Bawˇtsahˬ 10:9 - Akha

⁹ Naw maꞈ yawˬ haˇ yawˬ ha ka kʼoꞈ-eu gʼaˇ duˬ, naw maꞈ-ahˇ guiˇ deuˆ le-eu muiˇ-eu deuˬ nehˬ-ehˇ naw maꞈ miˇ kʼahˬ laꞈ kʼoeˇ guiˇ deuˆ ceh ceh ngeh, daˇ heh kʼoeˇ yuˇ-awˇ guiˇ deuˆ-eu daˇ heh teˇ saˇ baw-awˬ. Kʼoeˇ ngeh, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ naw maꞈ-ahˇ caw ba le-awˇ, muiˇ-eu deuˬ-euˬ aˬ laꞈ laꞈ kʼoeˇ naw maꞈ-ahˇ ka kʼoꞈ nehˬ ma.

Bawˇtsahˬ 10:9 Referans Kwoze

1 Saˬmeuˬlaˆ 10:18

Kʼoeˇ naˇ, Iˇsaˬleˬlaˆ tsawˇ haˬ deuˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ heu loꞈ-ehˇ ehˇ-eu meh. Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ ngaˇ sheuˬ doˆ nehˬ laꞈ-euˬ laꞈ kʼoeˇ, Iˇjiˇtuˆ tsawˇ haˬ deuˬ-euˬ aˬ laꞈ laꞈ kʼoeˇ neh maˬ ehˇ, naw maꞈ-ahˇ kʼaˆ dzaˬ luꞈ-eu tsawˇ jeuˬ dawˬ tawˆ luꞈ-euˬ aˬ laꞈ laꞈ kʼoeˇ neh maˬ ehˇ, naw maꞈ-ahˇ ngaˇ ka kʼoꞈ nehˬ-euˬ ma.

Yaˇ kʼaˬ daˇ 2:18

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ aˬ yuiꞈ aˬ tsu tiˬ gʼaˬ kʼaˇ biꞈ nehˬ ngeh, aˬ yuiꞈ aˬ tsu kʼoeˇ gʼaˬ kʼaˇ dehꞈ kʼoeˇ keuˆ ni aˬ yawꞈ-ahˇ Sahˬpaˬ Miˬyehˇ caw ba nehˬ-eu laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ, muiˇ-eu tsawˇ haˬ deuˬ-euˬ aˬ laꞈ laꞈ kʼoeˇ neh bi ka kʼoꞈ-euˬ meh. Aˬ jeˬ miˇ neh ehˇ naˇ, kʼehˬ-eu kʼaˆ-eu jeˬ-ahˇ aˬ yawꞈ maꞈ ya daˬ-awˇ mahˇ luꞈ-eu teˇ saˇ-ahˇ Sahˬpaˬ Miˬyehˇ ya gaˬ ngeh, aˬ yawꞈ maꞈ-ahˇ gʼawˬ shaˬ gaˬ-euˬ meh.

Aˇ dahˬ 8:1

Noˇaˬ hawˇ-eu aˬ yawꞈ nehˬ-ehˇ saˇ baoˬ laꞈ kʼoeˇ kʼaˇ uˇ-eu jeˬ zaˬ deuˬ-ahˇ Miˬyehˇ maˬ ngehˇ-a. Aˬ yawꞈ jaˬ lehˇ bi baw laˇ-awˇ, iˇ cuꞈ bi aw-iˇ-euˬ meh.

Jaceuq 106:42

Muiˇ-eu deuˬ neh bi kʼehˬ bi kʼaˆ-awˇ, aˬ cawˬ neh kʼaˇ jahˇ nehˬ-euˬ jeˬ ya daˬ-euˬ meh.

Jaceuq 106:4

Sahˬpaˬ Miˬyehˇ-oˇ, nawˬ-euˬ tsawˇ haˬ deuˬ-ahˇ nawˇ ngehˬ gʼeh ngeh, ngaˬ-ahˇ taˬ ngehˇ nehˬ laꞈ. Aˬ yawꞈ maꞈ-ahˇ nawˇ ka kʼoꞈ ngeh, ngaˬ-ahˇ taˬ byehˇ dzeh nehˬ laꞈ.

2 Laˬsaˬbaˬ 13:14

Yuˇdaˆ guiˇ maꞈ deuˬ jawˬ jawˬ-ehˇ haw-awˇ, aˬ cawˬ aˬ yawꞈ maꞈ-ahˇ loꞈ jawˬ taˬ-euˬ gaˇ ya mawˇ ngeh, Sahˬpaˬ Miˬyehˇ-ahˇ “Caw ba le-awˬ” lehˇ guˇ-awˇ, piˇ ma deuˬ daˇ heh baw-euˬ meh.

Yaˇ kʼaˬ daˇ 10:12

Siˇdoˬ tsawˇ jeuˬ, Aˬmaˬlehˇ tsawˇ jeuˬ hawˇ-eu, Maˬoˬ tsawˇ jeuˬ deuˬ naw maꞈ-ahˇ kʼehˬ nehˬ kʼaˆ nehˬ-awˇ, naw maꞈ ngaˬ-ahˇ guˇ ngeh, ngaˇ maw maꞈ-ahˇ maˬ ka kʼoꞈ nehˬ-aˬ loˇ.

Yaˇ kʼaˬ daˇ 10:8

Yawˇdaˬ lawˇ baˬ nahˇ ma doˆ kʼehˬ paw Giˇlaˆ miˇ kʼahˬ laꞈ kʼoeˇ jaˆ-eu Aˬmawˇliˆ miˇ kʼahˬ laꞈ kʼoeˇ jawˇ-eu Iˇsaˬleˬlaˆ tsawˇ haˬ deuˬ-ahˇ, tseˇ yehꞈ kʼoꞈ keuˆ ni aˬ yawꞈ maꞈ kʼehˬ nehˬ kʼaˆ nehˬ-euˬ meh.

Yawˇshuˆ 6:5

Kʼoeˇ naˇ, aˬ yawꞈ maꞈ-ahˇ daˇ heh teˇ saˇ gʼawˬ mahˇ ni bi baw yeu gʼeh-awˬ. Teˇ saˇ kʼoeˇ naw maꞈ ya gaˬ-eu nehˬ-ehˇ, tsawˇ haˬ dawˬ tawˆ luꞈ guˇ kʼaˆ leꞈ-awˬ. Kʼoeˇ ngeh, meuˬ meuˬ lahˇ byaˆ le tehꞈ-a. Kʼoeˇ naˇ, guiˇ guiˇ maꞈ maꞈ lah-ehˇ meuˬ laꞈ kʼoeˇ uˇ leˇ-awˬ.”

Bawˇtsahˬ 31:6

Moˇseˬ-aˬ, tsawˇ haˬ kʼoeˇ deuˬ-ahˇ, muiˬ-eu shawˇ-eu keu ka hawˇ-eu daˇ heh yuˇ luꞈ-eu piˇ ma Eˇlaˬzaˬ-euˬ aˬ li Piˇnaˬhaˇ neh bi uˆ lahˇ-awˇ, guiˇ bi deuˆ leˇ-euˬ meh.

1 Gawˇliˬtu 14:8

Daˇ heh baw-eu tsawˇ haˬ kʼawꞈ, aˬ cawˬ gʼoˆ siˬ nya ni teˇ saˇ yaw lawˆ lawˆ-ehˇ maˬ baw gaˬ nehˬ nya naˇ, guiˇ deuˆ-eu gʼaˇ duˬ aˬ suˇ gʼaˬ lehˬ hmˬ nmˇ.

Aˬmoˆ 3:6

Tsawˇ haˬ maˬ bi tsawˬ guˆ-iˇ ni meuˬ laꞈ kʼoeˇ guiˇ deuˆ-eu daˇ heh baw mahˇ nya meh loˇ. Sahˬpaˬ Miˬyehˇ neh maˬ jahˇ-euˬ gaˇ, luˬ-iˇ seˇ-iˇ-eu jeˬ meuˬ kʼoeˇ taˆ keuˆ le nya meh loˇ.

Yeˬlaˬmiˇ 6:17

Kʼoeˇ naˇ, daˇ heh teˇ saˇ bi naˇ haˬ-eu gʼaˇ duˬ, meuˬ-ahˇ loꞈ-eu tsawˇ haˬ Sahˬpaˬ Miˬyehˇ tseˇ doˆ nehˬ kʼawꞈ, “Maˬ naˇ haˬ” lehˇ aˬ yawꞈ maꞈ ehˇ-eu meh.

Yeˬlaˬmiˇ 4:21

Aˇ myah keuˆ ni guiˇ deuˆ-eu ya mawˇ-awˇ, aˇ myah keuˆ ni daˇ heh teˇ saˇ ya gaˬ-eu gʼeh ta.

Yeˬlaˬmiˇ 4:19

Shaˬ zahˬ naꞈ-eu shaˬ zahˬ, shaˬ zahˬ maˬ daˬ coeˇ nya. Nui ma cehˇ tahˬ, nui ma cehˇ tahˬ, ciˬ cuˇ ni maˬ dzahˬ tehˬ coeˇ nya. Daˇ heh teˇ saˇ hawˇ-eu, guiˇ deuˆ-eu teˇ saˇ gaˬ laˇ nya.

Yeˬlaˬmiˇ 4:5

Miˇ kʼahˬ doe ni daˇ heh baw-awˇ, yaw duˬ duˬ-ehˇ guˇ gaˬ nehˬ-awˬ. Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu deuˬ-ahˇ, ziꞈ dah ni gʼeh-eu meuˬ deuˬ-ahˇ cehˆ uˇ leˇ-awˬ lehˇ guˇ nehˬ-awˬ.

Iˇsaˬyaˇ 58:1

Sahˬpaˬ Miˬyehˇ heu loꞈ-ehˇ ehˇ-eu meh. “Nawˇ kʼaˇ guˇ doˆ coeˇ-eu guˇ-awˇ, ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ, aˬ yawꞈ maꞈ-euˬ iˬ baˇ gaˇ kawˆ-ehˇ gaˬ nehˬ-awˬ.

Iˇsaˬyaˇ 18:3

Miˇ tsaˬ kʼoeˇ taˆ kʼaˇ jawˇ-eu tsawˇ haˬ zaˬ deuˬ-oˇ, gawˬ jawˬ kʼoeˇ taˆ paˇ loˬ paˇ lehˇ baꞈ tuˇ laˇ gaˇ haw-awˇ, daˇ heh baw doˆ laˇ-eu teˇ saˇ ahˇ naˇ haˬ taˬ-awˬ.

Jaceuq 136:23

Aˬ cawˬ aˬ dui-ahˇ gʼaˬ laˇ ngeh, aˬ dui-ahˇ aˬ yawꞈ maˬ ngehˇ-a. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Yaˇ kʼaˬ daˇ 6:34

Sahˬpaˬ Miˬyehˇ-euˬ yaw sahˇ Giˇdoˬ-ahˇ uˆ lahˇ-awˇ, aˬ yawꞈ daˇ heh baw-awˇ, Aˬbyeˇzaˬ aˇ jeuˬ-ahˇ aˬ yawꞈ-euˬ mehˬ nah caw teh laˇ-eu gʼaˇ duˬ kuˇ-euˬ meh.

Yaˇ kʼaˬ daˇ 6:9

Iˇjiˇtuˆ tsawˇ haˬ-euˬ aˬ laꞈ laꞈ kʼoeˇ maˬ ehˇ, miˇ kʼahˬ heu kʼahˬ laꞈ kʼoeˇ naw maꞈ-ahˇ guiˇ deuˆ le-euˬ tsawˇ haˬ deuˬ-euˬ aˬ laꞈ laꞈ kʼoeˇ maˬ ehˇ, naw maꞈ-ahˇ ngaˇ ka kʼoꞈ nehˬ-euˬ ma. Naw maꞈ laˇ uˇ-eu nehˬ-ehˇ, aˬ yawꞈ maꞈ-ahˇ ngaˇ teh doˆ-awˇ, aˬ yawꞈ maꞈ-euˬ miˇ kʼahˬ naw maꞈ-ahˇ biꞈ-euˬ ma.

Yaˇ kʼaˬ daˇ 3:27

Eˇpaˬleˬ miˇ kʼahˬ gawˬ jawˬ gawˬ duˇ-ahˇ aˬ yawꞈ cehˆ keuˆ ngeh, Iˇsaˬleˬlaˆ tsawˇ haˬ deuˬ-ahˇ daˇ heh baw gaˬ nehˬ-awˇ, guiˇ deuˆ-eu gʼaˇ duˬ kuˇ-euˬ meh. Kʼoeˇ naˇ, gawˬ duˇ-ahˇ neh, aˬ yawꞈ maꞈ-ahˇ aˬ yawꞈ sheuˬ ka gʼeh-euˬ meh.

Zeˬpaˬniˇ 1:16

daˇ heh baw dui dui-eu aˇ nah guˇ guˇ-ehˇ guiˇ deuˆ-eu aˇ nah, meuˬ yaw ziꞈ-ahˇ deuˆ-eu aˇ nah taˆ yaw goˇ-ahˇ deuˆ-eu aˇ nah yaw kawˇ kawˇ-ehˇ keuˆ le luꞈ meh.

Hawˇseˬ 5:8

Giˇbyaˬ meuˬ-ahˇ coiˇ doi baw-awˬ. Laˬmahˇ meuˬ-ahˇ daˇ heh baw-awˬ. Behˬdaˬbeˬ meuˬ-ahˇ laˆ luiˬ-awˬ. Beˬyaˬmiˬ tsawˇ jeuˬ guiˇ deuˆ-awˬ.

Yeˬsaˬgeˬlaˇ 7:14

Miˬyehˇ-euˬ nui pehˇ yawˬ gʼaˬ na luꞈ kʼoeˇ taˆ tiˬ kawˆ loꞈ-ehˇ keuˆ le-eu miˇ neh, daˇ heh teˇ saˇ mahˇ laˇ-awˇ, yawˬ gʼaˬ na luꞈ lehˬ hmˬ dah taˬ-euˬ kʼawꞈ, guiˇ deuˆ-iˇ-eu tiˬ gʼaˬ-iˬ maˬ jawˇ-aˇ.

Yeˬlaˬmiˇ 6:1

Beˬyaˬmiˬ tsawˇ jeuˬ-oˇ, ya buˬ ya law-iˇ ni cehˆ-awˬ. Yeˬluˇsaˬlehˬ meuˬ laꞈ nyiˇ cehˆ doˆ-awˬ. Teˬkawˬ meuˬ-ahˇ daˇ heh baw gaˬ-awˇ, aˬ cawˬ bi haw siˬ-eu gʼaˇ duˬ, Behˬhaˬsheˬleˬ meuˬ-ahˇ miˬ dzaˬ jehˆ bymˇ bymˇ-awˬ. Guˆ-eu gaˆ-eu hawˇ-eu luˬ-iˇ seˇ-iˇ-eu jeˬ, laꞈ taˆ paw neh oe luꞈ-eu meh.

Uˬ duˬ 23:24

Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Ba la shiꞈ siˬ tiˬ siˬ aˇ nah yaw beh nah-ahˇ nah lah lah-awˇ, daˇ heh teˇ saˇ mahˇ doˆ laˇ ngeh, uˬ duˬ tahˬ-eu gʼaˇ duˬ ya uiˬ leˇ meh.

2 Laˬsaˬbaˬ 13:12

Miˬyehˇ aˬ yawꞈ-euˬ gʼawˇ mawˇ nga maꞈ kʼoeˇ taˆ aˬ yuiꞈ geuꞈ luꞈ-awˇ, aˬ yawꞈ-euˬ piˇ ma deuˬ kʼawꞈ daˇ heh yuˇ-awˇ heu gaˇ jawˇ luꞈ-eu laꞈ kʼoeˇ, nga maꞈ naw maꞈ-ahˇ guiˇ deuˆ-eu gʼaˇ duˬ daˇ heh baw gaˬ-eu lehˇ lehˬ hmˬ taˬ-euˬ meh. Iˇsaˬleˬlaˆ tsawˇ haˬ deuˬ-oˇ, naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˇ deuˆ-eu lehˇ taˬ leh jeh. Naw maꞈ maˬ deuˆ gʼaˬ nya-a.”

Yeˬlaˬmiˇ 49:2

Ehˇ kʼawꞈ, Aˬmoˬ tsawˇ jeuˬ-euˬ meuˬ meuˬ ma pyeuꞈ-eu Laˬbah meuˬ-ahˇ jawˇ-eu tsawˇ haˬ deuˬ guiˇ deuˆ le-eu teˇ saˇ ya gaˬ-awˇ, meuˬ cawˆ-iˇ-awˇ pu deuˬ miˬ dzaˬ bi keuˬ dzeh jiˇ ngeh keuˆ ni, aˬ yawꞈ maꞈ kʼoeˇ taˆ bi keuˆ le-eu lehˇ ngaˬ neh lehˬ hmˬ taˬ-euˬ aˇ yamˬ keuˆ le-eu dawˬ peh peh laˇ-euˬ meh. Kʼoeˇ ngeh jawˇ, Iˇsaˬleˬlaˆ tsawˇ haˬ deuˬ aˬ cawˬ-euˬ laꞈ-ahˇ ahˇ leˇ-euˬ yawˬ ha-euˬ miˇ kʼahˬ paˇ za kʼoꞈ tehꞈ-a.

Dawˬmehˬ 20:1

“Nawˬ-ahˇ muiˇ-eu deuˬ-ahˇ guiˇ deuˆ-iˇ-eu lehˇ nawˇ doˆ-iˇ-awˇ, naw maꞈ naˆ maˬ tseˇ myaˬ dzehˬ-eu mahˬ laˆ lawˬ deuˬ hawˇ-eu guiˇ guiˇ maꞈ deuˬ-ahˇ ya mawˇ ngeh, taˬ guˆ. Iˇjiˇtuˆ miˇ kʼahˬ laꞈ kʼoeˇ neh nawˬ-ahˇ ka kʼoꞈ doˆ laꞈ-euˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ jawˇ tehꞈ-a.