ aˇ doˆ deuˬ-ahˇ paˇ dzawˇ nehˬ-euˬ meh. “Ngaˇ yuꞈ maˆ tiˬ poˆ paˇ maˆ-eu laꞈ kʼoeˇ, nahˇ ma, ba la hawˇ-eu, aˬ guiˇ tseˇ tiꞈ siˬ ngaˬ-ahˇ uˬ duˬ tahˬ le-euˬ meh” lehˇ dzawˇ nehˬ-euˬ meh.

Dawˬmehˬ 18:15

Ngaˇ loꞈ-ehˇ gʼeh-eu aˬ yawꞈ gʼaˇ duˬ ngehˬ dah-eu tsawˇ haˬ tiˬ gʼaˬ aˬ yawꞈ bi oe-awˇ, kʼoeˇ gʼaˬ-euˬ ehˇ dawˬ-ahˇ naw maꞈ ya naˇ haˬ tehꞈ-a.

Dawˬmehˬ 18:18

Nawˇ loꞈ-ehˇ gʼeh-eu ngaˬ-euˬ gʼaˇ duˬ ngehˬ dah-eu tsawˇ haˬ tiˬ gʼaˬ, aˬ yawꞈ maꞈ laꞈ kʼoeˇ ngaˇ bi doˆ laˇ ma. Aˬ joˆ-ehˇ ya ngehˬ ya tmˇ-eu gaˇ kawˆ ngaˇ aˬ yawꞈ-ahˇ ehˇ nehˬ-awˇ, ngaˬ neh dawˬ kʼaˇ biꞈ-euˬ yawˬ jeˬ na luꞈ, aˬ yawꞈ maꞈ-ahˇ aˬ yawꞈ ehˇ nehˬ tehꞈ-a.

1 Saˬmeuˬlaˆ 3:21

Sahˬpaˬ Miˬyehˇ-aˬ, Saˬmeuˬlaˆ jawˇ gaˇ oe-awˇ dawˬ ngehˬ cawˬ le-euˬ jawˇ duˬ pyeuꞈ-eu Shiˇloˬ meuˬ-ahˇ, aˬ yawꞈ-euˬ gʼawˇ mawˇ maˬ tsehˆ leˇ ni pah mehˬ-euˬ meh. Saˬmeuˬlaˆ dawˬ kʼaˇ ngehˬ doˆ laˇ ngeh, Iˇsaˬleˬlaˆ miˇ kʼahˬ kʼahˬ lah ni naˇ haˬ geuꞈ-eu meh.

2 Saˬmeuˬlaˆ 7:4

Ehˇ kʼawꞈ, kʼoeˇ ngeh miˇ Naˬdaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Hawˇseˬ 12:11

Ehˇ kʼawꞈ, tahˬ pahˬ aˬ ma deuˬ-ahˇ, Giˇlaˆ meuˬ uˬ duˬ tahˬ-euˬ meh. Kʼaˇ tahˬ-euˬ deuˬ ya shiˇ tehꞈ-a. Giˇlaˇgaˬlaˇ meuˬ-euˬ laꞈ kʼoeˇ, mawˇ neˇ mawˇ gaw lawˇ nehˬ-euˬ meh. Kʼoeˇ gaˇ jaˆ-eu lawˇ duˬ kʼoeˇ deuˬ, deh liˬ gʼahˇ ceh gʼoˆ bymˇ taˬ-euˬ, kʼaˬ lo lo bymˇ-ahˇ duˇ tehꞈ-a.”

Yawˇlaˆ 3:1

Sahˬpaˬ Miˬyehˇ ehˇ-eu dawˬ-aˬ, “Aˇ nah aˇ yamˬ kʼoeˇ keuˆ le ngeh, Yuˇdaˆ miˇ kʼahˬ laꞈ kʼoeˇ maˬ ehˇ, Yeˬluˇsaˬlehˬ meuˬ-ahˇ maˬ ehˇ, baw le za le-eu guiˬ lahˬ kʼoeˇ, aˇ hu loꞈ-ehˇ paˇ biꞈ nehˬ ma.

Zaˬkaˬliˇ 1:8

Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ mahˬ yaw neˇ dziˬ luꞈ gaˇ ngaˇ mawˇ-euˬ ma. Deh kʼawꞈ-ahˇ jaˆ-eu muˇtuˇlaˆ aˇ bawˇ bawˇ yaˇ-ahˇ aˬ yawꞈ naˬ le-awˇ, aˬ yawꞈ-euˬ mehˬ nah paw, mahˬ mahˬ neˇ, mahˬ mahˬ puiˇ hawˇ-eu, mahˬ mahˬ pyuˇ dziˬ luꞈ-eu deuˬ ahˇ-eu meh.