Aˇ dahˬ 49:10 - Akha

¹⁰ Sahˬ paˬ-euˬ gawˬ yoeˬ-ahˇ aˬ yawꞈ tuˆ tehˬ taˬ-awˇ, Aˬ yawꞈ-euˬ zaˬ deuˬ tiˬ ziˇ saˇ-iˬ tiˬ ziˇ dzoeˬ dzaˬ oꞈ tehꞈ-a. Aˬ cawˬ tsawˇ jeuˬ deuˬ aˬ yawꞈ jawˇ gaˇ pyuˇ shuiˇ myawˬ gahˬ taꞈ ha laˇ-awˇ, Aˬ yawꞈ mehˬ shi awˆ byaˆ-eu laꞈ kʼoeˇ aˬ yawꞈ ehˇ dawˬ naˇ haˬ tehꞈ-a.

Aˇ dahˬ 49:10 Referans Kwoze

Bawˇtsahˬ 24:17

Aˬ kaˇ keuˆ le-eu aˇ yamˬ-ahˇ ngaˇ haw gʼeh-awˇ, Iˇsaˬleˬlaˆ tsawˇ jeuˬ-ahˇ ngaˇ mawˇ-euˬ ma. Yaw shehꞈ bya-eu aˬ guiˇ loꞈ-ehˇ, aˬ yawꞈ maꞈ-euˬ tsawˇ jeuˬ laꞈ kʼoeˇ, sahˬpaˬ tiˬ gʼaˬ doˆ laˇ tehꞈ-a. Aˬ guiˇ smˇ miˇ iˇ-eu loꞈ-ehˇ, Iˇsaˬleˬlaˆ tsawˇ jeuˬ laꞈ kʼoeˇ, ja pyuˬ ni ga keuˆ le tehꞈ-a. Mawˇbaˆ tsawˇ haˬ aˬ yuiꞈ aˬ tsu deuˬ-ahˇ aˬ yawꞈ diˬ-awˇ, Seˬtaˆ tsawˇ haˬ dawˬ tawˆ luꞈ-ahˇ aˬ yawꞈ dawꞈ lah nehˬ jiˇ tehꞈ-a.

Iˇsaˬyaˇ 9:6

Aˬ dui gʼaˇ duˬ aˬ li tiˬ li dehꞈ le-euˬ meh. Aˬ dui-ahˇ aˬ li tiˬ li biꞈ laꞈ-euˬ meh. Aˬ dui kʼoeˇ taˆ aˬ yawꞈ uˆ lahˇ tehꞈ-a. Aˬ yawꞈ-ahˇ heu loꞈ-ehˇ kuˇ tehꞈ-a. “Zahˬ dui dui leˇ paˬ-ehˇ gʼeh-eu nui noeˬ nui duˇ biꞈ-eu gʼaˬ, Baoˬ huiˬ-eu Miˬyehˇ, Mˬ maˬ maˬ byaˆ zaˇ ziˇ dehꞈ-eu Aˬ da, Nui saˇ bi oꞈ-eu Sahˬ paˬ” lehˇ kuˇ tehꞈ-a.

Iˇsaˬyaˇ 42:1

Sahˬpaˬ Miˬyehˇ ehˇ-eu, “Heu-aˬ, ngaˬ-euˬ zaˬ kʼaˆ ma. Ngaˇ hehˇ tehˇ nehˬ luꞈ-eu gʼaˬ ma. Aˬ yawꞈ-ahˇ ngaˇ tseˇ doˆ-awˇ, nui kʼahˇ shiˇ luꞈ-eu gʼaˬ ma. Aˬ yawꞈ kʼoeˇ taˆ ngaˬ-euˬ Yaw sahˇ jawˇ-awˇ, tsawˇ jeuˬ yawˬ jeuˬ na luꞈ kʼoeˇ taˆ, yaw tsaˬ yaw dawˇ jeˬ aˬ yawꞈ bi keuˆ le tehꞈ-a.

Jaceuq 60:7

Giˇlaˆ miˇ kʼahˬ ngaˬ-euˬ ma. Maˬnaˇseˬ miˇ kʼahˬ kʼawꞈ ngaˬ-euˬ ma. Eˇpaˬleˬ miˇ kʼahˬ ngaˬ-euˬ guiˇ deuˆ uˬ kʼoˆ pyeuꞈ-awˇ, Yuˇdaˆ miˇ kʼahˬ ngaˇ tuˆ tehˬ luꞈ-eu dzoeˬ dzaˬ gawˬ yoeˬ ma.

Iˇsaˬyaˇ 33:22

Sahˬpaˬ Miˬyehˇ aˬ dui kʼoeˇ taˆ uˆ lahˇ-eu meh. Sahˬpaˬ Miˬyehˇ aˬ dui-ahˇ zahˇ dawˬ kʼoꞈ dawˬ biꞈ laꞈ-awˇ, Sahˬpaˬ Miˬyehˇ aˬ dui-euˬ sahˬ paˬ meh. Aˬ dui-ahˇ aˬ yawꞈ ka kʼoꞈ laꞈ-eu meh.

HeˬByehˇ 7:14

Aˬ yawꞈ Yuˇdaˆ tsawˇ jeuˬ laꞈ kʼoeˇ dehꞈ le-euˬ meh lehˇ yawˬ gʼaˬ na luꞈ siˬ nya-meh. Piˇ ma bi geuꞈ-eu gaˇ kawˆ Moˇseˬ ehˇ ngeh, tsawˇ jeuˬ heu jeuˬ-ahˇ maˬ ehˇ-aˬ.

Zaˬkaˬliˇ 10:11

Shaˬ zahˬ laˆ shaˆ yawꞈ maꞈ tsehˆ ngeh, Sahˬpaˬ Miˬyehˇ pyeuꞈ-eu ngaˇ gʼaˬ, iˇ luˆ dzeh gaˇ daˇ cuiˇ zuiˆ-awˇ, naꞈ-eu Niˬlaˇ lawˇ baˬ baˬ ma, gui coˇ ni ya tsiˇ leˇ tehꞈ-a. Aˬshuˇliˆ nui ma ga juˬ-awˇ, Iˇjiˇtuˆ gʼaˬ baˬ-iˇ tehꞈ-a.

Yeˬsaˬgeˬlaˇ 21:27

Yaw cawˆ tehꞈ meh. Yaw cawˆ tehꞈ meh. Meuˬ heu meuˬ-ahˇ ngaˇ laˆ cawˆ ma. Ehˇ kʼawꞈ, meuˬ heu meuˬ-ahˇ bi laˆ cawˆ-eu lehˇ ngaˬ neh tseˇ doˆ-euˬ gʼaˬ maˬ oe keuˆ kʼoeˇ keuˆ ni, kʼoeˇ loꞈ-ehˇ maˬ jahˇ te siˬ. Kʼoeˇ gʼaˬ-ahˇ meuˬ heu meuˬ biꞈ tsehˆ nehˬ ma.

Panmaeq 11:15

Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ daˇ heh baw ngeh, mˬ kʼoeˇ taˆ teˇ saˇ yaw kʼaˆ-ehˇ lawꞈ gʼa laˇ-awˇ ehˇ-eu, “Miˇ tsaˬ heu kʼoeˇ taˆ uˆ lahˇ-eu baoˬ, nymˬ-mˇ aˬ dui-euˬ Sahˬpaˬ Miˬyehˇ hawˇ-eu aˬ yawꞈ-euˬ Ka li-ahˇ oꞈ-awˇ, mˬ maˬ maˬ byaˆ zaˇ ziˇ aˬ yawꞈ uˆ lahˇ tehꞈ-a.”

Lormav 15:12

Iˇsaˬyaˇ neh paˇ ehˇ taˬ-euˬ, “Yeˬshehˇ-euˬ tsuiꞈ toeˬ oe leꞈ gaˇ, aˬ cawˬ tsawˇ jeuˬ-ahˇ uˆ lahˇ-eu, tsawˇ haˬ tiˬ gʼaˬ doˆ le tehꞈ-a. Aˬ yawꞈ laꞈ kʼoeˇ aˬ cawˬ tsawˇ jeuˬ, noeˬ tmˬ kʼaˇ bi za laˇ tehꞈ-a.”

Yoˇhaˬ 12:32

Miˇ tsaˬ heu kʼoeˇ taˆ ngaˬ-ahˇ kʼahˬ tuˇ ngeh, tsawˇ haˬ yawˬ gʼaˬ na luꞈ ngaˇ jawˇ gaˇ laˇ ni ngaˇ jahˇ ma.”

Zaˬkaˬliˇ 2:11

Aˇ yamˬ kʼoeˇ yamˬ keuˆ laˇ ngeh, tsawˇ jeuˬ gʼawˬ mya ni Sahˬpaˬ Miˬyehˇ jawˇ gaˇ laˇ-awˇ, aˬ yawꞈ-euˬ tsawˇ haˬ pyeuꞈ laˇ tehꞈ-a. Naw maꞈ nehˬ-ehˇ aˬ yawꞈ jawˇ le-awˇ, aˬ yawꞈ neh ngaˬ-ahˇ naw maꞈ jawˇ gaˇ kʼehˇ gʼeh leꞈ-euˬ gaˇ kawˆ, naw maꞈ ya siˬ duˬ tehꞈ-a.

Yeˬlaˬmiˇ 30:21

Aˬ yawꞈ maꞈ-ahˇ yawˬ ha-euˬ tsawˇ jeuˬ neh bi sheuˬ gʼeh-awˇ, yawˬ ha-euˬ tsawˇ haˬ neh bi uˆ lahˇ ma. Aˬ yawꞈ-ahˇ ngaˇ kuˇ-eu miˇ neh, ngaˬ-euˬ dawˬ peh aˬ yawꞈ jiˆ laˇ tehꞈ-a. Ngaˬ neh maˬ kuˇ-euˬ tsawˇ haˬ zaˬ, dawˬ peh jiˆ laˇ peuˬ meh loˇ lehˇ, ngaˇ Sahˬpaˬ Miˬyehˇ ehˇ-eu ma.

Iˇsaˬyaˇ 11:10

Daˬbiˇ-euˬ aˇ jeuˬ aˇ ca laꞈ kʼoeˇ sahˬ paˬ yaw shuiꞈ tiˬ gʼaˬ doˆ laˇ-euˬ gaˇ kawˆ, tsawˇ jeuˬ dawˬ tawˆ luꞈ-ahˇ bi siˬ bi mawˇ-eu aˇ nah keuˆ le tehꞈ-a. Aˬ yawꞈ dzoeˬ dzaˬ-eu meuˬ-ahˇ, aˬ yawꞈ maꞈ uiˬ laˇ-awˇ, aˬ yawꞈ-ahˇ taˬ huiˬ taˬ mahˇ tehꞈ-a.

Yoˇhaˬ 19:15

Aˬ yawꞈ maꞈ guˇ-eu, “Aˬ yawꞈ-ahˇ sehꞈ-awˬ. Aˬ yawˬ-ahˇ sehˬ-awˬ. Laꞈ yaꞈ kʼoeˇ taˆ taꞈ sehꞈ-awˬ.” Sahˬ paˬ Piˇlaꞈ aˬ yawꞈ maꞈ-ahˇ ehˇ nehˬ-eu, “Naw maꞈ-euˬ sahˬ paˬ-ahˇ laꞈ yaꞈ kʼoeˇ taˆ taꞈ sehꞈ-awˬ loˇ.” Piˇ ma aˬ yuiꞈ deuˬ ehˇ-eu, “Nga maꞈ-euˬ sahˬ paˬ-aˬ sahˬ paˬ Gehˇsaˬ tiˬ gʼaˬ tehꞈ ma.”

Maꞈtehˬ 1:21

Aˬ yawꞈ aˬ li tiˬ li ciˬ tehꞈ-a. Aˬ li kʼoeˇ li-ahˇ Yeˬsuˇ lehˇ nawˇ myahˇ nehˬ-awˬ. Aˬ jeˬ miˇ neh ehˇ naˇ, aˬ li kʼoeˇ li-aˬ, aˬ yawꞈ-euˬ tsawˇ haˬ deuˬ-ahˇ iˬ baˇ laꞈ kʼoeˇ ka kʼoꞈ doˆ nehˬ tehꞈ-a.”

Iˇsaˬyaˇ 62:11

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ heu loꞈ-ehˇ ehˇ luꞈ meh. “Naw maꞈ-ahˇ ka kʼoꞈ-eu gʼaˇ duˬ, aˬ yawꞈ neh ka kʼoꞈ doˆ laꞈ-euˬ tsawˇ haˬ deuˬ-ahˇ sheuˬ-awˇ, Sahˬpaˬ Miˬyehˇ oe luꞈ meh lehˇ, Yeˬluˇsaˬlehˬ tsawˇ haˬ-ahˇ ehˇ nehˬ-awˬ.”

Hawˇseˬ 11:12

Sahˬpaˬ Miˬyehˇ ehˇ-eu dawˬ-aˬ, “Iˇsaˬleˬlaˆ tsawˇ haˬ ngaˬ-ahˇ, jaˬ myawꞈ mehˇ shuiˇ sheu lahˇ-euˬ meh. Saˇ jaˇ ziꞈ-awˇ muiˬ-eu shawˇ-eu, ngaˇ loꞈ-ehˇ gʼeh-eu Miˬyehˇ-ahˇ, Yuˇdaˆ tsawˇ haˬ iˬ nah keuˆ ni, maˬ tsehˆ leˇ ni puiˬ luꞈ-eu meh.”

Iˇsaˬyaˇ 60:1

Yeˬluˇsaˬlehˬ meuˬ-oˇ, tuˇ-awˬ. Nawˬ-euˬ yaw shehꞈ keuˆ le-euˬ meh. Sahˬpaˬ Miˬyehˇ-euˬ yaw shehꞈ kʼahˬ sehˇ, nawˬ-euˬ kʼoeˇ taˆ doˆ laˇ luꞈ meh.

Iˇsaˬyaˇ 2:2

Aˬ kaˇ mehˬ hu paw keuˆ le-eu aˇ nah aˇ yamˬ laꞈ kʼoeˇ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma jaˆ-eu gawˬ jawˬ kʼoeˇ, gawˬ jawˬ dawˬ tawˆ luꞈ kʼoeˇ taˆ goˇ dzehˬ laˇ-awˇ, gawˬ duˇ dawˬ tawˆ luꞈ kʼoeˇ taˆ jaˆ tehꞈ-a. Tsawˇ jeuˬ dawˬ tawˆ luꞈ kʼoeˇ gaˇ le uiˬ jiˇ-awˇ,

Jaceuq 108:8

Giˇlaˆ miˇ kʼahˬ ngaˬ-euˬ ma. Maˬnaˇseˬ miˇ kʼahˬ kʼawꞈ ngaˬ-euˬ ma. Eˇpaˬleˬ miˇ kʼahˬ ngaˬ-euˬ guiˇ deuˆ uˬ kʼoˆ pyeuꞈ-awˇ, Yuˇdaˆ miˇ kʼahˬ ngaˇ tuˆ tehˬ luꞈ-eu dzoeˬ dzaˬ gawˬ yoeˬ pyeuꞈ-eu ma.

Bawˇtsahˬ 21:18

Sahˬ paˬ deuˬ neh duˬ-euˬ lah duˬ, Iˇsaˬleˬlaˆ aˬ yuiꞈ aˬ tsu deuˬ neh duˬ-euˬ lah duˬ, sahˬ paˬ-euˬ jmˬ hawˇ-eu aˬ yawꞈ maꞈ-euˬ gawˬ yoeˬ yuˇ-awˇ duˬ-euˬ lah duˬ.” Bawˇ tsahˬ bawˇ dahˇ kʼoeˇ tsahˇ-ahˇ neh, Maˬtaˬnaˬ-ahˇ aˬ yawꞈ maꞈ iˇ-euˬ meh.

Maꞈtehˬ 25:32

Miˇ tsaˬ tsawˇ jeuˬ tsawˇ ca dawˬ tawˆ luꞈ aˬ yawꞈ-euˬ mehˬ shi uiˬ laˇ tehꞈ-a. Yawˇ bo-eu tsawˇ haˬ yawˇ hawˇ-eu ciꞈ myehꞈ biˇ paˆ-eu loꞈ-ehˇ, tsawˇ haˬ kʼoeˇ deuˬ-ahˇ aˬ yawꞈ nyiˬ muˇ biˇ paˆ tehꞈ-a.

Maꞈtehˬ 21:9

Yeˬsuˇ-euˬ mehˬ hu paw hawˇ-eu, mehˬ nah paw cah luꞈ-eu tsawˇ haˬ aˇ maꞈ kʼoeˇ deuˬ, heu loꞈ-ehˇ guˇ-eu meh. “Daˬbiˇ-euˬ Zaˬmaˇ-ahˇ ja ceuˬ-awˬ. SahˬpaˬMiˬyehˇ-euˬ tsawˇ myahˇ uˬ moˆ oe-euˬ gʼaˬ-ahˇ, Miˬyehˇ guiˬ lahˬ biꞈ luꞈ-uˇ. Miˬyehˇ-ahˇ jaˬ ceuˬ-awˬ.”

Maꞈtehˬ 17:5

Beˬtuˆluˆ kʼoeˇ loꞈ-ehˇ ehˇ luꞈ ngeh, yaw shehꞈ bya-eu mˬ dmˇ aˬ yawꞈ maꞈ kʼoeˇ taˆ zaꞈ le-awˇ, “Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ zaˬ maˇ ma. Aˬ yawꞈ-euˬ dawˬ-ahˇ naˇ haˬ geuꞈ-awˬ” lehˇ, mˬ dmˇ laꞈ kʼoeˇ dawˬ ngehˬ doˆ laˇ-euˬ meh.

Haˬgaiˇ 2:7

Miˇ tsaˬ tsawˇ jeuˬ dawˬ tawˆ luꞈ ngaˇ ngawˬ zuˆ ka-awˇ, aˬ yawꞈ maꞈ-euˬ pyuˇ shuiˇ dawˬ tawˆ luꞈ heu gaˇ bi laˇ keuˆ jiˇ-awˇ, Uˬ duˬ tahˬ nymˇ nymˇ ma bi byah laˇ ma.

Daˬyeˬlaˇ 9:25

Gaˇ kawˆ heu gʼoˆ shaw-awˇ juiˇ taˬ-awˬ. Yeˬluˇsaˬlehˬ meuˬ bi tsoˆ muiˬ-eu gʼaˇ duˬ dawˬ biꞈ-euˬ aˇ yamˬ-ahˇ neh, Miˬyehˇ neh tsiˇ shehˆ daˆ-awˇ tseˇ doˆ taˬ-euˬ uˆ lahˇ-eu gʼaˬ oe keuˆ ngeh keuˆ ni, shiꞈ kʼoꞈ, shiꞈ poˆ myahˇ tehꞈ-a. Yeˬluˇsaˬlehˬ meuˬ hawˇ-eu meuˬ laꞈ kʼoeˇ jaˆ-eu gaˇ ma deuˬ gawˬ muiˬ tsoˆ muiˬ jiˇ-awˇ, muiˇ-eu deuˬ guiˇ maˬ bi deuˆ gʼaˬ laˇ nya ni, ziꞈ dah ni gʼeh-eu taˆ deuˬ gawˬ ziꞈ tsoˆ ziꞈ gʼaˬ-awˇ, koꞈ tseˇ nyiꞈ kʼoꞈ, shiꞈ poˆ keuˆ ni gmˬ tehꞈ-a. Ehˇ kʼawꞈ, aˇ yamˬ kʼoeˇ yamˬ-aˬ, shaˬ zahˬ naꞈ-eu aˇ yamˬ pyeuꞈ tehꞈ-a.

Yeˬsaˬgeˬlaˇ 19:14

Uˬ neh-ahˇ miˬ dzaˬ myawꞈ keuˆ-awˇ, uˬ pyaˬ hawˇ-eu aˇ siˬ deuˬ-ahˇ, miˬ dzaˬ neh bi puiˆ dzaˬ-euˬ meh. Uˬ pyaˬ uˬ laꞈ maˬ paˇ deuˇ-ehˇ, dzoeˬ dzaˬ gawˬ yoeˬ maˬ paˇ pyeuꞈ meh. Heu-aˬ, tsawˇ ngoeˇ ngoeˇ-eu caˇ dawˬ meh. Caˇ dawˬ heu bymˇ aˬ myah luꞈ caˇ luꞈ-eu meh.

2 Gawˇliˬtu 5:10

Aˬ jeˬ miˇ neh ehˇ naˇ, aˬ dui dawˬ tawˆ luꞈ Ka li yaˇ kʼaˬ daˇ-eu nuiˇ mahˬ mehˬ shi ya uiˬ leˇ jiˇ meh. Tsawˇ haˬ yawˬ gʼaˬ na luꞈ shiˬ shaˬ jiˇ gʼawˇ mawˇ heu laꞈ kʼoeˇ kʼaˇ mˇ kʼaˇ shaˇ dzeuˇ-euˬ loꞈ-ehˇ, muiˬ-eu maˬ ehˇ, doeˇ-eu maˬ ehˇ, yawˬ ha-ahˇ kʼaˇ oꞈ-eu jeˬ za tehꞈ-a.

Yoˇhaˬ 19:12

Dawˬ kʼoeˇ dawˬ-ahˇ sahˬ paˬ Piˇlaˆ ya gaˬ ngeh, Yeˬsuˇ-ahˇ pyehˬ nehˬ-eu gaˇ ma poˆ-euˬ meh. Ehˇ kʼawꞈ, tsawˇ haˬ aˇ maꞈ guˇ-awˇ ehˇ-eu, “Nawˇ aˬ yawꞈ-ahˇ pyehˬ nehˬ te lehˇ ngeuˇ naˇ, nawˇ sahˬ paˬ Gehˇsaˬ-euˬ cawˬ maˬ paˇ ngeuˇ meh. Yawˬ haˇ yawˬ ha sahˬ paˬ ma lehˇ ehˇ-eu tsawˇ haˬ-aˬ, sahˬ paˬ Gehˇsaˬ-ahˇ puiˬ-eu tsawˇ haˬ meh.”

Yoˇhaˬ 18:31

Sahˬ paˬ Piˇlaˆ ehˇ-eu, “Toˆ-ehˇ ngeuˇ naˇ, naw maꞈ aˬ yawꞈ-ahˇ sheuˬ kʼoꞈ gʼeh-awˇ, naw maꞈ-euˬ zahˇ sahˇ kʼoꞈ kʼaˇ jaˆ-eu loꞈ-ehˇ yaˇ kʼa daˇ-awˬ.” Aˬ yawꞈ maꞈ ehˇ-eu “Nga maꞈ tsawˇ haˬ maˬ sehꞈ kʼmˬ-a.”

Yeˬsaˬgeˬlaˇ 19:11

Uˬ pyaˬ uˬ laꞈ yaw deuˇ miˇ neh, dzoeˬ dzaˬ gawˬ yoeˬ pyeuꞈ laˇ-euˬ meh. Mˬ dmˇ tuˆ ni goˇ-eu miˇ neh, aˇ paꞈ sahˇ-awˇ goˇ dui dui gaˇ, yawˬ gʼaˬ na luꞈ mawˇ nya-eu meh.

Yoˇhaˬ 9:7

“Siˇlamˬ lah-ahˇ myaˆ duꞈ puꞈ shawˇ-iˇ-awˬ” lehˇ ehˇ nehˬ-euˬ meh. (Siˇlamˬ lehˇ ehˇ-eu dawˬ tsuiꞈ-aˬ, ‘Kʼehˇ gʼeh-euˬ’ lehˇ ehˇ mawꞈ-eu meh.) Kʼoeˇ ngeh, tsawˇ haˬ kʼoeˇ gʼaˬ myaˆ duꞈ puꞈ shawˇ-iˇ-awˇ, myaˆ nuiˆ mawˇ laˇ-awˇ gʼoꞈ laˇ-euˬ meh.

Yeˬlaˬmiˇ 33:26

Yaˬkoˆ-euˬ zaˬ deuˬ uˆ deuˬ hawˇ-eu ngaˬ-euˬ zaˬ kʼaˆ Daˬbiˇ-ahˇ ngaˬ neh dzaˬ taˬ-euˬ saˇ jaˇ heu, maˬ poˆ maˬ paˇ laˇ ni bi ziꞈ ma. Aˬbyaˬhaˬ, Iˇtsaˆ hawˇ-eu Yaˬkoˆ-euˬ zaˬ deuˬ uˆ deuˬ-ahˇ bi uˆ lahˇ-eu gʼaˇ duˬ, Daˬbiˇ-euˬ zaˬ deuˬ uˆ deuˬ laꞈ kʼoeˇ, sahˬ paˬ tiˬ gʼaˬ ngaˇ tseˇ doˆ ma. Ngaˬ-euˬ tsawˇ jeuˬ-ahˇ ngaˇ gʼawˬ shaˬ gaˬ-awˇ, paˇ bi dehꞈ dzaˬ laˇ ma.”

Bawˇtsahˬ 24:19

Iˇsaˬleˬlaˆ tsawˇ jeuˬ neh aˬ yawꞈ maꞈ-ahˇ nawˬ lah gʼeh-awˇ, meuˬ tiˬ meuˬ-iˬ maˬ dzeˇ-ehˇ pyeuꞈ-iˇ ngeh keuˆ ni deuˆ tehꞈ-a.”

2 Saˬmeuˬlaˆ 7:13

Aˬ yawꞈ-aˬ, ngaˬ-euˬ gʼaˇ duˬ uˬ duˬ tahˬ nymˇ ya tsoˆ-eu gʼaˬ pyeuꞈ-awˇ, aˬ yawꞈ-euˬ dzoeˬ dzaˬ ziꞈ ni ngaˇ caw ba nehˬ ma.

2 Saˬmeuˬlaˆ 7:16

Nawˬ-euˬ zaˬ nawˬ-euˬ uˆ deuˬ aˬ myah luꞈ maˬ tsehˆ leˇ ni dehꞈ-awˇ, nawˬ-euˬ dzoeˬ dzaˬ mˬ maˬ maˬ byaˆ zaˇ ziˇ ziꞈ tehꞈ-a. Nawˬ neh nuiˇ-euˬ dzoeˬ dzaˬ nuiˇ mahˬ kʼawꞈ, tiˬ jawˇ-iˬ aˇ saˬ saˬ-euˬ maˬ baw-aˇ’ lehˇ, ngaˬ-euˬ zaˬ kʼaˆ Daˬbiˇ-ahˇ ehˇ nehˬ-awˬ.”

1 Laˬsaˬbaˬ 12:24

Yuˇdaˆ tsawˇ jeuˬ laꞈ kʼoeˇ, dehˬ daˬ duˬ hawˇ-eu gahˬ baꞈ luꞈ-eu koꞈ heˇ yehꞈ yaˇ gʼaˬ,

1 Laˬsaˬbaˬ 12:39

Kʼoeˇ gaˇ jawˇ-eu aˬ yawꞈ maꞈ tsawˇ jeuˬ Iˇsaˬleˬlaˆ tsawˇ haˬ deuˬ neh laˆ saˆ taˬ-euˬ dzaˬ dzaˬ dawˇ dawˇ deuˬ-ahˇ dzaˬ-awˇ, Daˬbiˇ nehˬ-ehˇ aˬ yawꞈ maꞈ smˬ nah jawˇ-euˬ meh.

Jaceuq 60:9

Miˬyehˇ-oˇ, ziꞈ dah ni gawˬ ziꞈ taˬ-euˬ meuˬ-ahˇ aˬ suˇ gʼaˬ ngaˬ-ahˇ sheuˬ gʼeh nehˬ laꞈ nmˇ. Eˬdoˬ miˇ kʼahˬ-ahˇ aˬ suˇ gʼaˬ ngaˬ-ahˇ sheuˬ gʼeh nmˇ.

Jaceuq 78:68

Ehˇ kʼawꞈ Yuˇdaˆ tsawˇ jeuˬ hawˇ-eu aˬ yawꞈ gaˬ-eu Ziˇoˬ gawˬ jawˬ-ahˇ, aˬ yawꞈ tseˇ doˆ-euˬ meh.

Iˇsaˬyaˇ 55:3

“Naˬ bawˇ ciˬ kʼmˇ-awˇ ngaˇ jawˇ gaˇ laˇ-awˬ. Dehꞈ-eu saꞈ laˇ za ni naˇ haˬ laˇ-awˬ. Mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ, naw maꞈ nehˬ-ehˇ ngaˇ dzaˬ-eu ma. Daˬbiˇ-ahˇ saˇ jaˇ biꞈ taˬ-euˬ guiˬ lahˬ, naw maꞈ-ahˇ ngaˇ biꞈ ma.

Yeˬsaˬgeˬlaˇ 21:32

Miˬ dzaˬ neh laˆ cawˆ nehˬ gaˇ naw maꞈ ya daˬ tehꞈ-a. Naw maꞈ yawˬ ha-euˬ miˇ kʼahˬ laꞈ kʼoeˇ shiˬ ya yoeˇ-awˇ, tsawˇ haˬ tiˬ gʼaˬ-iˬ naw maꞈ-ahˇ maˬ noeˬ mawˇ ni ngehˇ byoˆ jiˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Miˇkaˬ 5:1

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ-euˬ guiˇ maꞈ deuˬ kuˇ uiˬ-awˬ. Aˬ dui maꞈ-ahˇ aˬ cawˬ jawˬ lahˇ taˬ-euˬ meh. Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-euˬ baˬ ba-ahˇ aˬ yawꞈ maꞈ daˇ cuiˇ neh juiꞈ-eu lehˇ gʼeh luꞈ meh.