Bawˇtsahˬ 1:36 - Akha

³⁶ Beˬyaˬmiˬ-euˬ zaˬ deuˬ uˆ deuˬ laꞈ kʼoeˇ, nyiˬ tseˇ kʼoꞈ-ahˇ neh laꞈ taˆ paw-euˬ guiˇ kʼaˇ deuˆ nya-eu kʼaˬ dzeˇ zaˬ dawˬ tawˆ luꞈ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ, tiˬ gʼaˬ saˇ-iˬ tiˬ gʼaˬ-euˬ tsawˇ myahˇ yuˇ-euˬ meh.

Bawˇtsahˬ 1:36 Referans Kwoze

Aˇ dahˬ 49:27

Beˬyaˬmiˬ-aˬ, smˇ dui dui-eu kʼaˬ yehˇ-ahˇ duˇ-eu meh. Uˬ ciꞈ nah gʼahˇ maˬ tseˇ ni aˬ cawˬ-ahˇ kawꞈ sehꞈ-awˇ, dzaˬ nawˆ nawˆ tehꞈ-a” lehˇ, aˬ ha mehˇ nmˇ-ahˇ Yaˬkoˆ ehˇ nehˬ-euˬ meh.

Panmaeq 7:8

Zeˬbuˬluˬ tsawˇ jeuˬ laꞈ kʼoeˇ tiˬ muiˇ nyiˬ heˇ gʼaˬ, Yoˇsehˆ tsawˇ jeuˬ laꞈ kʼoeˇ tiˬ muiˇ nyiˬ heˇ gʼaˬ, Beˬyaˬmiˬ tsawˇ jeuˬ laꞈ kʼoeˇ tiˬ muiˇ nyiˬ heˇ gʼaˬ meh.

2 Laˬsaˬbaˬ 17:17

Beˬyaˬmiˬ aˇ jeuˬ aˇ ca guiˇ maꞈ deuˬ kʼoeˇ taˆ aˬ yuiꞈ geuꞈ-awˇ uˆ lahˇ-euˬ gʼaˬ-aˬ, tsawˇ myahˇ doˆ-eu yehˇ tiˬ gʼaˬ pyeuꞈ-eu Eˇleˬdaˬ meh. Dehˬ daˬ duˬ hawˇ-eu kaˆ baꞈ-euˬ yehˇ nyiˬ seh gʼaˬ-ahˇ aˬ yawꞈ uˆ lahˇ-euˬ meh.

Aˇ dahˬ 46:21

Beˬyaˬmiˬ-euˬ aˬ li deuˬ-aˬ, Beˬlaˬ, Beˬkeuˬ, Aˬshaˇbeˬlaˆ, Geˬlaˬ, Neˬmaˬ, Eˇhiˆ, Yoˇshaˆ, Muˇbeˬ, Huˇbeˬ, Aˬlaˬdaˆ, heu deuˬ meh.

Aˇ dahˬ 44:20

Nawˇ kʼoeˇ loꞈ-ehˇ naˇ haˬ ngeh, ‘Ngaˬ ha mehˇ nmˇ-euˬ aˬ da jawˇ ma. Aˬ yawꞈ mawˬ laˇ ngeh hawˇ-eu dehꞈ le-euˬ ngaˬ ha mehˇ nmˇ-euˬ aˬ nyiˇ jiˇ tiˬ gʼaˬ jawˇ ma. Aˬ li kʼoeˇ gʼaˬ-euˬ aˇ doˆ gʼaˬ shiˇ dzeuˇ-awˇ, aˬ yawꞈ nehˬ-ehˇ tiˬ uˇ pyehˆ zaˬ aˬ yawꞈ tiˬ gʼaˬ dehꞈ-eu tehꞈ meh. Kʼoeˇ miˇ neh aˬ da aˬ yawꞈ-ahˇ gaˬ dui dui-eu meh’ lehˇ, ngaˬ ha mehˇ nmˇ nawˬ-ahˇ ehˇ kʼoꞈ nehˬ-euˬ ma.

Bawˇtsahˬ 1:35

Maˬnaˇseˬ tsawˇ jeuˬ laꞈ kʼoeˇ tsawˇ myahˇ dawˆ-euˬ tsawˇ haˬ smˬ muiˇ nyiˬ heˇ nyiˬ yaˇ gʼaˬ byah-eu meh.

Bawˇtsahˬ 1:37

Beˬyaˬmiˬ tsawˇ jeuˬ laꞈ kʼoeˇ, tsawˇ myahˇ dawˆ-euˬ tsawˇ haˬ smˬ muiˇ ngaˬ heˇ oeˬ yaˇ gʼaˬ byah-eu meh.

Yaˇ kʼaˬ daˇ 20:15

Kʼoeˇ ngeh nah, aˬ yawꞈ maꞈ-euˬ meuˬ deuˬ-ahˇ jawˇ-eu yehˇ nyiˬ muiˇ koꞈ heˇ gʼaˬ aˬ yawꞈ maꞈ kuˇ uiˬ-euˬ meh. Kʼoeˇ uˬ taꞈ, Giˇbyaˬ meuˬ-ahˇ jawˇ-eu tsawˇ haˬ deuˬ kʼawꞈ, kʼaˬ lo gʼoˆ-awˇ aˇ caˇ laꞈ neh caˬ oeˬ beuˆ ngeh, uˬ duˬ tsehˇ kahˇ tiˬ kahˇ-ahˇ keuˆ ni maˬ lehˬ-iˇ ni beuˆ taˆ nya-eu, dziˇ dui dui-eu yehˇ shiꞈ yaˇ gʼaˬ kuˇ uiˬ-euˬ meh.