Aˇ dahˬ 49:8 - Akha

⁸ Yuˇdaˆ-oˇ, nawˬ-euˬ mehˇ nmˇ deuˬ nawˬ-ahˇ ya ja ceuˬ tehꞈ-a. Nawˬ-ahˇ muiˇ-eu tsawˇ haˬ deuˬ-ahˇ kuˬ byahˬ-ahˇ neh nawˇ nyehꞈ sehꞈ nehˬ tehꞈ-a. Nawˬ-euˬ mehˇ nmˇ deuˬ nawˬ-euˬ mehˬ shi awˆ byaˆ-awˇ, nawˬ-ahˇ yaw zeu ya baw tehꞈ-a.

Aˇ dahˬ 49:8 Referans Kwoze

HeˬByehˇ 7:14

Aˬ yawꞈ Yuˇdaˆ tsawˇ jeuˬ laꞈ kʼoeˇ dehꞈ le-euˬ meh lehˇ yawˬ gʼaˬ na luꞈ siˬ nya-meh. Piˇ ma bi geuꞈ-eu gaˇ kawˆ Moˇseˬ ehˇ ngeh, tsawˇ jeuˬ heu jeuˬ-ahˇ maˬ ehˇ-aˬ.

Aˇ dahˬ 27:29

Tsawˇ jeuˬ dawˬ tawˆ luꞈ nawˬ-euˬ zaˬ kʼaˆ ya geuꞈ-awˇ, tsawˇ haˬ dawˬ tawˆ luꞈ nawˬ-euˬ mehˬ shi pawˬ tsuiꞈ pawˬ dmˬ dmˬ luꞈ-uˇ. Nawˬ-euˬ aˇ jeuˬ aˇ ca dawˬ tawˆ luꞈ kʼoeˇ taˆ nawˇ ya uˆ lahˇ-awˇ, nawˬ ma o neh kʼaˇ jeuˬ kʼaˇ o le-euˬ tsawˇ haˬ dawˬ tawˆ luꞈ, nawˬ-euˬ mehˬ shi pawˬ tsuiꞈ pawˬ dmˬ dmˬ luꞈ-uˇ. Nawˬ-ahˇ yaˬ kʼehˇ yaˬ-eu tsawˇ haˬ deuˬ, yaˬ kʼehˇ yaˬ nehˬ gaˇ paˇ ya daˬ-awˇ, nawˬ-ahˇ guiˬ lahˬ biꞈ-eu tsawˇ haˬ deuˬ guiˬ lahˬ za luꞈ-uˇ.”

1 Laˬsaˬbaˬ 5:2

Ehˇ kʼawꞈ, Yuˇdaˆ tsawˇ jeuˬ-aˬ, aˬ cawˬ naˆ maˬ tseˇ gʼaˬ kʼaˆ dzehˬ-eu tsawˇ jeuˬ pyeuꞈ laˇ-awˇ, Iˇsaˬleˬlaˆ tsawˇ jeuˬ dawˬ tawˆ luꞈ kʼoeˇ taˆ uˆ lahˇ-euˬ meh.)

Yawˇshuˆ 10:24

Sahˬ paˬ kʼoeˇ deuˬ-ahˇ Yawˇshuˆ jawˇ gaˇ sheuˬ keuˆ laꞈ ngeh, Iˇsaˬleˬlaˆ tsawˇ haˬ dawˬ tawˆ luꞈ-ahˇ aˬ yawꞈ kuˇ uiˬ-awˇ, aˬ yawꞈ nehˬ-ehˇ le-euˬ yaw huiˬ yaw mahˇ deuˬ-ahˇ, “Sahˬ paˬ teu deuˬ-euˬ kawˬ lahˇ-ahˇ aˬ kuiˇ neh nawˬ tehˬ-awˬ” lehˇ ehˇ nehˬ ngeh, aˬ yawꞈ maꞈ nawˬ tehˬ-euˬ meh.

Dawˬmehˬ 33:7

Yuˇdaˆ gaˇ kawˆ Moˇseˬ ehˇ-eu, “Yuˇdaˆ tsawˇ jeuˬ-euˬ shaˇ dawˬ-ahˇ, Sahˬpaˬ Miˬyehˇ naˇ haˬ nehˬ-awˬ. Iˇsaˬleˬlaˆ tsawˇ jeuˬ deuˬ-ahˇ, aˬ yawꞈ maꞈ bi gʼoꞈ gm leˇ-awˬ. Muiˇ-eu deuˬ neh maˬ bi gʼaˬ ni, Sahˬpaˬ Miˬyehˇ caw ba nehˬ-awˬ.”

Aˇ dahˬ 29:35

Kʼoeˇ naˇ, aˬ yawꞈ aˬ nyiˇ paˇ pi leˇ-awˇ, aˬ li tiˬ li paˇ ciˬ-euˬ meh. “Heu poˆ-aˬ, Sahˬpaˬ Miˬyehˇ-euˬ guiˬ lahˬ-ahˇ ngaˇ ja ceuˬ ma” lehˇ aˬ yawꞈ ehˇ-awˇ, aˬ li kʼoeˇ li-ahˇ Yuˇdaˆ lehˇ myahˇ nehˬ-euˬ meh. Yuˇdaˆ dehꞈ le gʼaˬ ngeh jawˇ, aˬ yawꞈ zaˬ maˬ paˇ jawˇ le ni pyeuꞈ-iˇ-euˬ meh.

Panmaeq 11:15

Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ daˇ heh baw ngeh, mˬ kʼoeˇ taˆ teˇ saˇ yaw kʼaˆ-ehˇ lawꞈ gʼa laˇ-awˇ ehˇ-eu, “Miˇ tsaˬ heu kʼoeˇ taˆ uˆ lahˇ-eu baoˬ, nymˬ-mˇ aˬ dui-euˬ Sahˬpaˬ Miˬyehˇ hawˇ-eu aˬ yawꞈ-euˬ Ka li-ahˇ oꞈ-awˇ, mˬ maˬ maˬ byaˆ zaˇ ziˇ aˬ yawꞈ uˆ lahˇ tehꞈ-a.”

Panmaeq 5:5

Kʼoeˇ ngeh, aˬ yuiꞈ aˬ tsu kʼoeˇ deuˬ laꞈ kʼoeˇ tiˬ gʼaˬ, ngaˬ-ahˇ heu loꞈ-ehˇ ehˇ-eu meh. “Taˬ ngoeˇ. Haw-awˬ. Yuˇdaˆ tsawˇ jeuˬ-euˬ Aˇ laˬ jaˬ shiˇ pyeuꞈ-eu, Daˬbiˇ-euˬ Duˬ ciˇ kʼoeˇ gʼaˬ guiˇ deuˆ gʼaˬ-euˬ meh. Jmˬ shiꞈ tsahˇ diˬ taˬ-euˬ kʼoeˇ aˬ yawꞈ ngawˬ paˆ-awˇ, sahˬ boꞈ paˇ yoˆ pah nya meh.”

HeˬByehˇ 10:13

Aˬ yawꞈ-ahˇ muiˇ-eu deuˬ-ahˇ Miˬyehˇ neh tsahˇ uiˬ laꞈ-awˇ, aˬ yawꞈ maꞈ kʼoeˇ taˆ aˬ yawꞈ-euˬ aˬ kuiˇ cawˬ daˆ duˬ bi geuꞈ gaˇ dawˬ keuˆ luꞈ-eu meh.

Yeˬsaˬgeˬlaˇ 21:29

Naw maꞈ neh yaw sahˇ laꞈ kʼoeˇ ya mawˇ-euˬ jeˬ maˬ tsaˬ-ehˇ, naw maꞈ neh ngehˬ dah ehˇ dah taˬ-eu jeˬ jaˬ myawꞈ tehꞈ meh. Naw maꞈ-aˬ, maˬ muiˬ-eu haiˬ-eu tsawˇ haˬ pyeuꞈ-awˇ, naw maꞈ-ahˇ aˇ saˬ saˬ-eu poˆ kʼehˬ nehˬ-eu aˇ nah keuˆ le luꞈ meh. Naw maꞈ-euˬ kawˬ lahˇ-ahˇ mi cehˇ keuˆ le luꞈ meh.

Iˇsaˬyaˇ 9:7

Aˬ yawꞈ uˆ lahˇ-eu baoˬ tiˬ jawˇ saˇ-iˬ tiˬ jawˇ huiˬ laˇ-awˇ, aˬ yawꞈ-euˬ miˇ kʼahˬ aˬ myah luꞈ nui saˇ oꞈ tehꞈ-a. Aˬ yawꞈ-euˬ dzoeˬ dzaˬ sahˬ paˬ Daˬbiˇ-ahˇ taꞈ tehꞈ-a. Yaw tsaˬ yaw dawˇ jeˬ kʼoeˇ taˆ baoˬ bi jaˆ-awˇ, mˬ maˬ maˬ byaˆ zaˇ ziˇ uˆ lahˇ tehꞈ-a. Heu deuˬ dawˬ tawˆ luꞈ bi pyeuꞈ laˇ-eu gʼaˇ duˬ , Sahˬpaˬ Miˬyehˇ noeˬ tsehˆ gʼaˬ taˬ-euˬ meh.

Jaceuq 76:1

Yuˇdaˆ miˇ kʼahˬ Miˬyehˇ-ahˇ siˬ nya-awˇ, Iˇsaˬleˬlaˆ miˇ kʼahˬ laꞈ kʼoeˇ aˬ yawꞈ tsawˇ myahˇ huiˬ-eu meh.

2 Laˬsaˬbaˬ 30:11

Ehˇ kʼawꞈ, Aˬshaˬ tsawˇ jeuˬ, Maˬnaˇseˬ tsawˇ jeuˬ hawˇ-eu Zeˬbuˬluˬ tsawˇ jeuˬ laꞈ kʼoeˇ, Yeˬluˇsaˬlehˬ meuˬ-ahˇ oe mawꞈ-eu deuˬ kʼawꞈ, keuˬ-eu meh.

2 Laˬsaˬbaˬ 17:2

Yuˇdaˆ miˇ kʼahˬ laꞈ kʼoeˇ jaˆ-eu ziꞈ dah ni tsoˆ taˬ-euˬ meuˬ deuˬ-ahˇ maˬ ehˇ, meuˬ-ahˇ gaˇ mahˇ kaˬ-eu jawˇ duˬ deuˬ-ahˇ maˬ ehˇ, Eˇpaˬleˬ miˇ kʼahˬ laꞈ kʼoeˇ aˬ yawꞈ-euˬ aˬ da Aˬsaˬ neh deuˆ za taˬ-euˬ meuˬ deuˬ-ahˇ maˬ ehˇ, aˬ yawꞈ-euˬ guiˇ maꞈ deuˬ bi jawˇ byah-euˬ meh.

2 Laˬsaˬbaˬ 15:9

Eˇpaˬleˬ miˇ kʼahˬ, Maˬnaˇseˬ miˇ kʼahˬ hawˇ-eu Suˇmoˬ miˇ kʼahˬ-ahˇ jawˇ-eu tsawˇ haˬ gʼawˬ mya ni Aˬsaˬ jawˇ paw cehˆ uˇ le-awˇ, aˬ yawꞈ-euˬ miˇ kʼahˬ laꞈ kʼoeˇ jawˇ luꞈ-eu meh. Aˬ jeˬ miˇ neh ehˇ naˇ, aˬ yawꞈ nehˬ-ehˇ Sahˬpaˬ Miˬyehˇ jawˇ-eu aˬ yawꞈ maꞈ ya mawˇ-euˬ meh. Aˬ yawꞈ maꞈ dawˬ tawˆ luꞈ hawˇ-eu, Yuˇdaˆ tsawˇ haˬ, Beˬyaˬmiˬ tsawˇ haˬ deuˬ-ahˇ aˬ yawꞈ kuˇ uiˬ-euˬ meh.

2 Laˬsaˬbaˬ 14:8

Sahˬ paˬ Aˬsaˬ-aˬ, Yuˇdaˆ miˇ kʼahˬ laꞈ kʼoeˇ, dehˬ daˬ duˬ hawˇ-eu gahˬ baꞈ-eu yehˇ smˬ seh gʼaˬ jawˇ-awˇ, Beˬyaˬmiˬ miˇ kʼahˬ laꞈ kʼoeˇ, dehˬ daˬ duˬ hawˇ-eu kaˆ baꞈ-eu yehˇ nyiˬ seh yehꞈ muiˇ gʼaˬ jawˇ-eu meh. Yehˇ kʼoeˇ deuˬ dawˬ tawˆ luꞈ nui ma kʼaˬ duˬ ni gʼeh-awˇ, yaw muiˬ paˬ-ehˇ dzaw nya taˬ-euˬ yehˇ deuˬ tehꞈ meh.

2 Saˬmeuˬlaˆ 24:9

Kʼoeˇ naˇ, Yoˇbaˬ gʼaˬ, aˬ yawꞈ maꞈ neh yuˇ laꞈ-euˬ tsawˇ seˬ jaˇ laˇ kʼoeˇ sahˬ paˬ-ahˇ biꞈ nehˬ leˇ-euˬ meh. Iˇsaˬleˬlaˆ miˇ kʼahˬ laꞈ kʼoeˇ guiˇ deuˆ nya-eu tsawˇ haˬ yehꞈ seh gʼaˬ jawˇ-awˇ, Yuˇdaˆ miˇ kʼahˬ laꞈ kʼoeˇ guiˇ deuˆ nya-eu tsawˇ haˬ ngaˬ seh gʼaˬ jawˇ-eu meh.

2 Saˬmeuˬlaˆ 22:41

Muiˇ-eu deuˬ naˇ kʼahˇ ciꞈ pyawˇ-awˇ, cehˆ byaˆ jiˇ ni nawˇ jahˇ-euˬ meh. Ngaˬ-ahˇ bye-eu tsawˇ haˬ kʼoeˇ deuˬ, ngaˇ laˆ luˬ laˆ seˇ nehˬ-euˬ ma.

2 Saˬmeuˬlaˆ 5:3

Kʼoeˇ loꞈ-ehˇ, Iˇsaˬleˬlaˆ miˇ kʼahˬ-euˬ aˬ yuiꞈ aˬ tsu dawˬ tawˆ luꞈ, Heˬbyoˬ meuˬ-ahˇ sahˬ paˬ Daˬbiˇ jawˇ gaˇ laˇ-awˇ, aˬ yawꞈ hawˇ-eu aˬ yawꞈ maꞈ yaw kaˬ saˇ jaˇ dzaˬ taꞈ-euˬ meh. Kʼoeˇ naˇ, aˬ yawꞈ maꞈ aˬ yawꞈ-ahˇ tsiˇ shehˆ daˆ nehˬ-awˇ, Iˇsaˬleˬlaˆ miˇ kʼahˬ-euˬ sahˬ paˬ ka nehˬ-euˬ meh.

Yaˇ kʼaˬ daˇ 20:18

Beˬdeˬlaˇ meuˬ-ahˇ jaˆ-eu uˬ duˬ tahˬ-eu jawˇ duˬ-ahˇ Iˇsaˬleˬlaˆ tsawˇ haˬ deuˬ le-awˇ, “Beˬyaˬmiˬ tsawˇ jeuˬ-ahˇ tsawˇ jeuˬ aˬ geu jeuˬ guiˇ jeˬ hu ya deuˆ-iˇ nmˇ” lehˇ, Miˬyehˇ-ahˇ naˇ haˬ-euˬ meh. “Yuˇdaˆ tsawˇ haˬ jeˬ hu deuˆ-iˇ-awˬ” lehˇ Sahˬpaˬ Miˬyehˇ ehˇ-eu meh.

Bawˇtsahˬ 26:22

Aˇ jeuˬ heu deuˬ dawˬ tawˆ luꞈ, shiꞈ muiˇ koꞈ heˇ ngaˬ yaˇ gʼaˬ byah-eu meh.

Bawˇtsahˬ 10:14

Aˬ yawꞈ maꞈ kʼaˇ luˆ-iˇ ngeh, yawˬ ha jawˇ duˬ tsaˬ ni jawˇ-awˇ, doˆ-iˇ-eu meh. Aˬmiˇnaˬdehˇ-euˬ aˬ li Naˬshoˬ uˆ lahˇ-eu Yuˇdaˆ tsawˇ jeuˬ-euˬ taˆ-euˬ paˇ loˬ paˇ lehˇ uˬ moˆ kʼaˇ jawˇ-eu guiˇ maꞈ deuˬ, guiˇ maꞈ tiˬ maꞈ saˇ-iˬ tiˬ maꞈ aˬ cawˬ mehˬ hu doˆ-iˇ-euˬ meh.

Bawˇtsahˬ 1:27

Yuˇdaˆ tsawˇ jeuˬ laꞈ kʼoeˇ, tsawˇ myahˇ dawˆ-euˬ tsawˇ haˬ shiꞈ muiˇ oeˬ heˇ koꞈ yaˇ gʼaˬ byah-eu meh.

Aˇ dahˬ 46:12

Yuˇdaˆ hawˇ-eu aˬ yawꞈ-euˬ aˬ li deuˬ pyeuꞈ-eu Sheˬlahˬ, Paˬyehˆ, Zeˬlahˬ. (Yuˇdaˆ-euˬ aˬ li deuˬ pyeuꞈ-eu Iˇlehˆ hawˇ-eu Awˇnaˬ aˬ nyaꞈ nmˇ-aˬ, Kaˬnaˬ miˇ kʼahˬ-ahˇ shiˇ yaꞈ-euˬ meh. Paˬyehˆ-euˬ aˬ li deuˬ pyeuꞈ-eu Heˬzaˬloˬ hawˇ-eu Haˬmuˇlaˬ.

Aˇ dahˬ 42:6

Yoˇsehˆ-aˬ, Iˇjiˇtuˆ miˇ kʼahˬ kʼoeˇ taˆ uˆ lahˇ-awˇ haw-eu pyaˆ-eu gʼaˬ pyeuꞈ-eu loꞈ-ehˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ deuˬ cehˇ zeuˇ dzaˬ laˇ gaˇ cehˇ ahˬ nehˬ luꞈ-eu meh. Kʼoeˇ ngeh, Yoˇsehˆ-euˬ aˇ doˆ deuˬ oe-awˇ, baˬ ba miˇ tsa tuˆ ni awˆ byaˆ-eu laꞈ kʼoeˇ, Yoˇsehˆ-ahˇ yaw zeu baw nehˬ-euˬ meh.

1 Laˬsaˬbaˬ 28:4

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, Iˇsaˬleˬlaˆ miˇ kʼahˬ-ahˇ aˬ myah luꞈ bi uˆ lahˇ-eu gʼaˇ duˬ, ngaˇ hawˇ-eu ngaˬ-euˬ zaˬ deuˬ uˆ deuˬ-ahˇ tseˇ doˆ-euˬ meh. Aˬ yuiꞈ geuꞈ-awˇ bi sheuˬ gʼeh-eu gʼaˇ duˬ, Yuˇdaˆ tsawˇ jeuˬ-ahˇ aˬ yawꞈ tseˇ doˆ-awˇ, Yuˇdaˆ tsawˇ jeuˬ laꞈ kʼoeˇ ngaˬ da-euˬ aˇ jeuˬ-ahˇ aˬ yawꞈ paˇ tseˇ doˆ-euˬ meh. Ngaˬ da-euˬ aˇ jeuˬ jeuˬ lah ni laꞈ kʼoeˇ ngaˬ-ahˇ tseˇ doˆ-awˇ, Iˇsaˬleˬlaˆ miˇ kʼahˬ tiˬ kʼahˬ kʼahˬ lah ni kʼoeˇ taˆ sahˬ paˬ bi geuꞈ-eu gʼaˇ duˬ, aˬ yawꞈ nui ma tsaˬ-eu meh.

Yawˇshuˆ 15:20

Heu-aˬ, Yuˇdaˆ tsawˇ jeuˬ-euˬ aˇ jeuˬ aˇ ca deuˬ-ahˇ biꞈ tsehˆ tsehˆ nehˬ-euˬ miˇ kʼahˬ pyeuꞈ-eu meh.