Aˇ dahˬ 47:30 - Akha

³⁰ Ngaˬ bawˇ hawˇ-eu ngaˬ da-ahˇ baꞈ pahˬ-euˬ miˇ tsaˬ-ahˇ, ngaˬ-ahˇ bi baꞈ pahˬ mawꞈ miˇ-a. Ngaˬ-ahˇ Iˇjiˇtuˆ miˇ kʼahˬ laꞈ kʼoeˇ neh baꞈ doˆ gʼeh-awˇ, aˬ yawꞈ nyaꞈ-ahˇ baꞈ pahˬ taˬ-euˬ tsahˇ-ahˇ baꞈ pahˬ nehˬ laꞈ-awˬ.” Yoˇsehˆ ehˇ-eu, “Nawˬ neh kʼaˇ ehˇ nehˬ laꞈ-euˬ loꞈ-ehˇ jahˇ nehˬ ma.”

Aˇ dahˬ 47:30 Referans Kwoze

Aˇ dahˬ 25:9

Aˬ yawꞈ-euˬ aˬ li Iˇtsaˆ hawˇ-eu Iˇshaˬmeˬlaˇ aˬ nyaꞈ nmˇ neh, Mamˬliˬ meuˬ-euˬ nahˇ ma doˆ kʼehˬ paw jaˆ-eu miˇ tsaˬ pehˇ tsahˇ kʼoeˇ tsahˇ laꞈ kʼoeˇ, Maˬpeˬlaˇ lo kʼahˬ-ahˇ aˬ yawꞈ-ahˇ baꞈ pahˬ nehˬ-euˬ meh. Miˇ tsaˬ pehˇ tsahˇ kʼoeˇ tsahˇ-aˬ, yaw beh Heˬtaˆ tsawˇ jeuˬ Zoˇhaˬlaˆ-euˬ aˬ li Eˇpyoˬ-euˬ miˇ tsaˬ pyeuꞈ-eu meh.

Aˇ dahˬ 23:19

Kʼoeˇ naˇ, Aˬbyaˬhaˬ-aˬ, Kaˬnaˬ miˇ kʼahˬ laꞈ kʼoeˇ jaˆ-eu lo kʼahˬ kʼoeˇ kʼahˬ laꞈ kʼoeˇ, aˬ yawꞈ-euˬ nymˇ dahˬ-ahˇ baꞈ pahˬ-euˬ meh.

Neˬhaˬmiˇ 2:5

sahˬ paˬ-ahˇ heu loꞈ-ehˇ ehˇ nehˬ-euˬ ma. “Sahˬ paˬ-oˇ, nawˇ ngaˬ-ahˇ nui ma tsaˬ-awˇ ngaˬ neh shaˇ-euˬ jeˬ biꞈ laꞈ ma lehˇ ngeuˇ naˇ, ngaˬ-euˬ aˬ poeˬ aˬ bawˇ deuˬ-euˬ lmˬ bymˇ jaˆ-eu Yuˇdaˆ miˇ kʼahˬ meuˬ kʼoeˇ meuˬ-ahˇ ngaˬ-ahˇ bi gʼoꞈ leˇ laꞈ-awˇ, meuˬ kʼoeˇ meuˬ bi tsoˆ muiˬ leˇ nehˬ laꞈ.”

Neˬhaˬmiˇ 2:3

Ehˇ kʼawꞈ aˬ yawꞈ-ahˇ ngaˇ heu loꞈ-ehˇ ehˇ kʼoꞈ nehˬ-euˬ ma. “Sahˬ paˬ-oˇ, nawˇ ziˇ baw ziˇ za luꞈ-uˇ. Ngaˬ-euˬ aˬ poeˬ aˬ bawˇ deuˬ-euˬ lmˬ bymˇ jaˆ-eu meuˬ cawˆ-iˇ-awˇ, meuˬ lahˇ laˇ gʼoˆ deuˬ-ahˇ miˬ dzaˬ puiˆ dzeh jiˇ-euˬ miˇ neh, ngaˬ-ahˇ maˬ noeˬ shaˬ-ehˇ maˬ jawˇ tehˬ coeˇ nya.”

1 Sahˬpaˬ 13:22

Aˬ yawꞈ neh taˬ dzaˬ taˬ dawˇ lehˇ ehˇ taˬ-euˬ jawˇ duˬ-ahˇ nawˇ paˇ gʼoꞈ poˆ laˇ-awˇ, hawˬ tiˬ byawˇ dzaˬ laˇ-euˬ meh. Kʼoeˇ baˬ da neh nawˇ ya shiˇ tehꞈ-a. Ehˇ kʼawꞈ, nawˬ-euˬ aˬ poeˬ aˬ bawˇ deuˬ-euˬ lmˬ bymˇ-ahˇ nawˬ-ahˇ maˬ baꞈ pahˬ nehˬ-aˇ.”

2 Saˬmeuˬlaˆ 19:37

Kʼoeˇ naˇ, ngaˬ-ahˇ bi gʼoꞈ le laꞈ-awˇ, ngaˬ ma ngaˬ da-euˬ lmˬ bymˇ dawˬ peh ziˇ bi dehꞈ jiˇ laꞈ-awˬ. Ehˇ kʼawꞈ, ngaˬ li Ciˇmaˬhaˬ gʼaˬ heu gaˇ jawˇ ma. Nawˬ nehˬ-ehˇ sheuˬ gʼeh-awˇ, nawˇ kʼaˇ bi geuꞈ mawꞈ-eu jeˬ bi geuꞈ-awˬ.”

Aˇ dahˬ 50:25

“Miˬyehˇ naw maꞈ-ahˇ miˇ kʼahˬ kʼoeˇ kʼahˬ laꞈ kʼoeˇ sheuˬ gʼeh nehˬ laꞈ ngeh, ngaˬ-euˬ gʼawˇ mawˇ-ahˇ kʼawꞈ kʼoeˇ gaˇ baꞈ gʼeh-eu gʼaˇ duˬ, naw maꞈ saˇ jaˇ dzaˬ-awˬ” lehˇ Yoˇsehˆ ehˇ-awˇ, aˬ yawꞈ-euˬ tsawˇ haˬ deuˬ-ahˇ saˇ jaˇ bi dzaˬ-euˬ meh.

Aˇ dahˬ 15:15

Nawˇ-aˬ, mawˬ-iˇ ngeh keuˆ ni saˇ lehˆ ni ya dehꞈ-awˇ, coꞈ ngehˇ ni ziˇ ya dehꞈ jiˇ-eu uˬ taꞈ, aˬ cawˬ nawˬ-ahˇ yaw muiˬ-ehˇ baꞈ pahˬ nehˬ laꞈ tehꞈ-a.

Aˇ dahˬ 23:17

Kʼoeˇ miˇ neh, Mamˬliˬ meuˬ-euˬ nahˇ ma doˆ kʼehˬ paw jaˆ-eu, Eˇpaˬloˬ-euˬ miˇ tsaˬ pyeuꞈ-eu Maˬpeˬlaˇ lehˇ kuˇ-eu miˇ tsaˬ pehˇ tsahˇ kʼoeˇ tsahˇ-aˬ, Aˬbyaˬhaˬ-euˬ miˇ tsaˬ pyeuꞈ laˇ-euˬ meh. Miˇ tsaˬ pehˇ tsahˇ kʼoeˇ tsahˇ laꞈ kʼoeˇ, deh yaˇ tiˬ kawˬ, lmˬ bymˇ lo kʼahˬ tiˬ kʼahˬ hawˇ-eu, kʼoeˇ gaˇ kʼaˇ dehꞈ-eu aˇ bawˇ deuˬ ahˇ-eu meh.

Aˇ dahˬ 25:10

Miˇ tsaˬ pehˇ tsahˇ kʼoeˇ tsahˇ-ahˇ, Heˬtaˆ tsawˇ haˬ-euˬ laꞈ-ahˇ neh Aˬbyaˬhaˬ zeuˇ tsehˆ taˬ-euˬ meh. Aˬbyaˬhaˬ-ahˇ maˬ ehˇ, Saˬlaˇ-ahˇ maˬ ehˇ, kʼoeˇ gaˇ baꞈ pahˬ nehˬ-euˬ meh.

Aˇ dahˬ 35:29

Tsawˇ mawˬ mawˬ dui dui laˇ-awˇ neh hawˇ-eu aˬ yawꞈ ziˇ jiˇ-awˇ, aˬ yawꞈ-euˬ aˬ li Iˇsawˇ hawˇ-eu Yaˬkoˆ aˬ nyaꞈ nmˇ neh, aˬ yawꞈ-ahˇ baꞈ pahˬ-euˬ meh.

Dawˬmehˬ 31:16

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Gʼawˬ myahˇ maˬ gʼeh-ehˇ nawˇ ziˇ jiˇ le tehꞈ-a. Nawˇ shiˇ dzeuˇ ngeh, tsawˇ haˬ heu deuˬ ngaˬ-ahˇ saˇ jaˇ maˬ ziꞈ ni pyeuꞈ-iˇ-awˇ, ngaˬ neh aˬ yawꞈ maꞈ nehˬ-ehˇ dzaˬ taˬ-euˬ dawˬ ma saˇ jaˇ-ahˇ aˬ yawꞈ maꞈ puiˬ tehꞈ-a. Aˬ yawꞈ maꞈ ngaˬ-ahˇ byehˇ dzeh-awˇ, aˬ yawꞈ maꞈ jawˇ leˇ-eu lehˇ gʼeh-eu miˇ kʼahˬ laꞈ kʼoeˇ, lawˇ ciꞈ zaˬ deuˬ-euˬ miˬyehˇ deuˬ-ahˇ aˬ yawꞈ maꞈ uˬ duˬ tahˬ tehꞈ-a.

2 Saˬmeuˬlaˆ 2:32

Yoˇbaˬ hawˇ-eu aˬ yawꞈ-euˬ tsawˇ haˬ deuˬ Aˬsaˬheˬlaˇ-euˬ gʼawˇ mawˇ baꞈ-awˇ, Behˬlehˬhehˬ meuˬ-ahˇ jaˆ-eu aˬ yawꞈ pehˬ aˇ jeuˬ-euˬ lmˬ bymˇ-ahˇ baꞈ pahˬ yaꞈ-euˬ meh. Aˬ yawꞈ maꞈ uˬ ciꞈ miˇ lah-ehˇ gʼoꞈ leˇ-awˇ, uˬ bya bya laˇ ngeh Heˬbyoˬ meuˬ-ahˇ gʼoꞈ keuˆ leˇ-euˬ meh.