Aˇ dahˬ 46:31 - Akha

³¹ Kʼoeˇ naˇ, aˬ yawꞈ-euˬ mehˇ nmˇ deuˬ hawˇ-eu, aˬ yawꞈ aˬ da-euˬ miˬ sawˇ zaˬ deuˬ dawˬ tawˆ luꞈ-ahˇ, Yoˇsehˆ heu loꞈ-ehˇ ehˇ nehˬ-euˬ meh. “Sahˬ paˬ jawˇ gaˇ le-awˇ, Kaˬnaˬ miˇ kʼahˬ-ahˇ jawˇ-eu ngaˬ-euˬ mehˇ nmˇ deuˬ hawˇ-eu ngaˬ da-euˬ miˬ sawˇ zaˬ dawˬ tawˆ luꞈ, ngaˇ jawˇ gaˇ oe keuˆ gʼaˬ-euˬ gaˇ kawˆ ya ehˇ nehˬ leˇ nga siˬ.

Aˇ dahˬ 46:31 Referans Kwoze

HeˬByehˇ 2:11

Aˬ yawꞈ-aˬ, tsawˇ haˬ zaˬ-ahˇ iˬ baˇ shawˇ nehˬ-eu gʼaˬ pyeuꞈ-eu meh. Aˬ yawꞈ hawˇ-eu aˬ yawꞈ neh iˬ baˇ shawˇ nehˬ-euˬ tsawˇ haˬ dawˬ tawˆ luꞈ, Aˬ da tiˬ da-ahˇ taꞈ-eu tehꞈ meh. Kʼoeˇ miˇ neh, aˬ yawꞈ maꞈ-ahˇ aˬ yawꞈ-euˬ mehˇ nmˇ lehˇ ya kuˇ gaˇ aˬ yawꞈ maˬ shaꞈ dawˇ-a.

Gʼaˬkʼehˇ 18:3

Aˬ nyaꞈ dzeˇ zaˬ nehˬ-ehˇ aˬ yawꞈ jawˇ-awˇ gaˇ mˇ-euˬ meh. Aˬ jeˬ miˇ neh ehˇ naˇ, aˬ yawꞈ kʼawꞈ, aˬ nyaꞈ dzeˇ zaˬ loꞈ-ehˇ saˬ paˇ sehˬ gʼawˆ guꞈ ahˬ-awˇ dehꞈ-eu tsawˇ haˬ pyeuꞈ-eu meh.

Aˇ dahˬ 46:30

Kʼoeˇ ngeh, Yaˬkoˆ ehˇ-eu, “Nymˬ-mˇ ngaˇ nawˬ-ahˇ ya haw mawˇ gʼaˬ-awˇ, nawˇ yaw dehꞈ dehꞈ luꞈ nga siˬ lehˇ ya siˬ duˬ-euˬ miˇ neh, ngaˇ ya shiˇ law hawˇ kʼawꞈ shiˇ mahˇ tsahˇ miˇ-a.”

Aˇ dahˬ 46:32

Naw maꞈ jeˬ zaˬ cu dzaˬ-eu tsawˇ haˬ pyeuꞈ-awˇ, naw maꞈ nehˬ-ehˇ kʼaˇ jawˇ-eu jeˬ zaˬ dawˬ tawˆ luꞈ teh ka leꞈ jiˇ-awˇ, kʼaˇ jaˆ-eu pyuˇ shuiˇ myawˬ gahˬ dawˬ tawˆ luꞈ yuˇ leꞈ jiˇ-euˬ gaˇ kawˆ, sahˬ paˬ-ahˇ ngaˇ dzawˇ nehˬ leˇ ma.